Православный календарь
Рекомендуем посетить
Музыковский Покровский мужской монастырь Херсонской епархии
УПЦ

НОВАЯ ИНФОРМАЦИЯ

Расписание богослужений в Свято-Духовском кафедральном соборе на январь 

 

 

Акафист святителю СПИРИДОНУ ТРИМИФУНТСКОМУ

 

 

День памяти:

 

25 декабря (н.ст.)

 

 

Тропарь, глас 4

 

Собора Перваго показался еси поборник и чудотворец, Богоносе Спиридоне, отче наш. Темже мертву ты во гробе возгласив, и змию в злато претворил еси, и внегда пети тебе святыя молитвы, Ангелы сослужащия тебе имел еси, священнейший. Слава Давшему тебе крепость, слава Венчавшему тя, слава Действующему тобою всем исцеления.
 

 

 

Кондак, глас 2

 

Любовию Христовою уязвився, священнейший, ум вперив зарею Духа, детельным видением твоим деяние обрел еси, Богоприятне, жертвенник Божественный быв, прося всем Божественнаго сияния.

 

 

Кондак 1

Препрославленный от Господа святителю и чудотворче Спиридоне! Ныне всечестную память твою празднующе, яко много могущему споспешествовати нам о прославльшем тя Христе, умильно вопием ти: избави нас от всяких бед и зол, да с благодарением зовем ти: Радуйся, Спиридоне, предивный чудотворче.
 
 

Икос 1

От юности украшенный всеми добродетельми, житием своим Ангелом подражавый, ты, святителю Спиридоне, воистину показался еси друг Христов; мы же зряще тя, небеснаго человека и земнаго ангела, со благоговением умильно вопием ти:
Радуйся, уме, созерцаяй тайны Пресвятыя Троицы.
Радуйся, обогативыйся Духа пресветлым осиянием.
Радуйся, светильниче многосветлый.
Радуйся, ум твой безстрастием просветивый.
Радуйся, измлада истинную простоту и безмолвие возлюбивый.
Радуйся, украшение целомудрия.
Радуйся, любве неистощимая струя.
Радуйся, яко страннолюбию Авраама подражал еси.
Радуйся, яко всем любвеобильно входы дома своего отверзал еси.
Радуйся, нищих предстателю.
Радуйся, пред нимже благоговеют людие.
Радуйся, яко ты еси обиталище Пресвятаго Духа.
Радуйся, Спиридоне, предивный чудотворче.

 

Кондак 2

Видяще остров Кипр и вся христианския страны нетленныя мощи твоя, святителю, от нихже истекают обильная исцеления, возрадовашася; и мы, почитающе тя яко преобильнаго источника благодати, низпосланнаго свыше нам, вопием к Верховному Подателю Небесных и земных благ: Аллилуиа.

 

Икос 2

Разум Божественный имый, аще сый пастырь безсловесных овец, ты произволением Пастыреначальника Христа избран был еси в пастыря овец словесных. Вернии же, разумевше тя добраго пастыря, неусыпно о стаде своем пекущагося, воспеваху:
Радуйся, архиерее Бога Вышняго, в хиротонии восприявый обильно Божественную благодать.
Радуйся, светильниче многосветлый, горяй и светяй.
Радуйся, верный делателю в вертограде Христовом.
Радуйся, пастырю, на пажити веры и благочестия паству свою воспитавый.
Радуйся, сияньми добродетелей твоих мир просвещавый.
Радуйся, Престолу Христову Божественную Жертву приносивый.
Радуйся, иерарше, разумением Православия украшенный.
Радуйся, апостольскаго учения исполненный, верных струями спасительнаго учения напаяяй.
Радуйся, яко и мудрых озарил еси.
Радуйся, яко и простых сердца обновил еси.
Радуйся, славо православных и Церкве непоколебимое утверждение.
Радуйся, украшение отцев, славо и похвало иереев благоговейных.
Радуйся, Спиридоне, предивный чудотворче.
 
 

Кондак 3

Силою Вышняго, осенившею тя, святителю Спиридоне, богомудр ты показался еси и, сжавши дланию глину, троичность Лиц всем очевидно уяснил еси; темже лжемудрии философи, собравшиися на Соборе, ужасошася, вернии же непостижимаго прославиша Бога, умудрившаго тя во спасение, вопиюще Ему: Аллилуиа.

 

Икос 3

Имеюще тя в помышлениих своих вси отцы Собора проста, неискусна в книжнем учении, молиша тя, отче Спиридоне, не препиратися словесы с ветиею, мнящимся мудр быти. Ты же, святителю, ревностию по Бозе распалаемый, веруя, яко проповедь Христова не в препретельных мудрости человеческия словесех, но в явлении духа и силы, премудре того обличив, вразумил и на путь истинный наставил еси. Вси, видевше чудо сие, взываху:
Радуйся, свете православныя мудрости.
Радуйся, яко глаголемых быти мудрых совопросников посрамил еси.
Радуйся, источниче, благодатию обильный.
Радуйся, непоколебимый столпе, твердо содержащий сущих в вере.
Радуйся, омрачаяй всепагубную ересь.
Радуйся, чрез негоже попрано бысть безумие.
Радуйся, яко персть земная проповеда твоима рукама Святую Троицу.
Радуйся, яко из глины извел еси огнь и воду во утверждение догмата Святыя Троицы.
Радуйся, яко просветил еси люди славити Слово, воистинну единосущное Пребезначальному Отцу.
Радуйся, яко змиеву главу пагубныя Ариевы ереси поразил еси.
Радуйся, яко тобою пожерта бысть злоба.
Радуйся, невернаго мудреца совопросника к истинней вере обративый.
Радуйся, Спиридоне, предивный чудотворче.

 

Кондак 4

Жизнь проводя в убожестве и нищете, нищим и бедным был еси питатель и помощник и, любве ради к нищим, змия в злато преложил еси и дал еси оное требующему твоея помощи. Дивящеся о чудеси сем, благодарственно вопием к Богу: Аллилуиа.

 

Икос 4

Слышано бысть всем и всюду, яко святитель Спиридон воистину есть жилище Святыя Троицы: вселися бо в нем Бог Отец, Бог Слово и Бог Дух Святый. Сего ради ты словесы и деяньми проповедал еси всем христианом воплощеннаго истиннаго Бога, вопиющим:
Радуйся, словес Божиих таинниче.
Радуйся, Домостроительство Божие о спасении мира уяснивый.
Радуйся, яко научил еси не испытовати еже есть превыше разума и мудрости человеческия.
Радуйся, непостижимую действующую в тебе силу Божию явивый.
Радуйся, яко устами твоими провеща Сам Бог.
Радуйся, яко вси послушаху тебе в сладость.
Радуйся, мглу идолослужения разгнавый.
Радуйся, яко многих к истинней вере привел еси.
Радуйся, яко главы невидимых змиев поразил еси.
Радуйся, яко тобою прославляется вера христианская.
Радуйся, яко светло озаряеши всех ублажающих тя.
Радуйся, поборниче христианския веры и Православия.
Радуйся, Спиридоне, предивный чудотворче.
 

Кондак 5

Божественнаго Духа преисполнен был еси, святителю Спиридоне, ради добродетельнаго жития твоего: зане кроток, милостив, чист сердцем, терпелив, непамятозлобив, страннолюбец был еси; сего ради Творец и в чудесех преславна показа тя. Мы же, прославляя Бога, прославльшаго тя, вопием Ему: Аллилуиа.
 

Икос 5

Равноангельна Спиридона зрим великаго чудотворца: некогда страна от бездождия и засухи вельми пострада; бысть глад и язва, и многое множество людей умроша, молитвами же святителя сниде с небесе на землю дождь; людие же, избавльшеся от бедствия, благодарственно взываху:
Радуйся, великому пророку Илии уподобивыйся.
Радуйся, яко дождь, отъемлющий глад и недуги, благовременне низвел еси.
Радуйся, паки молитвами своими небо заключивый.
Радуйся, яко немилосердаго купца лишением имения наказал еси.
Радуйся, яко требующим пищу обильно даровал еси.
Радуйся, яко любоблагоутробие Бога к людем подвизаеши.
Радуйся, вземляй немощи немощных.
Радуйся, богоблагодатный человеком помощниче.
Радуйся, болящим здравие подаваяй.
Радуйся, егоже трепещут демони.
Радуйся, безчисленных чудес источниче.
Радуйся, Спиридоне, предивный чудотворче.
 

Кондак 6

Завеса ветхозаветной скинии закрываше во Святая Святых ковчег, манну и скрижали. И храм твой, святителю Спиридоне, имеет раку твою, яко ковчег, святыя мощи твоя, яко манну, сердце твое, яко скрижали Божественныя благодати, на нихже зрим начертанную песнь: Аллилуиа.

 

Икос 6

Народ Кипра некогда за умножение беззаконий наказа Господь безплодием земли; егда же прииде к святому Спиридону знаемый земледелец, прося помощи, даде ему святый злато; минувшу же бедствию, земледелец оный возврати паки злато, и, о чудесе! злато змий бысть. Прославляюще Бога, дивнаго во святых Своих, вопием:
Радуйся, яко Моисею, чудесно преложившему жезл в змия, подражал еси.
Радуйся, человеколюбивый пастырю, избавляяй от бед словесныя овцы стада своего.
Радуйся, обильно всех всеми благами обогащаяй.
Радуйся, яко Илия, бедных питавый.
Радуйся, немилосердых к милосердию обращаяй.
Радуйся, достоподражаемый пример любве для человеков, в мире живущих.
Радуйся, верных и неверных в бедах утешение.
Радуйся, древо сеннолиственное, град и страну осеняющее.
Радуйся, славо и похвало керкирян.
Радуйся, над влагою и сушею, зноем и хладом благодатию Божиею владычествуяй.
Радуйся, уставы земли молитвою пременяяй.
Радуйся, будущая, яко настоящая, провидевый.
Радуйся, Спиридоне, предивный чудотворче.
 

Кондак 7

Ходатай пред Господем за всех явился еси, святителю Спиридоне; сего ради и мы прибегаем под кров твой, ищуще спасения, вси бо помощника тебе имамы во всех нуждах, во время глада, смертоносныя язвы и во вся годины бед и искушений. Сего ради благодарственно вопием Богу: Аллилуиа.

 

Икос 7

Новое чудо видим боголепное: егда ты, отче, шествовал избавити неповинно осужденнаго на смерть, бурный поток прегради путь тебе; ты же именем Всемогущаго Бога повелел ему стати, и прешел еси со спутники чрез реку, яко по суху. Слава о сем чудеси распространися всюду, и вси прославиша Бога, вопиюще к тебе:
Радуйся, яко иногда Иисус Навин чрез Иордан, реку по суху прешедый.
Радуйся, речная устремления гласом своим укротивый.
Радуйся, яко трудный путь предпринял еси, движимый милосердием.
Радуйся, яко клевету разрушил еси и неповиннаго от уз темницы и напрасныя смерти избавил еси.
Радуйся, жизни по Бозе благий поспешниче.
Радуйся, неповинно угнетенных защитителю.
Радуйся, уставов естества воднаго пременителю.
Радуйся, яко судию вразумил еси и от убийства спасл еси.
Радуйся, истинное исправление душ.
Радуйся, дивная сило, потоки удержавающая.
Радуйся, услаждающий сердца человеков, к тебе притекающих.
Радуйся, человеколюбию Авраама подражателю.
Радуйся, Спиридоне, предивный чудотворче.
 

Кондак 8

Странник и пришлец был еси на земли, якоже и прочии человецы. Обаче из чрева матере Всеведущий великаго угодника и чудотворца показа тя, святителю Спиридоне: бесы бо изгоняеши, всякую болезнь и язву исцеляеши, помышления людей зриши, темже и дивен во святых показался еси. Мы же, возсылающе молитву ко Благодателю всех Богу, вопием Ему: Аллилуиа.
 

Икос 8

Весь мир ужасом многим содрогнуся, егда услыша, яко смерть, по гласу твоему, возвращает из гробов мертвецы своя, и возопи:
Радуйся, умершую дщерь свою, да явит врученное ей сокровище, к жизни воззвавый.
Радуйся, скорбную вдовицу, на сохранение злато вдавшую, утешивый.
Радуйся, умершее отроча из мертвых воскресивый.
Радуйся, яко матерь его, внезапно от радости умершую, ожививый.
Радуйся, яко уподобился еси Илии, молитвами сыну Сарептския жены жизнь возвратившему.
Радуйся, яко и Елисею, возбудившему от смерти отроча, подражал еси.
Радуйся, пастырю, преискренне любящий человеки.
Радуйся, жене блуднице, слезами нозе твои омывшей, грехи именем Бога отпустивый.
Радуйся, святую ревность верховнаго апостола стяжавый.
Радуйся, яко нераскаянная грешница, по глаголу твоему, в тяжких болезнех умре.
Радуйся, земли плодоносие молитвами твоими испросивый.
Радуйся, непреложное воскресения человеков уверение.
Радуйся, Спиридоне, предивный чудотворче.
 

Кондак 9

Духа Божественнаго осияньми озарен был еси, святителю Спиридоне, имел бо еси духа премудрости, яко мудрыми словесы безумных обуил еси и посреде отцев веру утвердил еси, духа разума, яко умы омраченыя озарил еси, духа страха Божия, яко выну делании богоугодными душу очистил еси. Темже, представ Престолу Вышняго, с сонмом Ангелов воспеваеши Ему: Аллилуиа.
 

Икос 9

Жезл пастыря словесных овец от Пастыреначальника Господа Иисуса приемый, святый Спиридон не премени жития своего: нестяжателен, кроток, любве ради вся терпяй, не постыдеся пещися и о стаде безсловесных овец. Вся сия возбуждают нас славити Бога и взывати тебе:
Радуйся, славу мира сего, яко суетную, презревый.
Радуйся, мзду многу на Небесех стяжавый.
Радуйся, красная мира сего в уметы вменивый.
Радуйся, сосуде небесных благ.
Радуйся, святейшая пажите киприотов.
Радуйся, яко тебе ради Бог хищников овец твоих невидимыми узами связа.
Радуйся, татем отеческое вразумление преподавый.
Радуйся, по милосердию твоему за проведенную без сна нощь овна им даровавый.
Радуйся, непослушанием козлища, яко бы разум имущаго, купца, утаившаго цену его, обличивый.
Радуйся, утаившаго сребренники твоя к покаянию приведый.
Радуйся, яко от страсти корыстолюбия увещанием своим исцелил еси его.
Радуйся, Спиридоне, предивный чудотворче.
 

Кондак 10

Спасаяй души паствы, Богом тебе вверенныя, ты, святителю Спиридоне, произволением Божиим зван был еси явити славу свою, паче же славу истиннаго Бога, и в иныя страны, да всюду славят имя Божие, вопиюще: Аллилуиа.
 

Икос 10

Скорый помощник и заступник во всяких нуждах и скорбех, святый Спиридон, по повелению цареву, якоже и прочии пастыри, прииде во град Антиохию, идеже бе одержимый болезнию царь Константий; святитель главы его коснуся и сотвори здрава. Сему чудеси дивящеся, вопием ти:
Радуйся, егоже в сонном видении Ангел, яко целителя, яви царю.
Радуйся, Божественныя ради любве трудный путь в старости восприявый.
Радуйся, цареву рабу, ударившему тя в ланиту, по заповеди Спасителя, другую подставивый.
Радуйся, столпе смирения.
Радуйся, молитвами своими слезно просящему царю здравие даровавый.
Радуйся, яко уничижением своим раба вразумил еси и немилостивый нрав его пременил еси.
Радуйся, яко благочестию и милосердию царя научил еси.
Радуйся, яко, ненавидяй земная сокровища, злато царя отвергл еси.
Радуйся, яко ученика своего Трифиллия от пристрастия к земным благам отвратил еси и сосудом благодати Божия соделал еси.
Радуйся, яко пришедшу тебе в Александрию идоли падоша.
Радуйся, емуже и беси повинуются.
Радуйся, яко от идолослужения многих отвратил еси.
Радуйся, Спиридоне, предивный чудотворче.
 

Кондак 11

Пение ангельское бысть, егда во храме приносил еси, святителю Спиридоне, вечерния молитвы Твоя, и не беша сослужащии тебе. Жителие же града, дивное пение слышавше, внидоша в храм и, никогоже видевше, с Горними силами воспеваху: Аллилуиа.
 

Икос 11

Светозарное солнце мирови, собеседник Ангелов был еси на земли, святителю Спиридоне; предав же дух твой в руце Божии, преселился еси в горняя селения, моляся за мир пред Престолом Владыки. Мы же, живущии на земли, вопием ти:
Радуйся, яко тебе, еще живу сущу, сослужаху Ангели.
Радуйся, псалмопение Архангелов слышавый.
Радуйся, видимый образе нашего преображения.
Радуйся, яко недоставшу елею в храме, Бог, тебе ради, с избытком лампады наполни тем.
Радуйся, лампадо Божественнаго сияния.
Радуйся, сосуде благодати Божией, обильно, подобне елею, наполняющей душу твою.
Радуйся, неизсякаемый источниче, присно источающий всем токи благодати.
Радуйся, о немже изумляются Ангели.
Радуйся, преслушание диакона в храме наказавый.
Радуйся, тщеславившагося своим гласом и гласа, и языка лишивый.
Радуйся, яко во время зноя, внезапу роса, снизшедшая свыше, священную твою главу прохлади.
Радуйся, в знамении сем близость преставления своего провидевый.
Радуйся, Спиридоне, предивный чудотворче.
 

Кондак 12

Покров и прибежище бывый всем к тебе притекающим верным еще в житии твоем, ты, святителю, не оставил еси нас сирых и по твоем успении; Бог, побеждающий естества чин, сохрани святыя мощи твоя нетленными во укрепление православныя веры и благочестия, в знамение безсмертия, Егоже прославляюще, вопием: Аллилуиа.
 

Икос 12

Воспеваем тя, святителю Божий, яко удивил еси мир чудесы, истекающими от святых мощей твоих, вси бо с верою приходящии и лобызающии их получают вся благопотребная просимая. И мы, давшаго тебе крепость, венчавшаго тя венцем нетления и действующаго тобою Бога прославляюще, вопием ти:
Радуйся, во время глада корабельником явивыйся, и пищу доставити повелевый.
Радуйся, слепым, с верою притекшим к святым мощем твоим, зрение даровавый.
Радуйся, от неисцельныя болезни отрока исцеливый.
Радуйся, беса из жены изгнавый и здраву ю сотворивый.
Радуйся, возбранный воеводо Керкиры.
Радуйся, яко полчища злочестивых агарян изгнал еси и корабли их в пучине потопил еси.
Радуйся, егоже видеша окруженнаго сонмом Ангелов, в деснице меч державша и в трепет врагов приведша.
Радуйся, создати себе храм, во еже совершати в нем литургию на пресном хлебе, воеводе возбранивый.
Радуйся, воеводу латинскаго лютою смертию поразивый.
Радуйся, молниею изображение его в доме в Венеции сожегший.
Радуйся, отступльства и лжемудрования Запада посрамивый.
Радуйся, единую православную веру быти истинную и спасительную для человеков утвердивый.
Радуйся, Спиридоне, предивный чудотворче.
 

Кондак 13

О пречудный святителю Христов, отче Спиридоне! Нынешнее наше моление прием, избави нас от всех бед и напастей, укрепи на враги страну нашу, даруй нам оставление прегрешений и изми от вечныя смерти всех вопиющих о тебе к Богу: Аллилуиа.
 

(Этот кондак читается трижды, затем икос 1 и кондак 1)

 

Молитва

О великий и пречудный святителю Христов и чудотворче Спиридоне, Керкирская похвало, всея вселенныя светильниче пресветлый, теплый к Богу молитвенниче и всем к тебе прибегающим и с верою молящимся скоропредстательный заступниче! Ты веру православную на Никейстем Соборе посреде отцев преславно изъяснил еси, ты единство Святыя Троицы чудесною силою показал еси и еретиков до конца посрамил еси. Услыши нас, грешных, святителю Христов, молящихся тебе, и сильным твоим предстательством у Господа избави нас от всякаго злаго обстояния: от глада, потопа, огня и смертоносныя язвы. Ты бо во временней жизни своей от всех сих бедствий избавлял еси людей твоих: от нашествия агарян и от глада страну твою сохранил еси, царя от неисцельнаго недуга избавил и многия грешники к покаянию привел еси, мертвых преславно воскрешал еси, за святость же жития твоего Ангелы невидимо в церкви поющия и сослужащия тебе имел еси. Сице убо прослави тебе, вернаго Своего раба, Владыка Христос, яко вся тайная человеческая деяния дарова тебе разумети и обличати неправедно живущия. Многим в скудости и недостаточестве живущим ты усердно помогал еси, люди убогия изобильно во время глада напитал еси и ина многа знамения силою в тебе живущаго Духа Божия сотворил еси. Сице и нас не остави, святителю Христов, поминай нас, чад своих, у Престола Вседержителя и умоли Господа, да подаст многих наших грехов прощение, безбедное и мирное житие да дарует нам, кончины же живота непостыдныя и мирныя и блаженства вечнаго в будущем веце сподобит нас, да выну возсылаем славу и благодарение Отцу и Сыну и Святому Духу, ныне и присно, и во веки веков. Аминь.
 

 

Ж И Т И Е
 

Святитель Спиридон Тримифунтский чудотворец, родился в конце III века на острове Кипр. С детских лет он пас овец, чистой и богоугодной жизнью подражал ветхозаветным праведникам. В зрелом возрасте святой Спиридон стал отцом семейства. Необычайная доброжелательность и душевная отзывчивость привлекли к нему многих: бездомные находили в его доме приют, странники - пищу и отдых. За непрестанную память о Боге и добрые дела Господь наделил будущего святителя благодатными дарами: прозорливости, исцеления неизлечимых больных и изгнания бесов.

После смерти жены, в царствование Константина Великого (324-337), святой Спиридон был избран епископом города Тримифунта. По свидетельству церковных историков, святитель Спиридон в 325 году принимал участие в деяниях I Вселенского Собора в Никее, где посрамил ересь арианства и отстоял чистоту Православной веры, доказав истинность догмата о Пресвятой Троице. На Соборе произошло чудо, совершенное святым Спиридоном: взяв в руки кирпич (плинфу), он сжал его и из плинфы вверх вышел огонь, вниз потекла вода, а в руках осталась глина. «Вот три стихии, а плинфа одна; так и в Пресвятой Троице - Три Лица, а Божество едино», - разъяснял святитель.

Как епископ, святой Спиридон являл пастве пример добродетельной жизни и трудолюбия. Он чрезвычайно заботился о строгом соблюдении церковного чина и сохранении во всей неприкосновенности Священного Писания. Святитель строго обличал священников, которые в своих проповедях неточно употребляли слова Евангелия и других Богодухновенных книг.

По окончании Собора в Никее, где святитель Спиридон наглядно показал собравшимся силу Божию, его стали превозносить и почитать во всем Православном мире. Однако, скромный и смиренный, он вернулся на Кипр, чтобы продолжить исполнение своих пастырских обязанностей. В родном городе Святителя ожидало печальное известие - умерла его любимая дочь Ирина. Святитель Спиридон был очень к ней привязан. С юных лет она наследовала набожность своего отца и усвоила правила христианского благочестия, которые ей внушали родители. Незадолго до внезапной кончины девушки одна женщина дала ей на хранение ценные золотые украшения, которые Ирина надежно спрятала в доме и не успела вернуть владелице. Святитель был в то время на Соборе в Никее и ничего об этом не знал. Когда к нему пришла хозяйка драгоценностей и со слезами стала просить вернуть золото, Владыка, искренне желая помочь ей, тщательно обыскал весь дом, но не нашел чужого сокровища. Епископ Спиридон посчитал эту утрату собственным несчастьем. Он вместе со своими домашними пошел на могилу дочери. Святой прочитал молитву и, наклонившись над могилой, обратился к мертвой Ирине, как к живой: «Дочь моя! Где находятся украшения, отданные тебе на хранение?»  В ту же минуту голос из глубины могилы ответил: «Господин мой! Я спрятала их в нашем доме». И она указала место, где было укрыто сокровище. Тогда святой сказал ей: «А теперь спи, дочь моя, пока не разбудит тебя Господь во время всеобщего воскресения».  Благоговейный ужас и изумление охватили всех присутствовавших при столь удивительном событии. Вернувшись домой святитель нашел в указанном месте спрятанные драгоценности и отдал их владелице.

Господь открыл святителю приближение его кончины. Последние слова святого было о любви к Богу и ближним. Около 348 года во время молитвы святитель Спиридон преставился ко Господу. Погребли его в храме в честь святых апостолов в г. Тримифунте.

Великую святыню представляют нетленные мощи святителя Спиридона. В Тримифунте мощи святителя покоились до половины VII в., после падения византийской столицы мощи святителя Спиридона были перевезены сначала в Сербию, а затем на Керкиру (Корфу). Здесь, в столице острова, одноименном городе Керкира, в специально воздвигнутом в 1590 году в честь святителя Спиридона храме и поныне сохраняются, как многоценное сокровище, нетленные мощи святого. Десница (правая рука) святого, неизвестно когда и по каким причинам была отделена от тела. Известно лишь, что после разрушения турками константинопольского храма десница была доставлена в Рим и более пяти столетий хранилась в католической церкви Святой Девы Марии, и только в ноябре 1984 года была возвращена Ватиканом на остров Керкиру и положена в раку вместе с телом святителя Спиридона.

Честные мощи святителя Спиридона, благодатию Божией, сохранились нетленными, и, что особенно удивительно - они весят как тело взрослого мужчины, а кожа плоти его имеет обычную человеческим телам мягкость. Ученые естествоведы разных стран и вероисповеданий по временам являются на о. Керкиру с целью рассмотреть и подвергнуть исследованию нетленные мощи святителя и после тщательного рассмотрения их единогласно решают, что никакими законами и силами природы нельзя изъяснить нетление этих мощей, полторы тысячи с лишним лет пребывающих в неповрежденном виде, и что здесь действует всемогущая сила Божия. Один из ученых свидетельствует, что тело святого Спиридона и доселе составляет для физиологов предмет справедливого удивления: оно мягко и растяжимо и как бы живо, но вместе и плотно, не разложилось и не подверглось тлению; выдающиеся части лица его расширяются и опять принимают свое прежнее положение, когда вынимают и полагают тело в ковчег, где оно стоит прямо для торжественного несения по городу.

Чудом является и то, что покровитель странников святитель Спиридон и по сей день не перестает «странствовать», помогая всем, кто с верой в молитве к нему обращается. Бархатные сапожки, надетые на его ступни, изнашиваются и несколько раз в год их заменяют новыми, а изношенные сапожки разрезают на части и раздают верующим. Рака с мощами святого запирается на ключ, но бывают случаи, когда ключ просто не поворачивается в замке, и тогда местные священнослужители знают - святителя Спиридона в раке нет, он ходит по земле, гостит у тех, кому нужна его помощь. Рака вся увешана золотыми и серебряными украшениями - дарами тех, кому помог святитель.

По молитвам святителя Спиридона на Керкире после перенесения туда его святых мощей совершались многие чудеса, в благодарение и воспоминание о которых 4 раза в год православные на острове Керкира особо чтят память святителя Спиридона: Вербное Воскресенье, Страстная Суббота, 11 августа и первое воскресенье ноября. В эти праздничные дни керкиряне украшают дома флагами, а улицы усыпают цветами. Православные идут крестным ходом по улицам Керкиры, а священнослужители ставят стеклянную раку с мощами в вертикальное положение и торжественно несут на плечах нетленные мощи святителя, как действующего иерарха на епископском троне. Множество верующих выстраиваются вдоль тротуаров в ожидании крестного хода. Болящие и увечные садятся на мостовую с молитвой святителю, прося его благословения и помощи, и раку с нетленными мощами проносят над их головой. За мощами идут представители церковных и светских властей, за ними - солдаты, ветераны, школьники, маршируют оркестры. Все участники крестного хода ощущают великую силу молитв святого Спиридона.

Свидетелем одного из посмертных чудес святителя Спиридона был, как известно, писатель-классик Н.В. Гоголь. Во дни почитания Спиридона Тримифунтского, во время совершения крестного хода по городу, когда тысячи жителей и паломников благоговейно прикладывались к мощам святителя, некий английский путешественник, скептик и атеист, усомнился в святыне, сказав, что, видимо, в спине святого сделаны специальные надрезы и тело набальзамировано. Каково же было его изумление, когда нетленные мощи святого Спиридона на глазах у тысяч людей приподнялись из раки и повернулись спиной к этому человеку, как бы предлагая посмотреть, есть ли там надрезы, о которых он говорил. Гоголя это знамение потрясло до глубины души.

Святитель Спиридон почитается как великий заступник и избавитель от разных бед и напастей. Святой укрепляет людей в мужестве стояния за веру, подает больным исцеление, живущим в грехах - исправление и прощение, заботится о вдовах и сиротах, избавляет от засухи, голода и нужды. Особую помощь Чудотворец оказывает в благополучном устроении семейных, имущественных и земельных дел. Он помогает людям во всем мире, исполняя прошения тех, кто с верой молит его о помощи.
 


По благословению

митрополита Херсонского и Таврического Иоанна

Опубликована: 28.04.2017