Акафист святителю ИУЛИАНУ КЕНОМАНИЙСКОМУ 
День памяти:
26 июля (н.ст.)
Тропарь, глас 4
Правило веры и образ кротости, воздержания учителя яви тя стаду твоему, Яже вещей Истина; сего ради стяжал еси смирением высокая, нищетою богатая, отче Иулиане, моли Христа Бога спастися душам нашим.
Кондак, глас 2
Божественный гром, труба духовная, веры насадителю и отсекателю ересей, Троицы угодниче, великий святителю Иулиане, со Ангелы предстоя присно, моли непрестанно о всех нас.
Кондак 1
Избранный угодниче Божий и чудотворче, пресветлый земли Кеноманийския светильниче, святителю отче Иулиане, величая прославльшаго тя Господа, похвальное пение приносим ти. Ты же, предстоя пред Престолом Всевышняго, молися избавитися нам от всякия беды, скорби и печали, со умилением зовущим: Радуйся, святителю Иулиане, теплый о нас молитвенниче и преславный чудотворче.
Икос 1
Ангела земнаго и человека Небеснаго вемы тя, святителю Иулиане, образ истиннаго благочестия собою нам явившаго. Мы же, Промыслу Божию, на тебе явленному, чудящеся, прославляем велие благоутробие Божие и с любовию зовем ти:
Радуйся, Духом Святым просвещенный.
Радуйся, святым Крещением духовно обновленный.
Радуйся, Церкви Православныя украшение.
Радуйся, Галлии святое сокровище.
Радуйся, Евангелия Христова усердный последователю.
Радуйся, заповедей Господних верный блюстителю.
Радуйся, Ангелов предивное чудо.
Радуйся, человеков преславное удивление.
Радуйся, святителю Иулиане, теплый о нас молитвенниче и преславный чудотворче.
Кондак 2
Видя Сердцеведец Господь благое души твоея произволение, еже работати Ему усердно во вся дни живота твоего, чрез первоверховнаго апостола Петра во епископа тя постави и на проповедь Евангелия в Галлию стопы твоя направи, да научиши людей земли тоя пети с верою: Аллилуиа.
Икос 2
Разум богопросвещен имея, святителю Иулиане, неустанно проповедал еси учение Христово людем града Кеноманийскаго; они же, зряще чудеса, всесильным именем Христовым тобою совершаемая, и Истиннаго Бога в сердца своя приемлюще, святым Крещением просвещахуся, вопиюще ти:
Радуйся, Божия разума исполненный.
Радуйся, Христа в сердце своем выну имевый.
Радуйся, врагов видимых и невидимых прогонителю.
Радуйся, недугов душевных и телесных целителю.
Радуйся, очи слепым отверзаяй.
Радуйся, на путь истины наставляяй.
Радуйся, нищих и сирот питателю.
Радуйся, младых мудрый воспитателю.
Радуйся, святителю Иулиане, теплый о нас молитвенниче и преславный чудотворче.
Кондак 3
Силою Вышняго укрепленный и благодатию Божиею исполненный, паству твою, Господем тебе вверенную, учением Христовым, яко пищею Небесною, питал еси, прокаженныя и недужныя исцеляя, слепым телесныя и духовныя очеса отверзая, мертвыя воскрешая, бесы изгоняя, и тако всем милостивый и любящий отец был еси, вопиющим о тебе Богу: Аллилуиа.
Икос 3
Имуще тя великаго молитвенника и скораго в напастех заступника, на помощь тя призываем, святителю отче Иулиане, и, поминая подвиги и труды твоя, во славу Бога Вышняго подъятыя, сия в похвалу тебе умильно вопием:
Радуйся, Единаго Истиннаго Бога проповедниче.
Радуйся, исцелений благодатный источниче.
Радуйся, каменю веры, на основании заповедей Господних утвержденный.
Радуйся, добродетельми и светлостьми душевными украшенный.
Радуйся, верою твоею и чудесы ко Христу неверныя обращаяй.
Радуйся, силою молитвы твоея страждущим исцеления даруяй.
Радуйся, идольския прелести низложителю.
Радуйся, неистовства бесовскаго изобличителю.
Радуйся, святителю Иулиане, теплый о нас молитвенниче и преславный чудотворче.
Кондак 4
Бурею напастей одолеваеми, како возможем достойно восхвалити чудеса твоя, блаженне Иулиане: ты бо молитвою своею беднаго отрока от змия, крепко его обвившаго, избавил еси, и из бесноватых именем Христовым духа нечистаго изгнал еси, и многия умершия воскресил еси. Темже любовию теплою к тебе воздвизаеми, благодарим Господа, даровавшаго нам таковаго заступника и ходатая о прощении грехов наших, вопиющих Ему: Аллилуиа.
Икос 4
Слышаще дивная наставления твоя, яже не точию в словесех, но и в подвизех твоих являл еси, достоблаженне святителю, притекаху к тебе жаждущии спасения, и тако Церковь Кеноманийская укрепляшеся. Мы же, видя таковое твое усердное попечение о спасении душ человеческих, восхваляем тя:
Радуйся, молитвенниче скорый и теплый.
Радуйся, предстателю благий и верный.
Радуйся, апостолов славо и украшение.
Радуйся, святителей Христовых красото и удобрение.
Радуйся, к сонму святых сопричтенный.
Радуйся, венцем нетленным Господем увенчанный.
Радуйся, за стадо Христово душу свою положивый.
Радуйся, любви Христовы образ в себе явивый.
Радуйся, святителю Иулиане, теплый о нас молитвенниче и преславный чудотворче.
Кондак 5
Боготечною звездою был еси в житии твоем, Иулиане всехвальне, указуя всем путь в Царствие Небесное, егоже и сам стяжал еси, день и нощь Господеви пламенною любовию работающе и выну Ему вопиюще: Аллилуиа.
Икос 5
Видяще, яко людие, к тебе приходящии, жаждею телесною томимы бывают, место бо, идеже житие твое проводил еси, безводно бяше, новое чудо сотворил еси, святителю милостивый, и, водрузив жезл свой в землю, дерзновенно Богу помолился еси: и повеле Господь на месте том источнику воды открытися, в немже и крестил еси всех уверовавших во Всемогущаго Бога, возопивших тебе таковая:
Радуйся, со дерзновением Богу моливыйся.
Радуйся, скораго услышания молитвы твоея удостоивыйся.
Радуйся, источник воды приходящим к тебе даровавый.
Радуйся, чудом сим в вере их укрепивый.
Радуйся, водами Крещения многия просветивый.
Радуйся, от погибели вечныя сих избавивый.
Радуйся, яко верныя паче в вере укрепил еси.
Радуйся, яко неверныя к вере в Бога истиннаго обратил еси.
Радуйся, святителю Иулиане, теплый о нас молитвенниче и преславный чудотворче.
Кондак 6
Проповедник словом и делом истины Христовы явился еси, святителю Иулиане, егда пригласи тя князь Дефенсор, честь тебе воздающе, новое бо чудо сотворил еси: слепцу, у врат дома князева сидящему, крестным знамением очи его осенив, именем Христовым зрение ему даровал еси. Вси же, видящии чудо сие, возрадовашася зело и воспеша Богу: Аллилуиа.
Икос 6
Возсиял еси, яко светило светозарное, просвещающее светом истинным во тьме неверия сущих, да познают истиннаго Бога, Егоже силою и благодатию дивная исцеления и чудотворения совершал еси, святителю Иулиане. Приими же от нас похвалы сицевыя:
Радуйся, молитвы ко Господу кадило благовонное.
Радуйся, Церкви Православныя украшение многоценное.
Радуйся, себе самаго в храм Духа Святаго уготовавый.
Радуйся, многия на путь спасения наставивый.
Радуйся, дар исцеления от Господа приявый.
Радуйся, недужныя именем Христовым исцелявый.
Радуйся, житием благочестивым пример верным бывый.
Радуйся, душу твою в целомудрии сохранивый.
Радуйся, святителю Иулиане, теплый о нас молитвенниче и преславный чудотворче.
Кондак 7
Хотяще спасение получити, князь Дефенсор смиренно проси тя, отче Иулиане, научити его, како подобает житие свое проводити, да жизнь вечную унаследует. Ты же князя и домашних его апостольскою проповедию о Боге Истинном просветив, ко Крещению приуготовал еси, да выну восхваляют Бога песнию: Аллилуиа.
Икос 7
Новаго видим тя избранника Божия, Иулиане преславне, устроившаго благолепный храм в дому князевом, в немже людие, в вере тобою наставляемии, Крещением святым просвещал еси и чудесы многими утверждал еси. Темже и нас в вере православней укрепи, восхваляющих тя:
Радуйся, богомудрый проповедниче Евангелия Христова.
Радуйся, Церкве Православныя пресветлый светильниче.
Радуйся, поборниче веры непобедимый.
Радуйся, святителю Христов преславный.
Радуйся, крепкая надеждо к тебе притекающих.
Радуйся, утешителю всех на милосердие твое уповающих.
Радуйся, благодатию Божиею приосененный.
Радуйся, светом Пресвятыя Троицы озаренный.
Радуйся, святителю Иулиане, теплый о нас молитвенниче и преславный чудотворче.
Кондак 8
Странное чудо видеша от тебе людие града Кеноманийскаго, егда идолопоклонника Анастасия сына умершаго воскресил еси: сей бо Анастасий клятвенно увери тя, аще сына своего жива восприимет - уверует во Христа, Бога Истиннаго, и, богов идольских отрекшись, воспоет Тому: Аллилуиа.
Икос 8
Весь радости божественныя исполнен бысть Анастасий, видя умершаго сына своего жива, и едиными усты с присными своими прослави Истиннаго Бога и, уверовав во Христа, крестися с домашними своими. Мы же, Бога в сердце своем славяще, со умилением глаголем ти:
Радуйся, воскрешением умершаго отрока Господа прославивый.
Радуйся, пред неверными идольское нечестие обличивый.
Радуйся, все упование свое на Господа полагавый.
Радуйся, наследие Царствия Христова стяжавый.
Радуйся, в дому Отца Небеснаго обитель себе сотворивый.
Радуйся, в радость Господа своего вшедый.
Радуйся, Подвигоположника Христа смиренный последователю.
Радуйся, апостолов Христовых ревностный подражателю.
Радуйся, святителю Иулиане, теплый о нас молитвенниче и преславный чудотворче.
Кондак 9
Всякое естество удивися, богоблаженне Иулиане, великому свыше тебе дарованию: ты бо на земли яко Ангел пожил еси и во плоти аки безплотен явился еси, темже и дар чудотворения от Господа приял еси, ныне же к лику святых сопричтенный, ангельски воспеваеши песнь: Аллилуиа.
Икос 9
Ветия многовещанныя недоумеют достойно восхвалити тя, святителю Иулиане, благодатию бо Божиею источаеши многая и преславная чудеса, ихже и исчести несть возможно. Пребываяй ныне во славе Христовой, призри на нас, тебе молящихся и с любовию зовущих:
Радуйся, яко Святей Троице радостно предстоиши.
Радуйся, яко о спасении нашем Бога умоляеши.
Радуйся, жития непорочнаго рачителю.
Радуйся, послушания и терпения учителю.
Радуйся, праведности и благих дел исполненный.
Радуйся, дерзновение молитвенное ко Господу стяжавый.
Радуйся, кротости и смирения образе.
Радуйся, обидимых и страждущих утешение.
Радуйся, святителю Иулиане, теплый о нас молитвенниче и преславный чудотворче.
Кондак 10
Спастися хотяще вернии от различных напастей, бед и скорбей, тебе, преблаженне Иулиане, яко вернаго наставника и поборника почитают. И нам, грешным, спасения ищущим, святыми твоими молитвами помози, вопиющим о тебе Богу: Аллилуиа.
Икос 10
Стена еси заступления, чудотворче святый Иулиане, всем с верою к тебе притекающим, тебе бо дадеся от Бога благодать недугующия врачевати, бедствующим помогати, скорбныя утешати, наипаче же младенцы от всякаго зла сохраняти и болезни исцеляти. Сего ради, Господа прославляя, зовем ти сице:
Радуйся, пред Царем Небесным о нас ходатаю.
Радуйся, за вся христианы милостивый предстателю.
Радуйся, о всех чтущих память твою молитвенниче.
Радуйся, ищущим спасения благий споспешниче.
Радуйся, благодати Божия сосуде драгоценный.
Радуйся, светом Святыя Троицы озаренный.
Радуйся, недугов наших целителю милосердный.
Радуйся, в борьбе со страстьми помощниче неодолимый.
Радуйся, святителю Иулиане, теплый о нас молитвенниче и преславный чудотворче.
Кондак 11
Пение всеумиленное приносим ти, святителю отче Иулиане, с Горних обителей на нас с благосердием взирающему и всем усердно тебе призывающим помощь скорую низпосылающему, и, твое блаженное житие на земли и дивное прославление на Небеси поминающе, с любовию поем благодеющему тобою Богу нашему: Аллилуиа.
Икос 11
Светлостию новаго чудесе твоего, богоблаженне Иулиане, всю страну Кеноманийскую просветил еси, верныя же во истине укрепил еси: божественною бо силою вооруженный, в идольское капище вшел еси и призвал еси имя Христово, повелевая идолу пасти, бесу же из него изыти – и бысть тако. Людие же, тобою от лютаго змия бесовскаго спасеннии, взываху тебе:
Радуйся, в броню божественную облеченный.
Радуйся, Господом свыше укрепленный.
Радуйся, идола ногама своима поправый.
Радуйся, беса из него властию Христовою изгнавый.
Радуйся, от змия огненнаго нас спасаяй.
Радуйся, крестным знамением главу змиеву сокрушаяй.
Радуйся, от идольскаго суеверия отвращаяй.
Радуйся, верою Христовою всех просвещаяй.
Радуйся, святителю Иулиане, теплый о нас молитвенниче и преславный чудотворче.
Кондак 12
Благодати Божественныя исполнена душа твоя, преблаженне Иулиане, яко солнце сияющая, вознесена бысть пресветлыми Ангелы во обители Небесныя. Мы же ведяще, яко ты по блаженней кончине твоей чудодействовати не престал еси, невидимо колесницею с почившим телом твоим управляя, со умилением вопием Богу, прославльшему тя во святых Своих: Аллилуиа.
Икос 12
Поюще прославльшаго тя Господа и ублажающе тя, святителю Христов Иулиане, прилежно молимтися: сподоби и нас ходатайством твоим неосужденно предстати Страшному Судищу Христову, да с радостию и любовию благохвально зовем ти сице:
Радуйся, благодатию Божиею прославленный.
Радуйся, в лице святых возвеличенный.
Радуйся, достойный Ангелов собеседниче.
Радуйся, всемощный наш заступниче.
Радуйся, наш пред Богом предстателю.
Радуйся, чад малых покровителю и питателю.
Радуйся, и по кончине своей чудотворящий.
Радуйся, души наша благодатию врачующий.
Радуйся, святителю Иулиане, теплый о нас молитвенниче и преславный чудотворче.
Кондак 13
О предивный Иулиане, заступниче наш премилосердый! Приими малое сие моление наше, с любовию тебе приносимое, и молися за ны ко Господу, да сохранит нас и защитит Своею благодатию от всяких бед, скорбей и напастей, и в час кончины нашея не оставит нас, и сподобит Царствие Небесное наследовати, да во веки воспеваем Ему: Аллилуиа.
(Этот кондак читается трижды, затем икос 1 и кондак 1)
Молитва
О пречестная и священная главо, и благодати Святаго Духа исполненная, Спасово со Отцем обиталище, преславный архиерее, теплый наш заступниче, святителю Иулиане! Предстоя у Престола всех Царя и наслаждаяся света Единосущныя Троицы и херувимски со Ангелы возглашая песнь Трисвятую, великое же и неизследованное дерзновение имея ко Всемилостивому Владыце, моли спастися паствы Христовы людем, благостояние святых Церквей утверди, архиереи благолепием святительства украси, монашествующия к подвигом добраго течения укрепи; вся грады и страны добре сохрани, и веру святую непорочну соблюсти умоли; мир весь предстательством твоим умири, от глада и пагубы избави ны и от нападения иноплеменных сохрани; старыя утеши, юныя настави, немудрыя умудри, вдовицы помилуй, сироты заступи, младенцы возрасти, плененныя возврати, немощствующия исцели и везде тепле призывающия тя и с верою и усердием молящияся тебе от всех напастей и бед ходатайством твоим свободи. Моли о нас, святителю милостивый, Всещедраго и Человеколюбиваго Христа Бога нашего, да в день страшнаго Пришествия Своего от шуияго стояния избавит нас и радости вечныя причастники сотворит со всеми святыми во веки веков. Аминь.
ЖИТИЕ
Святой Иулиан (признаваемый некоторыми за Симона прокаженного, упоминаемого в Евангелии (Мф.26:6), и в крещении названного Иулианом) был поставлен во епископа верховным апостолом Петром и послан им в Галлию на проповедь слова Божия. Пришедши в Кеноманийский город, он стал для него первым апостолом, полагая в той стране основание святой вере и устраивая Церковь Христову.
Сначала неверные кеноманяне не принимали проповедуемое святым Иулианом новое учение, но когда они увидели чудеса, совершаемые всесильным именем Христовым, то начали понемногу верить учению, так как проповедником изгонялись бесы, очищались прокаженные, отверзались очи слепым и исцелялись всякие болезни.
Врачуя их тела, святой Иулиан вместе с тем исцелял и их души, проповедуя о Христе Иисусе и просвещая святым Крещением. Сначала святой жил в предместье города в одном маленьком доме, куда к нему приходили многие для наставления и за исцелением от болезни.
Место, где жил святой, было безводно, так что приходящие к нему терпели большую нужду в воде, которую приносили издалека. Поэтому человек Божий с находившимися у него мужами вышел однажды в одну близлежащую рощицу, водрузил здесь в землю свой жезл и во всеуслышание помолился Богу, чтобы Он повелел из этой сухой земли истечь источнику живой родниковой воды, чтобы все предстоящие познали, что Он истинный Бог. Когда святой окончил молитву, тотчас из земли, где был воткнут жезл, истек источник воды, являя людям всемогущество силы Божией и великую веру и дерзновение к Богу святого угодника. Тогда верующие укрепились в вере, а неверные припали к ногам человека Божия и просили крещения. Водой этого источника и крестил их святой угодник Божий. Так день ото дня росла и множилась церковь Христова.
Когда святой епископ Иулиан прославился своими чудесами, князь того города Дефенсор, желая видеть его, пригласил к себе домой.Святой, подходя к дому, заметил у ворот слепого, просящего милостыню, и, почувствовав к нему жалость, призвал имя Иисуса Христа, осенил глаза его крестным знамением и возвратил ему зрение. Князь, услыхав о чуде, поспешил святому навстречу, поклонился, ввел в дом и, упав ему в ноги, смиренно стал просить, чтобы он научил его, как получить жизнь вечную.
Святитель Иулиан наставил князя и его домашних в святой вере, и, назначив пост, приготовил их к Ккрещению. Через несколько дней князь со всем своим родом крестился и отдал святому свой дом среди города для устройства в нем церкви, обеспечив самую церковь соответствующими средствами. По примеру князя многие из видных граждан приняли святую веру и крестились, сделав также значительные пожертвования святителю Божию. Он же устроил благолепную церковь, щедро украсил ее, и сюда стал собираться народ, научаемый им вере, просвещаемый святым Крещением и утверждаемый чудесами.
Был в городе один знатный муж, по имени Анастасий, еще не принявший святой веры и державшийся идолопоклонства: он имел любимого сына, который тяжко заболел и умер. Отец, полный великой скорби по утраченном сыне, пришел к святителю и, рыдая, умолял его Богом, Которого он проповедует, возвратить ему его сына. Святой сказал ему, что если он уверует в Господа, то получит и сына живого, и сам наследуеть жизнь вечную. Анастасий дал клятвенное обещание, что если политу живого сына, то уверует в истинного Бога и откажется от идолов. После этого святитель, сопровождаемый своим клиром, пошел с Анастасием в его дом, где лежало мертвое тело отрока, подошел к одру, взял руку мертвого и со слезами помолился, прося Господа, чтобы Он повелел отроку воскреснуть из мертвых. И тотчас отрок, как бы проснувшись от сна, встал живым и здоровым. Все, увидев это, ужаснулись и очень удивились. Неописанная радость была в доме Анастасия, и всеобщими устами прославлялся Единый Истинный Бог Иисус Христос. И крестились, уверовав в Него, Анастасий со всем домом своим, а также и все видевшие и слышавшие это.
Спустя некоторое время, выйдя с клиром из города на проповедь, святой Иулиан увидел, как несли для погребения на языческом кладбище одного умершего юношу, единственного сына вельможи Иовиниана. Подойдя к ним, святой епископ приказал несущим остановиться и сказал отцу умершего, что если он уверует в Иисуса Христа, Который воскрешал мертвых, и пообещает очистить себя святым Крещением, то возрадуется о своем спасении и о воскресении сына.
Тогда Иовиниан, припав к ногам святого, стал просить воскресить умершего. Со слезами говорил Иовиниан святому, что если он воскресит его единственного сына, то не только он сам уверует во Христа, истинного Бога, но и весь его народ, оставив своих богов, примет проповедуемую ним веру.
Исполненный благодати, святитель Божий преклонил колена и обратился к Богу с молитвой, чтобы Он повелел, да воскреснет юноша, чтоб проявлением столь великой Его силы утвердилась вера верующих в Него. И тотчас восстал мертвый с одра, на котором несли его, и с ужасом все удивились новому чуду. Воскресший юноша начал громко взывать: «Воистину велик Бог христианский, Которого проповедует раб Его Иулиан!» Тогда все начали славить истинного Бога, уверовали в Него и, наученные святым епископом, приняли Крещение вместе с Иовинианом и его сыном.
Когда святой Иулиан приблизился к одному селению, называемому Проилаиак, был уже поздний вечер. В этот час у господина селения умер маленький сын. Святой, услышав в его доме рыдание, вошел в него. Ему была дана особая комната для сна, но он приказал принести ему мертвого отрока и, затворившись с ним, пробыл в молитве до восхождения солнца. Молитвой его отрок воскрес, возвращен был родителям живым и здоровым, и плач их обратился в радость.
Когда святой ушел отсюда и приблизился к селению Руилиак, его встретили посланные от господина того селения с просьбой, чтоб он поскорей пришел к ним, так как единственная дочь господина, будучи бесноватой, сильно мучается от нечистого духа, причиняя большую печаль и родителям, и родственникам. Святитель Христов пошел туда и, изгнав из отроковицы беса, привел к вере Христовой родителей ее, находящихся же там идолов уничтожил и создал церковь, и пробыл здесь до тех пор, пока все селение и его окрестности не были приведены к Богу святым Крещением.
Потом он пошел оттуда в селение Артин, в котором было большое идольское капище, где находился идол языческого бога Юпитера, в котором жил бес и прельщал заблуждающихся людей разными наваждениями. Когда святитель Божий пришел к жителям селения, то они с яростью начали кричать, что его нужно убить, как разрушителя древних отеческих обычаев, или сжечь, как обманщика и врага их богов.
Вооруженный божественной силой, он, как храбрый воин, смело прошел среди народного возмущения, вошел в идольское капище и, призвав всесильное имя Христово, повелел идолу пасть, а бесу выйти оттуда. И тотчас идол, пав на землю, сокрушился в прах.
Святитель, довольно наставив народ, всех приобрел Христу, ибо те люди с усердием приняли веру, крестились, капище то разорили, а вместо него, по повелению святителя, соорудили церковь во славу Христа Бога, и в других местах, где были идолы, уничтожили их.
Святой епископ Иулиан, управляя новопросвещенной Церковью, пробыл на своем престоле довольно времени и, апостольски трудясь в благовестии Христовом, будучи уже маститым старцем, приблизился к честной своей кончине, совершенно истребив идолослужение и бесовское почитание в стране Кеноманийской.
За несколько дней до кончины святитель ушел из города в одно селение и здесь заболел. В городе узнали о его болезни и собрались к святителю клирики, благочестивые граждане и все горевшие к нему любовью. Святитель, поучив их некоторое время, повелел после его смерти избрать ему преемником пресвитера Туривия, трудившегося вместе с ним для спасения душ человеческих. После этого, совершив последнее целование и преподав благословение мира, отдал в руки Божии свою святую душу.
Когда тело святителя несли торжественно в город для погребения и все устремлялись навстречу, одна женщина мыла своего младенца в медном тазу, под который подложила небольшой огонь, чтобы согреть воду. Увидев тело святого и множество народа со свечами, кадилами и слыша песнопение, она забыла о своем младенце и, оставив его, вышла посмотреть торжественное провождение честного тела угодника Божия. Потом, вспомнив о ребенке, поспешила возвратиться и увидела огонь сильно разгоревшимся, так что вода в тазу обратилась в кипяток. От ужаса она закричала, но дитя она нашла живым, здоровым и нисколько не поврежденным от кипятка. Это чудо увидели многие и поняли, что младенец был сохранен по молитвам святого угодника.
Святитель Иулиан был погребен в построенной им церкви на месте, где прежде был княжеский дом, подаренный святому, при гробе его совершалось много чудес и во всяких болезнях подавались исцеления.
Позднее мощи святого были перенесены в кафедральный собор, посвященный его имени (Сен-Жюльен) и поныне почивают во Франции в городе Ле-Ман, первым епископом которого был святой Иулиан Кеноманийский.
В храме Нотр-Дам-дю-Пре (Пресвятой Богородицы "лугов"), где первоначально был погребен святитель, ныне хранится его гробница и частица мощей.
Святителю Иулиану молятся о покровительстве детям и при тяжелых болезнях младенцев.
По благословению
митрополита Херсонского и Таврического Иоанна