Православный календарь
Рекомендуем посетить
Музыковский Покровский мужской монастырь Херсонской епархии
УПЦ

НОВАЯ ИНФОРМАЦИЯ

Расписание богослужений в Свято-Духовском кафедральном соборе на декабрь

Ночные литургии в Свято-Духовском кафедральном соборе в декабре - в ночь с 21 на 22 (с четверга на пятницу) - благодарственная и в ночь с 31 на 1 (с воскресенья на понедельник) - новогодняя

Молитва о мире в Украине

Томос о даровании Украинской Православной Церкви самостоятельности в управлении

Обращение Патриарха к министру юстиции по вопросу независимости УПЦ

Официальные документы Украинской Православной Церкви относительно ситуации в нашей стране

Благотворительная акция «ПОДАРИ ПОДАРОК СИРОТЕ»

 Положение о проведении XI христианского городского фестиваля детского творчества ОСТРОВ РОЖДЕСТВА

Акафист СЕМИ ОТРОКАМ ЕФЕССКИМ

 

Дни памяти:

 

 17 августа (н. ст.)

4 ноября (н. ст.)

 

 

Тропарь, глас 4

Велия веры чудесе, в пещере, яко в чертозе царском, святии седмь отроцы пребыша, и умроша без тли, и по мнозех временех восташа, яко от сна, во уверение воскресения всех человеков. Тех молитвами, Христе Боже, помилуй нас.

 

Кондак, глас 4

Мира сущая тленная презревше и нетленныя дары приемше, умерше, кроме тления пребыша. Темже востают по многих летех, все погребше лютех неверие, яже во хвалении днесь, вернии восхваляюще, Христа воспоим.

 

Кондак 1

Избраннии от воскресшаго плотию из мертвых Христа Бога, во уверение общаго всех воскресения миру явленнии, предивнии отроцы, иже во Ефесе, прославляюще прославльшагося в вас Господа, похвальная пения возносим вам, глаголюще: Радуйтеся, страстотерпцы Христовы, всемирнаго воскресения мертвых пречуднии проповедницы.

 

Икос 1

Ангелов Творец, ведый из начала несумненную крепость исповедания вашего, сотвори вас в лютых обстояниих провозвестники быти общаго всех воскресения, яко ангелоподобныя свидетели Евангельскаго обетования. Сицевому о нас смотрению Божию дивящеся, во благоговеинстве зовем сице:

Радуйтеся, светлыя звезды грядущаго воскресения.

Pадуйтеся, преславнии лучи Христа Спаса воскресшаго.

Радуйтеся, деннице великаго дне Господня.

Pадуйтеся, из домов неверных верная Христу чада явившиися.

Радуйтеся, в чудный свет и свободу сынов воскресения призваннии.

Pадуйтеся, Духом Святым в проповедники глаголов живота вечнаго избраннии.

Радуйтеся, страстотерпцы Христовы, всемирнаго воскресения мертвых пречуднии проповедницы.

 

Кондак 2

Видяще вас родители разум добр имущия, потщашася в чин воинский дружины царевы вас устроити; вы же, вся тленная мира презревше, в Сион горний к Царю Небесному сердцы своими востекосте, да яко друзи Божии и служителие тайны общаго воскресения вменени будете, поюще Христу: Аллилуиа.

 

Икос 2

Разум Христов чистыми душами восприяти сподобившеся, дивнии отроцы, посреде греховныя жизни сверстник ваших благодатию Христовою соблюдаеми, друг ко другу любовию и единением духа братие явистеся, и во едино совершени бысте. Сего ради приимите от нас похвалы сия:

Радуйтеся, единою банею пакибытия возрожденнии.

Pадуйтеся, любовию Христовою аки братие соединеннии.

Радуйтеся, Церкве Божия чада возлюбленная.

Pадуйтеся, Ангелов Божиих собеседницы.

Радуйтеся, паче брашен естественных истинным хлебом жизни себе питавшии.

Pадуйтеся, сею пищею чрез благодать Святаго Духа от смерти в жизнь процветшии.

Радуйтеся, страстотерпцы Христовы, всемирнаго воскресения мертвых пречуднии проповедницы.

 

Кондак 3

Сила Вышняго, таинники благодати в злостраданиих укрепляющи, сих венцем добропобедным исповедания увенчатися пред человеки и Ангелы сподоби, нас же научи пети Богу: Аллилуиа.

 

Икос 3

Имуще тщание в дом Господень на молитву по вся дни приходити, никакоже сего обычая отвергостеся, святии, гонению Декиеву бывшу; еже уведевше врази веры Христовы, царя о сем известити потщашася, обаче мучителева прещения на прославление вам силою Божиею пременишася. Таковому убо о вас Божию промышлению радующеся, со умилением глаголем вам сице:

Радуйтеся, темныя силы князя мира сего благодатию Христовою сокрушившии.

Pадуйтеся, злобу и коварство слуг его всепобедно посрамившии.

Радуйтеся, козней и прещений их не убоявшиися, ниже смутившиися.

Pадуйтеся, помощию Божиею видимо укрепившиися.

Радуйтеся, яко древле Даниил в пещере львове, посреде мучителей сохраненнии.

Pадуйтеся, силою Владычнею из среды их неврежденно изведеннии.

Радуйтеся, страстотерпцы Христовы, всемирнаго воскресения мертвых пречуднии проповедницы.

 

Кондак 4

Бурею ярости движим, злочестивый Декий царь во гневе святыя вопрошает: «Почто не бысте с нами в праздник богов, всю вселенную призвавших к поклонению?» Емуже Максимилиан, един от седми, отвещает: «Имамы единаго Бога и Царя, Иже на небеси, Емуже приносим на всяк час жертву хваления, исповедания и моления, поюще Ему: Аллилуиа».

 

Икос 4

Слышав нечестивый царь, како веру вашу со дерзновением исповедаете, чести воинския лишити вас повеле, и тако испытания ваша Христа ради начашася, Христом скоропослушно в пречудное успение преображенная. Темже и ныне крепость в испытаниих от Бога умолите поющим:

Радуйтеся, воеве царя земнаго, к воинству Царя Небеснаго сопричтеннии.

Pадуйтеся, честь земную оставльшии, да славу небесную восприимете.

Радуйтеся, земныя чести за Христа лишеннии.

Pадуйтеся, сего ради венцы нетленными от Него увенчаннии.

Радуйтеся, победы Его проповедницы явленнии.

Pадуйтеся, славы Его вечныя седмочисленное блистание.

Радуйтеся, страстотерпцы Христовы, всемирнаго воскресения мертвых пречуднии проповедницы.

 

Кондак 5

Божественныя любве теплотою грееми, благодатию Христовою от мучителей покровени явилися есте, святии отроцы, Максимилиане, Иамвлише, Мартиниане, Иоанне, Дионисие, Ексакустодиане же и Антонине, в летех юных красоту внутренняго человека с лепотою внешнею сочетавающе и, яко Ангели, в пламени исповедания вашего воспевающе Богу: Аллилуиа.

 

Икос 5

Видев злохитрый царь Декий зело благолепную юность вашу, на неколико дний ослабу от уз вам дарует, прельстити вас ко отречению от Христа надеяся. Вы же, во своя си отшедше, сребро и злато нищим раздати потщастеся, ко исходу себе уготовляюще. Сего ради восписуем вам похвальная сия:

Радуйтеся, закосневшаго во зле мучителя на некое милосердие подвигшии.

Pадуйтеся, младенческою кротостию вашею коварную злобу его на время угасившии.

Радуйтеся, красотою сынов света злообразныя служители греха пленившии.

Pадуйтеся, Духа Святаго благодатию коварство их победно посрамившии.

Радуйтеся, чрез раздаяние земных богатств сокровищем небесным обогатившиися.

Pадуйтеся, и нас взаим давати Богу научающии, да богатство неоскудеваемое на небесех обрящем.

Радуйтеся, страстотерпцы Христовы, всемирнаго воскресения мертвых пречуднии проповедницы.

 

Кондак 6

Проповедует пещера горы Охлон чудную славу вашу, святии отроцы, дебри бо и вертепы ея молитвою вашею облагоухали есте, отнюдуже на тверди церковней, якоже звезды славы небесныя, из мрака гробов чудно возсиявшия, явистеся и нас Первоначальнику общаго воскресения Христу Богу пети научисте: Аллилуиа.

 

Икос 6

Возсияти хотя людем свет истины, мглу же заблуждения разгнати, Христос Бог снити вам во мрак могильный соизволи, яко да послежде в дивнем востании вашем общее воскресение уверит. Пред таковым Божиим о вас благоволением преклоняющеся, возсылаем вам хваления сия:

Радуйтеся, твердости ради исповедания от мук промыслительно избавленнии.

Pадуйтеся, и нас крепце за правду братися научающии.

Радуйтеся, безболезненно подвиг ваш скончавшии.

Pадуйтеся, чудным сном почившии, во еже востанием от сего сна смерти мглу заблуждения разсеяти.

Радуйтеся, в нетлении телес ваших Господом соблюденнии.

Pадуйтеся, прежде общаго воскресения изволением Божиим воставшии.

Радуйтеся, страстотерпцы Христовы, всемирнаго воскресения мертвых пречуднии проповедницы.

 

Кондак 7

Хотя безбожный царь нуждею к идолослужению святыя привлещи, паки праздник идольский устрояет и тыя нань привести повелевает; не обретшим же тех во граде Ефесе слугом его, родители их казнию устрашити тщится, но от сих извещен бывает, яко святии в пещере сокрышася, воспевающе Богу: Аллилуиа.

 

Икос 7

Новое устремление злобы мир явил есть, егда родителие место покоища чад своих цареви открыша, и тако любве отчия к ним отрекошася. Сего ради ко избранником Божиим глаголем сице:

Радуйтеся, миром отверженнии и небо восприявшии.

Pадуйтеся, Отца ради Небеснаго отцы земными преданнии.

Радуйтеся, отеческою любовию Его в таинственнем сне чудно сохраненнии.

Pадуйтеся, нетление улучившии и мир светом воскресения осиявшии.

Радуйтеся, путь к сему дивному свету нам указующии.

Pадуйтеся, час кончины сбытием обетования Божия нам услаждающии.

Радуйтеся, страстотерпцы Христовы, всемирнаго воскресения мертвых пречуднии проповедницы.

 

Кондак 8

Странное и преславное чудо всемогущества Божия на вас, святии отроцы, показася: камением бо по повелению Декиеву в пещере заграждении и печатию запечатленнии, сто и осмьдесят лет даже до дний царя Феодосия тамо спяще пребыли есте, воставше же аки живии, саддукейское мудрование посрамили есте, поюще Христу, вас воскресившему: Аллилуиа.

 

Икос 8

Весь седмочисленный исповедников лик, во гробе каменнем заключен быв, жизни вечныя никакоже отлучися, но истекшим стом и осмидесятим летом сон от очес их произволением Божиим отрясеся, и тако святии отроцы живии восташа, весь мир о воскресении всех уверяюще и нас пети научающе сице:

Радуйтеся, упование общаго воскресения обетованием Божиим утверждающии.

Pадуйтеся, краеугольнаго ради камене Христа Бога камением во гробе загражденнии.

Радуйтеся, Его ради, во гробе запечатленнаго, печатию запечатленнии.

Pадуйтеся, Агнцем, вземшим на Себе грех мира, от уз смерти свобожденнии.

Радуйтеся, во уверение общаго воскресения, якоже Лазарь четверодневен, из гроба изведеннии.

Pадуйтеся, числу седми Херувим, Престолу славы Божия предстоящих, сообразнии.

Радуйтеся, страстотерпцы Христовы, всемирнаго воскресения мертвых пречуднии проповедницы.

 

Кондак 9

Всякое естество ангельское возрадовася о чуднем по мнозех летех востании вашем и ужасашеся: како вы, преславнаго убо чудесе, о вас бывшаго, не ведуще, обычное целование друг другу подаете и утреннее пение Господу, аки вчера ко сну отшедшии, приносите, поюще: Аллилуиа.

 

Икос 9

Витийствующий язык не возможет изрещи чудес Твоих, Господи, вемы бо, како блаженный отрок Иамвлих, многолетняго успения своего не разумея и во град за пищею исшедый, удивися, егда Ефес, Христовою верою издавна просвещенный, увиде, и Господа прослави, нас же глаголати сотвори таковая:

Pадуйтеся, делателие на ниве Господней, молитвенныя слезы обильно пролившии.

Pадуйтеся, в скудости и гонении почившии, во славе и богатстве воставшии.

Радуйтеся, зрением торжества веры Христовы, во дни ваша гонимыя, по востании обрадованнии.

Pадуйтеся, победу Христа над миром яве узревшии.

Радуйтеся, и нас на сию уповати научающии.

Pадуйтеся, от уныния нас ограждающии.

Радуйтеся, страстотерпцы Христовы, всемирнаго воскресения мертвых пречуднии проповедницы.

 

Кондак 10

Спасти хотя Бог и в вере утвердити люди, сия о многолетнем успении Иамвлиха чрез древний пенязь, на торжище им принесенный, научает, епископу града сия уразумевшу и Бога прославившу с песнию: Аллилуиа.

 

Икос 10

Стена и утверждение веры явистеся, святии, человеком, в пещеру вашу пришедшим и ковчежец с хартиею обретшим, на нейже имена ваша и кончины образ написана быша, во еже пети всем:

Радуйтеся, седмь избранных сосудов Божиих.

Pадуйтеся, вкупе со святыми мученики елеем радования помазаннии.

Радуйтеся, седмь светильников пред Престолом Ходатая Бога и человеков.

Pадуйтеся, седмь труб благовестия Втораго пришествия Сына Человеческаго.

Радуйтеся, седмь ангел, благовествующих нам славу до конца претерпевших.

Pадуйтеся, яко седмисвещник златый, Церковь Божию украшающии.

Радуйтеся, страстотерпцы Христовы, всемирнаго воскресения мертвых пречуднии проповедницы.

 

Кондак 11

Пение благодарственное Пресвятей Троице вознося, благочестивый царь Феодосий со тщанием во Ефес устремися, во еже святыя отроки видети, и седмь дний тамо пребываше, дондеже сии, главы преклонше, дух свой Господу предаша, купно с ними победную возсылая песнь Христу Богу: Аллилуиа.

 

Икос 11

Светильницы, тьму ереси разгоняющии, явилися есте, святии отроцы, светом нетления вашего сияющии и блаженным по востании паки успением истину грядущаго живота утверждающии: саддукейское бо мудрование посрамивше, вся раздоры церковныя утишили есте, общее воскресение вкупе с древним Лазарем уверяюще. Темже, благодаряще о сем Господа, со умилением зовем вам:

Радуйтеся, скорбное житие наше добрым упованием осиявающии.

Pадуйтеся, посреде волн жития сего к пристанищу небесному нас направляющии.

Радуйтеся, яко звезды, во отишие блаженнаго покоя в чертозе Христове нас путеводящии.

Pадуйтеся, блаженство вечное, скорбящим уготованное, благовествующии.

Радуйтеся, яко недостойны суть страсти нынешняго времене к будущей славе, уверяющии.

Pадуйтеся, доблии вестницы Царства Небеснаго бывшии.

Радуйтеся, страстотерпцы Христовы, всемирнаго воскресения мертвых пречуднии проповедницы.

 

Кондак 12

Благодать дадеся вам от Бога, во еже вся любящия и чтущия вы в чудный свет Его руководствовати: темже и нашея жизни скорбный путь крепкою надеждою воскресения озарите, от греховныя погибели нас соблюдите и в час смертный нам предстаните, да вашим заступлением невечерняго света величествия Божия и мы, грешнии, достижем, идеже с лики праведных воспоим о вас Богу: Аллилуиа.

 

Икос 12

Поюще дивное прославление силы Божия в вас, святии отроцы, ублажаем вы, яко заступники и молитвенники наша пред Господем, и с любовию, святей иконе вашей предстояще, возглашаем вам хваления сия:

Радуйтеся, в Русстей земли града Старицы похвало и утверждение.

Pадуйтеся, вся окрестныя веси славою благодатныя помощи вашея исполнившии.

Радуйтеся, болящих младенцев прибежище и исцеление.

Pадуйтеся, скорбей родителей их неложное врачевание.

Радуйтеся, всем любящим и чтущим вы покрове и ограждение.

Pадуйтеся, всего мира христианскаго помоще и заступление.

Радуйтеся, страстотерпцы Христовы, всемирнаго воскресения мертвых пречуднии проповедницы.

 

Кондак 13

О чуднии отроцы, светом небесныя славы вашея и уверением нескончаемаго живота скорбный путь жития нашего озаряющии! Приимите малое сие моление наше и не отрините нас, притекающих к вам: молите присно всех Владыку, да и мы райскаго чертога не лишени будем, но вкупе со святыми воспоим тамо Христу Богу: Аллилуиа.

(Этот кондак читается трижды, затем икос 1 и кондак 1)

 

Молитва

О пречуднии святии седмочисленнии отроцы, Ефеса града похвало и всея вселенныя упование! Воззрите с высоты небесныя славы на нас, любовию память вашу чтущих, наипаче же на младенцы христианския, вашему заступлению от родителей своих препорученныя. Низведите на ня благословение Христа Бога, рекшаго: оставите детей приходити ко Мне. Болящия убо в них исцелите, скорбящия утешите; сердца их в чистоте соблюдите, кротостию исполните я, и в земли сердец их зерно исповедания Божия насадите и укрепите, во еже от силы в силу им возрастати. И всех нас, святей иконе вашей предстоящих и тепле вам молящихся, сподобите Царствие Небесное улучити и немолчными гласы радования тамо прославляти великолепое имя Пресвятыя Троицы, Отца и Сына и Святаго Духа, во веки веков. Аминь.

 

ЖИТИЕ

В III веке в Ефесе жили семь юношей, сыновья знатных граждан: Максимилиан, Иамвлих, Мартиниан, Иоанн, Дионисий, Ексакустодиан (Константин) и Антонин. Все они состояли на военной службе и были христианами. Нечестивый император Декий (249 - 251) воздвиг жестокое гонение на христиан. Всюду на площадях города устанавливали идолов и жертвенники. Тех, кто не желал поклоняться языческим кумирам, жестоко преследовали. В это страшное время многие отпали от Христа, семь же юношей были тверды в своем исповедании истинной веры. Схваченные по доносу и закованные в цепи, они предстали перед императором. В ответ на его вопросы юноши исповедали свою веру в воплотившегося Господа Иисуса Христа, объяснили императору, что жертва в их понимании – это молитва и духовные подвиги, идолопоклонничество же и заклание животных мерзки и недопустимы. После этих ответов император Декий лишил исповедников знаков их воинского отличия (с них были снять пояса) и пригрозил смертью, если они не одумаются. Император верил, что они еще возвратятся в язычество, и на время юноши были отпущены на свободу.

Воспользовавшись этим, святые взяли в своих домах золото и серебро и раздали нищим, оставив себе лишь необходимое для пропитания. Затем они удалились за город к горе Охлон, в которой была пещера, где они и раньше молились. Благочестивые юноши стали готовиться к смерти, укрепляя свои души молитвой. Лишь изредка младший из них, святой Иамвлих, ходил в город за хлебом. Однажды он сообщил товарищам, что на следующий день назначено жертвоприношение и что их ищут. Святой Максимилиан воодушевил юношей выйти из пещеры и добровольно явиться на суд. Готовясь к мученической кончине, юноши поручили себя Богу и стали на молитву. Затем они подкрепили себя хлебом и стали ободрять друг друга. По воле Божией они во время разговора как бы погрузились в сон: смерть объяла юношей, но тление не коснулось их тел.

На следующий день император Декий приказал разыскать юношей. Были вызваны их родители, открывшие в страхе место пребывания своих сыновей. Когда слуги императора пришли к пещере, они завалили вход в нее камнями, чтобы узники, проснувшись, погибли от голода и жажды. Двое тайных христиан из стражи написали на оловянных дощечках имена святых отроков и изобразили их страдания. Дощечки были оставлены при входе в пещеру, чтобы не погибла память о подвиге святых мучеников.

Прошло около двух веков; гонения на христиан кончились. Но Церковь была потрясена еретическими лжеучениями. Одно из еретических движений пришлось на правление императора Феодосия (408 - 450). Подобно саддукеям, еретики, в числе которых были и духовные лица, отрицали воскресение мертвых. Исполнились времена, и Бог для вразумления еретиков сотворил великое чудо, подобное воскрешению Христом праведного Лазаря, описанному в Евангелии (Ин. 11, 38-44).

Владелец горы Охлон, желая построить ограду для овец, стал брать камни для нее из тех, которыми была завалена пещера блаженных отроков.Так из нее образовался выход. И в это время, повинуясь Божественному велению, отроки воскресли. Им казалось, что они проспали только одну ночь, что настал день их казни. Их облик и внутреннее состояние не изменились. Придя в город за хлебом, Иамвлих почувствовал недоумение: облик города стал другим, повсюду находились изображения Креста. В хлебной лавке Иамвлих дал продавцу серебряную монету. Продавец был изумлен, поскольку монета оказалась старинной. Юноша был задержан, собрался народ. Для выяснения недоразумения Иамвлиха привели к градоначальнику и епископу. Иамвлих все им чистосердечно рассказал и для уверения предложил пойти к пещере. Он испытывал огромную радость, находясь среди христиан и видя торжество христианской веры.

Правители поняли, что совершилось чудо Божие. При стечении народа они отправились к пещере и убедились в правдивости слов святого Иамвлиха. Тогда же были найдены дощечки с именами юношей и все присутствовавшие пришли в изумление и прославили Бога, открывшего чрез пробуждение отроков от долгого сна тайну воскресения мертвых.

Вскоре в Ефес прибыл император Феодосий, извещенный о чудесном событии. Он долго беседовал с отроками и убедился в подлинности совершившегося: Бог воскресил святых отроков, чтобы явно возвестить о грядущем общем Воскресении в славный день Своего Второго пришествия. Во время беседы святые отроки на глазах у всех склонили головы и вновь почили - на этот раз до всеобщего воскресения. Император хотел совершить погребение в гробах из золота и серебра, но святые, явившись ему во сне, повелели не трогать их тел. Память семи святых отроков Ефесских особенно почитается Святой Церковью. В ХII веке русский паломник по святым местам игумен Даниил видел в пещере святые мощи семи Ефесских отроков.

Память их совершается также 22 октября: по церковному преданию, отроки вторично уснули в этот день. Святые Ефесские отроки упоминаются и в службе церковного новолетия - 1 сентября.

Святым отрокам Ефесским молятся о здравии младенцев, а также об избавлении от бессонницы.

 

По благословению

митрополита Херсонского и Таврического Иоанна

Опубликована: 02.09.2015