Православный календарь
Рекомендуем посетить
Музыковский Покровский мужской монастырь Херсонской епархии
УПЦ

НОВАЯ ИНФОРМАЦИЯ

Расписание богослужений в Свято-Духовском кафедральном соборе Херсона на август

Ночные литургии в Свято-Духовском кафедральном соборе:

в августе - с 23 на 24; в сентябре - с 12 на 13 и с 28 на 29

Анонс: В Херсонской епархии выходит в свет книга "Службы Херсонским святым"

Книга, изданная в Херсонской епархии, Церковні пісні та колядки

 

Акафист равноапостольной ЛИДИИ ФИЛИППИЙСКОЙ

 

День памяти:

2 июня (н. ст.)

 

Тропарь, глас 4

Апостолу Павлу и прочим Апостолом подражавшая, с проповедию о Христе Воскресшем всю землю Греческую обтекла́ еси, всем верным путь спасительный указу́ющи, святая равноапостольная Лидие, моли Христа Бога спастися душа́м нашим. 

 

Кондак, глас 8

Прииди́те днесь, вернии, избра́нную от Христа равноапостольную проповедницу слова Божия воспои́м, усердную заступницу и теплую молитвенницу нашу Лидию прехвальную.

 

Кондак 1

Избра́нную угодницу Христову Лидию, в земли́ Гречестей яко звезду пресветлую возсиявшую, вернии, днесь воспои́м. Ты же, яко иму́щая ве́лие дерзновение ко Господу, молитвами твоими от всяких нас бед и скорбей свободи́, да с радостию зовем ти: Радуйся, святая Лидие, молитвеннице о душа́х наших.

 

Икос 1

Ангелов Творец и Господь сил, предуве́девый благое произволение твое, от града Фили́ппы избра́ тя, святая Лидие, да бу́деши проповедницею благовестия Христова. Мы же, таковому о тебе смотрению Божию чудя́щеся, во умилении сердец зовем ти:

Радуйся, на подвиг испове́дания Христа избра́нная.

Радуйся, во образ смирения христианским женам свыше пронарече́нная.

Радуйся, истинную мудрость возлюбившая.

Радуйся, благочестивым житием Ангелы возвеселившая.

Радуйся, истины Царствия Божия уразумевшая.

Радуйся, проповедь Евангелия в сердце свое вместившая.

Радуйся, яко Церковь Православная тобою пресветло украшается.

Радуйся, яко имя твое во всем мире христианстем прославляется.

Радуйся, святая Лидие, молитвеннице о душа́х наших.

 

Кондак 2

Видя Господь благочестивое житие твое, блаженная Лидие, предугото́ва тя в драгоценный сосуд ко приятию Духа Святаго, да пое́ши Ему: Аллилуиа.

 

Икос 2

Разум богопросвеще́н прия́вши, премудрая Лидие, уразумела еси суету́ мира сего тленнаго и чистым сердцем твоим уверовала еси во Христа, словесе́м святаго Апостола Павла о воскресшем Спасителе внимая. Темже и нас в добродетелех веры укрепи, зовущих ти таковая:

Радуйся, истиннаго богопознания усердно искавшая.

Радуйся, первее всех людей фиати́рских истинную веру уразуме́вшая.

Радуйся, Апостола Павла верная учени́це.

Радуйся, духом Евангелия от него упое́нная.

Радуйся, в словесе́х Павловых мудрости поучившаяся.

Радуйся, дела́, христианом подобающая, творившая.

Радуйся, в угождении Богу и ближним на земли́ пожившая.

Радуйся, жизнь вечную во Христе стяжавшая.

Радуйся, святая Лидие, молитвеннице о душа́х наших.

 

Кондак 3

Силою благодати Христовы в таинстве Крещения оде́явшися, подвигом добрым подвизалася еси, преславная Лидие, упованием на Единаго Истиннаго Бога укрепляяся и по вся дни поя́ Ему: Аллилуиа.

 

Икос 3

Име́ющи сердце, любве благодатныя преиспо́лненное, яко в добрую землю удо́бь восприя́ла еси зерно святыя веры, да стокра́тный плод от него прозя́бнет. Мы же, умиля́яся, яко Господь чуде́сне отве́рзе сердце твое для принятия веры в Него, вопие́м ти:

Радуйся, жилищем Пресвятаго Духа соделавшаяся.

Радуйся, благодатию Его преиспо́лнившаяся.

Радуйся, фиати́рския люди светом Христовы веры просветившая.

Радуйся, проповедию своею множество душ ко Христу приведшая.

Радуйся, ныне во обителех райских веселящаяся.

Радуйся, к лику святых жен сопричте́нная.

Радуйся, моля́щихся тебе милостию своею не оставляющая.

Радуйся, молитвами твоим в ско́рбех нас заступающая.

Радуйся, святая Лидие, молитвеннице о душа́х наших.

 

Кондак 4

Бури злых напа́стей му́дре избега́ющи, всю себе Господеви предала еси, праведная Лидие, и многотрудный путь жития своего безбоя́зненно прошедши, в селениях Небесных ныне пребываеши, со Ангелы поющи: Аллилуиа.

 

Икос 4

Слышавше, я́же Господь рече́: «Днесь спасение дому сему бысть», в дом свой Апостолы святыя Павла, Силу, Тимофея и Луку ввела еси, Лидие прехвальная, да мир Христов сни́де на вся живущия в нем. Мы же, ублажая тя, глаголем си́це:

Радуйся, любовь ко Апостолом Христовым явившая.

Радуйся, под кровом жилища своего от трудов их упокоева́вшая.

Радуйся, от имения своего их питавшая.

Радуйся, словесе́м апостольским о Боге Слове усердно внимавшая.

Радуйся, яко святым Апостолом подражающе, Христу работати вожделе́ла еси.

Радуйся, яко по стопа́м их путем спасительным последовала еси.

Радуйся, правую стезю́ к жизни вечней нам показу́ющая.

Радуйся, благочестивым семействам мир и благословение подающая.

Радуйся, святая Лидие, молитвеннице о душа́х наших.

 

Кондак 5

Боготе́чней звезде подобна явилася еси, Лидие, егда́, просвещенная светом Христовым, пресветлое течение твое по земли́ Гречестей совершила еси, путь ко Христу указу́я всем хотящим спастися и научая их пети Ему: Аллилуиа.

 

Икос 5

Видевше люди, во тьме идолослужения погибающия, Всемилостивый Господь стопы́ твоя во след благовествова́ния истины напра́ви, да проповедию твоею язы́чницы светом Христовым просветятся и наследники Царствия Небеснаго соделаются. Сего ради и мы, словесе́м благовестия твоего внимающе, взываем ти си́це:

Радуйся, Божественнаго Промысла преизря́дная избра́ннице.

Радуйся, святым Апостолом прехвальная подражательнице.

Радуйся, мир Христов в душе твоей стяжа́вшая.

Радуйся, Царствие Небесное людем благовестившая.

Радуйся, пред Богом о нас теплая предстательнице.

Радуйся, о спасении нашем усердная хода́таице.

Радуйся, Божественныя благодати вседраги́й сосуде.

Радуйся, молитвы благово́нная кадильнице.

Радуйся, святая Лидие, молитвеннице о душа́х наших.

 

Кондак 6

Проповедницею истинныя веры Христовы и рачи́тельницею благочестиваго жития явилася еси, святая Лидие, в Фили́ппех и во иных градех и ве́сех Евангелие Христово возвещая людем, и́же и научи́шася с тобою пети: Аллилуиа.

 

Икос 6

Возсияла еси, учени́це Павлова, яко звезда лучезарная, в земли́ Гречестей, и, яко богосветлое светило, обтекла́ еси восток и запад, возвещая Небесныя истины всем благочестно жити хотящим. Познавшии же тобою веру истинную возопи́ша тебе таковая:

Радуйся, благодатиею Божиею приосене́нная.

Радуйся, путем спасительным верных ко Христу путево́дствующая.

Радуйся, Христа Жизнодавца, яко драгоценный бисер, обретшая.

Радуйся, в сердце свое, яко сокровище безценное, Его вместившая.

Радуйся, жилищем Духа Святаго соделавшаяся.

Радуйся, в исполнении заповедей Христовых утвердившаяся.

Радуйся, воня́ми словес Христовых, яко крин, благоухающая.

Радуйся, мрак нечестия языческаго разгоняющая.

Радуйся, святая Лидие, молитвеннице о душа́х наших.

 

Кондак 7

Хотяще Господеви благоугоди́ти, прилежно научала еси новообраще́нныя ко Христу поклонение и́долом оставити, во Единаго же Истиннаго Бога ве́ровати и, возве́дши умы́ и сердца́ свои к Небеси, хвалебно взывати Ему: Аллилуиа.

 

Икос 7

Новую Православия наставницу и благочестия и чистоты учительницу яви тя Господь людем Своим, праведная Лидие, и яко избра́нную проповедницу Евангелия тя просла́ви. Темже и нам усердною наставницею и теплою молитвенницею бу́ди, вопию́щим ти си́це:

Радуйся, в сердце своем пламенную любовь к Богу возже́гшая.

Радуйся, верная рабо Христова, во след Его поте́кшая.

Радуйся, яко на пути спасения нас утвердждаеши.

Радуйся, яко предстательством твоим благ вечных нас сподобляеши.

Радуйся, свет истины Евангельския показу́ющая.

Радуйся, от языческих заблуждений свобожда́ющая.

Радуйся, цевни́це духовная, пением Небесным чувства услаждающая.

Радуйся, мирова́рнице всезлата́я, еле́ем благодати ду́ши умаща́яющая.

Радуйся, святая Лидие, молитвеннице о душа́х наших.

 

Кондак 8

Странствие земное богоугодно совершивши, Небеснаго покоя достигла еси, Лидие преславная, оба́че всех с любовию и верою тебе молящихся не оставила еси, прияла бо еси благодать в беда́х и напа́стех верным помога́ти; темже благодарение за вся тебе приносим и Богу, возвеличившему тя, поем с любовию: Аллилуиа.

 

Икос 8

Вся объята бывши ревностию по Бозе, служением твоим в Церкви Филиппи́йстей Господеви благоугождала еси, дев и жен благочестивых от тьмы греховныя к чудному свету Евангелия приводя. Сего ради боготка́нною оде́ждею Крещения обле́кшиися восхваля́ху тя пении си́ми:

Радуйся, глас Христов, призывающий тя во двор словесных овец Своих, услышавшая.

Радуйся, многия люди познанием Бога Истиннаго просветившая.

Радуйся, от рабства греховнаго наше свобождение.

Радуйся, на пути спасительном наше укрепление.

Радуйся, веры Христовы предивная побо́рнице.

Радуйся, ищущим спасения скорая помощнице.

Радуйся, мудрых жен красото́ и похваление.

Радуйся, к Небесней славе наше приведение.

Радуйся, святая Лидие, молитвеннице о душа́х наших.

 

Кондак 9

Всеми добродетельми украше́нное и равноапостольным подвигом проповеди Евангелия Христова прича́стное яви́ся чу́дное житие твое, Лидие премудрая, от силы бо в силу благоче́стно восходящи, высоты равноангельныя достигла еси и многия неверныя ко Христу привела еси, поющи Тому: Аллилуиа.

 

Икос 9

Вити́йство земнородных не довле́ет достойно восхвалити твоя подвиги, преславная, землю бо Греческую с проповедию о Воскресшем Христе обтекла́ еси и вся окре́стныя селения чудесы́ просветила еси. Темже у́бо молим тя: озари лучами света твоего и наша исстрада́вшаяся сердца́, вопию́щих тебе такова́я:

Радуйся, яко мира греховнаго всецело отреклася еси.

Радуйся, яко словесе́м Христовым всем сердцем прилепилася еси.

Радуйся, воне́ю Небесною благоуха́ющая.

Радуйся, благодатию ду́ши наша обновляющая.

Радуйся, величия Божия всем благовествующая.

Радуйся, к пению славы Господни всех призывающая.

Радуйся, истинная Христова служительнице.

Радуйся, покаяния усердная проповеднице.

Радуйся, святая Лидие, молитвеннице о душа́х наших.

 

Кондак 10

Спастися хотящим всем буди крепкою споспе́шницею молитвами твоими пред Богом, Лидие всехвальная, яко да простит Творец и Спаситель наш вся грехи наша, вопию́щим Ему: Аллилуиа.

 

Икос 10

Стена твердая и надежное прибежище еси всем призывающим имя твое и всем любящим и чтущим тя, святая; темже и нам бу́ди покров и ограждение от всех враг видимых и невидимых, почитающим святую память твою и со умилением взывающим:

Радуйся, язы́ческия тьмы светозарная прогонительнице.

Радуйся, вертогра́да Христова на земли́ неустанная насадительнице.

Радуйся, с ли́ки избра́нных Божиих в чертог Небесный все́льшаяся.

Радуйся, фимиа́м молитвы о нас Богу принося́щая.

Радуйся, чудес Христовых сокровище.

Радуйся, христианом крепкое прибежище.

Радуйся, Богу житием твоим угодившая.

Радуйся, верною Ему даже до конца пребывшая.

Радуйся, святая Лидие, молитвеннице о душа́х наших.

 

Кондак 11

Песнь благодарения воздаем тебе, Лидие, ты бо сама от погибели вечныя ко спасению обращенная, и иным помощь являеши и, святым Апостолом подобяся, всех с собою к Небеси приво́диши и пе́ти Пресвятей Троице науча́еши: Аллилуиа.

 

Икос 11

Светлыми лучами чудес немерца́емо сия́ши и сердца́ наша светом Евангельския истины просвещаеши, Лидие всеблаженная, да, прославляюще Истиннаго Бога, наследники Царствия Небеснаго пребудем, иде́же ты ныне со всеми святыми ликуеши. Сего ради приими́ от нас хваления сия:

Радуйся, Бога Живаго одушевле́нный храме.

Радуйся, Всесвятыя Троицы верная служительнице.

Радуйся, Материю Божиею возлюбленная.

Радуйся, святыми Апостолы вере в Истиннаго Бога науче́нная.

Радуйся, яко житие твое по Бо́зе прославляется.

Радуйся, яко в тебе всецелое упование на Господа является.

Радуйся, венцем славы от Бога увенча́нная.

Радуйся, благодати Божия испо́лненная.

Радуйся, святая Лидие, молитвеннице о душа́х наших.

 

Кондак 12

Благодать Пресвятаго Духа испроси нам, притекающим к тебе с любовию, да вразумле́нныя и укрепле́нныя свыше, возможем безпреткнове́нно проити́ спасительною стезе́ю, веду́щею в Царствие Небесное, иде́же вси святии воспевают Богу: Аллилуиа.

 

Икос 12

Поюще многая и преславная труды и подвиги твоя, во благовествова́ние Христово подъя́тыя, ублажаем тя, святая Лидие, почитаем честну́ю память твою, славим долготерпение и добродетели твоя, хвалим и блаженную кончину твою. Сего ради милостиво приими́ от нас умиленная пения сия:

Радуйся, благо́е иго Христово с радостию понесшая.

Радуйся, любовию неугасающею ко Христу горевшая.

Радуйся, венцем нетленным от Него украше́нная.

Радуйся, сокровище Небесное смирением и терпением стяжа́вшая.

Радуйся, веры христианския небоя́зненная проповеднице.

Радуйся, недугов душевных и телесных безме́здная врачева́тельнице.

Радуйся, христианом крепкое прибежище.

Радуйся, благочестивых людей ликование.

Радуйся, святая Лидие, молитвеннице о душа́х наших

 

Кондак 13

О святая праведная Лидие, малое сие моление наше ныне прие́мши, от недугов душевных и телесных нас исцели, от всех враг видимых и невидимых заступи́ и вечнаго мучения избавитися нам Господа умоли́, да с тобою воспеваем во Царствии Его: Аллилуиа.

 

(Этот кондак читается трижды, затем икос 1 и кондак 1)

 

Молитва

О святая равноапостольная Лидие, теплая о нас пред Богом молитвеннице! К тебе с верою и любовию прибегаем и молим тя: бу́ди нам во всем ко благу помощница и споспе́шница, вспомоществу́й нам в просвещении ума и сердца нашего светом Евангелия Христова, да преспева́ем в вере, благочестии и любви Господни. Испроси́ нам у Всещедраго Бога вся блага́я и полезная в жизни временней и вечней, да та́ко богоуго́дне зде поживше, сподо́бимся наследия благ вечных в Небеснем Царствии Христа Бога нашего, Ему́же со Отцем и Святым Духом подобает всякая слава, честь и поклонение всегда, ныне и присно и во веки веков. Аминь.

 

Ж ИТ И Е

Имя Лидия означает «лидиянка», то есть жительница области Лидии. Святая Лидия родилась в I веке в городе Фиатиры, находящемся в Малой Азии. Вначале она была идолопоклонницей, но впоследствии приняла иудейскую веру. Жила она в Филиппах вместе со своей семьей и вела благочестивый образ жизни. Занималась тем, что продавала порфиру из Фригии для окраски роскошных тканей. Праведная Лидия стала первой среди европейцев христианкой, а ее домашняя церковь, вместе с семьей и слугами – первой Церковью в Европе.

Православное христианство в Греции начало свое развитие с того момента, как на эту землю пришел с проповедью святой Апостол Павел. В александрийском городе Троя (Троас) Павел услышал призыв идти проповедовать в Македонию: «И было ночью видение Павлу: предстал некий муж, Македонянин, прося его и говоря: приди в Македонию и помоги нам. После сего видения, тотчас мы положили отправиться в Македонию, заключая, что призывал нас Господь благовествовать там» (Деян. 16, 9-10). В первом веке от Рождества Христова Македонией называлась не северная часть Греции, как сейчас, а почти вся континентальная Греция.

В первый раз Апостол Павел появился на Европейском континенте осенью 49 года. Его сопровождали Апостолы Сила, Тимофей и Лука, Евангелист и писатель «Деяний Апостолов».

Высадившись на берег в Неаполи (ныне – Кавала), миссионеры сначала пошли в соседние Филиппы, находящиеся в 12 километрах, «первый город в той части Македонии, колония. В этом городе мы пробыли несколько дней» (Деян. 16, 12). В апостольские времена Филиппы были городом военных, основанным Августом для ветеранов своих легионов, сражавшихся в битве при Филиппах.

Римский военный городок не привлекал еврейских торговцев, так как не мог быть выгодным для торговли местом. В те времена, когда здесь побывал Апостол Павел, еврейская община Филипп была слишком малочисленной, чтобы содержать синагогу. Святой Лука пишет, что субботние молитвы читались на берегу реки: «В день же субботний мы вышли за город к реке, где, по обыкновению, был молитвенный дом, и, сев, разговаривали с собравшимися [там] женщинами. И одна женщина из города Фиатир, именем Лидия, торговавшая багряницею, чтущая Бога, слушала; и Господь отверз сердце ее внимать тому, что говорил Павел. Когда же крестилась она и домашние ее, то просила нас, говоря: если вы признали меня верною Господу, то войдите в дом мой и живите у меня. И убедила нас» (Деян. 16, 13-15).

Во время пребывания Апостола Павла в Филиппах, он и его соратник Сила были обвинены в том, что они подстрекают местных жителей к непорядкам и неповиновению властям. Апостола и его сподвижника побили палками и кинули в тюрьму. Но Бог не оставил их в беде, и город сотрясся от сильного землетрясения, посеявшего панику в жителях города. В результате разрушений двери тюрьмы самостоятельно открылись, выпуская пленников на свободу. Охранник тюрьмы хотел совершить самоубийство, но Павел и Сила ему помешали. После этого случая охранник уверовал в истинного Бога и вместе со всей своей семьей принял Крещение. Апостол Павел и Сила стали жить в его доме. Однажды Апостолы Павел и Сила проходили около дома Лидии, которая первой покрестилась из местных жителей, она с радостью приняла их и поселила у себя. Утвердив первую христианскую общину в вере, Апостолы отправились со своими миссионерскими делами дальше, в Салоники.

Согласно преданию, Лидия стала христианской диакониссой Филиппах. Всю свою последующую жизнь святая Лидия посвятила распространению Евангельской проповеди на территории Греции. Она мирно отошла ко Господу, верно храня учение и пример Апостола язычников – Павла.

Память святой Лидии отсутствует в древних месяцесловах. Она была установлена Греческой Церковью в 1972 году. День ее памяти в Греции – 20 мая.

Река Гаггити (Зигакт), возле которой произошло обращение Лидии, существует и сейчас. На месте проповеди апостола Павла стоит небольшая церковь, освященная в честь святой праведной Лидии. В центре храма помещена мраморная купель в память о том, что именно здесь произошло первое таинство Крещения в Греции и во всей Европе. Местные христиане и сегодня приходят сюда крестить своих детей. Место, которое по традиции считают домом Лидии, сейчас встроено в Гостиницу Лидии, которая находится при входе.

 

По благословению

митрополита Херсонского и Таврического Иоанна

 

Опубликована: 06.08.2018