Православный календарь
Рекомендуем посетить
Музыковский Покровский мужской монастырь Херсонской епархии
УПЦ

НОВАЯ ИНФОРМАЦИЯ

Расписание богослужений в Свято-Духовском кафедральном соборе на ОКТЯБРЬ

Ночная литургия в Свято-Духовском кафедральном соборе в октябре -  с 18 на 19 (со среды на четверг)

Молитва о мире в Украине

Томос о даровании Украинской Православной Церкви самостоятельности в управлении

Обращение Патриарха к министру юстиции по вопросу независимости УПЦ

Официальные документы Украинской Православной Церкви относительно ситуации в нашей стране

Акафист Пресвятой Богородице в честь иконы Ее ЖИВОНОСНЫЙ ИСТОЧНИК

 

Празднование:

 

пятница Светлой Седмицы

 

 

Тропарь, глас 4

Почерпем, человецы, цельбы душам и телом молитвою, Река бо всем предтечет — Пречистая Царица Богородица, источающи нам чудную воду и измывающи сердец черности, греховныя струпы очищающи, души же освящающи верных Божественною благодатию.

 

Кондак, глас 8

От неистощимыя Ты, Источниче Богоблагодатный, подаеши ми, точащи, воды Твоея благодати, приснотекущий паче слова, яко бо Слово рождшая паче смысла, молютися, ороси мя благодатию, да зову Ти: радуйся, Водо спасительная.

 

Кондак 1

Избранной от всех родов Владычице Богородице, благодатную помощь нам являющей, похвальная восписуем Ти, раби Твои; Ты же, яко Преблагая Мати Божия, излей на нас великия и богатыя милости Твоя, недуги наша исцели и скорби утоли, да благодарственно зовем Тебе: Радуйся, Владычице, Живоносный Источник верным изливающая.

 

Икос 1

Архангел и Ангел множество недоумевают, Тебе, Матерь Бога Слова, на водах землю утвердившаго, разумно хвалити по достоянию. Мы же, Честнейшая Херувим, и Славнейшая без сравнения Серафим, во умилении о Твоих благодеяниих, на нас бывших, дерзаем звати Тебе:

Радуйся, Владычице, Богом Отцем избранная.

Радуйся, Духом Святым осиянная.

Радуйся, рождеством Сына Божия превознесенная.

Радуйся, в женах благословенная.

Радуйся, Богородицею величаемая.

Радуйся, от всех родов ублажаемая.

Радуйся, Владычице, Живоносный Источник верным изливающая.

 

Кондак 2

Видящи, Премилосердая Мати, слепца, от жажды страждущаго, напоения и исцеления ради в пустыни блуждающаго, источник воды живыя воеводе показала еси; он же благодарственно возопи о Тебе: Аллилуиа.

 

Икос 2

Разумев воевода Божественный Твой глас, источник воды указующий, и позна его, яко купель Силоамскую, яже не токмо жаждущаго напояет, но и от слепоты того свобождает; мы же милости Твоя, Дево Богородице, ищущии, взываем Тебе сице:

Радуйся, Владычице, купель спасения живописующая.

Радуйся, слепоту душевную и телесную исцеляющая.

Радуйся, разслабленных утверждение.

Радуйся, хромых хождение.

Радуйся, Мати Света, слепым очи отверзающая.

Радуйся, светом истины во тьме седящих озаряющая.

Радуйся, Владычице, Живоносный Источник верным изливающая.

 

Кондак 3

Сила Вышняго осеняет всех с верою и благоговением притекающих к Живоносному Источнику Твоему, Пречистая Госпоже Владычице. Сего ради силою благодати Его осени и нас, смиренно к Тебе, Богомати, припадающих и молебно о Тебе вопиющих: Аллилуиа.

 

Икос 3

Имущи богатство милосердия неизреченное, Владычице, всем болящим руку помощи Твоея, недуги врачующую, страсти исцеляющую, в Живоносном Источнице Твоем простираеши. Сего ради вопием Тебе сице:

Радуйся, источниче непрестающия радости.

Радуйся, чаше неизреченныя благости.

Радуйся, сокровище благодати неоскудеваемое.

Радуйся, милости у Тебе просящим выну тую подающая.

Радуйся, недугов различных исцеление.

Радуйся, печалей наших утоление.

Радуйся, Владычице, Живоносный Источник верным изливающая.

 

Кондак 4

Бурею недоумения слепец смущашеся, воды ища жажду утолити. И се, якоже древле силою Божиею из камене вода источися, тако и ныне в пустыни безводней источник явися; тамо Моисей, источитель воды, зде же Ты Сама, о Богомати, Служительница чудесе; темже молимся: жаждущия души наша благочестия напой водами, да зовем о Тебе: Аллилуиа.

 

Икос 4

Слыша воевода дивный глас Твой, Мати милосердия, источник воды указующий, во еже жаждущаго напоити и слепоту его исцелити, и сбытие словес Твоих зря, возопи сице:

Радуйся, Владычице, страдальцев утешающая.

Радуйся, болящих возстановляющая.

Радуйся, немым язык благословесен дарующая.

Радуйся, всех немощных врачующая.

Радуйся, бедствующих поможение.

Радуйся, унывающих утешение.

Радуйся, Владычице, Живоносный Источник верным изливающая.

 

Кондак 5

Божественную воду от Живоносного Источника Твоего, токи благодати изливающаго, почерпающе во исцеление недугов душевных и телесных, Дево Богородительнице, благодарственно вопием о Тебе: Аллилуиа.

 

Икос 5

Видеша людие слепца, водою Живоноснаго Источника Твоего прозревшаго, Богомати, потщашася песньми, яко дарами, послужити Тебе сице:

Радуйся, Владычице, милосердия двери верным отверзающая.

Радуйся, надеющихся на Тебе не посрамляющая.

Радуйся, бедствующих утешающая.

Радуйся, от напастей свобождающая.

Радуйся, изнемогающих укрепляющая.

Радуйся, Владычице, Живоносный Источник верным изливающая.

 

Кондак 6

Проповедник чуда Твоего, Мати Божия, бысть воевода, яко дивно слепец водою от Живоноснаго Источника Твоего прозре, сице и нам темныя зеницы душевныя просвети, да благодарственно проповедуем милости Твоя зовуще: Аллилуиа.

 

Икос 6

Возсия нам Живоносный Источник Твой, Премилосердая Мати, многоразличную благодать Сына Твоего и Бога нашего, Христа Жизнодавца источающий. Сего ради приносим Ти пения сицевая:

Радуйся, Владычице, усердная наша Заступнице.

Радуйся, храмов Божиих Хранительнице.

Радуйся, святых обителей преславная Игумения.

Радуйся, в иночестве подвизающихся вразумление.

Радуйся, монашествующих в послушании укрепление.

Радуйся, всех христиан покрове и защищение.

Радуйся, Владычице, Живоносный Источник верным изливающая.

 

Кондак 7

Хотя благочестивый Лев воевода, царем Тобою, Владычице, нареченный, благодарственная принести Тебе, храм на месте явления Твоего чудесе устрои, Живоносный Источник наименовав оный, да вси, помощи Твоея ищущии зде обретают ю, вопиюще о Тебе: Аллилуиа.

 

Икос 7

Новая купель Силоамская, паче оныя древния, явися, Пречистая Владычице, храм Твой, в немже покланяемся иконе Живоноснаго Источника, ибо не единою в лето и токмо первее входящим здравие тела подаеши, но выну всякий недуг душевный и телесный врачуеши. Сего ради вопием Тебе:

Радуйся, купеле, в нейже скорби наша погружаются.

Радуйся, чаше веселия, в нейже печали наша растворяются.

Радуйся, каменю, жаждущия жизни напояяй.

Радуйся, древо, горькия воды моря житейскаго услаждающее.

Радуйся, животворныя воды источниче не истощающийся.

Радуйся, бане, греховную скверну совести нашея омывающая.

Радуйся, Владычице, Живоносный Источник верным изливающая.

 

Кондак 8

Странное и преславное чудо явися храм Живоноснаго Источника Твоего, Богородице, в немже жажда духовная и телесная утоляется, и болезньми одержимии исцеляются. Мы же, благодать таковую прославляющее, вопием о Тебе: Аллилуиа.

 

Икос 8

Всем вся с верою приходящим к Живоносному Источнику Твоему подаеши, Премилостивая Госпоже Богородице. О сих всех благодарственно вопием Тебе сице:

Радуйся, Владычице, Бесплотнаго воплотившая.

Радуйся, страждущих матерей утешение.

Радуйся, чад безматерних охранение.

Радуйся, юных Наставнице.

Радуйся, младенцев воспитание.

Радуйся, Владычице, Живоносный Источник верным изливающая.

 

Кондак 9

Всякое естество Ангельское и человеческое дивится милосердию Твоему, Пресвятая Дево, яко всегда и всем являешися Помощница и Заступница, поющим Тебе: Аллилуиа.

 

Икос 9

Ветии многовещаннии не могут воспети достойно Живоносный Источник неистощимыя благодати Твоея, ниже изъяснити силу чудес Твоих во исцеление недужных и на всякую пользу душевную и телесную человеком являемую; мы же похвальная восписуем Тебе сице:

Радуйся, храме Бога Живаго.

Радуйся, жилище Духа Святаго.

Радуйся, Ангелов славо.

Радуйся, вселенныя державо.

Радуйся, мира спасение.

Радуйся, Владычице, Живоносный Источник верным изливающая.

 

Кондак 10

Спасти хотящи вся страждущия, источник жизни явила еси мирови, Пресвятая Богородице, в водах благодати, да вси в скорбех и печалех исцеление и утешение приемля, благодарно зовем о Тебе: Аллилуиа.

 

Икос 10

Стена и покров в бедах и нуждах помощи Твоея просящим сущи, Владычице мира, Живоносный Источник всем явила еси, да будет от всяких болезней ограждение, в напастех и печалех утешение, вопиющим Ти таковая:

Радуйся, Владычице, гордых и строптивых человек усмирение.

Радуйся, лукавых и злых намерения пресечение.

Радуйся, обидимых заступление.

Радуйся, обидящих вразумление.

Радуйся, повинных наказание.

Радуйся, невинных оправдание.

Радуйся, Владычице, Живоносный Источник верным изливающая.

 

Кондак 11

Пение всеумиленное пред Живоносным Источником Твоим паки и паки приносим Тебе, Богородице, в покаянии зовуще из глубины души: Владычице, приими молитвы раб Твоих и избави нас от всякия скорби и болезни, нужды и печали, да вопием о Тебе Богу: Аллилуиа.

 

Икос 11

Светозарною свещею сияет в мире лучами благодати Божественный Источник Твой, Пресвятая Богородице, чудесы явленными умы и сердца просвещаяй и наставляяй звати Тебе:

Радуйся, Владычице, разумов просвещение.

Радуйся, сердец наших очищение.

Радуйся, духа обновление.

Радуйся, душ освящение.

Радуйся, здравия укрепление.

Радуйся, Владычице, Живоносный Источник верным изливающая.

 

Кондак 12

Благодати Твоея Живоносный Источник имуще, Пресвятая Дево, к Тебе прибегаем, яко к нерушимей стене и предстательству. Призри благосердием, Пресвятая Богородице, на лютое наше озлобление и исцели душ и телес наших скорби и болезни, да зовем о Тебе Богови: Аллилуиа.

 

Икос 12

Поюще Твоя чудеса, хвалим и славим Живоносный Источник Твой, Пресвятая Дево, от негоже черпающе токи многоразличныя благодати, величаем Тя похвалы сицевыми:

Радуйся, Отроковице Богоизбранная.

Радуйся, Невесто Боговенчанная.

Радуйся, в женах благословенная.

Радуйся, паче горних Сил превознесенная.

Радуйся, Престолу Господню выну предстоящая.

Радуйся, Заступнице наша, за мир всегда молящаяся.

Радуйся, Владычице, Живоносный Источник верным изливающая.

 

Кондак 13

О Всепетая Мати, Живоносный Источник Твой миру давшая, от негоже изливаеши нам великия и богатыя милости, приими благодарственное сие моление наше, напой нас от источника Твоего в  животе нынешнем и грядущем, да выну зовем о Тебе: Аллилуиа.

 

(Этот кондак читается трижды, затем икос 1 и кондак 1).

 

Молитва

О Пресвятая Дево, Всемилостивая Госпоже Владычице Богородице, Живоносный Источник Твой, целебные дары на здравие душ и телес наших и на спасение миру точащий, подала еси нам; темже благодарни суще, усердно молим Тя, Царице Пресвятая: моли Сына Твоего и Бога нашего дати нам оставление прегрешений и всякой душе скорбящей и озлобленней милость и утешение, и от бед, скорбей и болезней свобождение. Подаждь, Госпоже, (храму сему и) сим людем покровение, граду сохранение, стране нашей от напастей избавление и ограждение, да мирное зде поживем житие и в будущем веце сподобимся видети Тебе, Заступницу нашу, во славе Царствия Сына Твоего и Бога нашего, Емуже слава и держава со Отцем и Пресвятым Духом во веки веков. Аминь.

 

Икона Божией Матери «Живоносный Источник»

В V веке неподалеку от Константинополя (ныне Стамбул), находилась роща платанов и кипарисов, посвященная Пресвятой Богородице, посреди которой был источник. Однако, за рощей никто не ухаживал, и место это постепенно заросло, а источник засорился. Однажды, воин Лев Маркелл, добрый и смиренный человек, помогая заблудившемуся слепцу выйти на тропинку, очутился на этом месте. По Промыслу Божию, слепой старец почувствовал сильную жажду и стал умолять милостивого воина дать ему пить. Лев долго искал воду, но тщетно, и он стал скорбеть, как вдруг услышал голос: «Не унывай, о царь Лев, вода, которую ты ищешь, здесь близко, только повернись к ней. Устрой Мне на этом месте храм: в нем Я буду внимать молитвам и подавать желаемое всем, с усердием и верою сюда приходящим. Ничто не сильно будет противиться власти Моей: демон ли, болезнь ли неисцельная или что другое, - только бы просили Меня благоговейно». Лев посмотрел по сторонам, но сам не мог увидеть источник, а нашел его только благодаря указанию таинственного голоса. По приказанию свыше, он напоил найденной водой слепца и положил ему на глаза тину из источника, после чего старик прозрел. И познал тогда Лев, Кто говорил с ним.

Став, по предсказанию Пресвятой Девы, императором в 457 году, Лев Маркелл приказал очистить источник и возвел над ним великолепный храм, посвященный Богородице, который он назвал «Живоносным Источником». В огромном золоченом куполе храма были проделаны отверстия, через которые лучи солнца освещали выложенный белым мрамором источник и, отражаясь от мраморных стен и украшенного золотом свода, сияли, подобно молниям. К источнику, расположенному посреди храма, вели две мраморные лестницы в двадцать пять ступеней. В куполе находилось мозаичное изображение Богоматери с Младенцем, которое отражалось в источнике. У верхней части источника было в мраморе круглое углубление, в которое втекала вода непосредственно из источника, а затем, она выливалась в мраморный бассейн, так чтобы было удобно черпать воду со всех сторон. Тогда же был написан и образ, как бы изображающий устройство храма и его благодатную сущность. Множество чудес и исцелений от чудесного источника происходило, согласно преданию, ежедневно.

Матерь Божия, как любящая Мать всех людей, необычно близка к каждому и скоро откликается на любую мольбу, обращенную к Ней. Поэтому так многочисленны и разнообразны чудеса Пресвятой Богородицы.

Спустя почти сто лет после первого чуда у Живоносного Источника, император Юстиниан, страдавший от тяжелой продолжительной болезни, во сне услышал голос Богоматери, Которая повелевала ему пойти к Своему источнику. Исполнив повеленное, он нашел здесь исцеление. В благодарность Матери Божией, он заново отстроил храм при Живоносном Источнике и богато его украсил, здесь же он построил обитель для иноков. Это было в VI веке.

С тех пор многие императоры и их близкие обретали исцеление у чудотворного источника и благоговейно почитали и св. источник, и храм, названный в его честь. Во второй половине IX-го и в начале X века храм заботливо восстанавливался и украшался при императорах Василии Македонянине и его сыне Льве Философе, который так же получил исцеление от источника, кроме того, здесь исцелились от различных болезней и его первая жена Феофана и брат Стефан.

Царица Зоя, на которой он женился после смерти Феофаны, исцелилась от неплодия после возложения на нее пояса Пресвятой Богородицы и стала матерью Константина Багрянородного.

Простой народ с крепкой верой притекал к Живоносному Источнику, к благодатной помощи Матери Божией. Здесь исцелялись бесноватые, прокаженные, кровоточивые, безплодные, чахоточные, немые и глухие, больные раком и другими неизлечимыми болезнями.

В XV столетии известный храм «Живоносного источника» был разрушен мусульманами. К развалинам храма приставили стражника-турка, который не позволял подходить к этому месту. Постепенно строгость запрета смягчилась, и христиане поставили там небольшую церковь. Но и она в 1821 году была разрушена, а источник засыпан. Христиане вновь очистили развалины, открыли источник и по-прежнему черпали из него воду. Султану Баязиду это надоело и он лично решил осквернить источник Богородицы, для чего бросил в священную воду полусгнивших золотых рыбок, которые погибли у него в бассейне. К своему ужасу он стал свидетелем чуда: рыбки ожили в воде! Потрясенный султан в 1830 году разрешил христианам вновь пользоваться Живоносным Источником и даже выделил деньги на строительство храма. Впоследствии в одном окне среди обломков был найден полусгнивший от времени и сырости лист с записью десяти чудес от Живоносного Источника, совершившихся с 1824 по 1829 годы. Так, например, описан и случай воскрешения мертвого. Один тяжело больной человек по имени Феттал приплыл сюда на корабле из города Фессалии специально, чтобы молиться об исцелении, но умер по пути к источнику. Однако перед смертью он завещал своим спутникам отнести его тело в храм при Живоносном Источнике и троекратно облить его водой из источника, а затем уже погребать. Когда же стали возливать воду из чудотворного источника на умершего, он ожил и затем остался до конца своих дней иноком в обители при храме. Его гроб был найден в 1830 г. при раскопках для восстановления древней церкви, которая была разрушена до основания турками при взятии Константинополя в XV веке.

При султане Махмуде православные получили некоторую свободу в совершении богослужения. Они воспользовались ею, чтобы в третий раз воздвигнуть храм над Живоносным источником. В 1835 году с великим торжеством Патриарх Константин в сослужении 20 архиереев и при большом количестве богомольцев освятил храм; при храме устроили больницу и богадельню. Постепенно вокруг храма Живоносного Источника образовался монастырь, а местность получила название – Балыклы, что в переводе с турецкого означает «красная рыбка». Есть народное предание, что рыбы, водившиеся когда-то в купели Живоносного Источника, были необычно красного цвета.

В Синаксаре также описывается чудо явления Матери Божией для спасения молящихся в храме от землетрясения. Царица Небесная как бы поддерживала храм, пока все люди из него не вышли, и таким образом никто не пострадал.

С давних времен утвердился обычай посвящать источники, находящиеся в монастырях, иконе Божией Матери «Живоносный Источник».

 

По благословению

митрополита Херсонского и Таврического Иоанна

Опубликована: 07.03.2016