Православный календарь
Рекомендуем посетить
Музыковский Покровский мужской монастырь Херсонской епархии
УПЦ

НОВАЯ ИНФОРМАЦИЯ

Расписание богослужений в Свято-Духовском кафедральном соборе на октябрь  

  Ночные литургии в Свято-Духовском кафедральном соборе Херсона в октябре - со 2 на 3 и с 23 на 24; в ноябре - с 14 на 15 и с 28 на 29

С 3 по 10 ноября в Свято-Духовском кафедральном соборе Херсона (ул. Преображенская, 36) будет пребывать ковчег с ПОЯСОМ БОЖИЕЙ МАТЕРИ. 10.00 и 17.30 - молебен, 13.00 - акафист

Акафист Пресвятой Богородице в честь иконы Ее ТИНОССКОЙ

 

Празднование:

 

 

12 февраля (н. ст.)
 
 
 
Тропарь, глас 4

Не умолчим никогда, Богородице, силы Твоя глаголати, недостойнии: аще бо Ты не бы предстояла молящи, кто бы нас избавил от толиких бед, кто же бы сохранил до ныне свободны? Не отступим, Владычице, от Тебе: Твоя бо рабы спасаеши присно от всяких лютых.

 

Кондак, глас 6
 
Взбранной Воеводе победительная, яко избавльшеся от злых, благодарственная восписуем Ти рабы Твои, Богородице; но яко имущая державу непобедимую, от всяких нас бед свободи, да зовем Ти: радуйся, Невесто Неневестная.


Кондак 1

Избранной Богом Владычице всея твари, Благословенней Деве Богородице приносим смиренное поклонение, пред святым образом Ея припадающе. Ты же, Пренепорочная, приими молитвы недостойных раб Твоих и от всяких бед свободи зовущих: Радуйся, Невесто Неневестная.

 

Икос 1

Архангельский глас вопием Ти, Чистая: Радуйся, Благодатная, Господь с Тобою! Исполни радости духовныя и нас, Богородительнице, да благоговейною душею и чистым сердцем принесем Ти глаголы сия:

Радуйся, Еюже рaдocть возсияет.
 
Радуйся, Еюже клятва изчезнет.
 
Радуйся, падшаго Адама воззвание.
 
Радуйся, слез Евиных избавление.
 
Радуйся, высото неудобовосходимая человеческими помыслы.
 
Радуйся, глубино неудобозримая и ангельскима очима.
 
Радуйся, яко еси Царево седалище.
 
Радуйся, яко носиши Носящаго вся.
 
Радуйся, Звездо, являющая Солнце.
 
Радуйся, утробо Божественнаго воплощения.
 
Радуйся, Еюже обновляется тварь.
 
Радуйся, Еюже покланяемся Творцу.
 
Радуйся, Невесто Неневестная.

 

Кондак 2

Видящи Премилосердная Мати Божия скорбное житие наше, благоизволи дати нам во утешение и отраду образ Свой святый, да всяк, взираяй на него и о воплощении Бога Слова помышляя, вопиет: Аллилуиа.
 

Икос 2

Разум небесный открывая, Богородице Дево, благоизволила еси многими чудесы прославити икону Твою, на острове Тиносе явленную, да вси, ведуще таковое Твое о ней благоволение, песненно Тебе зовут:
 
Радуйся, совета неизреченнаго Таиннице.
 
Радуйся, молчания просящих веро.
 
Радуйся, чудес Христовых начало.
 
Радуйся, велений Его главизно.
 
Радуйся, лествице небесная, Еюже сниде Бог.
 
Радуйся, мосте, преводяй сущих от земли на небо.
 
Радуйся, Ангелов многословущее чудо.
 
Радуйся, бесов многоплачевное поражение.
 
Радуйся, Свет неизреченно родившая.
 
Радуйся, еже како, ни единаго же научившая.
 
Радуйся, премудрых превосходящая разум.
 
Радуйся, верных озаряющая смыслы.
 
Радуйся, Невесто Неневестная.
 

Кондак 3

Силою свыше укреплена бывши инокиня Пелагия, егда Пресвятую Богородицу в видении узрела еси, повелевающую ей ко властем идти и об обретении честнаго образа и построении святаго храма возвестити. Она же, волю Богоматери исполняя, возопи: Аллилуиа.

 

Икос 3

Имущи богатство милосердия неоскудное, всем концем земли простираеши руку помощи, Небесная Царице, повелением бо Твоим открыся новый источник благодатных дарований - образ Твой честный, к немуже верни, припадающе, Тя славословят сице:
 
Радуйся, отрасли неувядаемыя розго.
 
Радуйся, Плода безсмертнаго стяжание.
 
Радуйся, Делателя делающая Человеколюбца.
 
Радуйся, Садителя жизни нашея рождшая.
 
Радуйся, ниво, растящая гобзование щедрот.
 
Радуйся, трапезо, носящая обилие очищения.
 
Радуйся, яко рай пищный процветаеши.
 
Радуйся, яко пристанище душам готовиши.
 
Радуйся, приятное молитвы кадило.
 
Радуйся, всего мира очищение.
 
Радуйся, Божие к смертным благоволение.
 
Радуйся, смертных к Богу дерзновение.
 
Радуйся, Невесто Неневестная.
 

Кондак 4

Бурею многих бед одержимым нам помогаеши, Дево Богородице, с верою прибегающим к Тебе и покланяющимся честному образу Твоему, на Тиносе явленному. Возлюбила бо еси место сие, Владычице: источник воды целебныя бо зде открыся и святая икона Твоя в недрех земли обретеся. Мы же, прославляя милость Твою, нам низпосланную, Рожденному от Тебе Спасителю мира зовем: Аллилуиа.
 

Икос 4

Слыша святитель Гавриил об источнице воды, близ святаго алтаря во время основания церкви открывшемся, прослави Тя, Владычице Преблагая. Егда же приспе время освящения храма, нарекоша его во имя Твоего , Пречистая, «Живоприемнаго Источника», в немже Тебе радостно воспеша:
 
Радуйся, Агнца и Пастыря Мати.
 
Радуйся, дворе словесных овец.
 
Радуйся, невидимых врагов мучение.
 
Радуйся, райских дверей отверзение.
 
Радуйся, яко небесная срадуются земным.
 
Радуйся, яко земная сликовствуют небесным.
 
Радуйся, апостолов немолчная уста.
 
Радуйся, страстотерпцев непобедимая дерзосте.
 
Радуйся, твердое веры утверждение.
 
Радуйся, светлое благодати познание.
 
Радуйся, Еюже обнажися ад.
 
Радуйся, Еюже облекохомся славою.
 
Радуйся, Невесто Неневестная.
 

Кондак 5

Боготечная звезда явися нам, Владычице, честная икона Твоего Благовещения, от Тиноса возсиявшая и весь мир лучами чудотворений озаряющая. К нейже и мы, с верою припадающе, непрестанно вопием Богу: Аллилуиа.
 

Икос 5

Видеша людие острова Тиноса всесвятую икону Твою, Богородительнице, в недрах земных близ святаго кладезя обретенную, радовахуся, яко открыся новый источник благодатных дарований и Тебе, возлюбившей место сие, воспеша тако:
 
Радуйся, Звезды незаходимыя Мати.
 
Радуйся, заре таинственнаго дне.
 
Радуйся, прелести пещь угасившая.
 
Радуйся, Троицы таинники просвещающая.
 
Радуйся, мучителя безчеловечнаго изметающая от начальства.
 
Радуйся, Господа Человеколюбца показавшая Христа.
 
Радуйся, варварскаго избавляющая служения.
 
Радуйся, тимения изымающая дел.
 
Радуйся, огня поклонение угасившая.
 
Радуйся, пламене страстей изменяющая.
 
Радуйся, верных Наставнице целомудрия.
 
Радуйся, всех родов веселие.
 
Радуйся, Невесто Неневестная.
 

Кондак 6

Проповедует страна Греческая преславная чудеса Твоя, Пренепорочная Дево, от святыя иконы Твоея на острове Тиносе бываемая: спасаеши бо корабли, морскими волнами потопляемыя, болящим здравие, слепым прозрение, скорбящим утешение подаеши, и всем во всяком месте и на всякий час благодатную помощь являеши, вопиющим о Тебе Всемогущему Богу: Аллилуиа.
 

Икос 6

Возсия благодать светозарная от пречуднаго образа Твоего, Богородице, егда дивно корабль от потопления спасла еси, призыванием Всесвятейшаго имени Твоего: морю бо, бушующуся и волнам, о брег разбивающимся, запретила еси, и люди, сущия в корабли, от гибели избавила еси. Мы же, о сем воспоминающе, глаголем Ти:
 
Радуйся, исправление человеков.
 
Радуйся, низпадение бесов.
 
Радуйся, прелести державу поправшая.
 
Радуйся, идольскую лесть обличившая.
 
Радуйся, море, потопившее фараона мысленнаго.
 
Радуйся, каменю, напоивший жаждущия жизни.
 
Радуйся, огненный столпе, наставляяй сущия во тьме.
 
Радуйся, покрове миру, ширший облака.
 
Радуйся, пище, манны Приемнице.
 
Радуйся, сладости святыя Служительнице.
 
Радуйся, земле обетования.
 
Радуйся, из неяже течет мед и млеко.
 
Радуйся, Невесто Неневестная.
 

Кондак 7

Хотящи явити токи чудес от Тиносския иконы Твоея, Владычице, повелела еси в болезнех и скорбех обретающимся молебная пения пред тою совершати и, получившим благодатную помощь - проповедати всем о благодеяниях Твоих, ради тоя иконы совершаемых. Темже и мы, Тобою облагодатствованнии, вопием прославльшему Тя Богу: Аллилуиа.
 

Икос 7

Новая и безчисленная чудеса показа Богоматерь от пречуднаго образа Своего: отроку бо, по молитве родителей, зрение даровала еси, афинянина Георгия от слепоты исцелила еси, отроковице Анастасии здрав ум возвратила еси, Димитрия, разслабленнаго, от недуга воздвигла еси и иныя многия от немощей душевных и телесных избавила еси, вопиющия Ти:
 
Радуйся, цвете нетления.
 
Радуйся, венче воздержания.
 
Радуйся, воскресения образ облистающая.
 
Радуйся, ангельское житие являющая.
 
Радуйся, древо светлоплодовитое, от негоже питаются вернии.
 
Радуйся, древо благосеннолиственное, имже покрываются мнози.
 
Радуйся, во чреве носящая Избавителя плененным.
 
Радуйся, рождшая Наставника заблуждшим.
 
Радуйся, Судии праведнаго умоление.
 
Радуйся, многих согрешений прощение.
 
Радуйся, одеждо нагих дерзновения.
 
Радуйся, любы, всякое желание побеждающая.
 
Радуйся, Невесто Неневестная.
 

Кондак 8

Странники и пришельцы есмы на земли сей: житие бо наше суетно и маловременно есть. К кому убо прибегнем мы, грешнии, аще не к Тебе, Всеблагая Мати: буди убо нам Путеводительницею и Наставницею в жизни сей, многоскорбней, и сподоби выну взывати Богу, вся во благо устрояющему: Аллилуиа.
 

Икос 8

Все величие чудес твоих, Пречистая, несть исчислити возможно, Ты бо непрестанно подаеши милости чрез многочисленныя иконы Твоя, среди коих Тиносский Твой образ Благовещения немерцаемо сияет и нас подвизает со усердием воспевати Тебе:
 
Радуйся, Бога невместимаго вместилище.
 
Радуйся, честнаго таинства двери.
 
Радуйся, неверных сумнительное слышание.
 
Радуйся, верных известная похвало.
 
Радуйся, колеснице пресвятая Сущаго на Херувимех.
 
Радуйся, селение преславное Сущаго на Серафимех.
 
Радуйся, противная в тожде собравшая.
 
Радуйся, девство и рождество сочетавшая.
 
Радуйся, Еюже разрешися преступление.
 
Радуйся, Еюже отверзеся рай.
 
Радуйся, ключу Царствия Христова.
 
Радуйся, надеждо благ вечных.
 
Радуйся, Невесто Неневестная.
 

Кондак 9

Все упование возлагаем на Твою благость, Пресвятая Владычице! Благодеяниям Твоим несть числа: предстоиши бо у Престола Всевышняго Бога и молишися о всех нас, любовию чтущих Тя, и покланяющихся цельбоносному образу Твоему, и вопиющих о Тебе немолчно: Аллилуиа.
 

Икос 9

Ветийство наше песненное не довлеет к прославлению многих чудес Твоих, Богородительнице, ихже от иконы Твоея явила еси и присно являеши верным: обаче Ты, яко воистину Благая Мати, веру и усердие наше примии и милостивно услыши сия похвалы:
 
Радуйся, премудрости Божия приятелище.
 
Радуйся, промышления Его сокровище.
 
Радуйся, любомудрыя немудрыя являющая.
 
Радуйся, хитрословесныя безсловесныя обличающая.
 
Радуйся, яко обуяша лютии взыскателе.
 
Радуйся, яко увядоша баснотворцы.
 
Радуйся, афинейская плетения растерзающая.
 
Радуйся, рыбарския мрежи исполняющая.
 
Радуйся, из глубины неведения извлачающая.
 
Радуйся, многи в разуме просвещающая.
 
Радуйся, кораблю хотящих спастися.
 
Радуйся, пристанище житейских плаваний.
 
Радуйся, Невесто Неневестная.
 

Кондак 10

Спасти хотящи многия от находящих зол и болезней, чудную икону Твою и Живоносный Источник на острове Тиносе явила еси, да вси вернии в скорбех и напастех к Тебе, Царице Небесней,  с верою несумненною прибегают, взывая хвалебно: Аллилуиа.
 

Икос 10

Стена еси Ты, ограждающая от всяких бед и болезней, Пресвятая Богородице, со умиленною молитвою призывающим в помощь Твое матернее милосердие. Темже и мы, припадающе пред образом Твоим, молим Тя: благопоспешно спаси и помилуй нас, с верою и любовию вопиющих Ти из глубины души:
 
Радуйся, столпе девства.
 
Радуйся, дверь спасения.
 
Радуйся, Начальнице мысленнаго наздания.
 
Радуйся, Подательнице Божественныя благости.
 
Радуйся, Ты бо обновила еси зачатыя студно.
 
Радуйся, Ты бо наказала еси окраденныя умом.
 
Радуйся, тлителя смыслов упраждняющая.
 
Радуйся, Сеятеля чистоты рождшая.
 
Радуйся, чертоже безсеменнаго уневещения.
 
Радуйся, верных Господеви сочетавшая.
 
Радуйся, добрая Младопитательнице девам.
 
Радуйся, Невестокрасительнице душ святых.
 
Радуйся, Невесто Неневестная.
 

Кондак 11

Пение наше не презри, Пресвятая Дево, и любве Твоея не лиши нас, щедрую руку помощи Твоея нам простирающи, да прославляя милости и чудеса Твоя, поем Триединому Богу: Аллилуиа.

 

Икос 11

Светлыми лучами чудес образ Твой, Дево Пречистая, на Тиносе сияет и весь мир благодатно озаряет знамении и чудесы. Благоизволила еси, Владычице, и стольному граду нашему Киеву даровати подобие честныя иконы сия, во обители Благовещения сию прославивши, да и мы, взирая на Твой чудный лик, благодарно взываем:
 
Радуйся, луче умнаго Солнца.
 
Радуйся, светило незаходимаго Света.
 
Радуйся, молние, души просвещающая.
 
Радуйся, яко гром враги устрашающая.
 
Радуйся, яко многосветлое возсияваеши просвещение.
 
Радуйся, яко многотекущую источаеши реку.
 
Радуйся, купели живописующая образ.
 
Радуйся, греховную отъемлющая скверну.
 
Радуйся, бане, омывающая совесть.
 
Радуйся, чаше, черплющая рaдocть.
 
Радуйся, обоняние Христова благоухания.
 
Радуйся, животе тайнаго веселия.
 
Радуйся, Невесто Неневестная.

 

Кондак 12

Благодать Божественную испроси нам у Сына Твоего и Бога, простри нам руку помощи, Владычице, умири жизнь нашу, да не погибнем люте, но от всякаго зла сохрани нас, под осенение Твоея святыя иконы прибегающих и со умилением поющих: Аллилуиа.
 

Икос 12

Поюще Твоя чудеса, бывшая в древняя и настоящая времена, хвалим Тя, яко Живоносный Источник благодати, яко бездну милостей и щедрот, и все упование на Тя возложив, пред чудотворным образом Твоим поем:
 
Радуйся, селение Бога и Слова.
 
Радуйся, святая святых большая.
 
Радуйся, ковчеже, позлащенный Духом.
 
Радуйся, сокровище живота неистощимое.
 
Радуйся, честный венче царей благочестивых.
 
Радуйся, честная похвало иереев благоговейных.
 
Радуйся, Церкве непоколебимый столпе.
 
Радуйся, Царствия нерушимая стено.
 
Радуйся, Еюже воздвижутся победы.
 
Радуйся, Еюже низпадают врази.
 
Радуйся, тела моего врачевание.
 
Радуйся, души моея спасение.
 
Радуйся, Невесто Неневестная.
 

Кондак 13

О Всепетая Мати, рождшая всех святых Святейшее Слово! Нынешнее наше приемши пение, от всякия бед, скорбей  и напастей, и от враг видимых и невидимых нас свободи, и будущаго избави осуждения вопиющих: Аллилуиа.


(Этот кондак читается трижды, затем икос 1 и кондак 1)

 

Молитва

О Пречистая Госпоже Владычице Богородице, Надеждо нашего спасения! Воззри милостивно на предстоящия с верою и любовию и покланяющияся Пречистому образу Твоему: приими наше хвалебное пение сие и пролей теплую Твою молитву о нас, грешных, ко Господу, да, презрев вся наша согрешения, спасет и помилует нас. О Предивная Владычице! Покажи на нас чудныя милости Твоя. Молим Тя умиленно: избави нас от всякия скорби, настави на путь всякия добродетели и благостыни, спаси от искушений, бед и болезней, изми от нас оклеветания и ссоры, сохрани от молниеноснаго грома, от запаления огненнаго, от глада, труса, потопа и смертоносныя язвы: подай нам Свою милостивную помощь на пути, в мори и на суше, да не погибнем люте. О Всемилостивая Мати, с твердым упованием возсылаем к Тебе нашу смиренную молитву! Не отрини наших слез и воздыханий, не забуди нас во вся дни живота нашего, но всегда пребывай с нами и Твоим заступлением и ходатайством у Господа подаждь нам отраду, утешение, защиту и помощь, да выну славим и величаем Преблагословенное и Всепетое имя Твое. Аминь.
 

 

ТИНОССКАЯ ИКОНА БОЖИЕЙ МАТЕРИ
 

В 1821 году, когда началась война между Грецией и Турцией и греки восстали на защиту своей политической независимости, один 80-летний благочестивый старец Михаил увидел во сне Пресвятую Деву Марию. Это первое видение было на острове Тиносе, где жил благочестивый старец. Явившаяся Богоматерь, обращаясь к нему, сказала: "Иди на тот участок земли, который находится в окрестностях города и принадлежит Антонию Доксарасу; раскопай его, и ты найдешь Мою икону".

Старец Михаил повиновался. Вместе с несколькими благочестивыми людьми он пришел в указанное место и стал рыть яму. Не находя, однако, там ничего, кроме кирпичей, Михаил принужден был возвратиться назад. После этого один из тиносских жителей решил воспользоваться вырытыми старцем Михаилом кирпичами для постройки печи. Нанят был печник; доставлен нужный для постройки материал. Началась кладка печи. Но по мере того, как печник возводил постройку, печь сама собой, совершенно непостижимым образом, распадалась. Сколько не употреблял печник усилий, как тщательно не относился он к своему делу, но ничего не мог достигнуть: все, что он создавал, разрушалось какой-то неведомой силой. Когда печник доложил об этом хозяину, тот отказался платить ему за работу. Возник судебный процесс. Суд, разобрав это дело, решил, что кирпичи были украдены, и приговорил тиносца возвратить их.

Через год, в июне 1822 года Пресвятая Дева Мария явилась одной 80-летней инокине, Пелагии, жившей в Успенском монастыре и сказала ей: "Встань, найди церковного старосту Стаматело Кангадис и скажи ему, чтобы он отыскал Мою икону, которая зарыта в участке Антония Доксараса, расположенном близ самого города; и прибавь ему, чтобы он приготовился к построению Мне великолепного храма".

Сестра пробудилась от сна, но не рассказала никому ничего, так как боялась, что ее сочтут мечтательницей. Через неделю Богоматерь вторично явилась Пелагии. За вторым явлением последовало третье и так же через семь дней. Явившись в третье воскресенье, Богородица строго приказала Пелагии исполнить все Ее повеления.

Пелагия тотчас встала, пошла к настоятельнице Успенского монастыря и все ей рассказала. Настоятельница знала добродетельную жизнь Пелагии и поэтому не могла не поверить ей. Тотчас же она отправила сестру к старосте, и та ему также рассказала свой сон. Староста немедленно пошел к местному епископу Гавриилу и донес о случившемся. Епископ, веря в свою очередь словам благочестивого старца, призвал к себе знатнейших граждан и духовенство своей епархии и рассказал им о сонном видении сестры Пелагии. После этого епископом был разослан циркуляр. В нем он призывал всех верных островитян собраться для исполнения приказания.

В сентябре 1822 года начали копать землю в указанном участке. Через несколько дней были открыты развалины храма св. Иоанна Предтечи. Раскопки начали вести близ алтаря этого храма. Там был открыт древний колодезь, но без воды. Однако икона, о которой говорили старец и сестра, не была найдена, и работы прекратились.

Через некоторое время на острове Тиносе распространилась заразная болезнь и сильно опустошила население этого острова. Местные жители приписали это бедствие справедливому гневу Божию. Они вторично принялись за работу. Но так как их раскопки и на этот раз не увенчались успехом, то они решили по крайней мере восстановить церковь Иоанна Предтечи. Приступили к закладке основания храма. Во время священнодействия епископ Гавриил потребовал воды, чтобы совершить водоосвящение. Один мальчик, к удивлению присутствовавших, сказал, что в том колодезе, который находится сбоку алтаря, воды более, чем достаточно. Его слова оправдались. Вода была почерпнута из колодца, и затем приступили к совершению водоосвящения.

Вскоре храм был восстановлен и его освятили, дав ему наименование «Живоприемного Источника», по причине воды, которая потекла и была названа святой. Ныне она проведена из колодца в большой резервуар. Позади алтаря этого храма, на перекладине двери, была найдена надпись следующего содержания: «Свет жизни; келья, принадлежащая господину моему св. Исидору». Очень может быть, что этот Исидор был епископом Тиносским.

Историк Атеней передает, что в древности на этом месте стоял великолепный храм, посвященный языческому богу моря - Нептуну. Близ него стоял священный лес, орошавшийся обильным водопроводом. Затем этот храм был обращен христианами в церковь и посвящен св. Иоанну Предтече. Однако сарацины, напавшие на греческие области, разрушили эту церковь и опустошили остров, принудив жителей его спасаться в горы. C победой христианства над языческим миром на месте тиносского языческого храма появился христианский храм и долго распространял среди окрестных жителей истинный свет евангельского учения Спасителя, пока волна ислама не разрушила его. Такое разрушение продлилось недолго, и вновь на Тиносском острове среди Эгейского моря восстал христианский храм, называемый «Живоприемным Источником».

Только после восстановления разрушенного храма тиносские жители были обрадованы вестью о том, что образ Богоматери найден. Это совершилось 30 января 1824 года. Икона Пресвятой Богородицы случайно была найдена недалеко от источника святой воды рабочими в то время, когда они трудились над уравнением помоста церкви Живоприемного Источника. Ударом лома икона была разбита надвое, но та ее часть, на которой изображены Пресвятая Дева и архангел Гавриил, осталась нетронутой. Обратная (задняя) сторона св. иконы сильно пострадала от огня в средние века, когда сарацины сожгли здесь церковь.

Согласно заветам Богоматери, открытым Ей в сонном видении сестре Пелагии, монастырские церковные старосты приступили к постройке храма в честь Пресвятой Девы. Храм предполагалось построить в больших размерах, но для осуществления этого проекта недоставало средств. Начатая было постройка церкви приостановилась.

Около этого именно времени совершилось следующее чудесное событие. На тиносском рейде стоял на якоре один английский корабль, на котором приехал английский консул. Ночью неожиданно поднялась чрезвычайно сильная буря, и судно потерпело крушение. Сильным напором ветра были сорваны на корабле почти все снасти, кроме одной, очень тонкой. Кораблю угрожало потопление. Капитан был в отчаянии, он обратился с горячей молитвой к Пресвятой Деве, прося о помощи, и молитва его была услышана, корабль был спасен.

К утру Эгейское море утихло. Капитан корабля явился к консулу, жившему на острове, и рассказал ему о случившемся чуде. В благодарность за избавление он пожертвовал в монастырь 100 больших испанских пиастров. Благодаря этому пожертвованию монастырские старосты немедленно же возобновили постройку храма в честь Пресвятой Богородицы. В то же время весть о совершившемся чуде передавалась из уст в уста и скоро облетела весь остров Тинос. Со всех его концов стали приходить христиане и жертвовать на постройку храма. Благодаря такому усердию местных жителей постройка храма была доведена до конца в том же году, как об этом свидетельствует надпись, существующая позади алтаря.

Пресвятая Богоматерь неоднократно оказывала помощь верным, прибегавшим к Ее Тиносскому образу. Со времени открытия Тиносской иконы Богородицы записано более 70-ти чудесных событий.

 

 

По благословению

митрополита Херсонского и Таврического Иоанна 
Опубликована: 02.09.2015