Православный календарь
Рекомендуем посетить
Музыковский Покровский мужской монастырь Херсонской епархии
УПЦ

НОВАЯ ИНФОРМАЦИЯ

Расписание богослужений в Свято-Духовском кафедральном соборе на ОКТЯБРЬ

Ночная литургия в Свято-Духовском кафедральном соборе в октябре -  с 18 на 19 (со среды на четверг)

Молитва о мире в Украине

Томос о даровании Украинской Православной Церкви самостоятельности в управлении

Обращение Патриарха к министру юстиции по вопросу независимости УПЦ

Официальные документы Украинской Православной Церкви относительно ситуации в нашей стране

Акафист Пресвятой Богородице в честь иконы Ее СМОЛЕНСКОЙ

 

Празднование:

 

10 августа (н.ст.)

 

 

Тропарь, глас 4

К Богородице прилежно ныне притецем, грешнии и смиреннии, и припадем, в покаянии зовуще из глубины души: Владычице, помози на ны милосердовавши, потщися, погибаем от множества прегрешений, не отврати Твоя рабы тщи, Тя бо и едину надежду имамы.

 

Кондак, глас 6

Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти: ускори на молитву и потщися на умоление, предстательствующи присно, Богородице, чтущих Тя.

 

Кондак 1

Избранней от всех родов, небеси и земли Царице, Пресвятей Богородице Одигитрии, яко избавльшеся от вечныя смерти благодатию от Тебе рождшагося Христа Бога нашего и Твоим матерним пред Ним ходатайством, благодарственное пение приносим Ти, раби Твои. Ты же, Всемилостивая наша Заступнице, от всяких нас бед и скорбных обстояний свобождай и к царствию горнему путеводствуй, да зовем Ти: Радуйся, Богородице Одигитрие, христиан упование.

 

Икос 1

Архангельский глас вопием Ти, Чистая: радуйся, Благодатная Одигитрие Марие, и радости духовныя исполни нас, да благоговейною душею и чистым сердцем принесем Ти, рождшей миру Спасителя Христа Бога нашего, глаголы сия:

Радуйся, Бога Отца благоволением осененная.

Радуйся, Бога Сына Мати еискусобрачная.

Радуйся, Бога Духа Святаго обитель священная.

Радуйся, Троическия тайны проявление.

Радуйся, ангельских умов удивление.

Радуйся, человеческаго рода украшение.

Радуйся, горняя с дольними совокупившая.

Радуйся, врата райския земнородным отверзшая.

Радуйся, лествице небесная.

Радуйся, стамно Богоприимная.

Радуйся, Купино Неопалимая.

Радуйся, трапезо Пресвятая.

Радуйся, Богородице Одигитрие, христиан упование.

 

Кондак 2

Видев икону Пресвятаго Твоего лика, Богородице Дево, юже всехвальный евангелист Лука написа, рекла еси о ней пречистыми усты Твоими: «С сею иконою благодать Моя и сила». Таковое обетование Твое уведевше, благоговейно почитаем пресвятый образ Твой, Владычице, и воспеваем Сыну Твоему и Богу: Аллилуиа.

 

Икос 2

Уразумев благоволение Твое, Богородице, к сей иконе Твоей, славный Апостол Лука дарова ю в благословение и освящение Христовой Церкви Антиохийстей, в нейже Путеводительницей она наименовася и чудесы божественными прославися. О сем благодаряще Тя, Госпоже Всеблагая, яко подобие пречистаго лика Твоего во утешение нам оставила еси, усердно Тебе вопием:

Радуйся, Царице горних и дольних.

Радуйся, Владычице Ангелов и человеков.

Радуйся, мира умирение.

Радуйся, древния вражды разрушение.

Радуйся, девства столпе.

Радуйся, смирения глубино.

Радуйся, облеченная в солнце.

Радуйся, сияющая Божественною славою.

Радуйся, Мати Света Невечерняго.

Радуйся, раю сладости небесныя.

Радуйся, вертограде Христов благоуханный.

Радуйся, одре Царя Великаго.

Радуйся, Богородице Одигитрие, христиан упование.

 

Кондак 3

Силою Божиею чудеса предивныя совершахуся от иконы Твоея, Богомати Владычице, егда принесена бысть в Царьград и в преславнем Влахернстем храме поставлена: слепыя просвещаше, всяк недуг в людех врачеваше благодатию Твоею, Богородице, да вси зовем прославльшему Тя Богу: Аллилуиа.

 

Икос 3

Имеяше Тя Царьград Заступницу Державную, Богородице Дево, и во дни нападения на него врагов сильных и бранеискусных, помощь Твою многочудную от святыя иконы Твоея Одигитрии получаше. Темже молимся Тебе, Всеблагая, якоже древле град оный многажды от погибели спасла еси, тако и нас, смиренных, спаси от погибели вечныя матерним предстательством Твоим ко Христу Богу, да благодарно зовем Ти:

Радуйся, Царьграда крепкое ограждение.

Радуйся, Влахернскаго храма благодатное сокровище.

Радуйся, нечестивых ратей одоление.

Радуйся, врагов Православия посрамление.

Радуйся, чад Христовых Предводительнице к победам.

Радуйся, Помощнице скорая в бедах к Тебе притекающих.

Радуйся, Заступнице усердная молитвенно Тя призывающих.

Радуйся, богомудрых святителей Споспешнице во благовестии Христовом.

Радуйся, похвало жен и дев славо.

Радуйся, столпе огненный, зной страстей умеряющий.

Радуйся, столпе облачный, мрак грехов разгоняющий.

Радуйся, Марие, Мати Христа Бога нашего.

Радуйся, Богородице Одигитрие, христиан упование.

 

Кондак 4

Бурею морскою корабли прегордаго Кагана, град Твой пленити восхотевшаго, сокрушила еси, Владычице, и победу над ним людем христоименитым даровала еси от святыя иконы Твоея Одигитрии, лучи света небеснаго испуская и вои православныя ими просвещая, да вси уведят, яко Ты еси воистину Воевода державная Царьграда и прославят милости Твоя и чудеса, воспевая Спасителю Богу: Аллилуиа.

 

Икос 4

Слышавше о чудесех Твоих преславных, Богородице Дево, яже от иконы Твоея явила еси в Царьграде, недоумеем, како икона та, носимая по стогнам града, силою Божественною носившими ю управляше и стопы их по воле Твоей направляше; направи убо, Владычице, и наша стопы на путь исполнения заповедей Христовых, и научи нас верно исполняти святую волю Сына Твоего и Бога, да Тебе вопием сице:

Радуйся, свеще неугасимая.

Радуйся, звездо незаходимая.

Радуйся, сияющая светом Божественным.

Радуйся, просвещающая благодатию души верных.

Радуйся, мира Христова благоухание.

Радуйся, земли освящение.

Радуйся, чаше, черплющая радость всему миру.

Радуйся, источниче, изливающий вечную сладость.

Радуйся, чертоже благоукрашенный Царя царей.

Радуйся, рая краснейшая.

Радуйся, утра светлейшая.

Радуйся, ручко всезлатая.

Радуйся, Богородице Одигитрие, христиан упование.

 

Кондак 5

Яко Боготечная звезда, икона Твоя, Богомати Владычице, благоволением Твоим от Царьграда в страну Русскую принесеся, и граду Смоленску в наследие благодатное даровася, темже благодарим Тя, о Госпоже Всемилостивая, яко таковый дар святый Отечеству нашему даровала еси, и поем в Троице славимому Богу: Аллилуиа.

 

Икос 5

Видевше преславное заступление Твое града Смоленска, Пречистая Владычице, прославляем великую Твою милость, еюже град сей от разорения Батыева чудесно спасла еси, гласом Божественным от иконы Твоея исшедшим, угодника Христова Меркурия на единоборство с предводителем рати Батыевой послав, егоже он мечем своим порази и град Твой от запаления огненнаго избави, самого же его венцем мученическим увенчала еси; того молитвами небесными сподоби нас на земли неосужденно взывати к Тебе:

Радуйся, мученика Христова Меркурия на подвиг ратный укрепившая.

Радуйся, гласом от иконы Твоея святыя его воодушевившая.

Радуйся, ико Давида на Голиафа победою его увенчавшая.

Радуйся, града Смоленска крепкое защищение.

Радуйся, град Твой от разорения избавившая.

Радуйся, Избавительнице от плена и поражения.

Радуйся, страны Русския благодатное утешение.

Радуйся, Церкви Христовой боголепное украшение.

Радуйся, любящих Тя присное радование.

Радуйся, Утолительнице печалей.

Радуйся, болящих исцеление.

Радуйся, унывающих в скорбех ободрение.

Радуйся, Богородице Одигитрие, христиан упование.

 

Кондак 6

Проповедует страна Русская милости и чудеса Твоя, Пречистая Дево Богородице, и град Смоленск светло красуется, имея чудотворную икону Твою, всякия болезни исцеляющую и недужным здравие подающую. Сего ради со благоговением почитаем многоцелебный образ Твой, Госпоже Всеблагая, и покланяющеся ему, яко залогу Твоего к нам благоволения, вопием Богу: Аллилуиа.

 

Икос 6

Возсияла еси в стране Русстей лучами Божественных чудес от святыя иконы Твоея исходящими, Пречистая Владычице, к нейже от лет древних отцы наши прихождаше в скорбех и болезнех и нетщетны отхождаше. Имже вслед и мы к Тебе приходяще и, с любовию благоговейно лобызая образ Твой чудотворный, молимся Тебе: утоли печали наша, уврачуй недуги наша, да зовем Ти:

Радуйся, жезле старости.

Радуйся, вдовиц заступление.

Радуйся, сирот призрение.

Радуйся, младенцев воспитание.

Радуйся, нищих снабдение.

Радуйся, пленных свобождение.

Радуйся, скорбящих утешение.

Радуйся, столпе и утверждение девства.

Радуйся, иноков Покровительнице.

Радуйся, инокинь Наставнице.

Радуйся, постников укрепление.

Радуйся, в подвиге девства подвизающихся вспоможение.

Радуйся, Богородице Одигитрие, христиан упование.

 

Кондак 7

Хотя даровати граду Москве причастие благодати от святыя иконы Твоея, Владычице Всемилостивая, благоволила еси принести икону Твою от Смоленска в Москву, да тамо пребывая, чудесы многими прославится. Егда же, по умолению жителей Смоленска, возвращашеся образ Твой святый в град их, на месте прохождения иконы Твоея Одигитрии обитель дев во имя Твое сооружена бысть, в нейже под осенением чудотворныя иконы Твоея с верою и любовию воспеваем немолчную песнь Богу: Аллилуиа.

 

Икос 7

Новосозданная обитель инокинь во граде Москве благоговейно чествует святое подобие чудотворныя иконы Твоея Одигитрии, милости неизреченныя источающей верным, еяже осенением люди православныя благодатно утешаеши и в подвигах поста и молитвы утверждаеши, подвизая их немолчно воспевати матерния Твоя щедроты и благодарно взывати Тебе:

Радуйся, Богом возлюбленная Царице.

Радуйся, Бога возлюбившая Владычице.

Радуйся, едина благословенная в женах.

Радуйся, небесных радование.

Радуйся, земных заступление.

Радуйся, демонов посрамление.

Радуйся, ада попрание.

Радуйся, укрепленная силою Господа сил.

Радуйся, облеченная властию Царицы неба и земли.

Радуйся, воинствующих на плоть целомудрием благая Помощнице.

Радуйся, подвизающихся в посте и безмолвии милостивая Утешительнице.

Радуйся, избавляющая скорбей всяческих.

Радуйся, Богородице Одигитрие, христиан упование.

 

Кондак 8

Странствие земное многоскорбное и многомятежное услаждаеши нам матерним Твоим о нас попечением, Богородице, и во дни скорбных обстояний помощь святую являеши нам во спасение. Памятуем и исповедуем, Владычице, Твое заступление, егда галлы страну Русскую разориша и град Москву плениша, Ты икону Свою святую Одигитрию от Смоленска в полцы воинства Русскаго благоволила еси принести, и тем вои православныя воодушевила еси, и славную победу им даровала еси, предстательством Твоим к Сыну Твоему и Богу, Емуже поем: Аллилуиа.

 

Икос 8

Вся милости и щедрот преисполненная, Всеблагая Мати Божия, воинству православному помощь и одоление на враги преславно даровала еси. И егда не бе нам уже спасения надежды, яко и наш град пленен и разорен бысть, галлы с бесчестием от Отечества нашего отгнала еси и победою дивною нас увенчала еси. Всегда памятуя таковое Твое заступление, хвалебно Тебе вопием:

Радуйся, страну нашу Русскую от нашествия иноплеменных предивно избавившая.

Радуйся, гордых силою Своею со стыдом вспять возвратившая.

Радуйся, иноверных ратей Всесильная Победительнице.

Радуйся, православнаго воинства державная пособнице.

Радуйся, иконою Твоею святою с воинами русскими милостивно пребывающая.

Радуйся, чудотворным образом Твоим полки их освящаюшая.

Радуйся, изнемогающих силою свыше укрепляющая.

Радуйся, безпомощным помощь Твою святую подающая.

Радуйся, обидимых правосудная Заступнице.

Радуйся, ненадежных надеждо.

Радуйся, печальных отрадо.

Радуйся, Богородице Одигитрие, христиан упование.

 

Кондак 9

Вси вернии с радостию и утешением видят образ Твой святый, на немже умиленно взираеши на Богомладенца Христа, сего ради молим Тя, Всеблагая, яко Матерь вся содержащаго в деснице Своей Владыки: воззри и на нас милостивно, и умоли Господа, да помилует нас недостойных. Научи нас, Владычице, молитися Ему благоприятно, и неосужденно пети Ему нескверными усты и чистым сердцем ангельскую песнь: Аллилуиа.

 

Икос 9

Витийство наше песненное не довлеет к прославлению многих Твоих чудес, Богородице Одигитрие, ихже от святыя иконы Твоея явила еси и присно являеши верным: обаче Ты, яко воистину Благая Мати, веру и усердие наше приими, веси бо и любовь к Тебе нашу, еюже сердца наша пламенеют, и милостивно услыши сия в простоте составленныя похвалы:

Радуйся, обрадованная Приснодево.

Радуйся, Невесто Неневестная.

Радуйся, селение Бога Слова.

Радуйся, обитель Святейшаго святых.

Радуйся, с Сыном Царем небес вечно царствующая.

Радуйся, матернее дерзновение к Нему имущая.

Радуйся, молитвам верных милостивно внемлющая.

Радуйся, любящим Тя любовию Твоею Божественною воздающая.

Радуйся, Сиона горняго украшение.

Радуйся, мира дольняго защищение.

Радуйся, граде спасения нашего.

Радуйся, горо святая, сошествием Божиим прославленная.

Радуйся, Богородице Одигитрие, христиан упование.

 

Кондак 10

Спаси нас, Владычице, от погибели вечныя матерним предстательством Твоим ко Христу Богу, и сподоби нас узрети Тя в час кончины нашея, от руки лютаго миродержителя душу нашу соблюдающую, да помощию Твоею святою избегнем его сетей и сподобимся Царствие Небесное получити и в радости вечней воспевати Человеколюбцу Богу: Аллилуиа.

 

Икос 10

Стена еси девам, Богородице Дево, и всем ревнителем девства и чистоты усердная Помощнице. Молим Тя, Пречистая: очисти наша сердца от всякия скверны греховныя, и украси души наша целомудрием и чистотою, да невредимы пребудем от всех искушений мира, плоти и диавола находящих, и сподобимся достойно возглашати Тебе песни таковыя:

Радуйся, добрая Младопитательнице девам.

Радуйся, благосердая Попечительнице сирот.

Радуйся, тихое прибежище обуреваемых страстями.

Радуйся, надежное пристанище смущаемых искушениями.

Радуйся, Мздовоздаятельнице подвижников целомудрия.

Радуйся, Споборнице борющихся со враги невидимыми.

Радуйся, милостивая Посетительнице неповинно осужденных.

Радуйся, благая Утешительнице напрасно оклеветанных.

Радуйся, Божественная Свободительнице сущих в плену и изгнании.

Радуйся, всемощная Покровительнице труждающихся и обремененных.

Радуйся, Судии Праведнаго умоление.

Радуйся, грешных с Богом примирение.

Радуйся, Богородице Одигитрие, христиан упование.

 

Кондак 11

Пение всеумиленное слышаще от верных рабов Твоих возносимое, Ты, Пречистая Мати Дево, яко имущая милосердие неизреченное, насыти нас пищею нетленною Слова Божия и научи нас всегда исполняти животворныя заповеди Господа нашего, Егоже умоли, Предстательнице наша Всеблагая, да ниспослет милость Свою нам, недостойным, и сподобит нас унаследовати Его всесветлое и всеблаженное Царствие, идеже от всех святых поется Ему хвалебная песнь: Аллилуиа.

 

Икос 11

Светлыми лучами чудес Твоих, Богородице Дево, просвещаеши нас благодатно, и от святыя иконы Твоея Одигитрии утешение духовное ниспосылаеши угодникам Божиим; нам же, грешным, дары целебныя подаеши от нея неоскудно, да зовем Ти благодарственно и хвалебно:

Радуйся, Агнца и Пастыря Нетленнаго рождшая.

Радуйся, девство и рождество в Себе сочетавшая.

Радуйся, крине девства, к чистому и девственному житию приводящая.

Радуйся, избранником Божиим любовь Твою святую являющая.

Радуйся, угодником Господним веления небесныя открывающая.

Радуйся, преподобнаго Сергия Радонежскаго посещением Твоим сподобившая.

Радуйся, преподобнаго Кирилла Белоезерскаго гласом от иконы Твоея на Белоезеро направившая.

Радуйся, преподобнаго Савватия Соловецкаго в подвигах пустынных укрепившая.

Радуйся, святителя Митрофана Воронежскаго иконою Твоею облагодатствовавшая.

Радуйся, обителей Христовых покров и снабдение.

Радуйся, рабов Божиих среди мира тайное вразумление.

Радуйся, Богородице Одигитрие, христиан упование.

 

Кондак 12

Благодать Божия действует в чудесех, преславно являемых от святаго образа Твоего, Преблагословенная Богородице Дево, еюже и наши души просвети, мрак греховный разгоняя сиянием Солнца Правды Христа, да во свете повелений Его богоугодно житие сие временное поживем во всяком благочестии и чистоте, и сподобимся блаженство вечное получити и со избранными пети Богу: Аллилуиа.

 

Икос 12

Поюще Твоя чудеса, Богородице, проповедуем милости Твоя, прославляем щедроты Твоя неисчетныя и, припадая к чудотворней иконе Твоей, молим Ти ся с верою и любовию: буди нам Путеводительница Благая к светлому граду Иерусалиму Небесному, да узрим Тя с высоты славы Твоея Божественныя на нас милостивно взирающую и вкупе со святыми воспоем Ти сице:

Радуйся, радосте наша пресвятая.

Радуйся, Царице наша преблагая.

Радуйся, усыновившая нас при Кресте Сына Твоего и Бога.

Радуйся, матернюю любовь к нам являющая.

Радуйся, во благих желания наша дивно исполняющая.

Радуйся, скоропослушливая к смиренным молитвам.

Радуйся, покровом Твоим святым нас покрывающая.

Радуйся, ризою Твоею честною благонадежно нас защищающая.

Радуйся, в час кончины нашея всесильная нам Помощнице.

Радуйся, в мытарствах воздушных державная нам Заступнице.

Радуйся, телес наших безмездное врачевание.

Радуйся, душ наших спасение.

Радуйся, Богородице Одигитрие, христиан упование.

 

Кондак 13

О Всепетая Мати, Царице Всемилостивая Дево Богородице Одигитрие! Приими малое сие моление наше и принеси е Сыну Твоему и Богу нашему, матерне умоляя Его благость, да помилует нас, грешных и недостойных, и Твоего ради всесильнаго ходатайства избавит нас мучения вечнаго, сподобит Царствие Небесное получити и тамо со Ангелы воспевати Богу: Аллилуиа.

 

(Этот кондак читается трижды, затем икос1 и кондак 1)

 

Молитва

О Пречудная и Превышшая всех тварей Царице Богородице, Небеснаго Царя Христа Бога нашего Мати, Пресвятая Одигитрие Марие! Услыши нас грешных и недостойных, в час сей молящихся и к Тебе со воздыханием и слезами пред пречистым Твоим образом припадающих и сице умильно глаголющих: изведи нас от рова страстей, Одигитрие благая, избави нас от всякия скорби и печали, огради от всякия напасти и злыя клеветы, и от неправеднаго навета вражия: можеши бо, о Благодатная Мати наша, от всякаго зла сохранити люди Твоя, и всяким благодеянием снабдити и спасти, разве бо Тебе иныя Предстательницы в бедах и обстояниях и теплыя Ходатаицы о нас, грешных, к Сыну Твоему, Христу Богу нашему, не имамы, Егоже умоли, Владычице, спасти нас и Царствия Небеснаго сподобити, да спасеннии Тобою славим Тя и в будущем веце, якоже спасения нашего Виновницу, и превозносим всесвятое и великолепое имя Отца и Сына и Святаго Духа, в Троице славимаго и покланяемаго Бога во веки веков. Аминь.

 

Смоленская икона Божией Матери

Смоленская икона Божией Матери, именуемая Одигитрией, весьма древнего происхождения. Она была принесена в Россию из Греции, но когда и кем – об этом не сохранилось вполне ясных и достоверных сведений. Есть одно сказание, в котором сообщается, что греческий император Константин Порфирородный благословил этой иконой дочь свою, царевну Анну, выдавая ее замуж в 1046 году за черниговского князя Всеволода Ярославича. Так как эта икона сопровождала царевну Анну в ее путешествии из Царьграда в Черниговское княжество, то отсюда и сама икона получила наименование Одигитрии, т. е. «Путеводительницы». Существует также другое объяснение наименования Одигитрии. Думают, что Смоленская икона Одигитрии представляет из себя список с Одигитрии Влахернской, так как имеет с ней большое сходство в изображении; а потому Смоленская икона, как копия, вполне естественно заимствовала и подобное же наименование. Следует отметить и еще одно весьма распространенное сказание, по которому Смоленская Одигитрия, подобно Одигитрии Влахернской, написана евангелистом Лукой, который, согласно древнему преданию, написал около семидесяти икон Божией Матери.

После смерти черниговского князя Всеволода Ярославича икона Одигитрии досталась по наследству сыну его Владимиру Всеволодовичу Мономаху, от греческой царевны Анны. Владимир Мономах перенес благословение своей матери из Чернигова в Смоленск и поставил ее в соборном храме Успения Богоматери, заложенном им же 3 мая 1101 года. С этого времени икона Одигитрии стала называться Смоленской.

Из многочисленных чудес, совершившихся от этой иконы, особенно замечательно избавление Смоленска от татар. В 1239 году, во время грозного нашествия на русскую землю диких полчищ Батыя, один из татарских отрядов зашел в Смоленскую область, и Смоленск подвергался опасности быть разграбленным. Жители, чувствуя себя не в силах отразить грозного врага, обратились с горячей мольбой к Божией Матери. Богоматерь услышала их моления и даровала городу спасение ради святой иконы Своей Одигитрии. Татары остановились в Долгомостье, в 24 верстах от Смоленска, с намерением произвести внезапное нападение на город. В это время в дружине смоленского князя находился один воин, по имени Меркурий, человек весьма благочестивый. Его именно Богоматерь и избрала Своим орудием для спасения города. В ночь на 24 ноября в кафедральном соборе, где стояла чудотворная икона Одигитрии, церковный пономарь получил от Нее повеление объявить Меркурию:«Меркурий! Изыди скоро в броне воинской, ибо тебя зовет Владычица».

Сторож тотчас же пошел к Меркурию и объявил ему это. Тот, надев воинские доспехи, поспешил в храм к иконе Богоматери и там услышал голос от иконы:«Меркурий! Посылаю тебя оградить дом Мой. Сама Я буду с тобою, помогая рабу Своему. Но там вместе с победой ожидает тебя венец мученический, который приими от Христа».

Со слезами пал ниц Меркурий перед святой иконой и, свято исполняя волю Богоматери, без страха пошел на неприятеля. Перебив множество врагов, Меркурий наконец сам был поражен в голову и упал мертвым, кровью запечатлев свой геройский подвиг.

В начале XV века икона Одигитрии была принесена из Смоленска в Москву и поставлена в качестве весьма чтимой святыни в Благовещенском соборе, по правую сторону от царских врат.

В 1456 году прибыл в Москву епископ Смоленский Мисаил в сопровождении наместника города и многих знатных граждан и просил московского великого князя Василия Васильевича Темного отпустить святую икону Одигитрии в Смоленск. Посоветовавшись с митрополитом Ионою и боярами, великий князь решил исполнить просьбу смоленских послов и отпустить с ними икону, предварительно сняв с нее копию, которая была потом поставлена в Благовещенском соборе, на том месте, где стояла Смоленская икона Одигитрии.

В 1525 году великий князь Василий Иоаннович в память возвращения Смоленска от Литвы основал в Москве Новодевичий монастырь, недалеко от того места, где было последнее молебствие перед Смоленской иконой, и установил в этот монастырь ежегодный крестный ход 28 июля. Здесь же, в Новодевичьем монастыре, по повелению князя, был поставлен список со Смоленской иконы, находившийся прежде в Благовещенском соборе.

В 1812 году, во время нашествия французов, эта икона вынесена была перед Бородинской битвой из Смоленска епископом Иринеем (Фальковским) и доставлена им же в Москву. В день Бородинской битвы, 26 августа, когда обычно праздновалось сретение Владимирской иконы Богоматери, преосвященный Августин вместе с Грузинскими епископами Ионою и Пафнутием в крестном ходе обносил Смоленскую, Иверскую и Владимирскую иконы Божией Матери вокруг Белого города, Китай-города и Кремлевских стен.

После Бородинской битвы в Москве, в Лефортовском дворце, лежали раненые и больные воины. 31 августа преосвященный Августин с духовенством отправил к ним чудотворные иконы Иверскую и Смоленскую. Невозможно описать того чувства, которое охватило воинов при виде этих святынь, несомых священнослужителями. Стоны прекратились. Забыв невыносимую боль своих ран, они с радостным умилением и слезами смотрели на святые иконы. Тут же был отслужен молебен с водосвятием. Несчастные страдальцы с усилием поднимались со своих мест и ползли или тащились на костылях, чтобы облобызать святые иконы. Здесь святые иконы оставались до глубокой ночи. Перед занятием Москвы французами, Смоленская икона была вынесена отсюда епископом Иринеем и отправлена в Ярославль и оставалась здесь до самого окончания Отечественной войны. Когда всякая опасность миновала, святая икона из Ярославля была снова возвращена в Смоленск, где находится и поныне в кафедральном соборе.

Смоленская икона Божией Матери пользуется великим почитанием среди православного русского люда. Списки с нее распространены в огромном количестве по церквям и домам верующих. Чудотворных и особо чтимых копий с этой иконы насчитывается более 30.

 

По благословению

митрополита Херсонского и Таврического Иоанна

Опубликована: 02.09.2015