Православный календарь
Рекомендуем посетить
Музыковский Покровский мужской монастырь Херсонской епархии
УПЦ

НОВАЯ ИНФОРМАЦИЯ

Расписание богослужений в Свято-Духовском кафедральном соборе на октябрь  

  Ночные литургии в Свято-Духовском кафедральном соборе Херсона в октябре - со 2 на 3 и с 23 на 24; в ноябре - с 14 на 15 и с 28 на 29

Акафист Пресвятой Богородице в честь иконы Ее ФЕОДОРОВСКОЙ

 

 

Празднование:

 

 27 марта (н.ст.)

27 июня (н.ст.) (в городе Алешки)

29 августа (н.ст.)

 

 

Тропарь, глас 4

Присшествием честныя Твоея иконы, Богоотроковице, обрадованный днесь Богохранимый град наш, якоже древний Израиль к кивоту Завета, притекает ко изображению лица Твоего и воплотившагося от Тебе Бога нашего, да Твоим матерним к Нему предстательством присно ходатайствуеши всем под сень крова Твоего прибегающим мир и велию милость.

 

Кондак, глас 8

 Благодарственная приносяще Ти, раби Твои, Богородительнице, о всех, имиже благодеяла еси граду нашему, из глубины души взываем к Тебе и мили ся деем: не престани, Владычице, матерними к Сыну Твоему и Богу нашему молитвами подавати вся благая и спасительная всем верою и любовию вопиющим Ти: радуйся, Дево, христиан похвало.

 

Кондак 1

Взбранней Воеводе, Пренепорочней Деве Богородице, Заступнице нашей и предстательству христиан непостыдному, явлением чудныя иконы Своея радование подавшей земли нашей и вся верныя чада Церкве просветившей, благодарение усердно приносим Ти, Богородице, и, припадающе пречудному образу Твоему, умильно глаголем: спаси, Госпоже, и помилуй рабы Твоя зовущия: Радуйся, Мати Божия, Предстательнице и Заступнице наша усердная.

 

Икос 1

Архангел Гавриил от Бога послан бысть во град Назарет ко Пречистей Деве Марии, и вшед к Ней, рече: «Радуйся, Благодатная, Господь с Тобою, благословенна Ты в женах». Ангельскому гласу подражающе, и мы, грешнии, радости и благодарения в сердцы своем исполнени, пред явленным образом Твоим благохваления наша возносити к Тебе дерзаем, Пресвятая Богородице:

Радуйся, отрасле от корене Давидова благословенная.

Радуйся, обетом родителей в жертву Богу принесенная.

Радуйся, святых праведных Иоакима и Анны Дщи Богоданная.

Радуйся, триех лет во храм Божий введенная и тамо воспитанная.

Радуйся, тамо смирением и чистотою всех удивившая.

Радуйся, тамо Ангельския беседы сподобльшаяся.

Радуйся, Дево, о зачатии Бога Слова благовестие во смирении приимшая.

Радуйся, избранная Отроковице, к зачатию Бога Слова силою свыше осененная.

Радуйся, тайну воплощения Сына Божия, от веков в Бозе сокровенную, открывшая.

Радуйся, Агнице, рождшая Агнца Христа, вземшаго грехи мира.

Радуйся, Тобою бо избавляемся мук адовых.

Радуйся, Тобою бо сподобляемся вечныя жизни.

Радуйся, Мати Божия, Предстательнице и Заступнице наша усердная.

 

Кондак 2

Видя икону Твою, Пресвятая Дево, на древе стоящу, князь благочестивый Костромский ужасом многим содрогашеся, недоумея, что бысть видение сие. Хотящу же ему прияти ю и от сего свыше удержану ему бывшу, не можаше; уведев, яко чудно есть иконы тоя явление, воззва к Богу: Аллилуиа.

 

Икос 2

Разумом желая разумети князь благочестивый пришествие пречудного Твоего образа во град Кострому, Богородице, душею, радования преисполненною, себе предаде водительству Божию и, преклонь колена, со страхом вопияше Тебе:

Радуйся, Дево, явльшая образ Свой чудно.

Радуйся, Благословенная, в явлении образа Своего милосердие нам являющая.

Радуйся, о всех чтущих Сына Твоего промышляющая.

Радуйся, всем просящим у Тебе дары, в меру веры, ко спасению подающая.

Радуйся, путь истины заблуждшим показующая.

Радуйся, к горнему миру чудесы Твоими ум наш возводящая.

Радуйся, смущения помышлений сумнительных удаляющая.

Радуйся, славящих Тя всегда прославляющая.

Радуйся, чистотою Твоею чистоте нас научающая.

Радуйся, чистотою Твоею нечистоту нашу обличающая.

Радуйся, моления наша приемлющая.

Радуйся, рыданий и слез не отметающая.

Радуйся, Мати Божия, Предстательнице и Заступнице наша усердная.

 

Кондак 3

Силу Божию благочестивый князь познав в восхождении образа чуднаго Твоего, Богомати, в явлении же видев милосердие Твое ко всем спасение хотящим получити, рече: Аллилуиа.

 

Икос 3

Имев помысл стяжати даруемое Небесное сокровище, лик Твой светлый, Богомати, второе простре державный руку к образу низшедшему; узрев же паки его восхождение, скоро пойде во град и поведа о бывших ему освященному собору, да, пришедше и видяще иконы Твоея явление, возопиют с ним вернии:

Радуйся, Царице Небесе и земли.

Радуйся, престоле Царя царствующих.

Радуйся, Пренепорочная Дево.

Радуйся, Мати Непреступнаго Света.

Радуйся, честнейшая Херувим.

Радуйся, славнейшая без сравнения Серафим.

Радуйся, Небесными Силами величаемая.

Радуйся, от всех земнородных ублажаемая.

Радуйся, неизреченное веселие Ангелов.

Радуйся, венче царственный всех пророков и апостолов.

Радуйся, православия Христовы Церкве ограждение.

Радуйся, всех суемудрых учений и ересей низложение.

Радуйся, Мати Божия, Предстательнице и Заступнице наша усердная.

 

Кондак 4

Бурю внутрь имея помышлений недоуменных, освященный собор со псалмы и песньми духовными абие притече видети образ Твой, Неискусобрачная. Узрев же его на древе дивно стояща и благолепно красотою сияюща, рече: Аллилуиа.

 

Икос 4

Слышаша людие честныя иконы Твоея, Богоотроковице, пришествие, и ко оной текше, покланяхуся, аки Самей Тебе сущей, и со умилением и слезами вопияху к Тебе:

Радуйся, Дево, Благословенная в женах, во чреве Твоем Носителя всяческих носившая.

Радуйся, рождением Сына Твоего спасение миру всему явльшая.

Радуйся, человеки с Богом соединившая.

Радуйся, превысшая Небес, избавльшая нас от клятвы.

Радуйся, нас к вечней жизни руководящая.

Радуйся, Владычице мира.

Радуйся, Божие к смертным благоволение.

Радуйся, смертных к Богу дерзновение.

Радуйся, благих во благости соблюдающая.

Радуйся, лукавых на путь благий обращающая.

Радуйся, под сень крова Твоего прибегающих милующая.

Радуйся, уповающим на Тя вся потребная к животу и благочестию дарующая.

Радуйся, Мати Божия, Предстательнице и Заступнице наша усердная.

 

Кондак 5

Яко боготечную звезду, узреша людие икону Твою, Безневестная Дево, и, яко многосветлый светильник, поставиша ю во святем соборнем храме, радующеся и вопиюще Богу: Аллилуиа.

 

Икос 5

Видевше жителие града Городца образ Твой, Владычице, во храме града Костромы стоящий, и на руку Твоею держима Богомладенца Иисуса, скорбию одержими беша, зане отшествие его бысть из града их. Мы же, обрадовани благоволением Твоим ко граду нашему, приносим Ти дары и, с любовию лобызающе Твой святый образ, вопием Ти:

Радуйся, Звездо, Солнце Правды нам явльшая.

Радуйся, возлюбившая сию страну.

Радуйся, обретение Тебе ищущих.

Радуйся, радостию неизреченною верных сердца исполняющая.

Радуйся, сокровище благодати неистощимое.

Радуйся, милости приснотекущий источниче.

Радуйся, от тяжких бед спасающая.

Радуйся, от смертоносныя язвы избавляющая.

Радуйся, всего мира Ходатаице.

Радуйся, всех недугующих Целительнице.

Радуйся, красото несравненная.

Радуйся, доброто несказанная.

Радуйся, Мати Божия, Предстательнице и Заступнице наша усердная.

 

Кондак 6

Проповедницы богоноснии быша видевшии образ Твой, Богородице: возвращся бо кийждо во страну свою, возвещаше о пришествии его и чудесех, от него бываемых, воспевая Богу: Аллилуиа.

 

Икос 6

Возсиявша благодать от чуднаго образа Твоего, Чистая, веру немощствующих утверди, верных же возвесели сердца любовию. Сего ради радующеся, вопием Ти:

Радуйся, Пресвятая Дево, светом Небесныя истины нас озаряющая.

Радуйся, мглу греховную от нас отгоняющая.

Радуйся, чудесы Твоими к боговедению нас приводящая.

Радуйся, всех кающихся грешников ко благочестию подвизающая.

Радуйся, всех притекающих к Тебе крепкое заступление.

Радуйся, немощствующих умом утверждение.

Радуйся, изнемогающих в вере возставляющая.

Радуйся, тихое пристанище в море житейстем обуреваемым.

Радуйся, злыя советы сынов погибельных открывающая.

Радуйся, вознесенную гордыню врагов отечества нашего смиряющая.

Радуйся, православных царей державо.

Радуйся, всех христиан похвало.

Радуйся, Мати Божия, Предстательнице и Заступнице наша усердная.

 

Кондак 7

Хотя прославити Сын Твой, Богородице, святую икону Твою во граде Костроме, повеле ю в день Успения Твоего святому великомученику Феодору Стратилату носити по граду сему, да вси, видяще чудо сие, благодарным сердцем возопиют Ему: Аллилуиа.

 

Икос 7

Чудо новое яви нам Господь мольбами Твоими, Богородице, егда сгоревшу храму, в немже бе поставлен святый образ Твой, сохрани его в пепле невредима от огня, и тако мневших сгоревша его печаль в радость преложи. Мы же, чудо сие ведяще, воспеваем Ти таковая:

Радуйся, Купино Неопалимая.

Радуйся, огненный столпе, сущия во тьме наставляяй.

Радуйся, кивоте Духом позлащенный, Невместимаго Бога вместивший.

Радуйся, кадильнице златая, яко фимиам благоуханный, молитвы Твоя за ны к Богу Сыну присно возносящая.

Радуйся, жезле Ааронов к явлению в мир Сына Твоего прозябший.

Радуйся, руно Гедеоново, благодатию Божиею во спасение наше орошенное.

Радуйся, горо несекомая, от Неяже отсечеся краеугольный камень, Христос.

Радуйся, храме одушевленный, в немже вселися Божество телесне.

Радуйся, девства охранение.

Радуйся, супружества благословение.

Радуйся, паче всех Господа возлюбившая.

Радуйся, паче всех от Него превознесенная.

Радуйся, Мати Божия, Предстательнице и Заступнице наша усердная.

 

Кондак 8

Странное чудо видевше, на воздусе икону Богоматери стоящу, аки руками ангельскими держиму, егда второе сгоре храм, в немже стояше явленная сия икона, отвержемся, людие, мира сего, ум на Небеса преложше: сего бо ради и дадеся нам чудная икона Богородицы, да взирающе на ню, горняя мудрствуем, а не земная, вопиюще к Богу: Аллилуиа.

 

Икос 8

В Вышних пребывающи селениих, и нижних не разлучилася еси, Богородице, чудесы Твоими всех просвещающи приходящих к Тебе верою; сего ради и слышиши от нас сия:

Радуйся, Мати Христа Бога нашего, на Небеси пребывающая.

Радуйся, на земли нас не оставляющая.

Радуйся, ради величества Твоего на Небеси Ангелы окруженная.

Радуйся, ради славы Твоея на земли от человек прославляемая.

Радуйся, Тебе бо служат вся Небесныя Силы.

Радуйся, Тебе бо, по Бозе, хваление возносят Херувими и Серафими.

Радуйся, лице Божие выну на Небеси созерцающая.

Радуйся, пред Престолом Сына Твоего матерния руце Твои, за ны молящися, простирающая.

Радуйся, нас, сущих на земли, от всякаго зла омофором Твоим покрывающая.

Радуйся, верных от всяких душепагубных дел удаляющая.

Радуйся, рождением Сына Божия двери Царства Христова нам отверзшая.

Радуйся, надеждою приятия Небесных благ верных души услаждающая.

Радуйся, Мати Божия, Предстательнице и Заступнице наша усердная.

 

Кондак 9

Всякое естество Ангельское превозносит Тя, Дево, великия ради любве Твоея к роду христианскому: незрима бо и неприступна, яко Мати Бога, от земли к Небеси возшедшая, пречистым Твоим образом зриму и приступну Себе являеши всем воспевающим Сыну Твоему: Аллилуиа.

 

Икос 9

Ветия многовещанныя, яко рыбы безгласны, зрим о Тебе, Богородице, недоумеют бо глаголати о славных чудесех, от явления Твоея иконы бываемых. Мы же, оным дивящеся, благодарно вопием Ти:

Радуйся, слепых прозрение. Радуйся, хромых хождение.

Радуйся, от темных и лукавых духов исцеляющая.

Радуйся, лучами, от Твоего пречистого образа изшедшими, врагов земли нашея отгнавшая.

Радуйся, больным видение Твое даровавшая.

Радуйся, молящимся явленней иконе Твоей исцеление подающая.

Радуйся, расслабленных от одра болезни воздвигающая.

Радуйся, немым разрешающая уста. Радуйся, от плена вражия возвращающая.

Радуйся, лютыя плоти страсти утоляющая.

Радуйся, души верных неизреченным милосердием Твоим умиляющая.

Радуйся, неизглаголанным Твоим человеколюбием унывающих ободряющая.

Радуйся, Мати Божия, Предстательнице и Заступнице наша усердная.

 

Кондак 10

Соблюсти хотящи в чистоте домостроительство Церкве Православныя, Чистая, чудною иконою Твоею вложила еси в сердце благочестиваго Михаила прияти венец царский, да вси видящии видят, яко Вышний владеет царством и, емуже хощет, дает е, и возопиют Ему: Аллилуиа.

 

Икос 10

Стена еси необоримая, Богородице Дево, всем к Тебе прибегающим: никтоже бо притекаяй к Тебе тощь отходит. Сего ради ущедряеми милостию Твоею, во умилении души возглашаем Тебе:

Радуйся, твердая стено, от враг видимых и невидимых охраняющая.

Радуйся, крепкая защито упование на Тя возложившим.

Радуйся, познания истины чистое зерцало.

Радуйся, сохранения веры крепкое забрало.

Радуйся, грады и страны христианския предстательством Твоим от врагов спасающая.

Радуйся, царем благоверным поборающая.

Радуйся, мир во градех селящая.

Радуйся, благонравным благопоспешающая.

Радуйся, силою молитв Твоих злыя помыслы в ничтоже обращающая.

Радуйся, силы врагов ближняго сокрушающая.

Радуйся, юности наставление.

Радуйся, старости поддержание.

Радуйся, Мати Божия, Предстательнице и Заступнице наша усердная.

 

Кондак 11

Пение всякое побеждается, спростретися тщащееся множеству многих щедрот Твоих: равночисленныя бо песку морскому песни аще приносим Ти, Богородице Дево, ничтоже совершаем достойно, яже даровала еси нам, вопиющим к Богу: Аллилуиа.

 

Икос 11

Светоприемную свещу, древле явльшуюся, зрим во святей иконе Твоей, Богородице Дево, егда грады наша защитила еси от разорения врагов земли нашея лучами, от святыя Твоея иконы исходящими. Сего ради с верою припадающе к ней и с любовию лобызающе ю, вопием Ти:

Радуйся, Мати Превечнаго Света, Христа, учением Его души просвещающая.

Радуйся, благодатию Божиею неверующих к вере в Бога приводящая.

Радуйся, путешествующим спутешествующая.

Радуйся, нуждно плавающих Кормчая.

Радуйся, от всякия скорби, гнева и нужды спасающая.

Радуйся, от глада, губительства, труса и огня сохраняющая.

Радуйся, избавляющая от иноплеменных.

Радуйся, охраняющая от междоусобныя брани.

Радуйся, в святей иконе Твоей, яко солнце, в Костромских пределах возсиявшая.

Радуйся, зде отрасль царственную возвеличившая.

Радуйся, Тобою бо утверждаются царства.

Радуйся, Тобою бо венчаются царие.

Радуйся, Мати Божия, Предстательнице и Заступнице наша усердная.

 

Кондак 12

Благодать приявшая от Бога Сына Твоего, Дево Богородице, и ту древле излиявшая на всех прибегающих к образу Твоему, не лиши ныне и нас богатыя Твоея милости, даруй нам покаяние о гресех, да чистым сердцем и устны взываем к возлюбленному Сыну Твоему и Богу нашему: Аллилуиа.

 

Икос 12

Поюще Твоя милости и чудеса, хвалим Тя вси, Богородице, и, яко древлий Израиль к кивоту Завета, притекаем ко образу лица Твоего и из глубины души вопием: воздвигни руце Твоя к Сыну Твоему, да подаст нам вся благая и спасительная, с верою и любовию вопиющим Ти:

Радуйся, утешение наше в скорбех.

Радуйся, утоление печалей наших.

Радуйся, радосте наша бесконечная.

Радуйся, светлосте и отрадо сердечная.

Радуйся, надеждо наша крепкая.

Радуйся, сирым приятелище.

Радуйся, странным прибежище.

Радуйся, обидимым Покровительнице.

Радуйся, оклеветаемых оправдание.

Радуйся, благих защищение.

Радуйся, тела моего врачевание.

Радуйся, души моея спасение.

Радуйся, Мати Божия, Предстательнице и Заступнице наша усердная.

 

Кондак 13

О Премилосердая Заступнице наша, великия ради милости Твоея даровавшая отечеству и граду нашему чудотворную икону Твою во освящение, утешение и ограждение наше, нынешнее приемши славословие, от всякаго злаго обстояния избави рабы Твоя, даруя нам здравие и спасение, на враги победу и одоление, и всех нас вечных мук свободи, устнами, душею же и сердцем вопиющих: Аллилуиа.

(Этот кондак читается трижды, затем икос 1 и кондак 1)

 

Молитва

О Пресвятая Владычице Богородице и Приснодево Марие, единая надеждо нам, грешным! К Тебе прибегаем и Тебе молим, яко велие имаши дерзновение пред рождшимся от Тебе по плоти Господем Богом и Спасителем нашим Иисусом Христом. Не презри слез наших, не возгнушайся воздыханий наших, не отрини скорби нашея, не посрами упования нашего на Тя, но матерними молении Твоими умоли Господа Бога, да сподобит нас, грешных и недостойных, свободитися от грехов и страстей душевных и телесных, умрети миру и жити Ему Единому по вся дни живота нашего. О Пресвятая Владычице Богородице, путешествующим спутешествуй и ограждай и охраняй оныя, избави плененных от пленения, свободи страждущих от бед, утеши сущих в печали, скорбех и напастех, облегчи нищету и всяко злострадание телесное и даруй всем вся потребная к животу, благочестию и жизни временней. Спаси, Владычице, вся страны и грады, и сию страну и сей град, имже сия чудотворная и святая икона Твоя дадеся во утешение и ограждение, избави я от глада, губительства, труса, потопа, огня, меча, нашествия иноплеменных, междоусобныя брани и отврати всякий гнев, на ны праведно движимый. Даруй нам время на покаяние и обращение, избави нас от внезапныя смерти, и во время исхода нашего предстани нам, явльшися, Дево Богородице, и избави нас от воздушных мытарств князей века сего, сподоби на Страшнем Судищи Христовем стати одесную и соделай нас наследники вечных благ, да славим вовеки великолепое имя Сына Твоего и Бога нашего, со Безначальным Его Отцем и Святым и Благим и Животворящим Его Духом, ныне и присно и во веки веков. Аминь.

 

 

 ФЕОДОРОВСКАЯ ИКОНА БОЖИЕЙ МАТЕРИ

Феодоровская икона Божией Матери первоначально находилась в маленьком городке Городец, куда восходят первые упоминания об иконе. Однако, в 1239 году Городец был сожжен монголо-татарами, а образ исчез, но вскоре чудесным образом был найден младшим братом Александра Невского князем Василием Костромским. Преследуя на охоте зверя, князь случайно увидел на сосне икону. Он попытался снять ее, но она поднялась на воздух. В это же самое время в Костроме многие жители видели, как какой-то воин прошел по городу, пронося в руках икону. Этот воин был похож на изображение святого великомученика Феодора Стратилата, в честь которого был построен собор в Костроме.

Вернувшись в город, князь в волнении рассказал о случившемся духовенству. Придя на указанное князем место, священники и народ увидели образ Богоматери, пали на колени и долго молились. Сняв икону с дерева, ее поместили в соборный храм города Костромы, а икону назвали Феодоровской, памятуя о явлении Феодора Стратилата с иконой, который потом не раз являлся воинам на поле битвы. На месте обретения иконы была основана первая иноческая обитель на Костромской земле – Спасо-Запрудниковский мужской монастырь.

Известно, что в том же 1239 году великий князь Ярослав Всеволодович благословил своего сына - благоверного великого князя Александра Невского – на брак с Александрой, дочерью полоцкого князя Брячислава. И здесь раскрывается еще одна особенность Феодоровской иконы: на оборотной стороне находится изображение святой мученицы Параскевы (Пятницы), считавшейся на Руси покровительницей свадеб и невест.

За время пребывания Феодоровской иконы в Костроме было явлено много чудесных событий: дважды горел Костромской собор, и дважды икона оставалась невредимой в огне. В 1260 году к Костроме подступили татары, и городу угрожало полное разорение. Ополчение князя составляла лишь малая дружина, которую ему удалось наскоро собрать. Не надеясь на свои силы, князь велел нести перед собой образ Защитницы христиан. Во время битвы совершилось чудо: от лика Пресвятой Богородицы стали исходить ослепительные лучи света. Пораженные жгучими лучами татары обратились в бегство, битва окончилась победой костромчан. В память об этом чуде князь утвердил крест, как раз на месте, где во время битвы стояла икона, позднее там была выстроена каменная часовня, а близлежащее озеро было названо Святым.

Сегодня Феодоровская икона Божьей Матери находится в костромском Богоявленско-Анастасиином кафедральном соборе.

 

Алешковская (Феодоровская) икона Божией Матери

 Через эту икону Господу Богу благоугодно было явить величайшую Свою милость Свято-Успенской женской обители в Алешках, близ Херсона.

История этой святыни такова. Покойная монахиня Елизавета в 1878 году вместе со своей сестрой Еленой приехала в Петербург по делу об открытии Успенской обители. Здесь они прожили около 2-х месяцев вблизи Казанского собора у одной благочестивой вдовы Евдокии Ивановны Яковлевой. У нее же сестры познакомились с петербургским купцом Спиридоном Ивановичем (фамилия неизвестна), который был родственником этой вдовы. Спиридон Иванович изъявил желание пожертвовать в обитель Феодоровскую икону Божией Матери, каковое пожертвование, конечно, с радостью и благодарностью было принято.

По приезде сестер из Петербурга эта святыня была поставлена в неосвященном еще тогда Николаевском храме возле жертвенника. Когда Николаевский храм был возобновлен, то икона сия была поставлена не в алтаре, а по левую сторону иконостаса у колонны. Здесь Небесная Владычица и прославила Свой Пречестной Лик первым чудесным знамением.

Обстоятельства этого первого чуда следующие. 13-го июня 1908 года прибыл в Успенскую женскую обитель крестьянин Воронежской губернии Нижне-Девицкого уезда Туровской волости с. Турова Трофим Зеленин. Это был калека с сухой левой рукой, припадками падучей и постоянным трясением головы. Когда-то он был бравым солдатом, но разорвавшаяся около него бомба в одном из сражений во время русско-японской войны сильно контузила его в голову, а осколок бомбы искалечил его руку, сделав совершенно неспособным к физическому труду. Молодой еще человек сильно тяготился своим убожеством и не раз с болезненным стоном души своей обращался к Усердной Заступнице страждущих. В одну из ночей калеке было видение. К нему подходила в великолепных одеяниях с венцом на голове женщина и, простирая над ним руку, повелевала идти в Таврическую губернию, город Алешки, в находящийся там монастырь, обещая только там даровать ему исцеление. Сон этот повторился еще два раза, при чем в последний раз Царственная Жена имела в руках икону Божией Матери, Лик которой точно запечатлелся в уме Зеленина. «Только там, где Я сказала тебе, и только у этой иконы ты получишь исцеление», - еще раз услышал калека.

Внимая призывающему голосу, несчастный солдат, оставленный незадолго перед этим и своей семьей (у него была жена и двое малолетних детей), кое-как добрался до Таврической губернии, а потом и до города Алешек, где и нашел Успенский монастырь. Об этом городе больной ранее никогда не слышал. Это было 13 июня 1908 года. Здесь больной зашел в Успенский собор, в котором в летнее время в монастыре совершались богослужения. Простояв литургию, страждущий тщательно осмотрел все иконы этого храма, но не нашел той, которая являлась ему во сне. Выйди из церкви, калека спросил одну из сестер монастыря, есть ли другие церкви в обители? Та указала ему на соседний храм св. Николая Чудотворца, куда и провела его вместе с другой монахиней (упоминаемые монахини - сестра Митродора и казначея Нонна). Войдя в Николаевский храм больной тотчас же увидел на колонне против входных дверей являвшуюся ему во сне икону Божией Матери. Сестры поддержали затрепетавшего калеку, а немного спустя, по его просьбе, пригласили чередного иеромонаха отслужить перед  иконой молебен. Икона эта была той самой, которая 30 лет тому назад была пожертвована в Петербурге монахине Елизавете боголюбивым купцом Спиридоном Ивановичем.

В тот же день больной был в монастыре на исповеди, а на другой день утром пришел в Успенский храм к литургии для принятия Святых Таин. За богослужением перед Херувимской песнью с ним произошел припадок падучей, на этот раз особенно жестокий, так что больной пришел в себя только к пению причастного стиха. Совершенно слабый, он сподобился приобщиться, а по окончании службы снова попросил отслужить молебен перед Феодоровской иконой Божией Матери. Молитва укрепила его настолько, что он стал понемногу двигать своей искалеченной рукой, а к вечеру того же дня действовал ею уже совершенно свободно. Трясение головы также прекратилось, а частые припадки эпилепсии более не повторялись. Выздоровевший бодро прожил две недели в обители и, по снятии хлопотливых и неизбежных при этом допросов, возвратился на свою родину, где здравствовал и работал многие годы.

Вслед за этим поразительным чудом последовал целый ряд новых чудес, которые все тщательно проверены и подтверждены свидетельскими показаниями.

Празднование в честь Алешковской (Феодоровской) иконы Божией Матери совершается 27 июня (н.ст.) в память первого чуда, совершившегося у этого образа.

 

Феодоровская икона Божией Матери в Свято-Духовском кафедральном соборе городе Херсона

В Свято-Духовском соборе города Херсона находится список Алешковской (Феодоровской) иконы Божией Матери, который также прославился чудотворениями. Имеется немало свидетельств благодатной помощи  Пресвятой Девы людям, которые с верой молились перед этим образом.

Вот один из многих случаев. Это было в начале 1970-х годов. Жительница города Каховки Тамара свидетельствует о том, что тогда, на протяжении длительного времени, ее мучили сильные головные боли. Многочисленные обращения к врачам не приносили желаемого облегчения – медицина оставалась бессильной. Возложив всю надежду на Бога, она отправилась в Херсон. В Свято-Духовском соборе она заказала молебен перед чтимой Феодоровской иконой Божией Матери. По завершении молитвы она сразу же почувствовала облегчение своей болезни. Очень скоро она поняла, что полностью исцелилась от своего недуга.

По субботам в Свято-Духовском кафедральном соборе совершается молебное пение перед Феодоровской иконой Божией Матери, что является одной из давних благочестивых традиций в этом храме.

Часто можно слышать о том, что Феодоровская икона Божией Матери почитается как покровительница невест, семейного благополучия, рождения детей у бездетных пар, помогающая в трудных родах.

 

 По благословению
 митрополита Херсонского и Таврического Иоанна
Опубликована: 24.01.2018