Православный календарь
Рекомендуем посетить
Музыковский Покровский мужской монастырь Херсонской епархии
УПЦ

НОВАЯ ИНФОРМАЦИЯ

Расписание богослужений в Свято-Духовском кафедральном соборе на декабрь

Ночные литургии в Свято-Духовском кафедральном соборе в декабре - в ночь с 21 на 22 (с четверга на пятницу) - благодарственная и в ночь с 31 на 1 (с воскресенья на понедельник) - новогодняя

Молитва о мире в Украине

Томос о даровании Украинской Православной Церкви самостоятельности в управлении

Обращение Патриарха к министру юстиции по вопросу независимости УПЦ

Официальные документы Украинской Православной Церкви относительно ситуации в нашей стране

Благотворительная акция «ПОДАРИ ПОДАРОК СИРОТЕ»

 Положение о проведении XI христианского городского фестиваля детского творчества ОСТРОВ РОЖДЕСТВА

Акафист Пресвятой Богородице в честь иконы Ее ДУБОВИЧСКОЙ

 

 

Празднование:

 

10-я пятница по Пасхе

26 сентября (н. ст.)

 

Тропaрь, глас 4

К Богородице приле́жно ныне притеце́м, гре́шнии и смиреннии, и припаде́м, в покаянии зовуще из глубины души́: Владычице, помози́, на ны милосе́рдовавши, потщи́ся, погибaем от множества прегрешений, не отврати Твоя рабы тщи, Тя бо и едину надежду и́мамы.

 

Кондaк, глас 6

Не и́мамы иныя помощи, не и́мамы ины́я надежды, разве Тебе, Владычице, Ты нам помози́: на Тебе надеемся и Тобою хвaлимся, Твои бо есмы́ раби, да не постыдимся.

 

Кондак 1

Избра́нней от всех родо́в Богоневесте Владычице, Всемилостивей Госпоже и Заступнице, дре́вле на бре́зе Ре́ти реки́ лик свой чудесне явившей, и́мже весь Дубо́вичи предивно украшается, прииди́те, вернии, похвальная пения принесем, умиленною душею и сокрушенным сердцем зовуще: Радуйся, Милостивая, христианом Помощнице.

 

Икос 1

Ангелов со́нмы предстоя́ху иконе Твоей, Владычице, егда́ та, Промыслом Божиим с обо́за воинскаго на землю низпав, в траве се́льней сокры́ся до вре́мене явления народу боголюбивому; ныне же любызающе сию, вопием Ти:

Радуйся, падшим возстание.

Радуйся, кающимся оправдание.

Радуйся, скорбящим утешение.

Радуйся, болящим исцеление.

Радуйся, молитв наших услышание.

Радуйся, слез наших престание.

Радуйся, ересей обличение.

Радуйся, расколов разорение.

Радуйся, сирот всыновление.

Радуйся, вдовиц упование.

Радуйся, милосердия источниче.

Радуйся, благих сокровище.

Радуйся, Милостивая, христианом Помощнице.

 

Кондак 2

Видящи свет неизреченный, от иконы Твоея, Богомати, возсиявый, пастырь овец безсловесных безчу́вствен паде́ на землю; егда́ же ко иере́ови в весь Дубо́вичи принесен бысть, в себе прии́де, и бывшая с ним пове́да, людие же благочестивии воспе́ша Богови: Аллилуиа.

 

Икос 2

Разумеша людие дубовическия, яко Сама Царица Небесе и земли́ к ним в иконе Своей прии́де, ужаса́хуся и ра́довахуся вку́пе, на место же явления устреми́шася и, образ чудотворный тамо обретше, воспе́ша Обрадованней похвалы сия:

Радуйся, несмысленных вразумление.

Радуйся, премудрых посрамление.

Радуйся, вся ко благу устроя́ющая.

Радуйся, тьму греховную отгоняющая.

Радуйся, девством благоуха́ющая.

Радуйся, чистотою сияющая.

Радуйся, миром нас благословляющая.

Радуйся, благодать нам да́рующая.

Радуйся, неверных устрашение.

Радуйся, верным вспоможение.

Радуйся, греха упразднение.

Радуйся, праведности утверждение.

Радуйся, Милостивая, христианом Помощнице.

 

Кондак 3

Сила Божия, в немощи совершаемая, не́мощию посети дре́вле пастыря овец безсловесных, кнуто́м иконы Твоея, Владычице, неве́дением косну́тися дерзну́вшаго; темже познав произволение Господне, о нем бывшее, Бо́гови возопи́: Аллилуиа.

 

Икос 3

Иму́щи сокровище многоценное и источник благодати неистощимый, икону Твою, Владычице, и́же Дубови́чскою, по месту явления, наименова́ся, людие правовернии радости на всяк день исполняются, к о́ной же, а́ки к Тебе Самей, скорби и печали своя принося́ще, и проси́мая от Тебе улучи́в, си́це благодарственно вопиют:

Радуйся, прошения наша ко благу исполняющая.

Радуйся, пути наша до́бре устрояющая.

Радуйся, болезни наша врачующая.

Радуйся, гнев Божий на ны утоляющая.

Радуйся, паучи́ну греха растерзающая.

Радуйся, плени́цы страстей расторгающая.

Радуйся, лесть бесовскую обличающая.

Радуйся, правду Божию утверждающая.

Радуйся, совет нечестивых разоряющая.

Радуйся, соборы благоче́стных благословляющая.

Радуйся, градом и ве́сем правоверным ограждение.

Радуйся, воином православным вспоможение.

Радуйся, Милостивая, христианом Помощнице.

 

Кондак 4

Бури и треволнения житейския укрощаеши, Приснодево, и мир на землю водворяеши; темже и нас не забуди, Обрадованная, мир земли́ нашей да́руй, омраченныя просвети, враждующия умири, огнь любве возгрей в сердцах наших, да еди́немы усты́ и еди́нем сердцем воспоем Рождшемуся от Тебе: Аллилуиа.

 

Икос 4

Слы́шана бысть весть по лицу всея земли нашея о чудесе́х от иконы Твоея, Владычице, и́же в ве́си Дубо́вичи обретается: не то́кмо бо в ве́си сей, и во ины́х гра́дех и ве́сех списки чтимыя боголюбцы, а́ки пе́рло многоценное и́мут, пред ни́миже молящеся Ти, вопиют си́це:

Радуйся, граду Киеву благословение.

Радуйся, святей Софии украшение.

Радуйся, в земли Луганстей чтимая.

Радуйся, обители Вознесенския утверждение.

Радуйся, в весь Хорошее принесе́нная.

Радуйся, и в пустыне Ры́хловстей утвержденная.

Радуйся, во граде Кролевце́ водворившаяся.

Радуйся, землю Конотопскую покрывающая.

Радуйся, страну нашу возлюбившая.

Радуйся, чудес множество зде источившая.

Радуйся, православия в стране нашей ограждение.

Радуйся, злочестивым еретико́м посрамление.

Радуйся, Милостивая, христианом Помощнице.

 

Кондак 5

Боготе́чная звезда яви́ся икона Твоя, Владычице, в ве́си Дубо́вичи всему миру явле́нная, к ней же с верою и любовию притекающе, Тебе, Преблагая, блажи́м, и Спасителю нашему вопием: Аллилуиа.

 

Икос 5

Ви́деша людие благочестивии, яко на месте явления иконы Твоея, Обрадованная, близ ве́си Дубо́вичи, при бре́зе Ре́ти реки́ источник воды́ целебныя откры́ся, от негоже с верою почерпа́ющии недугов душевных и телесных свобождаются; темже с ними и мы вопием Тебе таковая:

Радуйся, водою целебною нас напоя́ющая.

Радуйся, в Царствие Небесное верныя приводящая.

Радуйся, кроплением воды́ тоя́ бесы отгоняющая.

Радуйся, вкушающих сию недуги врачующая.

Радуйся, неверие упраздняющая.

Радуйся, правоверие возвышающая.

Радуйся, маловерных в вере утверждение.

Радуйся, сомневающихся увере́ние.

Радуйся, пред Сыном Своим за нас Молитвеннице.

Радуйся, язв неисцельных Целительнице.

Радуйся, радости неизреченныя основание.

Радуйся, уныния и отчаяния всеконечное отгнание.

Радуйся, Милостивая, христианом Помощнице.

 

Кондак 6

Проповедник безсловесный благодати Твоея, Богоневесто, во времена гонений лютых на веру православную бысть источник воды́ целебныя близ ве́си Дубо́вичи: мно́жицею бо богобо́рцы окаянныя сей землею закрыти тща́хуся, оба́че ничто́же успе́ша, вернии же таковое дивное зна́мение зряще, любовию Богови воспе́ша: Аллилуиа.

 

Икос 6

Возсия нам, в нощи́ греховней пребывающим, а́ки звезда пресветлая, Дубови́чская икона Твоя, Богомати, к нейже прибегающе и чудеса чрез нея́ точа́щияся зряще, житие свое по слову Божию исправляти тщи́мся, иму́ще же Тебе Помощницу в де́лании сем, вопием Ти си́це:

Радуйся, изнемогающих на пути кре́стнем пристанище.

Радуйся, странных и сирот тихое прибежище.

Радуйся, всего рода человеческаго чисте́йшая.

Радуйся, Херувимов и Серафимов честне́йшая.

Радуйся, гнев Божий на милость пременяющая.

Радуйся, вся ко благу и спасению устроя́ющая.

Радуйся, в девстве живущих возвеселение.

Радуйся, сластолюбцев грозное обличение.

Радуйся, чад благочестивых воспитание.

Радуйся, нечестивых вразумление.

Радуйся, падших воззвание.

Радуйся, уме́рших востание.

Радуйся, Милостивая, христианом Помощнице.

 

Кондак 7

Хотяще по достоянию ублажи́ти Тя, Приснодево, и пред многим народом икону Твою прославити, властьми духовными крестный ход учреди́ся, и́мже с ме́ста явления во град Кролеве́ц образ Твой явле́нный ежегодно приноси́м быва́ше. Икону же несо́му зряще, боголюбцы вси, с ними же и мы вопием Тебе: Аллилуиа.

 

Икос 7

Новыя чудеса не то́кмо зде, но и по всей стране нашей чрез икону Твою Дубови́чскую, Приснодево, то́чиши, и сими веру в душа́х наших обновляеши, от сна греховнаго пробуждающи и на доброде́лание воздвиза́ющи; темже благодарности к Тебе преисполненни бывше, вопием Ти си́це:

Радуйся, а́лчущих и жаждущих Кормительнице.

Радуйся, в скорби сущих Уте́шительнице.

Радуйся, за безнадежных Хода́таице.

Радуйся, за христиан первая Предстательнице.

Радуйся, младенцев и ссущих Питательнице.

Радуйся, в трудех праведных Посо́бнице.

Радуйся, во гресе́х сущих Обличительнице.

Радуйся, в молитвах Сомоли́твеннице.

Радуйся, воином православным Спобо́рнице.

Радуйся, земледельцем Спори́тельнице.

Радуйся, странным Путеводительнице.

Радуйся, просящих Услышательнице.

Радуйся, Милостивая, христианом Помощнице.

 

Кондак 8

Странное и преславное чудо явления иконы Твоея, Богомати, Дубови́чския воспоминающе, устранимся су́етных мудрований и ум на горняя возложи́м, странными греху быти потщи́мся, Богови любовию угождающе и ближнему неле́ностно служа́ще, Господеви всегда вопиюще: Аллилуиа.

 

Икос 8

Вся земля, изображениями лика Твоего, Богомати, преисполненная, благодатию сияет. Един же от сих, я́же дре́вле близ ве́си Дубо́вичи яви́ся, обстоя́ще и к тому верою и любовию припа́дающе, Тебе, Первообра́зней, пения сицевы́я приносим:

Радуйся, осла́бо в гонениях за веру сущим.

Радуйся, отрадо праздники Твоя чтущим.

Радуйся, забра́ло проти́ву ко́зней бесовских воюющим.

Радуйся, прохладо в трудех тяжких изнемогающим.

Радуйся, преградо зло творящим.

Радуйся, оградо в девстве пребывающим.

Радуйся, наградо во обителех живущим.

Радуйся, усла́до лишения в скорби терпя́щим.

Радуйся, устрашение грозное беззаконнующим.

Радуйся, утешение скорое плачущим.

Радуйся, вразумление от пути праваго заблуждающим.

Радуйся, воздаяние милостыню творящим.

Радуйся, Милостивая, христианом Помощнице.

 

Кондак 9

Всякая скорбь и болезнь отбегает, Пренепорочная, иде́же имя Твое славословится и лик иконы Твоея осеняет, мо́ры же и пове́трия смертоно́сныя престаю́т и мир водворяется. Мы же, учением церковным наставляемии, ве́мы, яко мо́лиши за ны непрестанно Христа Спаса нашего, Емуже вопием: Аллилуиа.

 

Икос 9

Вети́я хитрослове́сныя, а́ки рыбы безгла́сныя, умолкают, не могу́ще зна́мения и чудесы́ постигнути, я́же чрез иконы Своя, Преблагословенная, то́чиши; едину же от сих, иже Дубови́чскою именуется, обстоя́ще ныне, поем Ти похвалы сия:

Радуйся, от родителей неплодных прозя́бшая.

Радуйся, поношение безчадства отъя́вшая.

Радуйся, под се́нию церковною благочестно пожившая.

Радуйся, текто́на праведнаго во мнимаго мужа приявшая.

Радуйся, благовестию Гавриилову смиренно внимавшая.

Радуйся, словеса́ о Сыне Своем в сердце слагавшая.

Радуйся, чудо на бра́це у Христа испросившая.

Радуйся, начало чудес сим положившая.

Радуйся, проповеданием Христовым внимавшая.

Радуйся, у Креста на Голгофе страдавшая.

Радуйся, Воскресшаго Сына первою узревшая.

Радуйся, весть о сем верным возвестившая.

Радуйся, Милостивая, христианом Помощнице.

 

Кондак 10

Спасение всему роду человеческому от смерти вечныя чрез Рождество Сына Твоего, Христа Бога нашего, препода́ла еси, Богородительнице, и от временныя смерти люди Своя во граде Кролевце́ чрез икону Дубови́чскую во время мо́ра холе́рнаго преславно избавила еси; темже спаса́емии Тобою вопием: Аллилуиа.

 

Икос 10

Стеною непроходимою, Пренепорочная, огради нас от наветов врага спасения нашего, и в пучины междоусобиц, братоубийств, ересе́й и расколов не попусти па́сти нам, во гресе́х время живота иждива́ющим, да единодушно в мире и тишине пожи́вши, Тебе, сих Подательницу, си́це благодарственно воспевати будем:

Радуйся, мира Божия на земли́ водворение.

Радуйся, Духа Свя́та на нас призвание.

Радуйся, пророческаго лика исполнение.

Радуйся, праоте́ческих грехов прощение.

Радуйся, апостольских трудов украшение.

Радуйся, пра́ведничих подвигов признание.

Радуйся, святителем в пропове́дании вспоможение.

Радуйся, мученических страданий умале́ние.

Радуйся, праведных жен ликование.

Радуйся, девственных целомудрие.

Радуйся, млады́м наставление.

Радуйся, престарелым укрепление.

Радуйся, Милостивая, христианом Помощнице.

 

Кондак 11

Пения нашего не возгнушайся, Приснодево, еже ныне пред иконою Твоею Дубови́чскою Тебе приносим, оба́че яко кадило благовонное приими́ е, а́ще у́бо и убогими усты́ приносится, оба́че же сердцем сокруше́нным, еже Бог не уничижи́т, вопием Ти: Аллилуиа.

 

Икос 11

Светоприе́мныя свещи, благодатию Божественною возжже́нныя, зрим чудотворныя иконы Твоя, Богородице, по лицу всея землии́ просла́вленныя, первыя же от сих, еже Евангелист Лука написа́ дре́вле, Сама благословила еси, та́ко ре́кши: «Благодать Ро́ждшагося от Мене и Моя с сими иконами да пребудет». Единей же от сих, иже Дубови́чскою именуется, припа́дающе ныне, вопием Ти сицева́я:

Радуйся, победо непобедимая.

Радуйся, Владычице Препрославленная.

Радуйся, Одиги́трие Всепетая.

Радуйся, Мати света истиннаго.

Радуйся, Царице Всемилостивая.

Радуйся, Отроковице Боголюбивая.

Радуйся, Голубице нескверная.

Радуйся, Заступнице усердная.

Радуйся, Наставнице Всеблагая.

Радуйся, Дево Преблагословенная.

Радуйся, Живоносный Источниче.

Радуйся, Мати Бога Вышняго.

Радуйся, Милостивая, христианом Помощнице.

 

Кондак 12

Благодать ве́лию даровала еси нам, Богомати, икону Свою Дубови́чскую дре́вле явивши, мы же, недостойнии, во времена гонений лютых сию от безбожных сохранити не возмого́ша; оба́че и до днесь чрез списки многия чудеса точи́ти не престае́ши, Пречистая, и́миже удивля́еми, вопием Ти: Аллилуиа.

 

Икос 12

Поюще древнее явление иконы Твоея, Богомати, на бре́зе Ре́ти реки́, прославляем Тя, Матерь Всемилостивую и Госпожу Всещедрую, делу спасения рода человеческаго преславно послужившую, чудесы́ же, от иконы Дубови́чския быва́емыми, в истинности слова Божия уверя́еми, дерзаем вопити Тебе:

Радуйся, солнце, всю вселенную согревающее.

Радуйся, луно, ночь греха прогоняющая.

Радуйся, звездо, благодатию Божиею возжженная.

Радуйся, дуго́, от земли́ к небеси устремленная.

Радуйся, ле́ствице, Бога на землю приведшая.

Радуйся, чаше, Невместимаго вместившая.

Радуйся, кадило, верныя облагоухавшая.

Радуйся, ста́мно, всех насыщающая.

Радуйся, врата непроходимая.

Радуйся, лампадо неугасимая.

Радуйся, Херувимов воистину честне́йшая.

Радуйся, Серафимов несравненно сла́внейшая.

Радуйся, Милостивая, христианом Помощнице.

 

Кондак 13

О Всепетая Мати, Царице Небесе и земли! Нынешнее наше малое молебное пение, пред иконою Дубо́вичскою Тебе приносимое, не отвержи, но яко фимиа́м приятный приими́, и во пре́дняя не остави нас си́ры, да всегда любовию Ти вопием: Аллилуиа.

 

(Этот кондак читается трижды, затем икос 1 и кондак 1)

 

Молитва

О Всемилостивая Госпоже, Небесе и земли Царице, страны нашея православныя Покровительнице и пред Богом за ны первейшая Ходатаице! Предстояще ныне пресветлому лику Твоему, на иконе Дубови́чстей изображе́нному, яко живей Ти сущей с нами, дерзаем молити Тя, Владычице Богомати! Дре́вле пастыря овец безсловесных вразумившая, настави и нас, многогрешных чад Твоих, на путь истины и спасения, да грехов наших молитвами Твоими свободи́мся и во угождении Сыну Твоему и Богу нашему остаток дней своих иждива́ти будем. Источившая источник воды́ целебныя посреде́ ме́ста пу́ста, не затвори и от нас двери милосердия Твоего, но воду жи́ву излей на изсохшия грехми́ и страстьми́ ду́ши наша. Не попустившая безбожным во времена гонений на веру Христову источник Твой с лица земли́ изгла́дити, не попусти ныне и нам, в беззакониях углеба́ющим, коне́чне погибнути. Язву смертоно́сную от правоверно чтущих Тя преславно во дни о́ныя отгнавшая, отжени ныне и от нас, недостойных, полчища демонския, пле́велы распрей и вражды в ду́ши наша все́явших, не даждь нам погибнути во гресе́х наших, но воздаждь нам радость спасения Твоего. Утверди нас, маловерных и худы́х раб Твоих, в правой вере, да молитвами Твоими живота нескончаемаго причастницы будем, всегда прославляюще Отца и Сына и Святаго Духа и Твое матернее предстательство во веки веков. Аминь.

 

ДУБОВИЧСКАЯ ИКОНА БОЖИЕЙ МАТЕРИ

В селе Дубовичи Черниговской губернии (ныне Кролевецкий р-н Сумской обл.) находилась весьма древняя икона Божией Матери, именуемая Дубовичской. По преданию она была найдена в густой траве на берегу реки Рети в XVI веке. Предполагают, что она была обронена здесь военным обозом, везшим церковную утварь. Как рассказывает предание, пастух, прогоняя по этому месту свое стадо и размахивая кнутом, случайно и ненамеренно задел им икону Богоматери. От иконы вдруг исшел необычайный свет, ослепивший пастуха — он тут же упал на землю. В бесчувственном состоянии он был найден здесь и принесен к священнику. Придя в себя, пастух рассказал о том, что случилось при виде иконы. Священник и многие из прихожан пошли на указанное им место и нашли здесь лежащий в траве святой образ.

Усердием верующих на месте явления вскоре была сооружена часовня и в ней поставлена явившаяся икона Богоматери. По прошествии некоторого времени она была взята отсюда и поставлена в Архангельской церкви села Дубовичи. С того времени здесь стали совершаються многие чудесные исцеления.

В воспоминание перенесения иконы из часовни в Дубовичский храм установлено торжественное празднование в 10-ю пятницу по Пасхе. С 1861 года чудотворная Дубовичская икона с крестным ходом переносилась для молебствия пред нею в город Кролевец, в храм в честь Рождества Христова. Достоверных сведений о судьбе Дубовичской иконы после 1917 года нет. По местному преданию, она была спрятана в землю вблизи места своего явления.

В настоящее время икона утеряна, но сохранилось ряд копий. В единственной уцелевшей от разрушения церкви Кролевца в честь Преображения Господня хранятся 2 списка Дубовичской иконы, возможно происходящие из других несохранившихся храмов города или района. Больших размеров список (59×98 см) помещен в киоте на южной стене, в приделе в честь Казанской иконы Божией Матери. Другой, т. н. малый список (38×50 см) находится на западной грани алтарного столпа, в приделе во имя свт. Николая. Оба списка выполнены маслом. Изображение Богородицы с Младенцем Христом относится к типу «Одигитрия» и не только в общих чертах иконографии, но и в отдельных деталях сходно с Ченстоховской иконой Божией Матери.

В настоящее время на месте явления Дубовичской иконы сохранился источник с целебной водой. С этим источником связано предание: в старину юный пастушок гнал по лесу стадо коров, день был очень жарким, а вода у паренька закончилась. Вдруг впереди что-то блеснуло — и все вокруг залил совершенно необычный золотой свет: на юношу смотрела Богородица. Пастушок на какое-то время потерял сознание, сквозь забытье он услышал слова: «Поднимайся, ступи семь шагов вправо — и увидишь источник». С тех пор он там и существует.

При советской власти его неоднократно засыпали как «идеологически вредный», но люди тайком расчищали. Во время войны партизаны пользовались его водой для скорейшего исцеления от ран.

В 2002 году вблизи источника была поставлена часовня. В 10-ю пятницу по Пасхе из церкви в честь Преображения Господня в городе Кролевец к часовне и источнику совершается крестный ход. К этому месту за благословением Пресвятой Богородицы традиционно приезжают венчающиеся пары.

Список Дубовичской иконы Божией Матери также почитается в Корсунском Богородичном женском монастыре Херсонской области.

 

По благословению

митрополита Херсонского и Таврического Иоанна

Опубликована: 10.08.2017