Православный календарь
Рекомендуем посетить
Музыковский Покровский мужской монастырь Херсонской епархии
УПЦ

НОВАЯ ИНФОРМАЦИЯ

Расписание богослужений в Свято-Духовском кафедральном соборе на ОКТЯБРЬ

Ночная литургия в Свято-Духовском кафедральном соборе в октябре -  с 18 на 19 (со среды на четверг)

Молитва о мире в Украине

Томос о даровании Украинской Православной Церкви самостоятельности в управлении

Обращение Патриарха к министру юстиции по вопросу независимости УПЦ

Официальные документы Украинской Православной Церкви относительно ситуации в нашей стране

Акафист Пресвятой Богородице в честь иконы Ее ЗИНОВИНСКАЯ

 

Празднование:

во вторник

после праздника Святой Троицы

 

Тропарь, глас 4

Приидите, святое целование принесем Зиновинскому образу Пресвятыя Богородицы и сокрушенным сердцем велегласно возопиим: отверзи, Мати, дивныя очи Твоя и на чад собранных призри, Твою икону славящих честно.

 

Кондак, глас 8

Богоявленный покров всех скорбящих и обремененных, Царицу нашу Преблагую, паче естества и слова Единородное Слово рождшую пением молебным ублажим и, припадающе пред пречистым Ея образом, возопиим: призри на скорбное житие наше, Пречистая, и скорую помощь нам низпосли, и вечное спасение нам у Сына Твоего и Бога испроси, яко Благосердая Мати.

 

 

Кондак 1

Избранней от всех родов Божией Матери и Царице, телесем и душам нашим спасение подающей благодарственное приносим пение; Ты же, яко имущая милосердие неизреченное, от всяких нас бед свободи, да зовем Ти: Радуйся, Владычице Зиновинская, духовныя очи наша отверзающая.

 

Икос 1

Хотя благословение исцеляющее на верныя люди Твоя излияти, Пресвятая Владычице, явила еси чудную икону Твою, Зиновинскою именуемую, да вси благодать изобильную от нея приемлющии благодарным сердцем Тебе воспоют:

Радуйся, Пренебесная, Нетленная, Чистая.

Радуйся, Невместимаго всеми вместившая.

Радуйся, Небес Царя Бога рождшая.

Радуйся, Святая святых большая.

Радуйся, Сыну Твоему и Богу сопребывающая.

Радуйся, преславно с Ним царствующая.

Радуйся, Владычице Зиновинская, духовныя очи наша отверзающая.

 

Кондак 2

Род христианский издревле Твоим предстательством щедро снабдевая и просвещение, исцеление и благодать чрез чудотворныя иконы Твоя даруя, благоволила еси, Пречистая, землю Подольскую посетити и сущих в ней к пению хвалебному подвигнути, да вси благодарным сердцем воспевают: Аллилуиа.

 

Икос 2

Видя некая раба Божия в дому своем свет небесный, от пречистаго образа Твоего, Богомати, многажды исходящий, священника о сем извести, да явлен будет миру цельбоносный лик Твой, егоже ныне зряще, возопиим:

Радуйся, Богоизбранная Отроковице.

Радуйся, преукрашенная благодатию Царице Небесе и земли.

Радуйся, огнь Божества во чреве неопально приимшая.

Радуйся, смертных естество обожившая.

Радуйся, чистая Слова Питательнице.

Радуйся, Живоприемный Источниче.

Радуйся, Владычице Зиновинская, духовныя очи наша отверзающая.

 

Кондак 3

Возсия в сердцах верных Твоея благодати, Владычице, нетленный свет, мысленныя очи душ наших освещающий и ко исполнению Христовых заповедей наставляющий, да вси со умилением воспоим песнь: Аллилуиа.

 

Икос 3

Многоразличныя исцеления источаше чудотворная икона Твоя, Богомати, по пренесении ея во святый храм, болящии бо телом и душею облегчение в недузех, очищение в чувствиих и смирение в мыслех обретаху, велегласно к Тебе взывающе:

Радуйся, огненосная Купино.

Радуйся, достохвальный кивоте Божия Завета.

Радуйся, златая стамно, в нейже манна небесная - Христос соблюдеся.

Радуйся, честный сосуде, в немже евангельский многоценный бисер обретеся.

Радуйся, неоранная земле Господня, израстившая нам Клас Живота.

Радуйся, светоносный свещниче незаходимаго Света.

Радуйся, Владычице Зиновинская, духовныя очи наша отверзающая.

 

Кондак 4

Яко венцем пресветлым, Пречистая Богородице, иконою Твоею Церковь Христова обогатися и ликует о таковом духовном сокровище, вопиюще Богу: Аллилуиа.

 

Икос 4

Явила еси сугубую Твою милость, Владычице, егда Даниила, чадо малое, от разслабления внезапно исцелила еси; темже и славою сугубою новоявленную икону Твою прославила еси, пред неюже, вернии, умиленно возопиим:

Радуйся, диадимо честная Божественныя славы.

Радуйся, надеждо известная и христиан похвало.

Радуйся, лествице небесная, восходящая от земли к Престолу Божию.

Радуйся, горо Господня, покрывшая небеса добродетелию.

Радуйся, о неисчерпаемый кладенец милосердия.

Радуйся, о безмерная глубино любве.

Радуйся, Владычице Зиновинская, духовныя очи наша отверзающая.

 

Кондак 5

Обетование, данное Небесной Владычице, исполняя, благодарственно возопи благочестивый родитель отрока: «Приими, Всеблагомощная, чадо мое под покров Твой и буди ему Поручница к Рожденному из Тебе, Емуже присно взываем: Аллилуиа».

 

Икос 5

Живый под покровом Пречистыя исцеленный отрок пламенную любовь к Ней возымел есть, и, по некоем времени, восходя от силы в силу, неизреченным Владычицы милосердием, архиерей Божий бысть; истово же и неленостно Христу работая, житием своим Господа и Богородицу прослави, выну вопия:

Радуйся, Богородице Дево, проповедание мое.

Радуйся, Всесвятая Госпоже верных.

Радуйся, Сына и Слова раю словесный.

Радуйся, преславный граде Господень.

Радуйся, дивная Колеснице Божия.

Радуйся, красото земли преизобильная.

Радуйся, Владычице Зиновинская, духовныя очи наша отверзающая.

 

Кондак 6

Всяческая исполняются благодати, егда благословение Твое, Богомати, прияти сподобятся; такожде и святитель Христов Модест, о славе Твоей поревновав и сугубую благодать Божию восприяв, научи всех верных прославляти Бога песнию: Аллилуиа.

 

Икос 6

Память святую храня о неизглаголаннем чудеси своего исцеления, святитель Христов Модест восхоте храм Божий во славу Пресвятыя Троицы и Богоматери во отечествии своем воздвигнути, да вси входящии в онь, дивный образ Пречистыя узревше, умиленным сердцем пред ним воспоют:

Радуйся, чудная Божия палато.

Радуйся, Неба и земли Всецарице.

Радуйся, Неоскверненная и Девственная, из Неяже создася Новый Адам.

Радуйся, книго таинственная, в нейже написася Божие Слово.

Радуйся, одре честный, святый и богоприемный.

Радуйся, образе, Промыслом Всемогущаго богосоделанный.

Радуйся, Владычице Зиновинская, духовныя очи наша отверзающая.

 

Кондак 7

Един тайная человеческая Ведый, благоволи благочестивому желанию святителя явным стати и велелепному храму во имя Пресвятыя Троицы воздвигнутым вскоре быти; мы же таковому о нас Божию смотрению радующеся, взываем: Аллилуиа.

 

Икос 7

Возсия всему краю Подольскому свет спасения от пречуднаго образа Твоего, Богомати, егда, в ризу позлащенну одеяна, предстала еси в новоосвященнем храме сердцам молящих Ти ся и благодарственно поющим:

Радуйся, Сладчайшаго Сына Сладчайшая Мати.

Радуйся, прибежище великое и похвало верным.

Радуйся, саде заключенный, идеже древо жизни и безсмертия.

Радуйся, источниче запечатленный, в немже поток сладости неизреченныя.

Радуйся, вместилище святыни.

Радуйся, Подательнице Божественныя благостыни.

Радуйся, Владычице Зиновинская, духовныя очи наша отверзающая.

 

Кондак 8

Воистину сокровище небоявленное всему краю Подольскому бысть икона Твоя, Владычице, многолетне бо исцеления многая от нея источающи, многих научила еси пети Сыну Твоему и Богу: Аллилуиа.

 

Икос 8

Хотя на икону Пречистыя Целительницы своея присно взирати и благодарственныя мольбы пред нею возносити, повеле благочестивый святитель списание честнаго образа Зиновинскаго сотворити, да неотступно пребудет с ним благословение Божия Матере, Юже велегласно воспоим:

Радуйся, надеждо наша, покрове и веселие.

Радуйся, от вражиих нахождений ограждение.

Радуйся, падшим возстание.

Радуйся, унывающим радование.

Радуйся, заблуждшим Наставнице.

Радуйся, болящим посещение и исцеление.

Радуйся, Владычице Зиновинская, духовныя очи наша отверзающая.

 

Кондак 9

Дивным светом озарила еси икону Твою, Владычице, егда храм, в немже образом Твоим пребывати благоволила еси, зело от безбожник лютых поругаем бываше. «Внемлите себе, человецы, - безгласно лик Твой вещаше, - покайтесь и возопийте Богу: Аллилуиа».

 

Икос 9

Видяще скорбь верных чад Своих, егда земля наша во времена гонений на веру Христову тьмою духовною объята бяше, благоизволила еси, Владычице, икону Твою в благочестивом дому сокрыти, да не умолкнут никогдаже пред нею похвалы сицевыя:

Радуйся, пучино разума и благодати.

Радуйся, бездно неистощимыя светлости.

Радуйся, цвете веры неувядаемый.

Радуйся, жезле Ааронов дивно прозябший.

Радуйся, златая молитвы кадильнице.

Радуйся, за род христианский верная Предстательнице.

Радуйся, Владычице Зиновинская, духовныя очи наша отверзающая.

 

Кондак 10

Священных словес: «Яко тает воск от лица огня, тако да погибнут грешницы от лица Божия, а праведницы да розвеселятся!» сбытие зряще, приидите, вернии, поклонимся Христу Спасителю и Его Пречистей Матери, паки и паки безверие и безбожие поправшим, и, ликующе, воспоим: Аллилуиа.

 

Икос 10

Новое чудо явила еси, Владычице, егда на лике Твоем честнем, со смеженным взором изображенным, внезапу очи отверзостеся. Мы же, таковому дивному знамению внимающе, принесем Богородице жертву хваления:

Радуйся, Спасителю мира плоть взаимодавшая.

Радуйся, Царя царствующих миру явившая.

Радуйся, Врача душ человеческих рождшая.

Радуйся, тьму греховную разрушившая.

Радуйся, пламень многобожия угасившая.

Радуйся, путь к вечной жизни нам указавшая.

Радуйся, Владычице Зиновинская, духовныя очи наша отверзающая.

 

Кондак 11

Приспе день светлаго торжества, егда сокровенныя чаяния верных раб Твоих, Приснодево, исполнися: чудотворный образ Твой обретеся и в храм Божий со славою возвратися, да вси упование в Тебе, Богомати, имуще, с верою к нему припадают и со слезами вопиют: Аллилуиа.

 

Икос 11

«Помилуй нас, Владычице, помилуй нас, многоболезненных душею и телом», - вернии людие, верою в предстательство Твое движимии, вопиют: никтоже бо тощь от Божия Матере отходит, но всегда благодарственно поет:

Радуйся, от всякаго вражия пленения скорое свобождение.

Радуйся, всечудное человеков к Богу примирение.

Радуйся, душепагубныя скверны попрание.

Радуйся, сердец наших очищение и обновление.

Радуйся, страждущия плоти нашея врачевание.

Радуйся, душ наших победоносное спасение.

Радуйся, Владычице Зиновинская, духовныя очи наша отверзающая.

 

Кондак 12

Благодать Божия, обильно на икону Твою Зиновинскую изливаемая, неизреченно влечет к ней всех жаждущих от Госдода облегчения, исцеления и страждущей души спасения, всякий бо от нея по вере своей приемлет и благодарственно о Тебе, Всеблагая, вопиет: Аллилуиа.

 

Икос 12

Светозарными лучами знамений и чудес немерцаемо сияет святая икона Твоя, Богомати, землю Подольскую многолетне от напастей и бед покрывая и люди ея к покаянию и благочестию призывая; темже убо молим Тя, Царице Небесная, да и ны достойни явимся неисповедимых Твоих милостей и благохвально возопиим:

Радуйся, крепосте наша и утверждение.

Радуйся, верных от бед ограждение.

Радуйся, источниче нашего исцеления.

Радуйся, начало истиннаго покаяния.

Радуйся, Ходатаице нашего прозрения.

Радуйся, Подательнице любви и смирения.

Радуйся, Владычице Зиновинская, духовныя очи наша отверзающая.

 

Кондак 13

О чудная и вышшая всех тварей Царице Богородице, честнейшая воистину Херувим и славнейшая без сравнения Серафим! Се в руце Твои предаем отягченныя грехми души наша: Ты нас взыщи, Ты нас защити, Ты нас утеши и Своею пламенною молитвою двери Божия милосердия отверзи, о Тебе вопиющим: Аллилуиа.

 

(Этот кондак читается трижды, затем икос 1 и кондак 1)

 

Молитва

О Пренепорочная Приснодевствующая Богомати, мира христианскаго похвало и земли Подольския неотступное утверждение! Благодарим Тя, яко сподобила еси нас, недостойных, причастниками быти неизглаголанных чудес Твоих. Отверзи убо очи мысленныя сердец наших, во еже всегда неложно зрети нам правдивую стезю жития христианскаго и непоколебимо ею шествовати. Укрепи наша стопы, чувствия наша сиянием благодати Твоея просвети, волю ко исполнению заповедей Христовых направи, разум покаяния и благодарения исполни, и неотриновенных нас сотвори во вся дни живота нашего от матерния Твоея чадолюбивыя милости, да выну хвалим, благословим и величаем Тя, Благодатную Матерь Господа нашего Иисуса Христа, Емуже слава, честь и поклонение во веки. Аминь.

 

 

Зиновинская икона Божией Матери

Чудотворный образ из села Зиновинцы, что на Виннитчине, предположительно можно отнести к началу XVII века. По своему изводу он относится к редкому в украинской иконографии изображениям Богоматери - «Воспитание» и «Аравийская». Из истории святыни известно, что икона написана простым благочестивым жителем села, вероятно, искусным иконописцем, т.к. образ исполнен на высоком художественном уровне. К сожалению, предание не сохранило для нас историю создания иконы, но редкая иконография и закрытые глаза Богоматери свидетельствуют, что Зиновинский образ написан по особому Божию промышлению.

Чудотворный образ Богоматери находился в алтаре Иоанно-Богословского деревянного храма, построенного жителями Зиновинцев в 1758 году. Известной по всей Подолии и за ее пределами икона стала после исцеления по молитве перед ней отрока Даниила - сына настоятеля Зиновинского храма о. Константина Стрельбицкого.

В возрасте пяти лет отрок Даниил по Божию попущению получил паралич, отчего вдруг лишился языка, правой руки и ног. После того, как были использованы всевозможные средства, которые нисколько не облегчили болезни, отец кладет больного сына перед образом Богоматери в алтаре со словами: «Матерь Божия, исцели сына моего. Если он выздоровеет, я отдам его Тебе на службу». Затем губой, которой отирается Чаша после потребления Святых Даров, отер лик Богоматери, лицо и голову своего сына. Вечером того же дня отрок стал совершенно здоровым. После чудесного исцеления, вся жизнь Даниила была посвящена Богу и Церкви. В возрасте 24 лет, по окончании Каменец-Подольской духовной семинарии, Даниил принял монашеский постриг с именем Модест в Свято-Троицком монастыре Каменец-Подольского. Здесь он был посвящен в сан иеромонаха, в возрасте 26 лет стал студентом Киевской Духовной Академии, получил степень магистра богословия. Иеромонах, а впоследствии архимандрит Модест потрудился во многих епархиях, был широко известен как проповедник, педагог и церковный писатель. 10 апреля 1877 года в возрасте 54 лет архимандрит Модест был хиротонисан в епископа Екатеринбургского.

Всю жизнь он сохранял в сердце своем память о неизреченной милости Богоматери, даровавшей ему чудесное исцеление. В благодарность о чуде владыка принял решение построить величественный храм в родном селе, посвятив его Живоначальной Троице. В 1890 году на приходском кладбище над могилами родителей преосвященного Модеста была совершена закладка собора. В его основание вложили серебряный крест с мощами святых и несколько камней с Елеонской горы в кипарисовом ящике. Каменный собор украсили изящными карнизами и пилястрами. На куполах, засияли золотые кресты, на колокольню были подняты 11 колоколов, самый большой из которых весил 1200 кг.

Над росписью собора трудилось пять иконописцев под руководством почаевского иеромонаха Паисия, известного в XIX веке иконописца. По своей архитектуре храм был близок к сохранившемуся до нашего времени житомирскому кафедральному собору, и имел два придела: главный - в честь Пресвятой Троицы и малый, теплый - в честь Покрова Божией Матери.

В 1895 году собор был освящен, туда перенесли чудотворный образ Зиновинской Божией Матери крестным ходом и установили в изготовленный для него золоченый резной киот. Икону покрыли дорогой сребропозлащенной ризой, украшенной драгоценными каменьями.

Архиепископ Модест (Стрельбицкий) до конца своих дней хранил при себе список чудотворного образа. После смерти владыки этот список был передан в его родное селение и помещен в соборе, рядом с чудотворным образом, который пребывал в храме до 30-х годов XX столетия.

В 1935 году безбожной властью было принято решение об уничтожении Свято-Троицкого собора. По свидетельству старожилов, в течение первых трех дней разрушения собора чудотворная икона светилась дивным светом. С нее сняли дорогую ризу и вместе с другими иконами свалили в часовню на кладбище. Одна из селянок взяла чудотворный образ в свой дом и использовала его в хозяйстве как крышку для погреба. Помня о главной святыне села, прихожанка храма Евдокия Дрийчук упросила женщину отдать ей икону и до конца своих дней тайно хранила ее в своем доме.

Долгое время Зиновинская икона считалась безвозвратно утерянной. Память о ней еще сохраняли дореволюционные церковные издания, но само село уже нельзя было найти на карте - оно было переименовано в с. Шевченко. Прошло семьдесят лет, прежде чем Пресвятая Богородица вновь явила Свой образ, сотворив новое чудо. В 2004 году, в период Рождественского поста, псаломщица Зинаида Серова (дочь Евдокии Дрийчук), у которой хранилась Зиновинская икона, увидела, что на иконе Богородица открыла глаза. После беседы с настоятелем сельского храма о. Владимиром Кищуком, Зинаида решила вернуть святыню церкви. Когда икону переносили в храм, пожилая женщина страдающая тяжелой болезнью ног, приложилась к чудотворному образу и на другой день почувствовала себя исцеленной. Это не единственное исцеление, происшедшее в наше время.

Сейчас чудотворная Зиновинская икона Божией Матери находится в с. Шевченко в храме Усекновения главы Иоанна Предтечи, устроенном на месте разрушенного большевиками собора. Рядом с чудотворным образом стоит его список, ранее принадлежавший архиепископу Модесту. Благодаря сохранившемуся списку, мы видим действительно свершившееся чудо: открытые глаза Богоматери на чудотворном образе и закрытые на старинном списке.

В течение трехсот лет Богородица через Свою святыню являла в Подольском крае многие знамения и чудеса. И ныне Она призывает каждого обратиться к Ней в молитве и задуматься о самом главном в жизни — спасении бессмертной своей души. Уповаем, что Богоматерь явит через Свою святыню еще много чудес. Только бы не охладело сердце наше и была крепка вера в милость Божию к нам, грешным.

 

По благословению

митрополита Херсонского и Таврического Иоанна

Опубликована: 29.07.2017