Православный календарь
Рекомендуем посетить
Музыковский Покровский мужской монастырь Херсонской епархии
УПЦ

НОВАЯ ИНФОРМАЦИЯ

Расписание богослужений в Свято-Духовском кафедральном соборе на ОКТЯБРЬ

Молитва о мире в Украине

Томос о даровании Украинской Православной Церкви самостоятельности в управлении

Обращение Патриарха к министру юстиции по вопросу независимости УПЦ

Официальные документы Украинской Православной Церкви относительно ситуации в нашей стране

В рубрику "Сайты епархии" добавлена ссылка на сайт Николаевского Морского собора Херсона

Акафист праведному ИОАННУ КРОНШТАДТСКОМУ

 

Дни памяти:

 

2 января (н. ст.)

14 июня (н. ст.)

 

 

Тропарь, глас 1

Православныя веры поборниче, земли нашея печальниче, пастырем правило и образе верным, покаяния и жизни во Христе проповедниче, Божественных Таин благоговейный служителю и дерзновенный о людех молитвенниче, отче праведный Иоанне, целителю и предивный чудотворче, граду Кронштадту похвало и Церкви нашея украшение, моли Всеблагаго Бога умирити мир и спасти души наша.

 

Кондак, глас 3

Днесь пастырь Кронштадтский предстоит Престолу Божию и усердно молит о верных Христа Пастыреначальника, обетование давшаго: созижду Церковь Мою, и врата адова не одолеют ей.

 

Кондак 1

Избраннаго и вернаго во иереех Божиих восхваляем тя, богоносне отче Иоанне! Ты бо Евангельстей истине последуя, Христу всем сердцем сораспялся еси, струю чудес и исцелений всем верным источаеши и ко спасению их направляеши. Мы же, молитвами твоими в вере, надежде и любви укрепляеми, благодарне зовем ти: Радуйся, Иоанне, земли нашея молитвенниче предивный.

 

Икос 1

Ангела молитвы и проповедника покаяния ведаем тя, блаженне отче: ходатайствуеши бо за нас у Престола Божия, да в разум истинный приидем и жизнь свою на путь спасения направим, взывая тебе:

Радуйся, благодати Божия сосуде избранный.

Радуйся, Премудрость Божию, яко млеко матере, сладостно впитавый.

Радуйся, Ангелу Хранителю твоему, яко Товия древле, вседушевне последовавый.

Радуйся, боголюбивых родителей целомудренный плод чистоты непререкаемый.

Радуйся, в повиновении родителем своим благословение Божие стяжавый.

Радуйся, от юности твоея водительству Духа Святаго прилежавый.

Радуйся, всем сердцем твоим Бога возлюбивый.

Радуйся, в меру возраста Христова богомудренно возраставый.

Радуйся, Иоанне, земли нашея молитвенниче предивный.

 

Кондак 2

Предвидя, яко многия беды и соблазны грядут на Святую Церковь, и чада Божия в смятении будут, яко пастырь добрый, душу свою за паству готовый положити, глаголал еси людем: «Убойтеся соблазнов, стойте в вере Православней, мужайтеся и крепитеся, и славите Господа, взывая Ему: Аллилуиа».

 

Икос 2

Разумом Божественным просвещаемый, богословия струи животочныя источил еси, всеблаженне отче Иоанне, в посте и молитве словеса Божия со слезами в сердца верных сея, к свету истиннаго Богопознания чад земли нашея призывал еси. Тии же, в любви Божии укрепляющеся, пояху тебе таковая:

Радуйся, Евангельския истины пламенный ревнителю.

Радуйся, глаголов жизни вечныя неумолкаемый возвестителю.

Радуйся, равноангельным житием твоим достойно украшенный.

Радуйся, у Престола Божия о людех ходатаю верный.

Радуйся, от юности Церкви Христовой всем сердцем прилепивыйся.

Радуйся, Христу сораспятися о людех вседушевне возгоревыйся.

Радуйся, любовию Христовою сердце твое, аки ниву благоплодную, возделавый.

Радуйся, людем, в скорбех и печалех изнемогшим, состраданием и молитвою облегчение подававый.

Радуйся, Иоанне, земли нашея молитвенниче предивный.

 

Кондак 3

Силою Божественныя благодати, яко углем горящим у жертвенника Божия, возжжен, светильниче многосветлый, во граде Кронштадте просиял еси, отцев наших похвало, отче Иоанне: сице бо во тьме греховней обуреваемых и соблазном богоборчества колеблемых зарею Божественнаго разума просветил еси и научил еси пети: Аллилуиа.

 

Икос 3

Имея любовь велию к людем, Кровию Сына Божия искупленным, потекл еси к неимущим благочестия, трезвения и страха Божия и отчаянием обуреваемым, пастырю добрый Иоанне, сих же кротостию и смиренномудрием покорив Христу, научил еси благодарно взывати тебе таковая:

Радуйся, сущих во тьме и сени смертней премудрый просветителю.

Радуйся, о спасении людей, в пучине греховней обуреваемых, благостный попечителю.

Радуйся, неведущих Бога и окамененных сердцем к покаянию пробуждаяй.

Радуйся, Божественною премудростию в писаниях твоих нас озаряяй.

Радуйся, сердец строптивых и злонравных благостное умягчение.

Радуйся, ленивых и коснеющих совестию щедролюбивое обличение.

Радуйся, Слова Божия и правды Его проповедниче неустрашимый.

Радуйся, Иоанне, земли нашея молитвенниче предивный.

 

Кондак 4

Бурю злонравия воздвизаему на Церковь нашу Святую ведал еси, отче Иоанне, яко верный страж дома Господня, научал еси овцы Христовы бдети и право ходити в истинней вере и в заповедех Господних непорочно пребывати, да чистым сердцем и устами непристанно взывают к Богу победную песнь: Аллилуиа.

 

Икос 4

Слышаще о тебе, яко ты еси сосуд избранный и благодатных даров преисполненный, подвигов милосердия и нищелюбия ревнитель, вдов, сирот, страждущих и обремененных утешитель и о нераскаянных грешницех молитвенник слезный, не токмо от Кронштадта, но и от всех конец земли потекоша к тебе людие Божии, исцеления от тебе получающе. С ними же и мы, во гресех своих кающеся, яко ходатаю о нас пред Богом теплу, умильно зовем ти:

Радуйся, сеятелю правды, слезами твоими землю нашу освятивый.

Радуйся, обличителю неправды, души верных от прелести греховныя свободивый.

Радуйся, свете сердец кротких и разумных, путь к Богу указуяй.

Радуйся, ученьми твоими, яко кормилица кроткая нас греяй и питаяй.

Радуйся, всех скорбящих и обремененых неложное упование.

Радуйся, болящих и от духов злых страждущих благодатное врачевание.

Радуйся, сосуде избранный, дары Духа Святаго туне верным источивый.

Радуйся, не о людех токмо, но и о скотех милосердовавый.

Радуйся, Иоанне, земли нашея молитвенниче предивный.

 

Кондак 5

Яко небосветлая звезда священнолепным житием твоим просиял еси, пастырю Христов Иоанне! Богом дарованное тебе наследие от волков, губящих е, словом Божиим ограждал еси, пастырски взывая: «Возьмите Крест Господень, на Немже Христос — Царь славы — рукописание грехов наших изглади, в Немже миру востание во веки». Мы же, сим знаменающеся, поем с тобою Богу победную песнь: Аллилуиа.

 

Икос 5

Видевше тя боголюбивыя люди дивно на свещнице церковней сияюща, правды Божия ищуще, к тебе притекаху, и яко другу Христову, исповедаху грехи своя. Мы же, обремененнии многими прегрешениями, к тебе, блаженне Иоанне, прибегаем и тако глаголем:

Радуйся, яко силою благодати, яже в тебе, немощнии духом в любви Божии укрепляются.

Радуйся, яко твоими молитвами кающиися плена греховнаго свобождаются.

Радуйся, яко труды твоими алчущии и жаждущии правды Христовы насыщаются.

Радуйся, яко благовестием твоим врази Христовы посрамляются.

Радуйся, яко молитвами твоими силы ада содрагаются.

Радуйся, яко воздеянием рук твоих врата небесная верным отверзаются.

Радуйся, в умилостивление за народ наш молитву, яко кадило благовонное, херувимски Богу приносивый.

Радуйся, за неведующих правды и любве Божия молитися нас подвигнувый.

Радуйся, Иоанне, земли нашея молитвенниче предивный.

 

Кондак 6

Проповедницы чудных деяний твоих, блаженне Иоанне, явишася мнози: богатии и нищии, старцы и юноши: ты бо всем любовь свою изливал еси. Темже не токмо православнии, но и иновернии силою молитв твоих милость Божию обретаху, поя Богу: Аллилуиа.

 

Икос 6

Возсиял еси житием твоим в Церкви Православней лучезарнее сияния севернаго, светом Евангелия Христова всех просвещая и от сетей вражиих чада ея ограждая. Темже и ныне молим Господа сил, да любовь святая утвердится в сердцах наших, во еже ни скорбь, ни теснота, ни смерть не возмогут нас разлучити от любве Божия. И тако достигше сего, тебе воззовем:

Радуйся, яко Божиим смирением грядущая на ны предвозвестивый.

Радуйся, тесным путем в заповедех Божиих ходити нас научивый.

Радуйся, в скорбех и печалех сущим источник радости в Бозе указавый.

Радуйся, оную радость, яко зеницу ока, свято хранити нам завещавый.

Радуйся, десницею и шуйцею оружие правды Божия содержаяй.

Радуйся, в словесе истины и любве нелицемерней сыну Громову уподобивыйся.

Радуйся, порфирою покаяния всех облекаяй.

Радуйся, диадимою благодати славно увенчанный.

Радуйся, Иоанне, земли нашея молитвенниче предивный.

 

Кондак 7

Хотя Всеблагий Господь спасти люди земли нашея и, яко злато в горниле огненнем, очистити я, вложи в уста твоя, всеблаженне, дух премудрости и разум провидца, во еже чрез покаяние сердечное и сокрушение слезное преуготовати я в вере непоколебимых к жертвенному служению, да со всеми святыми земли нашея, ангельски вопиют Богу: Аллилуиа.

 

Икос 7

Новаго избранника Божия, всеблаженне Иоанне, видяще тя, у олтаря Господня за всех молитвою слезною Христу сраспинающася, боголюбивии людие с верою к тебе притекаху и душевне и телесне исцеляхуся. Темже и мы, в немощи сущии, молим тя прилежно: воздвигни руце твои и не премолчи за ны ко Господу, якоже отец о чадех своих, да умножит Господь милость Свою на нас, приносящих ти сицевая:

Радуйся, у Престола Божия прилежный о нас печальниче и ходатаю.

Радуйся, покаяния слезнаго усердный глашатаю.

Радуйся, образе неусыпнаго делания, яко Христу Богу работати прилежно нас наставляеши.

Радуйся, яко на божественней стражи веры апостольския стояти нас утверждаеши.

Радуйся, образ воздержания и целомудрия добре показавый.

Радуйся, суеверия, ереси и злохуления от стада твоего отсекавый.

Радуйся, сущих во тьме неведения славный просветителю.

Радуйся, душ человеческих от суеты житейския мудрый восхитителю.

Радуйся, Иоанне, земли нашея молитвенниче предивный.

 

Кондак 8

Странное чудо видим на тебе, предивный пастырю Христов Иоанне! Сама бо Пречистая Матерь Божия ублажи тя и последующих тебе и с радостию благоволение Божие всем возвести: «О милейшия вы чада Отца Небеснаго!» - сице бо радость Церкве Небесныя о подвизе земнем предвозвести. Сего ради мы, надеждею на предстательство о нас Матери Господа Сил согреваеми, вопием Царю всех веков: Аллилуиа.

 

Икос 8

Весь желанием Божиим распаляемь, носитель любве Христовы явился еси, пастырю добрый: в ней бо милость и истина сретостеся, правда и мир облобызастася, всякая же лесть упразднися, еретическое же злонравие, яко тля, попалися, скорби же человеческия елеем милосердия твоего утолишася. Мы же, нерадивии, сокровищ сих не стяжахом, праведным судом Божиим многим скорбем и печалем достойни явихомся. Но, ведуще тя помощника неусыпна, умильно зовем ти:

Радуйся, любве Христовы неутомимый носителю.

Радуйся, мира и правды ревностный сеятелю.

Радуйся, веры Православныя незыблемый хранителю.

Радуйся, благочестия и добронравия насадителю.

Радуйся, о всем мире печальниче и слезный молитвенниче.

Радуйся, Церкве Христовы немеркнущий светильниче.

Радуйся, отцев наших похвало, нам же надеждо и утешение.

Радуйся, богоизбранный пастырю, Православия благодатное украшение.

Радуйся, Иоанне, земли нашея молитвенниче предивный.

 

Кондак 9

Всем сущим в бедах и скорбех житейских воздвиже Господь на радость пастыря и чудотворца предивна Иоанна, да хромыя и разслабленныя, слепыя и от духов злых томимыя исцелит, в пагубнем пиянстве и супружестей неверности растлеваемыя к непостыдней жизни призовет, а яже во озлоблении сущия к Богу приведет и сице в душах верных царство правды Божия насадит, да воспоем вси спасительную песнь Богу: Аллилуиа.

 

Икос 9

Ветия многовещаннии недоумеют изъясняти силу молитвы твоея, Иоанне предивне, егда три юноши, дерзнувшия поглумитися о тебе и молитве твоей, спасительне наказал еси; узрев же я кающихся и слезно молящихся - исцеление злохулителем от Бога испросил еси. Тии же, познавше молитвы твоея силу чудодейственную и любве твоея милосердие теплейшее, яко Божия провидца, ублажиша тя похвалами таковыми:

Радуйся, благое икономство чина своего богомудренно соблюдый.

Радуйся, данный тебе залог, Тело Христово, цел и невредим до последняго твоего издыхания сохранивый.

Радуйся, скрижали богоначертанныя обою Заветов достойне возвестивый.

Радуйся, Церковь Христову благочестием пастыря добра прославивый.

Радуйся, истиннаго просвещения и христианскаго благочестия ревностный насадителю.

Радуйся, кающихся грешников, сирых и убогих милостивый покровителю.

Радуйся, мудрый путеводителю, стези правды юным указуяй.

Радуйся, судие нелицеприятный, зломудрствующия любовию наказуяй.

Радуйся, Иоанне, земли нашея молитвенниче предивный.

 

Кондак 10

Спасти хотя души ближних своих, ересьми и маловерием обуреваемыя, противу кознем диавольским воздержанием и смирением вооружился еси, отче Иоанне, апостольское и святоотеческое веры исповедание твердо сохранив, жертвенною же любовию Христу сраспинаяся, душу твою за спасение народа Божия положив, Царствия Небеснаго достигл еси, идеже со Ангелы и лики святых непрестанно Бога славословя, поминай нас, славную память твою празднующих и поющих Богу: Аллилуиа.

 

Икос 10

Стена твердая бысть любовь твоя ко Господу, в нейже утвердися сердце твое, богоносне отче Иоанне: сего ради всем притекающим к тебе с верою прибежище и утверждение явился еси, да всяческая Христу приобрящеши. Темже и нам, к тебе припадающим, буди стена крепка и ограждение непреодолимое, да не посмеются о нас, хотящия нам злая, во еже в мире и любве Христове пребывати и приносити сия похвалы:

Радуйся, светильниче неугасимый, огнем Духа Святаго возжженный.

Радуйся, крине, присно благоухаяй, росою благодати Божия напоенный.

Радуйся, росо сладкоплодная, благодатными дары верных ожитворяющая.

Радуйся, соле земли, от греховнаго тления нас сохраняющая.

Радуйся, в море житейстем обуреваемым тихое пристанище.

Радуйся, яко душевне и телесне изнемогающим о помощи Божией умоляеши.

Радуйся, сердцеведче предивне, верныя от лжемудрствования ограждаяй.

Радуйся, силою молитвы чистыя союз супружеския верности укрепляяй.

Радуйся, Иоанне, земли нашея молитвенниче предивный.

 

Кондак 11

Песнь достохвальную приносим ти, всеблаженне отче Иоанне, всем житием твоим прославившему Бога; и якоже видехом тя на земли долу у Престола Господня за всех и за вся Владыку мира умолявшаго, сице и ныне на Небеси горе вознеси молитвы твоя, во еже непоколебимей быти Церкви нашей, да из рода в род во Отечестве нашем благочестно славится имя Триединаго Бога поющими Ему: Аллилуиа.

 

Икос 11

Светозарную свещу, во мраце жития сущим, зрим тя, Богом избранне отче Иоанне: ты бо на Небесех у Престола Божия в сонме святых и Сил Небесных о нас присно ходатайствуеши, воззри на нас, чад твоих, облегчи наша скорби и исцели наша недуги, да зовем ти:

Радуйся, яко в подвизе твоем имя Пресвятыя Троицы дивно прославися.

Радуйся, яко благочестием веры твоея Церковь Христова украсися.

Радуйся, яко состраданием к ближним твоим скорби, и болезни, и печали всяческия утоляются.

Радуйся, яко молитвами твоими кающиися грешницы Царствию Небесному приуготовляются.

Радуйся, спасительных благ земных и небесных щедрый подателю.

Радуйся, от враг видимых и невидимых надежный избавителю.

Радуйся, яко в земном Едеме, Церкви Христовей, подвигом добрым просиял еси.

Радуйся, яко доброты райския, уготованныя праведным, восприял еси.

Радуйся, Иоанне, земли нашея молитвенниче предивный.

 

Кондак 12

Благодатных даров Духа Святаго кладезь преисполненный яви в тебе Господь, отче наш Иоанне, да с тобою и мы сих причастницы будем и тако познаем милость Божию к нам, яко не отступит, ниже посрамит нас Господь, егда благодарными усты и чистым сердцем, уповающе на милость благоутробия Его, воспоем Ему: Аллилуиа.

 

Икос 12

Поюще твое достохвальное житие на земли и славу, юже стяжал еси на Небеси, молим тя, блаженне Иоанне: вознеси о нас молитвы Богу, да помиловани будем в день судный и, спасаеми твоими молитвами, тако тебе воззовем:

Радуйся, богоизбранне и богопрославленне пастырю земли нашея.

Радуйся, яко воспел еси имя Божие, аки орган мусикийский.

Радуйся, пророком и апостолом добре поревновавый.

Радуйся, бежати гнева Божия и творити плоды покаяния мудре наставивый.

Радуйся, об Отечестве и народе нашем теплый молитвенниче.

Радуйся, веры Православныя истинный исповедниче.

Радуйся, пресветлый лучу, путь к жизни вечней осияваяй.

Радуйся, неисчерпаемую благость Божию нам открываяй.

Радуйся, трапезо неоскудеваемая, от неяже монаси и мирстии питаются.

Радуйся, учителю правды Божия, еюже старцы и юноши украшаются.

Радуйся, яко ихже даде тебе Господь, сотворил еси я Богу в радование.

Радуйся, яко от небожителей приял еси о Господе целование.

Радуйся, Иоанне, земли нашея молитвенниче предивный.

 

Кондак 13

О всеблаженне отче Иоанне, Церкви Православныя пресветлый светильниче и предивный чудотворче! Приими хвалебное сие пение и умоли Христа Бога в мире и благочестии утвердити Святую Церковь, нас же всяких бед избавити и в единомыслии веры в союзе любве Христовы соблюсти, да единеми усты и единем сердцем воспоем с тобою Богу: Аллилуиа.

 

(Этот кондак читается трижды, затем икос 1 и кондак 1)

 

Молитва

О великий угодниче Христов, святый праведный отче Иоанне Кронштадтский, пастырю дивный, скорый помощниче и милостивый предстателю! Вознося славословие Триединому Богу, ты молитвенно взывал еси: «Имя Тебе — Любовь: не отвергни меня, заблуждающагося. Имя Тебе — Сила: укрепи меня, изнемогающаго и падающаго. Имя Тебе — Свет: просвети душу мою, омраченную житейскими страстями. Имя Тебе — Мир: умири мятущуюся душу мою».Ныне, благодарнии твоему предстательству, молимся тебе, христоименитый и праведный угодниче Божий: любовию твоею озари нас, грешных и немощных, сподоби нас принести достойныя плоды покаяния и неосужденно причащатися Христовых Таин. Силою твоею веру в нас укрепи, в молитве поддержи, недуги и болезни исцели, от напастей, врагов, видимых и невидимых, избави. Светом лика твоего служителей и предстоятелей олтаря Христова на святыя подвиги пастырскаго делания подвигни, младенцем воспитание даруй, юныя настави, старость поддержи, святыни храмов и святыя обители озари. Умири, чудотворче преизряднейший, народы страны нашея, благодатию и даром Святаго Духа избави от междоусобныя брани, расточенныя собери, прельщенныя обрати и совокупи Святей Соборней и Апостольстей Церкви. Милостию твоею супружества в мире и единомыслии соблюди, монашествующим в делах благих преспеяние и благословение даруй, малодушныя утеши, страждущих от духов нечистых свободи, в нуждах и обстояниих сущих помилуй и нас на путь спасения настави. Во Христе живый, отче наш Иоанне, приведи нас к Невечернему Свету жизни вечныя, да сподобимся с тобою вечнаго блаженства, хваляще и превозносяще Бога во веки веков. Аминь.

 

ЖИТИЕ

Святой праведный Иоанн Кронштадтский родился 19 октября 1829 года в селе Сура Пинежского уезда Архангельской губернии в семье бедного сельского дьячка Илии Сергиева и жены его Феодоры. Новорожденный был столь слабым и болезненным, что родители поспешили тотчас же окрестить его. Нарекли младенца Иоанном, в честь преподобного Иоанна Рыльского, в тот день Святой Церковью празднуемого. Вскоре после Крещения младенец Иоанн сталь заметно поправляться. Благочестивые родители стали с особою ревностью направлять мысли сына к Богу, приучая его к усердной домашней и церковной молитве. Отец с раннего детства постоянно брал его в церковь и тем воспитал в нем особенную любовь к богослужению.

Живя в суровых условиях крайней материальной нужды, отрок Иоанн рано познакомился с безотрадными картинами бедности. Рос Иоанн сосредоточенным и вдумчивым. Вместе с тем, бедность воспитала в нем глубокое сочувствие и сострадательную любовь к беднякам. Не увлекаясь свойственными детскому возрасту играми, он, нося постоянно в сердце своем память о Боге, любил природу, которая возбуждала в нем умиление и преклонение пред величием Творца.

На шестом году отрок Иоанн, при помощи отца, начал учиться грамоте. Но грамота вначале плохо давалась мальчику. Это его печалило, но это же подвигло и на особенно горячие молитвы к Богу о помощи. Когда отец, собрав последние средства от скудости своей, отвез сына в Архангельское приходское училище, Иоанн, особенно остро почувствовав там свое одиночество и беспомощность, все утешение свое находил только в молитве. Молился он часто и пламенно, горячо прося у Бога помощи. И вот, после одной из таких горячих молитв, ночью, мальчика вдруг точно потрясло всего, «точно завеса спала с глаз, как будто раскрылся ум в голове», «легко и радостно так стало на душе»: ему ясно представился учитель того дня, его урок, он вспомнил даже, о чем и что он говорил. Чуть засветлело, он вскочил с постели, схватил книги - и о, счастие! Стал читать гораздо лучше, стал хорошо понимать все и запоминать прочитанное.

С той поры отрок Иоанн стал отлично учиться: одним из первых окончил училище, первым окончил Архангельскую духовную семинарию и был принят на казенный счет в Санкт-Петербургскую Духовную Академию.

Учась в академии, Иоанн первоначально склонялся посвятить себя миссионерской работе среди народов Сибири и Северной Америки. Но Промыслу Божию угодно было призвать его к иного рода пастырской деятельности. Размышляя о предстоящем служении Церкви Христовой однажды во время уединенной прогулки по академическому саду, Иоанн по возвращении домой, заснул и во сне увидел себя священником, служащим в Кронштадтском Андреевском соборе, в котором он никогда еще не был. Он принял это за указание свыше. Скоро сон сбылся с буквальной точностью. В 1855 году, когда Иоанн Сергиев окончил курс академии со степенью кандидата богословия, ему предложено было вступить в брак с дочерью протоиерея Кронштадтского Андреевского собора К. Несвитского Елисаветою и принять сан священника для служения в том же соборе. Вспомнив свой сон, он принял это предложение.

12 декабря 1855 года совершилась его хиротония во священника. Впервые войдя в Кронштадтский Андреевский собор, он увидел, что это был именно тот храм, который задолго до того представлялся ему в его видении. Вся остальная жизнь о. Иоанна и его пастырская деятельность протекала в Кронштадте, почему многие забывали даже его фамилию «Сергиев»и называли его «Кронштадтский», да и сам он нередко так подписывался.

После венчания Иоанн с супругой решили жить как брат и сестра, полностью посвятив себя служению Богу.

При первом же знакомстве со своей паствой о. Иоанн увидел, что здесь ему предстоит не меньшее поле для самоотверженной и плодотворной пастырской деятельности, нежели в далеких странах. Кронштадт был местом административной высылки из столицы разных порочных людей. Кроме того, там было много чернорабочих, работавших главным образом в порту. Все они ютились, по большей части, в жалких лачугах и землянках, попрошайничали и пьянствовали. Городские жители немало терпели от этих морально опустившихся людей, получивших название «посадских». Ночью не всегда безопасно было пройти по улицам, ибо был риск подвергнуться нападению грабителей.

Вот на этих нравственно погибающих людей, презираемых всеми, и обратил свое внимание исполненный духа подлинной Христовой любви великий пастырь. Среди них он начал дивный подвиг своего самоотверженного пастырского делания. Ежедневно стал бывать в убогих жилищах, беседовал, утешал, ухаживал за больными и помогал материально, раздавая все, что имел, нередко возвращаясь домой даже без сапог.

«Нужно любить всякого человека и в грехе его и в позоре его, - говорил о. Иоанн. - Не нужно смешивать человека - этот образ Божий - со злом, которое в нем...» С таким сознанием он и шел к людям, всех побеждая и возрождая силою своей истинно пастырской состраждущей любви.

Труды отца Иоанна, полагаемые среди обездоленных, вскоре стали приносить достойные плоды. Скоро открылся в о. Иоанне и дивный дар чудотворения, который прославил его во всем православном мире. Молитвою и возложением рук о. Иоанна излечивались самые тяжкие болезни, когда медицина терялась в своей беспомощности. Исцеления совершались как наедине, так и при большом стечении народа, а весьма часто и заочно. Достаточно было иногда написать письмо о. Иоанну или послать телеграмму, чтобы чудо исцеления совершилось. Особенно замечательно происшедшее на глазах у всех чудо в селе Кончанском (Суворовском), описанное случайно находившейся тогда там суворовской комиссией профессоров военной академии (в 1901 г.). Женщина, много лет страдавшая беснованием и приведенная к о. Иоанну в бесчувственном состоянии, через несколько мгновений была им совершенно исцелена. По молитве о. Иоанна прозревали слепые. Художником Животовским описано чудесное пролитие дождя в местности, страдавшей засухой и угрожаемой лесным пожаром, после того как о. Иоанн вознес там свою молитву. О. Иоанн исцелял силою своей молитвы не только русских православных людей, но и мусульман, и евреев, и обращавшихся к нему из-за границы иностранцев. Этот великий дар чудотворения естественно был наградой о. Иоанну за его великие подвиги - молитвенные труды, пост и самоотверженные дела любви к Богу и ближним. 

Наступил второй период его славной жизни и его подвигов. Вначале он сам шел к народу в пределах одного своего города, а теперь народ сам отовсюду  устремился к нему. Тысячи людей ежедневно приезжали в Кронштадт, желая видеть о. Иоанна и получить от него ту или иную помощь. Еще большее число писем и телеграмм получал он: кронштадтская почта для его переписки должна была открыть особое отделение.

Надо только представить себе, как проходил день у о. Иоанна, чтобы понять и прочувствовать всю тяжесть и величие этого его беспримерного подвига. Вставал о. Иоанн ежедневно в 3 часа ночи и готовился к служению Божественной литургии. Около 4 часов он отправлялся в собор к утрени. Здесь его уже встречали толпы паломников, жаждавших получить от него хотя бы благословение. Тут же было и множество нищих, которым о. Иоанн раздавал милостыню. За утреней о. Иоанн непременно сам всегда читал канон, придавая этому чтению большое значение. Перед началом литургии была исповедь, которая, из-за громадного количества желавших исповедываться у о. Иоанна, была по необходимости - общая. Производила она на всех участников и очевидцев потрясающее впечатление: многие каялись вслух, громко выкрикивая, не стыдясь и не стесняясь, свои грехи. Не все шли к нему с твердой верой: некоторые с сомнением, другие с недоверием, а третьи из любопытства. Но здесь все перерождались и чувствовали, как лед сомнения и неверия постепенно таял и заменялся теплотою веры. Причащающихся после общей исповеди бывало всегда так много, что на святом престоле стояло иногда несколько больших чаш, из которых несколько священников приобщали верующих одновременно. И такое причащение продолжалось нередко более двух часов. Андреевский собор, вмещавший до 5 тысяч человек, всегда бывал полон, а потому очень долго шло причащение и литургия раньше 12 часов дня не оканчивалась.

Во время службы письма и телеграммы приносились о. Иоанну прямо в алтарь, и он тут же прочитывал их и молился о тех, кого просили его помянуть.

После службы, сопровождаемый тысячами верующих, о. Иоанн выходил из собора и отправлялся в Петербург по бесчисленным вызовам к больным. Редко когда возвращался батюшка домой ранее полуночи. Надо полагать, что многие ночи он совсем не имел времени спать.

Так жить и трудиться можно было, конечно, только при наличии сверхъестественной благодатной помощи Божией!

К тяжелому подвигу служения людям в последние годы жизни о. Иоанна присоединился мучительный личный недуг - болезнь, которую он кротко и терпеливо переносил, никому никогда не жалуясь. Решительно отверг он предписания знаменитых врачей. Вот его слова: «Благодарю Господа моего за ниспосланные мне страдания для предочищения моей грешной души. Оживляет - Святое Причастие». И он приобщался по-прежнему каждый день.

10 декабря 1908 года, собрав остаток своих сил, о. Иоанн в последний раз сам совершил Божественную литургию в Кронштадтском Андреевском соборе. А в 7 час. 40 мин. утра 20 декабря 1908 года великий наш праведник мирно отошел ко Господу, заранее предсказав день своей кончины.

На погребении о. Иоанна присутствовали десятки тысяч людей, а у гробницы его и тогда и в последующее время совершалось немало чудес. Необычайные то были похороны! На всем пространстве от Кронштадта до Ораниенбаума и от Балтийского вокзала в Петербурге до Иоанновского монастыря на Карповке стояли огромные толпы плачущего народа. Такого количества людей не было до того времени ни на одних похоронах - это был случай в Петербурге совершенно безпримерный. Похоронное шествие сопровождалось войсками со знаменами, военные исполняли «Коль славен», по всей дороге через весь город стояли войска шпалерами. Чин отпевания совершал Санкт-Петербургский Митрополит Антоний во главе сонма епископов и многочисленного духовенства. Лобызавшие руку покойного свидетельствуют, что рука оставалась не холодной, не окоченевшей. Заупокойные службы сопровождались общими рыданиями людей, чувствовавших себя осиротевшими. Слышались возгласы: «Закатилось наше солнышко! На кого покинул нас, отец родной? Кто придет теперь на помощь нам, сирым, немощным?» Но в отпевании не было ничего скорбного: оно напоминало собою скорее светлую пасхальную заутреню, и чем дальше шла служба, тем это праздничное настроение у молящихся все росло и увеличивалось. Чувствовалось, что из гроба исходит какая-то благодатная сила и наполняет сердца присутствующих какою-то неземною радостью. Для всех ясно было, что во гробе лежит святой, праведник, и дух его незримо носится в храме, объемля своею любовью и ласкою всех собравшихся отдать ему последний долг.

Похоронили о. Иоанна в церкви-усыпальнице, специально устроенной для него в подвальном этаже сооруженного им монастыря на Карповке. Вся церковка эта замечательно красиво облицована белым мрамором; иконостас и гробница - тоже из белого мрамора. На гробнице (с правой стороны храма) лежит Святое Евангелие и резная митра, под которой горит неугасаемый розовый светильник. Множество дорогих художественно исполненных лампад постоянно теплятся над гробницей. Море света от тысяч свечей, возжигаемых богомольцами, заливает этот дивный сияющий храм.

 

По благословению

митрополита Херсонского и Таврического Иоанна

Опубликована: 14.01.2016