День памяти:

15 / 28 мая

Тропарь,  глас 4

Подвигом добрым подвизался еси, страстотерпче Христов Халльварде, невинную жену́ защитив, жизнь свою от нечестивых мученически скончал еси; темже венец нетленный прия́л еси от Христа Бога нашего, Егоже моли от прегрешений избавитися душа́м нашим.

Кондак, глас 8

Яко благоразумный купе́ц был еси, святый Халльварде, ты бо собрав богатство добродетелей, пострадал еси незло́биво от рук беззаконных; темже Царствие Небесное унаследовал еси, не преста́й молити Спаса нашего о нас, почитающих память твою.     

Кондак 1

Избра́нный воине Христов, страстотерпче святый Халльварде, похвальное пение приносим ти, покровителю земли́ Норвежския; ты же, яко имея дерзновение ко Господу, от всяких нас бед свободи, с любовию тебе  зовущих: Радуйся, Халльварде, страстотерпче Христов, града Осло покровителю.

Икос 1

Ангельское житие на земли́ пожил еси, благове́рне Халльварде, возрастив дух свой во благочестии: не мирску́ю бо мудрость стяжал еси, но во смирении Христу последовал еси даже до смерти. Темже воспеваем ти си́це:

Радуйся, яко от юности Бога возлюбил еси.

Радуйся, яко в чистоте и правде пожил еси.

Радуйся, благо́е произраста́ние земли́ Норвежския.

Радуйся, пло́де благочестия и милосердия.

Радуйся, сосуде любви Христовы.

Радуйся, светильниче правды и чистоты.

Радуйся, Халльварде, страстотерпче Христов, града Осло покровителю.

Кондак 2

Видя зло́бу человеческую, не устрашился еси, Халльварде, но веру во Христа в сердце твоем до конца соблюл еси, и душу свою за истину положил еси, воспевая Богу: Аллилуия. 

Икос 2

Разумом Небесным просвещенный, Халльварде святый, познал еси, яко любовь паче всего есть, и показал еси веру свою не то́кмо словом, но па́че  делом. Сего ради воспеваем ти:

Радуйся, неправедных гонителей не устраши́выйся.

Радуйся, за истину смиренный мучениче.

Радуйся, образе кротости и дерзновения.

Радуйся, просия́вый делами милосердия.

Радуйся, вдовиц и сирот покровителю.

Радуйся, любви Христовы после́дователю.

Радуйся, Халльварде, страстотерпче Христов, града Осло покровителю.

Кондак 3

Силу Вышняго приял еси, страстотерпче Христов, во время гонения и напа́сти, и духом мужественным до конца подвизался еси правды ради, вопия Богу: Аллилуия. 

Икос 3

Иму́ще сердце, веры и любви испо́лнено, богомудре Халльварде, презрел еси славу и честь земную, избрав путь кре́стный и приско́рбный. Темже, взирая на житие твое, величаем тя:

Радуйся, смиренномудрием украше́нный.

Радуйся, правды ради гонимый и убиенный.

Радуйся, страдания мужественно претерпе́вый.

Радуйся, незлобием врагов  победи́вый.

Радуйся, яко душу свою чи́сту до конца соблю́л еси.

Радуйся, яко венец му́ченический от Господа прия́л еси.

Радуйся, Халльварде, страстотерпче Христов, града Осло покровителю.

Кондак 4

Буря злобы воста́ на тя, святый Халльварде, и зависти ради неправедно осуди́ша тя; ты же, якоже а́гнец Христов, безропотно прия́л еси неправедную смерть, воспевая Господеви: Аллилуия. 

Икос 4

Улышавше о кончине твоей праведней, Халльварде, прославиша тя вернии яко исповедника любви Христовы. Темже и мы, недостойнии, к тебе прибегаем, взывающе си́це:

Радуйся, яко имя Христово мужественно испове́дал еси.

Радуйся, яко во страдании твоем тверд показался еси.

Радуйся, яко смерть твоя обличи́ беззаконие.

Радуйся, яко любовь твоя победи́ зло́бу.

Радуйся, звездо́, сияющая в стране северней.

Радуйся, теплый предстателю наш пред Господем.

Радуйся, Халльварде, страстотерпче Христов, града Осло покровителю.

Кондак 5

Боголюби́ве Халльварде, просия́вый благочестивым житием твоим, ныне с лики святых предстои́ши Христу не токмо за страну Норвежскую, но и за вся страны́ христианския; мы же за таковое предстательство твое взываем благодарно Богу: Аллилуия. 

Икос 5

Видевше, яко тело твое честно́е обре́тено бысть нетленно и с честию и благоговением положе́нно во храме Божием, вси вернии прославиша Бога, милость Свою людем являющаго, взывающе тебе тако:

Радуйся, яко святость твоя пред всеми яви́ся.

Радуйся, яко место погребения твоего чудесы́ озари́ся.

Радуйся, яко и по смерти призывающим тя скорый помощник еси.

Радуйся, яко и ныне стране Норвежстей и граду Осло заступник еси.

Радуйся, яко тобою путь ко Христу во тьме века сего освети́ся.

Радуйся, яко тобою Господь просла́вися.

Радуйся, Халльварде, страстотерпче Христов, града Осло покровителю.

Кондак 6

Проповедует Церковь Христова житие твое, угодниче Божий Халльварде, яко образ истиннаго благочестия и испове́дания; темже и мы, почитающе страдания твоя, воспеваем Богу, прславляющему святыя Своя: Аллилуия. 

Икос 6

Возсиял еси, Халльварде, яко звезда пресветлая, в стране северней, наставляя заблудшия ко спасению и правде. Мы же, заступника тя иму́ще, с любовию вопием:

Радуйся, яко теплотою любви твоея сердца́ многих согрева́еши.

Радуйся, яко светом Евангельским ду́ши верных озаря́еши.

Радуйся, образе мужества и терпения.

Радуйся, побо́рниче веры и благочестия.

Радуйся, яко Христа ради смерти не устрашился еси.

Радуйся, яко в Царствии Небеснем венец от Него приял еси.

Радуйся, Халльварде, страстотерпче Христов, града Осло покровителю.

Кондак 7

Хотя спасти душу свою, святый Халльварде, не прилепи́лся еси сердцем к скороги́бнущим веще́м земным, но милосердием твоим послужил еси людем, поя Богу: Аллилуия. 

Икос 7

Новое зна́мение благоволения Своего яви́ Господь, даровав людем земли́ Норвежския дерзнове́ннаго предстателя и усерднаго молитвенника, да вси притекающии к тебе скорую помощь и утешение получают, взывая си́це:

Радуйся, яко со Ангелы на Небесех ныне ликуеши.

Радуйся, яко молитвами твоими пред Богом о людех предста́тельствуеши.

Радуйся, страждущих и скорбящих защитниче.

Радуйся, заблудших и погибающих наставниче.

Радуйся, нищих и безпомощных попечителю.

Радуйся, любве и истины насадителю.

Радуйся, Халльварде, страстотерпче Христов, града Осло покровителю.

Кондак 8

Странным и дивным житием твоим прославил еси Господа, Халльварде, ты бо не то́кмо в любви пребыл еси со всеми, но и душу положити за ближняго, ничтоже сумня́ся, готов был еси. Мы же, дивя́щеся действу благодати Божия, на тебе явле́нныя, взываем: Аллилуия. 

Икос 8

Всем вся был еси, святый Халльварде, доброде́тельным бо житием твоим многия ко Христу привел еси, наставляя отпа́дшия от истинныя веры.  Темже вопием ти:

Радуйся, яко во всем словеса́м Христовым последовал еси.

Радуйся, яко кротостию твоею сердца́ многих обратил еси.

Радуйся, страстотерпче твердый и непоколеби́мый.

Радуйся, помощниче благи́й и милостивый.

Радуйся, града Осло и всея Норвегии радосте.

Радуйся, всех верных благодатное утешение.

Радуйся, Халльварде, страстотерпче Христов, града Осло покровителю.

Кондак 9

Всякое естество́ Ангельское удиви́ся мужеству твоему, славне Халльварде, ты бо плоть немощну́ю победи́в, духом возноси́лся еси горе́, в Небесныя обители, поя Господеви: Аллилуия. 

Икос 9

Вити́и человеческия не могут по достоя́нию восхвалити страдания твоя, Халльварде, правды ради претерпе́нныя, ни милосердия твоего и по́мощи, людем подава́емыя. Мы же, любовию твоею побежда́еми, приносим ти малое пение сие:

Радуйся, о Бо́зе Вседержи́тели поревнова́вый.

Радуйся, Христа всем сердцем возлюби́вый.

Радуйся, нищету духовную прояви́вый.

Радуйся, венец му́ченический стяжа́вый.

Радуйся, тщету́ и пре́лесть мира сего презре́вый.

Радуйся, мзду Небесную восприя́вый.

Радуйся, Халльварде, страстотерпче Христов, града Осло покровителю.

Кондак 10

Спастися хотя́щим пример благи́й житие твое, свя́те Халльварде, имже ты поучаеши едино на потребу искати, еже есть богоугожде́ние. Помози убо нам, угодниче Божий, в сем тебе подражати, да ку́пно с тобою на Небесех  воспоем Создателю нашему: Аллилуия. 

Икос 10

Стеною твердою буди нам, мучениче прехвальный, с верою, усердием и любовию к тебе притекающим, ограждающи нас от всех видимых и невидимых врагов наших, да, твоим предста́тельством сих изба́вльшеся, воспоем ти хвалебныя песни сия:

Радуйся, чистоты и благочестия ревнителю.

Радуйся, вернаго пути ко спасению указателю.

Радуйся, крепкий в напа́стех заступниче.

Радуйся, усердный о нас молитвенниче.

Радуйся, неду́гов телесных целителю.

Радуйся, не́мощей душевных врачева́телю.

Радуйся, Халльварде, страстотерпче Христов, града Осло покровителю.

Кондак 11

Пение умиле́нное приносим ти, угодниче Божий Халльварде, и смиренно просим тя: моли о нас Единаго Человеколюбца Бога, да не отвратит лица́ Своего от нас в день су́дный, но да сподобит нас в райских обителех воспевати Ему: Аллилуия. 

Икос 11

Светозарным светом сияет житие твое, славный мучениче Халльварде, освеща́юще мрак многоско́рбнаго жития нашего; темже, предстоя́ще Престолу Царя Славы, поминай нас, тьмою грехов отягче́нных, поющих тебе сия:

Радуйся, неба церковнаго звездо пресветлая.

Радуйся, земли́ Норвежския похвало пречу́дная.

Радуйся, яко Ангелы с тобою лику́ют на Небеси.

Радуйся, яко челове́цы вы́ну восхваляют тя на земли́.

Радуйся, яко со всеми святыми в Го́рних обита́еши.

Радуйся, яко и нас, грешных, на земли́ любовию посеща́еши.

Радуйся, Халльварде, страстотерпче Христов, града Осло покровителю.

Кондак 12

Благодать и ве́лие дерзновение твое пред Богом ве́дуще, тебе, блаженне Халльварде, молимся: буди хода́таем о нас пред Спасителем нашим, да избавит нас от всех бед и напа́стей, наипа́че же да очистит нас от грехов наших, да неосужде́нно вопием Ему ангельскую песнь: Аллилуия. 

Икос 12

Поюще Многоми́лостиваго Господа, дивнаго во святых Своих, восхваляем тя, страстотерпче Халльварде, яко великаго молитвенника земли́ Скандинавския, и, благодаряще Бога, даровавшаго нам такова́го предстателя и чудотворца, воспеваем ти тако:

Радуйся, Церкви Христовы похвало.

Радуйся, земли́ Норвежския славо.

Радуйся, в чудесех просия́вый.

Радуйся, в ми́лостех неистощи́мый.

Радуйся, верных чад Церкви добрый наставниче.

Радуйся, о призывающих тя теплый молитвенниче.

Радуйся, Халльварде, страстотерпче Христов, града Осло покровителю.

Кондак 13

О святый страстотерпче Халльварде, приими́ сие малое моление наше, с любовию тебе приноси́мое, и благоприя́тными твоими к Богу молитвами избави нас от всяких зол и обстоя́ний, и от вечнаго мучения предста́тельством твоим сохрани, да сподобимся в Небесных селе́ниих воспевати: Аллилуия. 

(Этот кондак читается трижды, затем икос 1 и кондак 1)

Молитва

О святий страстотерпче Христов Халльварде! К тебе, яко к хода́таю усердному и покровителю нашему с надеждою прибегаем. Ты, Господа Иисуса Христа от всея души́ возлюбив, не устрашился еси я́рости врагов, ни мучений телесных, ни смерти лю́тыя, но кровь свою за истину Евангельскую пролия́л еси и венец нетленный от Христа прия́л еси. Не забуди нас, во тьме мира сего стра́нствующих; моли угодниче Божий, да укрепит Господь веру нашу, да подаст нам дерзновение во испове́дании имени Его святаго. Вознеси глас твой ко Престолу Вседержителя, да излие́т Он на ны милость Свою, да сохранит от враг видимых и невидимых и наставит нас на путь спасения и правды. О святый Халльварде, предстоя́ ныне в ли́це страдальцев Христовых, моли о граде Осло, о стране Норвежстей и о народе твоем, да просветятся вси во тьме неверия сидящия и обратятся ко Свету Истины. Моли о нас, недостойных, да непоколеби́ми будем в годи́ну искушений, но да утвердимся в любви Божией и в терпении до конца. Ей, свя́тче Божий, не пре́зри молений наших, но предстательствуй о нас пред Спасителем нашим, Емуже подобает всякая слава, честь и поклонение, со Безначальным Его Отцем и Пресвятым Духом, ныне и присно и во веки веков. Аминь.

Житие

В начале ХI века, когда язычество еще не до конца оставило сердца северян, но христианство уже озаряло землю Норвежскую светом Истины, родился в знатной семье юноша по имени Халльвард. Его отец, Вебьерн, был уважаемым человеком в округе, а сама семья – из рода крестьян и воинов, живших на востоке Норвегии, в местности Лир, недалеко от будущего Осло. С малых лет Халльвард отличался чистотой сердца, праведностью и сострадательным духом. Он воспитывался в вере Христовой – в те времена уже распространяемой в Норвегии благодаря подвигу короля Олафа Святого и миссионеров с юга. Он слушал Слово Божие с вниманием и жил по нему с ревностью, не щадя ни сил, ни покоя ради правды и любви.

Случилось однажды, что к берегу залива прибежала женщина – беглая рабыня, которую обвиняли в воровстве. Она умоляла Халльварда спасти ее. Молодой человек, будучи справедливым и добрым, посадил ее в свою лодку и попытался перевезти через фьорд, чтобы она смогла предстать перед честным судом. Но преследователи – трое мужчин – настигли их и, несмотря на мольбы Халльварда, убили женщину. Тогда они, боясь разоблачения, обратили меч и против него – ведь он стал свидетелем их злодеяния. Так Халльвард принял мученическую смерть за правду и защиту невинной, не отступив от своего христианского долга. Тело его было брошено в воды залива с привязанным к шее мельничным жерновом – чтобы никто не нашел. Но Господь прославил праведника Своего: вода не приняла его. По преданию, тело Халльварда всплыло и было найдено через несколько дней нетленным. Христиане с честью предали его земле, а позже, в ХII веке, когда Осло стал центром христианской жизни, мощи страстотерпца были перенесены в кафедральный собор святого Халльварда, ставший главным храмом столицы до Реформации. Там хранились его святые мощи, к которым стекались паломники. После Реформации, в ХVI веке, собор был разрушен, а мощи святого, по преданию, были сокрыты. Точное местонахождение их ныне неизвестно.

Однако имя святого Халльварда живо и поныне – как в католической, так и в православной традиции. Особенно его чтят в православных приходах Скандинавии. Он считается покровителем города Осло, заступником правды и защитником невинных.

Образ святого Халльварда изображен на гербе Осло, где святой держит жернов и стрелы – знамения его мученичества.

По благословению

митрополита Херсонского и Таврического Иоанна