Православный календарь
Рекомендуем посетить
Музыковский Покровский мужской монастырь Херсонской епархии
УПЦ

НОВАЯ ИНФОРМАЦИЯ

Расписание богослужений в Свято-Духовском кафедральном соборе на  ЯНВАРЬ 

 

В Херсонской епархии изданы акафисты:

РОЖДЕСТВУ ПРЕСВЯТОЙ БОГОРОДИЦЫ

 

Пресвятой Богородице в честь икон Ее "УМЯГЧЕНИЕ ЗЛЫХ СЕРДЕЦ" и "СЕМИСТРЕЛЬНАЯ" 

И

Пресвятой Богородице в честь иконы Ее "НЕРУШИМАЯ СТЕНА"

 

Акафист мученице ФОТИНИИ САМАРЯНЫНЕ

 

День памяти:

2 апреля (н. ст.)

 

Тропарь, глас 4

Агница Твоя, Иисусе, Фотиния зовет велиим гласом: Тебе, Женише мой, люблю, и, Тебе ищущи, страдальчествую, и сраспинаюся и спогребаюся Крещению Твоему, и стражду Тебе ради, яко да царствую в Тебе, и умираю за Тя, да и живу с Тобою, но яко жертву непорочную приими мя, с любовию пожершуюся Тебе. Тоя молитвами, яко Милостив, спаси души наша.

 

Кондак, глас 2

Храм твой всечестный яко цельбу душевную обретше, вси вернии велегласно вопием ти: мученице Фотиние великоименитая, Христа Бога моли непрестанно о всех нас.

 

 

Кондак 1

Избраннице Христова, святая мученице Фотиние, пришедшая ко кладезю Иаковлю почерпнути воду и обретшая Мессию, Имущаго воду живу, похвальная восписуем ти, с любовию чтущии святую память твою, поюще: радуйся, мученице Фотиние, ко кладезю веры нас приводящая.

 

Икос 1

Ангелов Творец избра тя, достоблаженная Фотиние, имела бо еси сердце, исполнено правды Божия и готовое восприяти глаголы жизни вечныя. Тако и Спасителю твоему отвещала еси: «Господи, даждь ми воду сию, да ни жажду во веки!» Мы же, дивящеся велией ревности твоей по Бозе, со умилением зовем ти:

Радуйся, сердце отверстое истине имевшая.

Радуйся, веру отцев свято хранившая.

Радуйся, беседы со Христом удостоенная.

Радуйся, верою во Христа просиявшая.

Радуйся, яко слово Его восприяла еси.

Радуйся, яко глаголом Божиим душу свою преобразила еси.

Радуйся, слова Христова проповеднице.

Радуйся, ко овцам стада Христова сопричтенная.

Радуйся, мученице Фотиние, ко кладезю веры нас приводящая.

 

Кондак 2

Видя Сердцеведец Господь греховность жития твоего, обаче и простоту души твоея, изволи открыти тебе, яко глаголяй с тобою Мессия есть, Егоже чают языцы. Ты же, оставивши водонос и шедши во град свой Сихарь, возвести о сем людем, да вкупе с тобою зовут: Аллилуиа.

 

Икос 2

Разум богопросвещен приявши, Фотиние блаженная, уразумела еси суету мира сего и избрала еси едино души твоей на потребу – еже благоугождати Богу. Темже, благоразумие твое похваляюще, взываем сице:

Радуйся, познания истинныя веры вожделевшая.

Радуйся, яко источником воды, текущей в жизнь вечную, соделалася еси.

Радуйся, яко от последних к первым причислена еси.

Радуйся, житие греховное на житие праведное пременившая.

Радуйся, всем сердцем Христа возлюбившая.

Радуйся, на пажити Христовой упасенная.

Радуйся, глаголам жизни вечныя наученная.

Радуйся, верою своею многия преобразившая.

Радуйся, мученице Фотиние, ко кладезю веры нас приводящая.

 

Кондак 3

Силою благодати Христовы одеявшеся и восприявши свет истинныя веры, соделалася еси источником света посреде народа своего, научая его воспевати Богу: Аллилуиа.

 

Икос 3

Имущи сердце свое словесам Христовым отверсто, остави водонос свой и иде во град святая Фотиния и рече: «Приидите и видите Человека, Иже рече ми вся, елика сотворих: еда Той есть Христос?» Людие же приидоша ко Христу и моляху Его, дабы пребыл у них; и много паче вероваша за слово Его. Мы же, мученице Фотиние, прославляя в тебе Господа, вопием сице:

Радуйся, истину православныя веры познавшая.

Радуйся, ученицею Христовою соделавшаяся.

Радуйся, страх Божий в сердце своем стяжавшая.

Радуйся, Промыслом Божиим избранная.

Радуйся, образ Божий в себе возродившая.

Радуйся, яко и нас зовеши ко обновлению.

Радуйся, для спасения самарян Христом предреченная.

Радуйся, и нас истинам Христовы веры научающая.

Радуйся, мученице Фотиние, ко кладезю веры нас приводящая.

 

Кондак 4

Бури греховныя избавляя, избра тя Господь, блаженная Фотиние, послужити делу обращения на путь спасения самарян, бывших доселе язычниками, да просвещении светом истины, воспоют Богу: Аллилуиа.

 

Икос 4

Слыша сердцем своим благовестие о поклонении Богу в дусе и истине, оставила еси греховное житие, святая Фотиние, и соделалася еси проповедницею Слова Божия вкупе со чады и сестрами твоими. Мы же дивящеся таковей силе веры твоея, возглашаем ти гласы немолчными сице:

Радуйся, Фотиниею, сиречь «светозарною», нареченная.

Радуйся, светом истинныя веры весь мир облиставшая.

Радуйся, правде сердечней нас научающая.

Радуйся, грехи своя зрети нам помогающая.

Радуйся, к свету истинному нас приводящая.

Радуйся, покланятися Богу в дусе и истине вразумляющая.

Радуйся, благовонное веры кадило.

Радуйся, православныя веры светило.

Радуйся, мученице Фотиние, ко кладезю веры нас приводящая.

 

Кондак 5

Боготечною звездою явилася еси, святая Фотиние, и от земли Самарийския даже до Карфагена просветила еси верою Христовою вся живущия тамо, научающи их пети Творцу: Аллилуиа.

 

Икос 5

Видевше многия подвиги и труды твоя, ихже тридесять лет совершала еси во славу Господню, многия чрез тебе от языческаго мудрования  ко Христу приидоша. Мы же, дивящеся таковому мужеству немощнаго женскаго естества, во умилении сердца зовем ти:

Радуйся, жизни греховныя мужественно отрекшаяся.

Радуйся, на путь спасения многия наставившая.

Радуйся, всем житием своим Христу послужившая.

Радуйся, суету мира сего ни во чтоже вменившая.

Радуйся, Бога познавшая и Богом знаемая.

Радуйся, познавати волю Его научающая.

Радуйся, все упование на Господа возлагати наставляющая.

Радуйся, всякое зло добром победившая.

Радуйся, мученице Фотиние, ко кладезю веры нас приводящая.

 

Кондак 6

Проповедницею словом и делом истины Христовы явилася еси, святая Фотиние, и чада своя, ко Христу приведши, благовествованию научила еси. Они же, имуще велие дерзновение к проповеданию Слова Божия, многия ко Христу приведоша, воспевая купно с ними: Аллилуиа.

 

Икос 6

Возсия паче солнца светлейше слово твоея проповеди, блаженная Фотиние, егда пред злочестивым императором Нероном, яко ученица апостола Павла, со клевреты своими представ, о Христе небоязненно благовествовала еси. Мы же, дивяся таковей силе духа твоей, воспеваем ти тако:

Радуйся, исповеднице Христова, мучений не убоявшаяся.

Радуйся, добрую искру души своея в пламя ревности по Бозе возгревшая.

Радуйся, яко жестосердаго Нерона верою во Христа просвещала еси.

Радуйся, яко душу злодея сего привести ко спасению тщалася еси.

Радуйся, истинною любовию ко благочестию горевшая.

Радуйся, делателей на ниве Христовой приумножившая.

Радуйся, душу, приявшую благодать Христову, имевшая.

Радуйся, слово, благодатныя силы исполненное, людем несшая.

Радуйся, мученице Фотиние, ко кладезю веры нас приводящая.

 

Кондак 7

Хотя наследницею Царствия Своего соделати тя, избраннице Христова, за готовность сердца твоего пострадати за Него до конца, Всемилостивый Господь явися ти, да укрепишися во предстоящих страданиих и вопиеши Ему: Аллилуиа.

 

Икос 7

Новую благодать и силу в тебе увидев, удивися Нерон мужеству твоему, Фотиние всехвальная, и предаде тя на крепчайшия мучения; паки же удивися, видя неуязвимость твою и безсилие истязавших тя. Мы же, разумея Божие попечение о тебе, вопием:

Радуйся, крест Христов на рамо свое, яко иго благое, вземшая.

Радуйся, рукою Христовою от истязателей защищенная.

Радуйся, яко силою Божиею мучителей своих безсильными соделала еси.

Радуйся, яко веру христианскую среди язычников прославила еси.

Радуйся, силою Божиею свыше вооруженная.

Радуйся, силам тьмы противостати благодатию Божиею возмогшая.

Радуйся, христиан неувядаемый цвете.

Радуйся, мучеников красото и забрало.

Радуйся, мученице Фотиние, ко кладезю веры нас приводящая.

 

Кондак 8

Странно бысть неверующим во Христа ведети, яко не оставляет Господь избранных рабов Своих: явися бо Христос чадом твоим, Фотиние, и возвести Виктору: «Отныне имя тебе будет Фотин – светозарный, ибо многия, просвещеннии тобою, обратятся ко Мне»; Севастиана же Господь ободри тако: «Блажен, иже совершит подвиг свой до конца». Они же укрепленни на страдания за Христа, единым духом воспеша Богу: Аллилуиа.

 

Икос 8

Вся пламенея любовию ко Христу, паче всех благ земных Его возлюбила еси; представ же купно со чады своими неправедному судии, даже до смерти мученическия верною пребыла еси Спасителю твоему. Мы же, умиляяся велией любви твоей к Богу, возглашаем ти тако:

Радуйся, благодати Христовы преисполненная.

Радуйся, любити Его паче живота своего нас научающая.

Радуйся, силу вражию добре победившая.

Радуйся, видя мучения чад твоих, в вере не поколебавшаяся.

Радуйся, и иных исповедников на подвиги укреплявшая.

Радуйся, за вся благодарити Бога вразумлявшая.

Радуйся, яко еси на тверди неба церковнаго лучезарное светило.

Радуйся, яко еси христианом в напастех твердое прибежище.

Радуйся, мученице Фотиние, ко кладезю веры нас приводящая.

 

Кондак 9

Все естество Ангельское и лицы святых удивишася непоколебимей вере твоей во Христа, зряще на мученическую кончину твою, страстотерпице Христова Фотиние, и радостно тя сретоша, егда во врата Царствия Небеснаго вошла еси, воспевая: Аллилуиа.

 

Икос 9

Витий глаголы не возмогут по достоянию восхвалити подвиги и труды твоя, достоблаженная Фотиние, како благодатию Божиею победивши козни врага рода человеческаго и посрамивши прелесть идольскую, многия ко Христу привела еси. Мы же благоговейно возносим ти похвалы сия:

Радуйся, вся красная мира сего презревшая.

Радуйся, спасти душу свою паче всего вожделевшая.

Радуйся, и нам, грешным, надежду на спасение дарующая.

Радуйся, прошениям нашим милостиво внемлющая.

Радуйся, православных христиан пред Богом всемощная заступнице.

Радуйся, наша пред Богом несумненная ходатаице.

Радуйся, руку помощи пребывающим во тьме заблуждений подающая.

Радуйся, крепкое упование имети на Бога всех научающая.

Радуйся, мученице Фотиние, ко кладезю веры нас приводящая.

 

Кондак 10

Спасти хотя душу свою, о теле твоем не радела еси, страдалице Христова Фотиние, и всю себе в жертву благовонную Богу принесла еси, да возможеши в селениих праведных воспевати Творцу: Аллилуиа.

 

Икос 10

Стена еси и прибежище спасительное всем молитвенно к тебе притекающим и пред иконою твоею тепле молящимся: тебе бо дарова нам Всемилостивый Господь в помощь и врачевание от болезней душевных и телесных. Сего ради приносим ти сицевая:

Радуйся, веры Христовы неистощаемое сокровище.

Радуйся, жизни вечныя достойная наследнице.

Радуйся, в любви к Богу пример всем явившая.

Радуйся, апостолам в проповеди Евангелия себе уподобившая.

Радуйся, упованию на Бога нас научающая.

Радуйся, путь к подвигу христианскому нам указующая.

Радуйся, яко в доброделании нас укрепляеши.

Радуйся, яко в познании истины нас умудряеши.

Радуйся, мученице Фотиние, ко кладезю веры нас приводящая.

 

Кондак 11

Пение умиленное на всякий час Богу приносила еси, святая Фотиние, наипаче же в последния дни жития своего, егда по повелению зверонравнаго Нерона, безчеловечно истязавшаго тя, в кладезь глубокий ввержена была еси, в немже, яко в чертозе брачнем, воспевала еси Богу: Аллилуиа.

 

Икос 11

Светозарною свещею на свещнице церковней сияеши, Фотиние всеславная, светом благодатным прогоняя тьму греховную от всех жаждущих спасения. Мы же со упованием и надеждою на милосердие Божие к нам, грешным, восхваляем мученическую кончину твою и радостно взываем ти:

Радуйся, до конца крест Христов достойно пронесшая.

Радуйся, злочестиваго Нерона неистовство посрамившая.

Радуйся, яко во обители Небесныя вселилася еси.

Радуйся, яко Царство Небесное унаследовала еси.

Радуйся, в ризу Христову одеянная.

Радуйся, райскою славою увенчанная.

Радуйся, яко в горниле скорбей душу свою очистила еси.

Радуйся, яко блаженство нескончаемое наследовала еси.

Радуйся, мученице Фотиние, ко кладезю веры нас приводящая.

 

Кондак 12

Благодать от Бога дана ти есть, мученице Фотиние, обращати неверующих к вере Христовой, укрепляти маловерных и исцеляти болящих от различных болезней. Сего ради буди теплою молитвенницею пред Богом и о нас, почитающих святую память твою и воспевающих о тебе Богу: Аллилуиа.

 

Икос 12

Поюще славное служение твое Христу, крепкую веру, мужество и терпение во страданиях за Него, ублажаем святую кончину твою, Фотиние светозарная, и, яко живей ти сущей с нами, из глубины души взываем сице:

Радуйся, пред Престолом Всевышняго наша ходатаице.

Радуйся, чтущим память твою покровительнице.

Радуйся, призывающих тя на помощь скоро слышащая.

Радуйся, светом трисолнечным сердца наша просвещающая.

Радуйся, грехи наша видети нам помогающая.

Радуйся, на пути спасения нас утверждающая.

Радуйся, яко со апостолы и всеми святыми на Небеси торжествуеши.

Радуйся, яко вечныя жизни достигнути нам вспомоществуеши.

Радуйся, мученице Фотиние, ко кладезю веры нас приводящая.

 

Кондак 13

О всехвальная мученице Фотиние, свет веры Христовой людем несущая и от Христа Небесною славою увенчанная! Приими от нас, грешных, малое моление сие, тебе приносимое, и моли Бога, да утвердит и нас в православней вере и в соблюдении заповедей Его, да и мы со всеми праведными и святыми в день Судный обря́щем милосердие Господа нашего Иисуса Христа и в радости воспоем Ему: Аллилуиа.

 

 (Этот кондак читается трижды, затем икос 1 и кондак 1)

 

Молитва

О святая славная и достохвальная мученице Фотиние, усердная наша пред Богом предстательнице! К тебе усердно прибегаем и во умилении сердец просим: буди о нас ходатаицею пред Господем, да простит нам вся согрешения наша вольная и невольная, да наставит нас на стезю исполнения заповедей Своих, да очистит сердца наша от злобы, корыстолюбия, зависти, лести и всякия иныя скверны и да укрепит нас в вере, терпении, молитвенном делании, целомудрии, доброжелательстве и любви. Испроси нам от Господа Спаса нашего мира державе нашей, утверждения народа нашего в Православии и единомыслии, да тихое и безмолвное житие поживем во всяком благочестии и чистоте и да сподобимся молитвами твоими причтенными быти к овцам избраннаго Его стада, якоже и вси вразумленныя твоею богодухновенною проповедию. Да дарует нам Господь христианскую кончину живота нашего мирну, непостыдну, Святых Таин причастну, Емуже слава, честь и поклонение подобает во веки. Аминь.

 

Ж И Т И Е

Святая Фотиния (Фотина) – это та самая женщина-самарянка, чья беседа со Спасителем у колодца Иакова подробно описывается в Евангелии от Иоанна (глава 4, стихи 5-42) и воспоминается Церковью в пятую Неделю после Пасхи.

Евангелие рассказывает нам о том, как однажды Господь Иисус Христос пришел в самарийский город называемый Сихарь, где находился колодец, данный Иаковом своему сыну Иосифу и его потомкам. Устав с дороги, Господь промыслительно сел отдохнуть у колодца пока ученики Его пошли в город купить еду. В это время пришла из города за водой некая женщина. Господь попросил ее дать Ему пить. Женщина удивилась просьбе, т.к. иудеи никогда не общались с самарянами. Иисус сказал ей: «Если бы ты знала, Кто с тобой говорит, ты сама попросила бы у Него пить и Он дал бы тебе живую воду». Самарянка еще больше удивилась, откуда Иисус мог бы дать живую воду, не имея даже почерпала?

Господь ей ответил, что пьющие воду из колодца опять будут жаждать, а вода, которую Он даст, сделается источником в жизнь вечную. Под живой водой Господь подразумевал Свое живоносное учение, приводящее к вечному блаженству в Царстве Божием.

Затем Господь, зная что самарянка, хотя и сожительствует тайно во грехе, но имеет пылкую веру в Бога и твердое ожидание пришествия Мессии, постепенно открыл ей, что Он, говорящий с ней, и есть ожидаемый Христос. Тогда самарянка на радостях бросила свой кувшин и побежала в город пригласить своих сограждан выйти ко Христу, и по ее свидетельству многие самаряне тогда уверовали в Него.

Сама же блаженная самарянка, удостоившаяся беседовать с Господом, пострадала за Христа, вместе со своими сыновьями и сестрами, во время воздвигнутого римским императором Нероном гонения на христиан. Это лютое гонение продолжалось с 65-го по 68-ой год, и во время его пострадали в Риме святые апостолы Петр и Павел, а мучители затем стали разыскивать всех их последователей. В это время святая Фотиния жила в городе Карфагене (ныне город Тунис), где она с младшим своим сыном Иосиею безбоязненно проповедовала Евангелие, а старший сын ее Виктор состоял в римской армии, воевавшей против варваров. После войны Виктор был назначен начальником над войсками в городе Атталия, где он многих привел ко Христу, включая и правителя города Севастиана.

Когда Нерону доложили, что в Атталии Виктор и Севастиан исповедуют веру Петра и Павла и насаждают там христианство, и что то же самое делают в Карфагене Фотиния и Иосия, посланные туда святыми апостолами, – Нерон сильно разгневался и вызвал всех на суд в Рим. Фотиния явилась в Рим в сопровождении многих христиан, включая и своих пять сестер – Анастасии, Фото, Фотиды, Параскевы и Кириакии; все они ожидали мученических страданий, о чем были заранее извещены явлением им Самого Христа. По приказу Нерона все они были подвергнуты жестоким мучениям, особенно святая Фотиния, но по благодати Божией они не ощущали никакой боли и оставались невредимы. Тогда Нерон, не зная, что еще с ними делать, приказал Виктора, Иосию и Севастиана ослепить и бросить в темницу вместе с Фотинией и ее сестрами.

Святые мученики пробыли в темнице три года. Однажды Нерон вспомнил о них и послал своих слуг проверить их. Вернувшись из темницы, слуги сообщили императору, что ослепленные галилеяне видят и совершенно здоровы, что сама темница светла, наполнена обильным благоуханием, и из места заключения стала местом для прославления Бога и святым домом, что много народа собирается к святым и принимает от них крещение. Услышав все это, Нерон пришел в ужас и ярость, и приказал святых мужей распять вниз головой и бить ремнями пока не распадутся их тела, что и было исполнено, а затем оставить их висеть три дня. На четвертый день пришли посланные императором слуги посмотреть, живы ли еще мученики, и когда увидели их еще живыми, то немедленно ослепли. В это время Ангел Божий сошел с неба, отвязал святых и сделал их совершенно здоровыми. Тогда святые помолились над ослепшими царскими слугами и те прозрели. Уверовав, они крестились и стали последователями святых мучеников.

Нерон, узнав об этом, сильно разгневался и призвал к себе Фотинию, приказав содрать с нее кожу и бросить в колодец. Затем он приказал привести ее пятерых сестер и с них тоже содрать кожу, а после этого повелел всем мученикам отсечь головы. Святую же Фотинию вынули из колодца и еще долго мучили, уговаривая принести жертву идолам, но Фотиния плюнула в лицо императору и посмеялась над ним, за что снова была брошена в колодец, где она и предала свою душу Богу (+ ок. 66).

Ныне на месте евангельской беседы Спасителя с самарянкой у древнего колодца Иакова (в городе Наблус в Самарии) находится православный храм монастыря святой Фотинии Самарянки Иерусалимской Православной Церкви. В этом же храме хранится часть мощей святой мученицы Фотинии.

 

По благословению

митрополита Херсонского и Таврического Иоанна

 

 

Опубликована: 08.10.2019