Православный календарь
Рекомендуем посетить
Музыковский Покровский мужской монастырь Херсонской епархии
УПЦ

НОВАЯ ИНФОРМАЦИЯ

Расписание богослужений в Свято-Духовском кафедральном соборе на НОЯБРЬ

Ночная литургия в Свято-Духовском кафедральном соборе в ноябре - с 15 на 16 (со среды на четверг)

Молитва о мире в Украине

Томос о даровании Украинской Православной Церкви самостоятельности в управлении

Обращение Патриарха к министру юстиции по вопросу независимости УПЦ

Официальные документы Украинской Православной Церкви относительно ситуации в нашей стране

Заключен договор о сотрудничестве с центром социальных служб

12 листопада 2017 року «Всеукраїнський день молитви за сиріт»

Акафист мученице ЛЮДМИЛЕ княгине ЧЕШСКОЙ

 

День памяти:

29 сентября (н. ст.)

 

Тропарь, глас 4

Светло во страдании твоем возсияла еси, страстоте́рпице, от крове́й твоих преиспещре́на, и, яко красная голубица, к Небеси возлетела еси, Людмило, темже моли́ присно за чтущия тя.

 

Кондак, глас 2

Храм твой всечестны́й, яко цельбу́ душевную обре́тше, вси вернии велегла́сно вопием ти: дево мученице Людмило, великоимени́тая, Христа Бога моли непрестанно о всех нас.

 

Кондак 1

Избра́нная Богом от иновернаго языческаго рода, призва́нная в язык свят, служительнице новыя благодати, святая всехвальная мученице Христова Людмило, во страдании твоем мученический венец нетленный прия́вшая от руки Вседержителя и со Ангелы ныне предстоящая Его Престолу, пе́сньми восхваляем тя любовию, угоднице Христова, и молим ти ся: молитвами твоими от вечных мук, бед и скорбе́й свобождай ны, зовущия: Радуйся, блаженная княгине Людмило, святая мученице и молитвеннице о душа́х наших.

 

Икос 1

Ангелов сожительница и человеков заступница воистину явилася еси, мученице Людмило достохва́льная, благоволением всех Творца, Христа Бога, Егоже возлюбила еси и за Негоже пострадала еси даже до смерти во испове́дании непоколебимем; темже приими́ от нас сия хваления:

Радуйся, скорби многия за имя Господне приявшая.

Радуйся, венцем испове́дническим от Бога украше́нная.

Радуйся, мучеников совсе́льнице.

Радуйся, веры христианския небоя́зненная проповеднице.

Радуйся, яко тленное богатство свое раздавала еси нищим.

Радуйся, за не́же нетленное обретшая на Небеси.

Радуйся, душу свою Христа ради погубившая, во еже спасти ю.

Радуйся, аки светило, во тьме нечестия преславно возсиявшая.

Радуйся, блаженная княгине Людмило, святая мученице и молитвеннице о душа́х наших.

 

Кондак 2

Видя Христос Господь душу твою, ко прия́тию се́мене Слова Божия чистотою и милостынею предугото́ванную, светом познания Своего просвети ю, блаженная Людмило, и спасаемых части сотвори тя о́бщницу в Небеснем Царствии, иде́же со Ангелы поеши Пресвятей Троице песнь: Аллилуиа.

 

Икос 2

Разум богопросвеще́нный дарова́ся тебе, святая мученице Людмило, имже ясно проразуме́ла еси тщету́ душепагубную зловерия невестки твоея, хотящия тя погубити. Ты же, ве́дящи сие, удалилася еси во град Те́тин, укрытися спасения ради души́ твоея, Христа же взыскати потща́лася еси вседу́шне. Темже взываем ти:

Радуйся, блаженная после́довательнице Христова.

Радуйся, любительнице заповедей Его преи́скренняя.

Радуйся, всемогущую силу благодати Христовы познавшая.

Радуйся, лютаго демонскаго рабства избегшая.

Радуйся, богатство земное ни во чтоже вменившая.

Радуйся, от юности идолослужение презревшая.

Радуйся, руками убогих сокровища твоя горе́ предпославшая.

Радуйся, идолослужи́тельныя люди к истинному Богу призвавшая.

Радуйся, блаженная княгине Людмило, святая мученице и молитвеннице о душа́х наших.

 

Кондак 3

Сила благодати Божия осени́ тя, блаженная Людмило, егда́ прия́сте святое Крещение с супругом твоим Бориво́ем, князем Чешским, во имя Отца и Сына и Святаго Духа. Та́яже сила Божия осени́ тя ко благочестию и научи тя славити Единаго Бога и воспевати Ему: Аллилуиа.

 

Икос 3

Иму́щи неоскудное милосердие ко всякому человеку, но более к при́сным, святая блаженная княгине Людмило, в страсе Божием воспи́тывающи чада твоя, явилася еси добрая прама́ти внука твоего, святаго князя Вячеслава, воспитавши его во благочестии; помози и нам, мученице Христова, прейти́ сие земное по́прище во благом де́лании, да величаем тя звании си́ми:

Радуйся, блаженная мати Людмило, мученице Христова.

Радуйся, понесшая вдовство́ твое благочестно и преславно.

Радуйся, по смерти князя, супруга твоего, воли Божией предавшаяся.

Радуйся, яко и нам помощница являешися в ско́рбех наших.

Радуйся, в ну́ждах наших обращатися к Богу нас научающая.

Радуйся, внука твоего, святаго князя Вячеслава, в истинах веры воспитавшая.

Радуйся, яко и той прия́т мученическую кончину, якоже и ты, прама́ти его.

Радуйся, яко вам за сие уготовано сокровище вечных благ.

Радуйся, блаженная княгине Людмило, святая мученице и молитвеннице о душа́х наших.

 

Кондак 4

Бурею одержима помышлений злобных, нечестивая невестка твоя смяте́ся зело́, видевши тя, верную рабу Христову, в вере и благочестии просвещающую страну Чешскую, низлагающую идольския храмы и созидающую христианския, во еже славословити Трисвятое имя Божие и пети хвалебную песнь Тому: Аллилуиа.

 

Икос 4

Слышавши от святаго равноапостольнаго Мефодия, архиепископа Мора́вскаго, слово о чистоте, посте, молитве и о всех добродетелех, христиа́ном подобающих, прия́ла еси в сердце свое, и за сия́ добродетели возлюби тя Господь и даде́ ти крепость и силу. Темже и нас научи, блаженная Людмило, заповеди Господни исполняти и тебе величати:

Радуйся, усердная слу́шательнице словес Божественных.

Радуйся, ревностная исполнительнице закона Христова.

Радуйся, ни́ву се́рдца твоего очистившая от те́рния душевре́дных страстей.

Радуйся, оросившая ю слеза́ми покаяния.

Радуйся, во вдовстве́ чистоту непорочно сохранившая.

Радуйся, воздержанием, молитвою и мученическим подвигом Богу угодившая.

Радуйся, страданием сочетавшаяся Христу.

Радуйся, избавляющая от бед и скорбе́й веру и любовь к тебе иму́щих.

Радуйся, блаженная княгине Людмило, святая мученице и молитвеннице о душа́х наших.

 

Кондак 5

Боготе́чная звезда явилася еси, святая княгине мученице Людмило, егда́ боготка́нною одеждою святаго Крещения обле́кшися и нетленною пищею Пречистаго Тела и Крове Христовы духовно укре́пльшися, прилепилася еси всем сердцем твоим ко единому Иисусу; темже вся страна Чешская, просвещенная тобою, едиными усты́ поет Богу: Аллилуиа.

 

Икос 5

Видевши, святая блаженная княгине Людмило, вся люди земли́ Чешския во тьме идолослужения погруже́нныя, усердно потща́лася еси просветити тех светом Христовы веры, подвиза́ющися в созидании храмов Божиих и в укреплении веры Православныя в стране Чешстей; мы же воспеваем и величаем тя тако:

Радуйся, мудрыми глаголы поучавшая люди оставити тьму языческаго нечестия.

Радуйся, от Бога то́кмо, а не от человек, утешение в ско́рбех искати нас научающая.

Радуйся, внука твоего Вячеслава научившая покланя́тися Единому и Истинному Богу.

Радуйся, яко тем сестра являешися равноапостольней Ользе, княгине Русстей.

Радуйся, ум твой вы́ну горе́ имевшая.

Радуйся, сердце твое жилище Святаго Духа соделавшая.

Радуйся, Христу Богу Человеколюбцу всю себе преда́вшая.

Радуйся, первая от земли́ Чешския к лику святых причте́нная.

Радуйся, блаженная княгине Людмило, святая мученице и молитвеннице о душах наших.

 

Кондак 6

Проповедником духоно́сным Апостолом подражавши, блаженная Людмило, славная княгине, твоими слезными молитвами оросила и облагоуха́ла еси вся гра́ды и ве́си близлежа́щия града Праги, приводя́щи, ели́ко ти мо́щно, люди к вере Христовой и научающи их воспевати Единому, в Троице славимому Богу: Аллилуиа.

 

Икос 6

Возсияла еси паче солнца добродетельми твоими во граде Пра́зе и была еси мати милосердная возлюбленным чадом Церкве Православныя, досточудная угоднице Христова, блаженная Людмило, сердце бо твое на прошения и ну́жды приходящих к тебе милостиво открывала еси. Приими́ и нас, добрая мати, с любовию к тебе прибегающих и вопиющих си́це:

Радуйся, яко сиротам была еси мати и вдовицам питательница.

Радуйся, яко нищим была еси милостивая подательница и обидимых благая защитница.

Радуйся, со князем, супругом твоим, во благочестии пожившая.

Радуйся, чада твоя в стра́се Божием воспитавшая.

Радуйся, яко благая отрасль твоя, святый князь Вячеслав, восприя́т мученическую кончину.

Радуйся, яко и той с прама́терию своею всели́ся в Царствие Небесное.

Радуйся, за всех христиан пред Престолом Божиим верная молитвеннице.

Радуйся, ищущим пути ко спасению наставнице благодатная.

Радуйся, блаженная княгине Людмило, святая мученице и молитвеннице о душа́х наших.

 

Кондак 7

Коль многими би́серы и ка́мением драгоценным украше́н есть венец, па́че солнца сия́яй, егоже дарова́ ти Господь, святая блаженная княгине Людмило, ибо подвигом добрым во испове́дании веры подвизалася еси и образ святаго жития нам явила еси; сего ради прибегаем под кров твой, и́щуще спасения, и благодарно о тебе вопием Богу: Аллилуиа.

 

Икос 7

Новое изобре́те безчелове́чие злочестивая невестка твоя Драгоми́ра, бегу́щей тебе во град Те́тин, укрытися хотящей от о́ныя, святая благоверная Людмило. Та бо, науче́нная сатанинскою силою, погубити душу твою возжелавши позорною смертию, посла́ вслед ти двух злочестивых боля́р, предати тя на лютая страдания, аки а́гницу Христову, зависти ради. Ти́и же собраша множество нечестиваго народа, взлома́ша двери дворца княжескаго и позорней смерти уда́влением преда́ша непорочное тело твое. Мы же, воспоминающе страшную смерть твою, вопием ти сицева́я:

Радуйся, блаженная Людмило, от злых боля́р ве́рвием уда́вленная по вы́и твоей.

Радуйся, таковы́м образом угодившая Богу, пострадавши мученически.

Радуйся, Господу душу предавшая в субботу, во еди́нем часе́ но́щи.

Радуйся, имевшая от рождения твоего шестьдесят и едино лето, Господем к мучению угото́ванная.

Радуйся, яко тобою дивен Бог во святых Своих является.

Радуйся, яко мощи твоя просла́ви Господь нетлением благодатно.

Радуйся, градов Чешских и Словацких похвало́ и утверждение.

Радуйся, всем нося́щим имя твое скорая помощнице и молитвеннице.

Радуйся, блаженная княгине Людмило, святая мученице и молитвеннице о душах наших.

 

Кондак 8

Яко не может укрытися град, верху́ горы́ стоя́й, тако, святая мученице Людмило, по кончине твоей прослави Господь мощи твоя и место погребения твоего, еже под гра́дскою стеною града Те́тина. Мы же тя, угодницу Божию, просим: буди нам ходатаица ко Господу о прощении грехов наших, да и мы, вку́пе с тобою, Великому и Чудному Богу воспои́м: Аллилуиа.

 

Икос 8

Вся была еси объя́та неизреченною радостию, блаженная мати Людмило, зрящи креща́емыя люди твоя, повелением Ангелов и во умилении воздала́ еси хвалу Спасителю Богу, усердно моливши Его, да при́зрит на обрати́вшияся люди Своя, да утвердит их в вере и благочестии и да прославит имя Свое в стране Чешстей. Мы же, воспоминающе у́бо прерадостное событие сие, приносим ти благодарственныя и похвальныя песни:

Радуйся, неоскудева́ющий источниче милостей к народу сему.

Радуйся, духовная наша мати, испросившая у Бога просвещение пра́отцем нашим.

Радуйся, явлением на тебе силы Божия христианы возрадовавшая.

Радуйся, именем Всесильнаго Господа вся идолы в стране Чешстей сокрушившая.

Радуйся, мученице Христова предобрая.

Радуйся, молитвеннице пред Богом чу́дная.

Радуйся, яко демонов кова́рствие упраздни́ся по молитвам твоим.

Радуйся, победы венец от руки Христа Жизнодавца прие́мшая.

Радуйся, блаженная княгине Людмило, святая мученице и молитвеннице о душа́х наших.

 

Кондак 9

Во вся концы земли́ Чешския и за ея пределы прославися великоимени́тое имя твое, пребла́гостная мученице мати Людмило! Имела бо еси духа премудрости, яко мудрыми словесы́ безумных я́ве обуя́ла еси, и духа страха Божия, яко дея́ньми богоугодными душу очистила еси. Темже, представши Престолу Всевышняго с со́нмом Ангелов, ку́пно воспеваеши Ему: Аллилуиа.

 

Икос 9

Вети́и многовеща́ннии не могут достойно изобразити величие благодеяний твоих, святая мученице Людмило, стране Чешстей и иным страна́м идолопокло́нства, иде́же водворила еси Божественную веру, избавляющи люди от мрака языческаго и вечныя погибели, открывающи им путь ко спасению. Сего ради со благодарением благочестно поем ти:

Радуйся, к свету Православия душу свою обратившая.

Радуйся, многия в духовнем разуме просветившая.

Радуйся, яко сердце твое на прошения и ну́жды приходя́щих к тебе открывала еси.

Радуйся, яко странники и нищия питала еси.

Радуйся, яко с верою покланя́емся честней иконе твоей.

Радуйся, яко, чту́ще память твою, восхваляем Господа.

Радуйся, страданием твоим Церковь Христову украси́вшая.

Радуйся, яко взирающе на страдания твоя, вернии прославляют имя Вышняго.

Радуйся, блаженная княгине Людмило, святая мученице и молитвеннице о душах наших.

 

Кондак 10

Спастися всем преискренне желающи, молишися за ны горе́ у Престола Господня, избраннице Христова, блаженная Людмило, и твоими молитвами посо́бствуеши нам в странствовании многотруднем земнаго жития, еже сподо́би ны в покаянии и благочестии скончати, яко облече́ тя Господь Божественною силою, да обрати́ши вся неверныя и научи́ши всех со умилением сердец воспевати Творцу Богу: Аллилуиа.

 

Икос 10

Стена явилася еси стране твоей несокрушимая, богомудрая Людмило, и необори́мая защитница всем призывающим тя, зане́ тако благоволи́ о тебе Небеси и земли Творец, прославляя угодницу Свою, яко при гробнице твоей соверша́шася зна́мения и чудеса, и изы́де молва по всей стране, и пону́ди князя Вячеслава торжественно пренести́ нетленное тело твое из града Те́тина во град Прагу, в сооруженную отцем его церковь святаго великомученика Георгия. Мы же из глубины се́рдца со воздыханием к Богу глаголем ти песни таковы́я:

Радуйся, молитвеннице наша пред Богом теплая.

Радуйся, изы́де бо по всей стране вещание о чудесе́х твоих.

Радуйся, яко некий слепе́ц прозре́, егда прикосну́ся земли́ с могилы твоея.

Радуйся, яко внук твой со славою пренесе́ честно́е тело твое.

Радуйся, прославленная Богом на Небеси и на земли.

Радуйся, яко успение твое торжествует Церковь Православная.

Радуйся, явлением мощей твоих младенческую Церковь Чешскую возвеселившая.

Радуйся, мученице Христова, и в земли́ Русстей и Сербстей зело́ почитаемая.

Радуйся, блаженная княгине Людмило, святая мученице и молитвеннице о душа́х наших.

 

Кондак 11

Пение умиле́нное приносим ти, угоднице Божия, и смиренно молим тя: моли о нас Единаго Человеколюбца Бога, да не отвратит от нас лица Своего и да́рует нам по молитве твоей, святая мученице Людмило, прощение многих наших согрешений. Мы же, прославляюще Бога о тебе, вопием: Аллилуиа.

 

Икос 11

Светоносным Тро́ическим сиянием горе́ осия́нная, святая мученице Людмило, озари́ сердца́ наша, тьмою греховною покрове́нная, да еле́ем благих дел возже́гше угасшия светильники наша, сподо́бимся вни́ти в брачный чертог Христов, иде́же ты весели́шися и слышиши сия от нас благохвале́ния:

Радуйся, предстоя́щая ныне Агнцу Божию в ли́це мученичестем.

Радуйся, яко и по преставлении твоем с нами пребываеши.

Радуйся, луно́, просвещенная от незаходимаго Солнца Правды.

Радуйся, путеводительнице, правую стезю́ к вечному спасению нам показу́ющая.

Радуйся, яко Христос по мучении твоем в чертог Свой тя всели́.

Радуйся, яко тебе после́дующе, и мы Царство Небесное обря́щем.

Радуйся, особли́вая покровительнице чешскаго и словацкаго народа православнаго.

Радуйся, о нас, сро́дных ти людех, при́сная пред Богом молитвеннице.

Радуйся, блаженная княгине Людмило, святая мученице и молитвеннице о душа́х наших.

 

Кондак 12

Благодать Пресвятаго Духа испроси́ нам, угоднице Христова, святая мученице Людмило, от Всещедраго Бога и Спаса нашего, вразумляющую и укрепляющую нас в деле спасения, да не безплодно будет в нас все́янное тобою семя святыя веры, но да прозя́бнет и плод достоин сотворит, имже препита́ем души наша до будущия жизни и со всеми святыми воспоем Богу песнь: Аллилуиа.

 

Икос 12

Поюще твое преставление, ублажаем мученическую кончину и почитаем святую память твою, святая мученице мати Людмило, многомо́щная заступнице земли́ Чешския, Словацкия и Сербския; бу́ди же и о людех земли нашея благая молитвенница ко Господу, да вопием ти:

Радуйся, благодатию Святаго Духа оде́янная.

Радуйся, представшая Живущему во свете неприступнем.

Радуйся, вдовицам правило богоугоднаго жития.

Радуйся, теплая ходатаице, всем православным от Бога дарова́нная.

Радуйся, соучастнице на Небеси жребия праведников веры Христовы.

Радуйся, со святыми Божиими Трисвятую песнь воспевати сподо́бльшаяся.

Радуйся, от Господа всех благ нам, молящимся ти, ходатаице.

Радуйся, яко всем православным христианом, тя молитвенно призывающим, на помощь скоро притекаеши.

Радуйся, блаженная княгине Людмило, святая мученице и молитвеннице о душа́х наших.

 

Кондак 13

О святая мученице и верная угоднице Христова Людмило! Малое сие песносло́вие от нас прие́млющи, моли Милостиваго Бога нашего, да вселится и возблагоуха́ет в сердцах наших святыня Православныя веры, да умножится в житии нашем еле́й дел благи́х, да не угаснут светильницы наши в полу́нощный час сре́тения Небеснаго Жениха и да сподобимся ку́пно с тобою вы́ну воспевати Ему в вечнем Царствии: Аллилуиа.

 

(Этот кондак читается трижды, затем икос 1 и кондак 1)

 

Молитва

О святая угоднице Христова, мученице княгине Людмило, первоугоднице Чешския страны и стольнаго града Праги украшение, теплая о нас пред Богом молитвеннице! Се мы, многогрешнии, смиренно припа́дающе, молим тя: не попусти нам погибнути в тине грехов наших, но вознеси о нас моление ко Господу, да помилует нас и дарует нам покаяние. О преблагая мати Людмило, не забуди посещати чад твоих, аще бо и преставилася еси от нас в Небесныя обители, вкупе со внуком твоим, святым мучеником Вячеславом. Темже, святая прама́ти его, испроси и нам, грешным, Божие благословение на чада наша и на всех нас, да и мы, многогрешнии, возблагодарим Господа за подаяние Его благодати и купно с тобою да прославим Отца и Сына и Святаго Духа и твое великое заступление о нас во веки веков. Аминь.

 

ЖИТИЕ

Святая Людмила, дочь Сербского князя Славибора, родилась в 860 году в граде Пшов. В 894 году ее отдали замуж за Чешского князя Боривоя (Борживоя) из рода Пржемысловичей. В то время чешский народ еще не был крещен. Язычниками были и молодые супруги. Наставление в чистой святой вере, а затем и святое Крещение они приняли около 871 года в Велеграде, при дворе князя Святополка I Моравского от святого равноапостольного Мефодия, архиепископа Моравского, просветителя славян. По возвращении в Чехию они возвели первый на своей земле христиaнcкий храм в честь святого Климента в Левом Градце.

Князь и княгиня совместно правили более семи лет, были искренними христианами и по своей любови к святой вере строили церкви, ставили при них священников и употребляли все меры для обращения к христианству своих подданных. Однако, многие чехи были недовольны политикой христианизации, проводимой Боривоем, и в 883 году против князя поднялось восстание, которое возглавил его родственник Строймир. Боривой бежал к князю Святополку I Моравскому и вскоре с его помощью подавил восстание. В честь победы он построил в своей столице второй на землe Чешской христианский храм в честь Пречистой Богородицы.

Супружество Боривоя и Людмилы Господь благословил двумя сыновьями и четырьмя дочерьми, которых они воспитывали в страхе Божием. В 889 году в возрасте 36 лет Боривой умер, оставив вдовой молодую 29-летнюю княгиню. Земли его перешли под непосредственную власть князя Святополка I Моравского. Овдовев, святая Людмила переносила свою печаль с полною преданностью воле Божией, вела строгую и благочестивую жизнь, раздавала свое имущество нищим.

После смерти князя Святополка I в 894 году, князем чехов стал старший сын Боривоя, Спытигнев I, скончавшийся в 915 году. Правление принял следующий сын, Вратислав, который правил народом тридцать три года (до 921 года), в его правление христианство в Чехии продолжало развиваться.

Супруга Вратислава, Драгомира, привезенная в Чехию с берегов реки Гаволы из языческой страны славян-лютичей из области стодорян, была формальной христианкой, поддерживающей языческие традиции. У Вратислава и Драгомиры было двое сыновей – Вячеслав (Вацлав) и Болеслав, которые совсем не походили один на другого: сколько Вячеслав характером и делами напоминал доброго отца своего, покровительствовавшего христианской вере, столько в Болеславе отразились качества нечестивой Драгомиры. Воспитание Вячеслава, который по праву первенства должен был наследовать престол, князь Вратислав поручил благочестивой матери своей – святой Людмиле. Воспитанием же Болеслава занималась Драгомира, пожавшая в свое время горькие плоды своих наставлений.

Княгиня Людмила после смерти мужа продолжала жить в Праге, занимаясь воспитанием внука Вячеслава, в котором желала видеть прежде всего искреннего христианина. Вячеслав отвечал заботам доброй княгини не только усердием, но вообще поведением, достойным христианского отрока. Он был добр, кроток, не заносчив, целомудрен. После смерти князя Вратислава страной стала управлять от имени своего сына его мать Драгомира, так как князю Вячеславу не было 18 лет. Пользуясь неопытностью и молодостью свого сына, она отменила порядки, введенные князьями Боривоем и Вратиславом во ослабление язычества и вновь стала насаждать среди народа языческие обычаи и нравы. Святая княгиня Людмила воспротивилась этому, и скорбя о несчастии страны, настояла, чтобы в управление княжеством вступил князь Вячеслав, чем вызвала ненависть Драгомиры, задумавшей погубить ее.

Совершив для отчизны святое дело, княгиня Людмила удалилась на покой в город Тетин (Течин), тем более что видела ненависть своей невестки и желала быть вдали от зла, где доживала преклонные годы в молитве, рукоделии и благотворении. Но Драгомира нашла ее и там. Она подкупила двух бояр и послала их в Тетин, чтобы убить святую Людмилу. Эти два злодея, добравшись до города, собрали вокруг себя многих других подобных себе злых людей, окружили дворец, где находилась святая княгиня Людмила, разломали двери и ворвались в покои, схватив Людмилу, которая в это время молилась. «Так ли помните все мои благодеяния?» – спросила княгиня, но изверги, не внимая речам ее, накинули петлю на старческую шею. «Лучше поразите меня мечом, – смиренно просила Людмила, – чтобы вместе с мучениками пролить мне кровь за Христа». Но убийцы знали, что пролитие крови у христиан было непременным условием для признания мученичества, поэтому задушили княгиню. Это случилось в субботу, в первом часу ночи 16 (29) сентября 927 года. Таким образом, святая Людмила приняла мученический венец в возрасте 61-го года. Душа мученицы отлетела в вечные селения, тело же ее было погребено без церковного отпевания под городской стеной Тетина. Но Господь прославил место погребения своей угодницы многими чудесами: каждую ночь над тем местом являлись горящие свечи. Один слепец прозрел, когда прикоснулся земли с могилы святой Людмилы.

Услышав о таковых чудесных знамениях, внук святой Людмилы Вячеслав, правитель Чехии, в 925 году совершил перенесение ее мощей в Прагу и положил их в церкви святого Георгия, сооруженной его отцом, где и ныне от них происходит много знамений и чудес.

Первое житие святой княгини Людмилы, наряду с житием ее внука князя Вячеслава, тоже прославленного в лике святых, составлено во второй четверти Х века одним из выдающихся членов славянской миссии - священником Павлом Каихом, который был особенно близок к княжескому дому. Почитание святой мученицы Людмилы быстро росло. Официально ее святость признана в 1143-1144 годах. Немного позже в престолы некоторых чешских храмов были помещены частицы мощей святой мученицы. В период с 1197-го по 1214 год епископ Даниэл II благословил писать иконы святой Людмилы наряду с иконами других чешских покровителей. Во времена Карла IV над ракой благоверной княгини было сделано надгробие.

Внук Святой Людмилы – святой воин-мученик Вячеслав – является покровителем Чешской земли. Ее воеводой. Как святая княгиня Ольга обратила к вере своего внука князя Владимира, так и в Чехии, только веком раньше, святая Людмила, сподобившись просвещения от святого равноапостольного Мефодия, воспитала в Христианской вере своего внука Вячеслава. Его мученическая кончина от руки своего брата стала примером для первых святых Киевской Руси – Бориса и Глеба, которые были хорошо знакомы с его житием. Мощи святого Вячеслава Чешского покоятся в кафедральном католическом соборе святого Вита в Праге. Честная глава его (как и честная глава его бабушки - святой Людмилы) отделена от мощей и хранится в этом же храме отдельно в реликварии.

В 1981 году была отворена рака святой Людмилы, где рядом со святыми мощами обнаружили белую шелковую ткань с геометрическим узором, весьма вероятно, это был повой, которым знатные жены покрывали голову.

На иконах святую Людмилу изображают в длинном платье, голова ее покрыта повоем, иногда княжеской шапкой. Главным ее атрибутом является спускающийся на шею повой, на некоторых иконах – веревка. Все это символы ее умучения. Есть редкие иконы, на которых святая изображена с чашей, наполненной виноградом. Часто святую Людмилу изображают вместе с малoлeтним Вячеславом, которого она учит.

Святая Людмила, первая чешская святая и мученица, стала покровительницей своей родной земли (часто ее называют «мать земли Чешской»), а также покровительницей бабушек, матерей и христианских воспитателей и учителей.

Святой мученице Людмиле молятся о помощи в воспитании детей и об излечении глазных болезней.

 

По благословению

митрополита Херсонского и Таврического Иоанна

Опубликована: 28.07.2017