Православный календарь
Рекомендуем посетить
Музыковский Покровский мужской монастырь Херсонской епархии
УПЦ

НОВАЯ ИНФОРМАЦИЯ

Расписание богослужений в Свято-Духовском кафедральном соборе на НОЯБРЬ

Ночная литургия в Свято-Духовском кафедральном соборе в ноябре - с 15 на 16 (со среды на четверг)

Молитва о мире в Украине

Томос о даровании Украинской Православной Церкви самостоятельности в управлении

Обращение Патриарха к министру юстиции по вопросу независимости УПЦ

Официальные документы Украинской Православной Церкви относительно ситуации в нашей стране

Заключен договор о сотрудничестве с центром социальных служб

12 листопада 2017 року «Всеукраїнський день молитви за сиріт»

Акафист благоверному князю ВЯЧЕСЛАВУ ЧЕШСКОМУ

 

 

Дни памяти:

 

17 марта (н. ст.)

11 октября (н. ст.)

 

Тропарь, глас 1

Благочестиваго корене отрасль пречестна́я, святый благоверный великий княже Вячеславе, поборник быв Восточныя в Че́хах Церкве и прибежище теплое убогим и сирым, яко вторый Авель, незло́биве претерпел еси смерть, во главу усече́н рукою брата пред враты́ церковными. Темже и всели́ тя Христос, яко исповедника пра́выя веры во обители Небесныя, прослави всечестну́ю память твою в словенских язы́цех и дарова тя помощника всем почитающим тя. Молися о людех твоих ко Господу, да обратит их в лоно Православныя Церкве и спасет ду́ши наша.

 

Кондак, глас 1

С лики Ангельскими предстоя, блаженне княже Вячеславе, наслаждаешися Божественныя и неизреченныя добро́ты и, отту́ду благодетельныя да́ры поче́рп чудес, всем притекающим верою под твою святыню источаеши цельба́м дарование.

 

Кондак 1

Избра́нный Богом кроткий воине Христов, благоверный княже Вячеславе, величающе прославльшаго тя Господа, воспеваем ти похвальная. Ты же, изде́тска христианскому благочестию науче́нный и люди твоя в православней вере утвердивый, от всяких нас бед свободи, да поем ти: Радуйся, страстотерпче Вячеславе, страны́ Чешския княже предивный.

 

Икос 1

Ангелов Творец посла тя, свя́тче Божий, Церкви Православней во укрепление, жаждущим же ве́дения истины во благое вразумление и назидательное окормление. Мы же, дивя́щеся таковому о тебе промышлению Вседержителя, со благоговением вопием ти:

Радуйся, веры христианския насадителю.

Радуйся, Божиих храмов устроителю.

Радуйся, разума евангельскаго испо́лненный.

Радуйся, апостолом святым поревновавый.

Радуйся, Духа Святаго в сердце вместивый.

Радуйся, огнь любве в душе́ воспламенивый.

Радуйся, явивый стезю́ духовнаго восхождения.

Радуйся, земли́ твоея первейшее украшение.

Радуйся, страстотерпче Вячеславе, страны́ Чешския княже предивный.

 

Кондак 2

Видя Господь чистоту се́рдца твоего, святый отче наш Вячеславе, избра́ тя во оружие Свое, еже да́ти земли́ Че́шстей христианское просвещение, да утверждаеми твоими молитвами и наставле́ньми, вопиют людие: Аллилуиа.

 

Икос 2

Разум спасительныя веры открыти ти хотящи, наставляше тя, святый, роди́тельница отца твоего в хранении заповедей Божиих, в познании учения кни́жнаго, яко да дея́ние умозре́нию совокупи́в, добр христианин яви́шися. Радующеся убо о тебе, княже, сицевыми хвалим тя пе́нии:

Радуйся, блаженною Людмилою воспита́нный.

Радуйся, прама́терию своею наказа́нный.

Радуйся, премудрость кни́жную постигнувый.

Радуйся, язы́ки различныя позна́вый.

Радуйся, великий в смирении.

Радуйся, сильный в кротости.

Радуйся, убогих призрение.

Радуйся, о нищих попечение.

Радуйся, страстотерпче Вячеславе, страны́ Чешския княже предивный.

 

Кондак 3

Силою Вышняго укрепляем, возрастал еси во благочестии, страстотерпче, любовь имея к ближним твоим, и от тех любовь приемля, и вку́пе с ними Творцу и Спасу хвалу вознося́: Аллилуиа.

 

Икос 3

Имы́й родитель твой Вратисла́в волю благую княжество свое тебе оставити, к алтарю Божию пред лице́ святительское возведе́ тя, глаголя тому: «Преподай, владыко, благословение сыну, наследнику моему». Мы же, видяще Божие благоволение о тебе, си́це вопие́м ти:

Радуйся, якоже пра́отцы благословение улучи́вый.

Радуйся, якоже святый царь Константин венча́нный.

Радуйся, постническое житие проходивый.

Радуйся, во вся́цем благочестии пребы́вый.

Радуйся, язычества дивный просветителю.

Радуйся, Православия отрадный утвердителю.

Радуйся, о Христовом стаде страны твоея попечение.

Радуйся, о словесных овца́х земли́ Чешския помышление.

Радуйся, страстотерпче Вячеславе, страны́ Чешския княже предивный.

 

Кондак 4

Буря обстояний и скорбе́й воздви́жеся на страну Чешскую, князю Вратисла́ву скончавшуся, супруга бо его Драгоми́ра правити нача́т неправо, христианския обычаи развращающи и злыя человеки к себе приближающе; оба́че Промыслитель Бог посла́ тя, Вячеславе святый, земли́ твоея тве́рда хранителя и правителя му́дра, да вси людие вопиют Ему: Аллилуиа.

 

Икос 4

Слышав добрый совет блаженныя Людмилы, приял еси, святе, княжество твое, неправду матере твоея искореняя, и был еси благи́й отец народу твоему, иже тебе в веселии взыва́ше:

Радуйся, на престоле Бориво́я седы́й.

Радуйся, во благочестии Людмиле подражаяй.

Радуйся, Вратисла́ва наследниче.

Радуйся, Болесла́ву удел дарова́вый.

Радуйся, верный управителю.

Радуйся, известный окормителю.

Радуйся, людей твоих защитниче.

Радуйся, христиан заступниче.

Радуйся, страстотерпче Вячеславе, страны́ Чешския княже предивный.

 

Кондак 5

Боголюбивыя Людмилы уве́дев убиение, непщева́л еси, отче, яко мати твоя к сему́ злодейству причастна есть, и а́бие отослал еси ю от двора твоего; последи́ же, заповедь Господню помянув, раскаялся еси и, возвратив родительницу твою во град на Влта́ве реце́, Бо́гови воззвал еси: Аллилуиа.

 

Икос 5

Видим тя внука, почитающа праматерь свою не то́чию в житии ея, оба́че и по смерти: прене́сл бо еси мощи ея во град Прагу, преславный твой град, и положи во храме Георгия мученика, отцем твоим осно́ваннем; темже вопие́м ти та́ко:

Радуйся, мощи страстоте́рпицы в столицу премести́вый.

Радуйся, тело мученицы во храме мученика водвори́вый.

Радуйся, град твой си́ми обрадовавый.

Радуйся, верныя люди возвеселивый.

Радуйся, в житии премудрей Людмиле уподобивыйся.

Радуйся, наставнице и в смерти подражавый.

Радуйся, к ликом мученическим сопричте́нный.

Радуйся, к со́нму страдальцев сопричи́сленный.

Радуйся, страстотерпче Вячеславе, страны́ Чешския княже предивный.

 

Кондак 6

Проповедницы благочестия твоего ни́щии суть и убо́зии, и́мже непрестанно благотворил еси, милостиве, призира́я на всякаго человека и не отрева́я никого́же, да вси людие земли́ Чешския прославят о тебе Бога, вопию́ще: Аллилуиа.

 

Икос 6

Возсия житие твое праведное, благоверне Вячеславе, яко светило светлое и яко звезда незаходимая, во всей стране твоей. Людие же чешстии, лучами твоими просвещающеся, поют тебе и доныне песнь сию:

Радуйся, в преподобии пожи́вый.

Радуйся, всяку правду соблюды́й.

Радуйся, подвижниче богопросла́вленный.

Радуйся, угодниче христоимени́тый.

Радуйся, о прощении грехов наших хода́таю.

Радуйся, оставления прегрешений наших просителю.

Радуйся, к житию праведному направляяй.

Радуйся, непорочны ны быти наставляяй.

Радуйся, страстотерпче Вячеславе, страны́ Чешския княже предивный.

 

Кондак 7

Хотя Боге́мию, область, тебе от Бога данную, под ру́ку себе покорити, при́иде князь Радисла́в с во́и своими в землю Чешскую. Ты же, блаженне, пролития крове людей твоих не желая, призвал еси на поединок князя, тебе противуста́вшаго, яко да владеет страною сильнейший. Толи́кому дерзновению твоему дивящеся, славу Спасителю нашему о тебе возносим, поюще Тому: Аллилуиа.

 

Икос 7

Новаго избранника Божия видяще, безмолвно стоя́ще войско благовернаго князя, суда Господня ожидающе. И се снидо́шася Вячеслав святый с Радиславом, и не устоя́ той и пад, прощения проша́ше. И а́бие возславиша воини и людие князя своего и воспе́ша та́ко:

Радуйся, веры православныя охранителю.

Радуйся, благочестия христианскаго попечителю.

Радуйся, на Господа печали возлагаяй.

Радуйся, упованию на Бога научаяй.

Радуйся, до́блий и кроткий вои́телю.

Радуйся, безкровныя битвы победителю.

Радуйся, градов Чешских ограждение.

Радуйся, ве́сей Боге́мских щи́те.

Радуйся, страстотерпче Вячеславе, страны́ Чешския княже предивный.

 

Кондак 8

Дивное чудо милости Господни видим на тебе, святый мучениче Вячеславе, благочестия бо дела́ творя, на совет ке́саря германскаго закосне́л еси и того ради от собравшихся князе́й укоряем был еси, оба́че с кротостию сие принимал еси и незлобием. Спаситель же Христос умягчи сердце ке́сарево, и сре́те тя той с любовию, обещав всякое желание твое сотворити, яко исполнитися зависти князе́м супротивным. О сем у́бо немо́лчную хвалу Богу возносим: Аллилуиа.

 

Икос 8

Весь любве ко святым Божиим исполнен быв, блаженне отче Вячеславе, часть мощей мученика Ви́та у ке́саря испросил еси и во гра́де Празе церковь в честь угодника сего воздвигл еси. Темже приими́ от нас похвалы сия:

Радуйся, о славе святым поревновавый.

Радуйся, в стольном граде храм создавый.

Радуйся, храм сей мученику в дар принесы́й.

Радуйся, мощи его та́мо положивый.

Радуйся, по кончине и сам в сем храме упоко́ивыйся.

Радуйся, со святым Витом на Небесех водвори́выйся.

Радуйся, от го́рния славы на чад своих призира́яй.

Радуйся, слове́ном в напа́стех помогаяй.

Радуйся, страстотерпче Вячеславе, страны́ Чешския княже предивный.

 

Кондак 9

Всякое земное попечение отложи́ти хотя, отче, монашескаго жития взыскал еси, область твою брату оставити желая. Сей же, душе́вныма очима ослепле́н, не позна́ сокровеннаго стремления твоего, но ков на тя соста́ви. Ве́дуще оба́че, яко любящему Бога вся поспешеству́ют во благое, зовем Тому: Аллилуиа.

 

Икос 9

Вети́йския словеса́ не возмогут достойно восхвалити братолюбия твоего, чудне: се бо слуга́м твоим ре́кшим, яко брат твой хощет тя убити, не веровал еси сему́, помышляя сего друга себе быти. Егда́ же, иду́щу ти в храм на молитву, насти́же тя Болеслав и мечем уда́ри, сего на землю повергл еси и вопросил еси кро́тце: «Брате, что у́бо умы́слил еси?» Сего ради глаголем ти похвалы сия́:

Радуйся, и́скренния своя неле́стно возлюбивый.

Радуйся, прия́ти нико́еже зло от них ча́явый.

Радуйся, живот свой Богу посвяти́вый.

Радуйся, душу свою Господу возложивый.

Радуйся, яко на Небесех о брате молился еси.

Радуйся, яко услы́ша молитву твою Господь.

Радуйся, яко и нас, грешных, не оставляеши.

Радуйся, яко всем спастися желаеши.

Радуйся, страстотерпче Вячеславе, страны́ Чешския княже предивный.

 

Кондак 10

Спасти хотя живот свой и душу брата твоего, текл еси ко храму святому, оба́че не постыде́шася дому Божия клевре́ти Иуды о́наго и настиго́ша тя на пра́зе церковнем, не ве́дуще пети: Аллилуиа.

 

Икос 10

Царю Небесному душу твою вручил еси, страстотерпче, за убивавших тя Господу моля́ся. Темже воспеваем ти, блаженный княже:

Радуйся, свидетелем Господним подобный.

Радуйся, страстоно́сцев древних подражателю.

Радуйся, с первомучеником Стефаном сре́тивыйся.

Радуйся, с блаженною Людмилою соединивыйся.

Радуйся, мученическия полки́ целовавый.

Радуйся, страстотерпцы вся облобыза́вый.

Радуйся, виде́нием лика Божия наслажда́яйся.

Радуйся, свет нетварный вы́ну прие́мляй.

Радуйся, страстотерпче Вячеславе, страны́ Чешския княже предивный.

 

Кондак 11

Пение Пресвятей Троице от уст твоих, святе, возноша́шеся непрестанно во вся дни живота твоего; та́кожде и во смертном часе умныя твоя очи не отврати́шася от Творца вся́ческих, оба́че, души́ твоей от тела разлучающейся, воззвал еси Спасителю Богу: Аллилуиа.

 

Икос 11

Света невечерняго наслаждашеся уже душа твоя, княже, тело же во храме пребысть три дни, кровь непрестанно источа́я, а́ки бы тебе жи́ву су́щу; последи́ же погребо́ша е вернии, вопию́ще си́це:

Радуйся, отче наш мудре и праведне.

Радуйся, наставниче наш благи́й и кроткий.

Радуйся, страданьми Христу уподо́бивыйся.

Радуйся, муче́ньми Спасу после́довавый.

Радуйся, пролитием крове Царство стяжа́вый.

Радуйся, язв прия́тием Небесе достигнувый.

Радуйся, яко пред Творцем дерзновение и́маши.

Радуйся, яко о народе твоем ходата́йствуеши.

Радуйся, страстотерпче Вячеславе, страны́ Чешския княже предивный.

 

Кондак 12

Благодать Спаса Христа косну́ся се́рдца дерзкаго убийцы молитвами твоими, и пока́яся Болеслав, возопи́ со слезами: «Аз согреших, и грех мой и беззаконие мое аз знаю!» Желая же покаяние свое не то́чию словом, оба́че и делом явити, пренесе́ мощи брата своего во град Прагу и положи́ я во храме мученика Ви́та, блаженным князем созда́нном, да вси вернии прославят Бога, дивнаго во святых Своих, и благодарственно вопию́т Ему: Аллилуиа.

 

Икос 12

Поюще честну́ю память твою, Вячеславе му́дре, прославляем праведное житие твое, почитаем страдальческую кончину твою и молим тя, святый княже: приклони ухо твое с небесе́ и услыши присно мольбы́ чад твоих, вопиющих тебе:

Радуйся, блаженный миротворче.

Радуйся, дивный чудотворче.

Радуйся, вечнаго Царства дости́гнувый.

Радуйся, во обителех горних всели́выйся.

Радуйся, яко Престолу Вышняго предстои́ши.

Радуйся, яко Владыце Христу о нас предста́тельствуеши.

Радуйся, твои бо мольбы́ прие́млет Господь.

Радуйся, твои бо люди от бед покрывает.

Радуйся, страстотерпче Вячеславе, страны́ Чешския княже предивный.

 

Кондак 13

О предивный угодниче Христов, благоверный княже Вячеславе, приими́ малое сие моление в похвалу тебе возносимое, при́зри на нас, немощны́х, ко греху прекло́нных, печа́льми обремене́нных, и, предстоя́ в Небесней славе Престолу Царя царствующих, моли́ся, да обря́щем милосердие Его в день Су́дный, в радости поюще Пресвятей Троице: Аллилуиа.

 

(Этот кондак читается трижды, затем икос 1 и кондак 1)

 

Молитва

О святый благоверный княже мучениче Вячеславе, избра́нный воеводо земли́ Чешския и всех христиан слове́нских теплый пред Богом предстателю! Днесь, (в память твою единодушно сошедшеся в честнем храме сем и ) пред иконою твоею умиленно молящеся, си́це из глубины се́рдца нашего к тебе взываем: ты в житии твоем ревнитель и защитник православныя веры был еси, и нас в ней теплыми твоими к Богу молитвами непоколеби́мы утверди. Ты великое возложе́нное на тя служение усердно проходил еси, и нас твоею по́мощию пребывати коего́ждо, в немже призва́н есть, настави. Ты супостатов полки́ от отечества твоего силою ра́тною и мудростию управи́тельною отгнал еси, и на нас ополчающихся всех врагов видимых и невидимых низложи. Ты в пределах страны своея правду, мир и милосердие насаждати потщался еси, и нам от милостиваго Бога в сих добродетелех преуспе́яние испроси. Ты безвинную кровь твою, а́ки Авель, от руки́ брата своего пред враты́ церковными пролиял еси, и нас, яко чад единыя матере Церкве, братолюбию и кротости научи. О великий и славный княже Вячеславе, ради вя́щшия славы Небесныя венец земнаго княжения оставивый и венцем мученическим праведно увенчанный! Ныне с мудрою наставницею, праматерию твоею Людмилою и всеми святыми у Престола Божия предстоя, не забуди нас, сир́ых и убогих, якоже в животе твоем никого́же от таковых оставил еси, и предстательством твоим житие тихое и безгрешное и к вечному Царствию шествие устрой нам, да прославим Бога, дивнаго во святых Своих, Отца и Сына и Святаго Духа, ныне и присно и во веки веков. Аминь.

 

ЖИТИЕ

Святой благоверный князь Вячеслав родился в 907 году. Как наследник престола, он получил великолепное для своего времени образование. Княгиня Людмила хотела видеть во внуке своем истинного христианина и заботилась в первую очередь о его нравственном воспитании, тем более что отрок от природы был кроток, добр и целомудрен.

Под руководством духовника святой Людмилы юный Вячеслав изучил славянский язык. Видя успехи сына, отец отправил его в город Будеч, где он овладел латинским и греческим языками и другими науками. Своими познаниями юный князь удивлял даже учителей. Он был очень опытен в разумении книг церковных, вельможи даже сетовали, что тот, кто должен быть князем, «испорчен священниками и есть сущий монах».

Когда умер его отец князь Вратислав (921), Вячеславу было четырнадцать лет, и управлять княжеством от имени сына стала мать его Драгомира. Она приблизила к себе язычников, которых еще много оставалось в княжестве, стала отменять порядки, введенные князьями Боривоем и Вратиславом. Семейные распри усиливались, дела в княжестве приходили в упадок. Святой Вячеслав, испытывая любовь к монашеству, имел намерение отказаться от правления, но блаженная Людмила, скорбя о несчастиях отчизны и ревнуя об общем благе, уговорила Вячеслава вступить в управление княжеством. Благочестивый Вячеслав выполнил совет своей мудрой бабки, уступив при этом младшему брату Болеславу половину княжества.

Такой поворот событий не отвечал тщеславным замыслам Драгомиры. Она старалась всячески изолировать Вячеслава от священников и книжников и подчинить своему влиянию. Затаив до времени злобу, она отыскивала средства отомстить своей свекрови. Ей удалось поселить семена вражды против Людмилы и Вячеслава в сердце младшего сына Болеслава.

Святая Людмила, видя внука воцарившимся, удалилась в Тетин, но и там настигла ее месть Драгомиры. Убийцы, посланные невесткой, ворвались в покои блаженной княгини и накинули петлю на старческую шею. Душа мученицы отлетела в небесные селения, и многими чудесами Господь ознаменовал ее праведность.

На долю молодого князя выпало много испытаний. Одолевали внешние и внутренние враги. В 922 году на Чехию совершил поход баварский князь Арнульф. Коварные вельможи, желая добиться своей цели, стали настраивать Вячеслава против матери, обвиняя ее в убийстве святой Людмилы. Вячеслав, поверив этим словам, отправил Драгомиру в Будеч. Но, воспитанный своей святой бабкой в благочестии, он, памятуя евангельскую заповедь о почитании родителей, возвращает Драгомиру обратно в свой дом, молясь Богу: «Господи Боже мой, не вмени мне сего в грех». И с этих пор он всячески почитал свою мать, так что она радовалась благоволению его и доброте. В 924 году Вячеслав наконец стал единовластным правителем страны. Одним из первых его действий было торжественное перенесение останков своей бабушки святой Людмилы из Тетина в Прагу. Были возвращены на свои места приближенные Людмилы, в том числе и священники. Князь продолжал строить храмы, заботясь о духовном просвещении своего народа. Всем он делал добро: выдал замуж четырех своих сестер с богатым приданым, заботился о вдовах и сиротах, кормил увечных, выкупал пленных. И всюду прославилось имя доброго и праведного князя Вячеслава, устраивавшего по-христиански как дела семейные, так и дела государственные.

Когда напал на княжество соседний князь Радислав, Вячеслав послал спросить его о том, что послужило причиной нападения. Если он, Вячеслав, не прав в чем-либо пред ним, пусть скажет о вине, и удовлетворение будет сделано. Радислав отвечал, что Вячеслав должен уступить ему Богемию. Тогда Вячеслав вывел в поле сильное войско, но ему все-таки не хотелось проливать кровь ближних, и он послал Радиславу предложение: «Спор идет между нами двумя; тебе хочется владеть Богемиею, а я не согласен уступить. Пусть бой между нами двумя решит дело. К чему кровавою битвою войск доводить дело до того, что тебе, пожалуй, не над кем будет и властвовать». Оба князя выступили на середину поля, войска их стояли в безмолвном ожидании. И вот внезапно увидел язычник светлый крест, сияющий перед лицом святого, ибо Ангелам своим заповедал Господь охранять праведника в путях его. Тогда пал Радислав к ногам Вячеслава, прося себе прощения, и благодушно отпустил его святой князь.

Благочестие Вячеслава подтверждает и такой случай. Однажды святой князь был приглашен императором Оттоном на сейм, но, будучи задержан в пути делами милосердия, явился после других, чем вызвал их неудовольствие. Но когда святой Вячеслав предстал пред лицом кесаря, тот с высоты престола своего увидел, что князя вводят в собрание Ангелы и на челе его сияет золотой крест. Умиленный кесарь с особенным вниманием и лаской принял князя Вячеслава и предложил исполнить любую его просьбу. Тогда Вячеслав испросил себе у кесаря часть мощей святого мученика Вита и, возвратясь в Прагу со священным даром, основал церковь во имя этого святого. Тогда же он перенес мощи и святой бабки своей Людмилы в Прагу в храм святого Георгия, построенный отцом его.

Трудно перечислить все благочестивые подвиги милосердия и любви Христовой, которыми обогатил себя Вячеслав.

Он выкупал у язычников детей, чтобы, окрестив, посвятить на служение Богу. Часто с верным старым слугой блаженным Подивоем, которому были открыты все тайные его милостыни, в зимнее ненастье босыми ногами шел на молитву в какой-либо отдаленный монастырь. Когда Подивой не мог выносить холода, Вячеслав приветливо говорил ему: «Теперь зима, старче, ступай лучше по моим следам». И усердный слуга не только не чувствовал холода, но даже ноги у него горели от тепла. А святой Вячеслав, ступая первым по замерзшей земле, иногда до крови обдирал себе ноги.

За высокие добродетели Господь одарил святого Вячеслава даром прозорливости, и нередко предсказывал он будущее; так, благодаря божественному предвидению, он предотвратил готовившийся против него братом заговор и, воздавая хвалу Господу, дал обет основать церковь во имя мученика Вита. Получив благословение от епископа, он собрал строителей и сам начал на своих плечах носить известь и своими руками заложил и окончил церковь, в которой после освящения происходили многие чудеса и знамения. После этого блаженный Вячеслав хотел пойти в Рим, передав княжение своему брату, и там отречься от сего мира. Он медлил только из-за того, что церковь еще не до конца была достроена.

Болеслав, узнав о его желании пойти в Рим, стал еще яростнее искать возможность погубить его. По наущению неверных вельмож поднял он руку на брата своего.

Вячеслав был позван братом своим Болеславом. После пиршества хотел он возвратиться домой, но по просьбе брата остался еще на день, хотя имел тайное предчувствие о своей смерти. Во время ристалища один из придворных Болеслава предупредил, что брат хочет умертвить его. Но не хотел великодушный Вячеслав поверить злому умыслу, хотя и готовился на смерть.

Вернувшись с вечери, князь Вячеслав помолился о себе и своих присных, о народе своем и погрузился в сон праведника, а на рассвете, едва услышав утренний звон, осенил себя крестным знамением и пошел в церковь, говоря: «Слава Тебе, показавшему нам свет и давшему видеть еще и это утро». Во дворе настиг его Болеслав. Вячеслав, оглянувшись, с чистым сердцем сказал ему: «Добрый вчера был день, брат мой». Болеслав же, распаленный яростью, выхватил из-под одежды меч и со словами: «Нынешний хочу тебе сделать лучше вчерашнего» — ударил брата по голове. Крепкий силами Вячеслав поверг помраченного на землю и сказал: «Что ты замыслил против меня, брат мой?» Но в эту минуту подбежал один из дружинников Болеслава и ударил Вячеслава мечом по руке. Видя вокруг явную измену, Вячеслав оставил поверженного брата и устремился в церковь, чтобы там искать спасения, но в самых дверях был настигнут убийцами и прободен мечами их в ребра. На церковном пороге, умирая, он воскликнул: «Господи! В руки Твои предаю дух мой!» Смерть блаженного князя последовала 28 сентября 935 года.

Убийцы не остановились на этом, но стали преследовать и его присных, не успевших бежать; от их руки пострадали даже младенцы и нищие, которых питал Вячеслав. Дружинники подговаривали Болеслава умертвить и мать, но сам он не дерзнул поднять на нее руку, предоставив им это адское дело.

Между тем тело князя Вячеслава, обагренное кровью, лежало у дверей храма. Из сострадания к усопшему пресвитер этой церкви отец Крастей дерзнул накрыть его тонкой плащаницей. Драгомира же, услышав о смерти сына, которой отчасти сама была виной, проливала над телом его слезы позднего раскаяния. Не смея перенести тело Вячеслава на княжеский двор, в скромном жилище пресвитера омыла она раны его и облекла в одежды погребальные. Едва только успели внести убиенного в церковь, как достигла ее слуха весть об угрожающей ей самой смерти. И в ужасе она бежала от преследователей.

Три дня лежало тело Вячеслава в храме. Все это время не переставала истекать кровь из его ран, как бы у живого: не могли стереть ее ни со стены церковной, ни даже с одежды Болеслава, на которую она брызнула в минуту убийства, так что изумился весь народ этому свидетельству мученической крови, вопиющей от земли на небо, подобно Авелевой.

Смятенный князь Болеслав призвал священника Павла погрести тело брата — и в самый час погребения еще сильнее потекла кровь. Только после погребения святого мученика Вячеслава «сама собою скрылась в землю на виду у всех» его святая кровь у входа в храм, которую до этого не могли ни смыть, ни соскоблить. Многие чудеса и исцеления ознаменовали святость блаженного мученика Христова, который всегда пламенно желал пролить за Него кровь свою.

В ту самую ночь, когда под мечом брата пал Вячеслав, было чудное видение зятю его королю Датскому: во сне ему явился распятый Господь с таким словом: «Если хочешь получить прощение грехов своих, построй церковь во имя присного Мне мученика Моего Вячеслава». Король, пораженный таинственным явлением, воздвиг в своей земле первую церковь во имя святого мученика Вячеслава.

В ту же страшную ночь убийства у Болеслава родился сын, которого назвали странным именем Страхквас, что значит «страшный пир». Чувство раскаяния коснулось окаменевшего сердца Болеслава. Осознав тяжкий грех свой, он с плачем обратился к Богу, моля о прощении неповинно пролитой крови, и дал обет посвятить рожденного в эту ночь сына на служение Богу, а тело брата своего перенес в царственный град Прагу и положил в созданной святым при жизни церкви святого Вита по правую сторону алтаря в приделе Святых Апостолов. Это торжественное перенесение, празднуемое и поныне, свершилось 4 марта (ст. ст.).

Господь же упокоил душу блаженного мученика Вячеслава с праведными Своими в лоне Авраама, Исаака и Иакова.

Умер святой Вячеслав давно, сила же его, в которой по его достоинству проявляется по всей вселенной милость Божия и слава святого, и доселе действует. Некие люди, арестованные по клевете и осужденные на смерть, взывали к святому Вячеславу: «Святой Божий мученик, если справедливо то, что говорят люди, и ты можешь умолить Вышнего Бога, помолись за меня, умирающего, чтобы я по твоим молитвам был избавлен от смерти и смог бы, окаянный, получить прощение за тяжкие грехи до тех пор, пока буду жить». Никого не оставлял своей помощью святой, даже язычников, которые по молитвам блаженного Вячеслава не только избавлялись от смерти, но и обращались потом к истинной вере.

Одна женщина была лишена зрения, а руки ее были согнуты от рождения. И когда она пришла в праздник святого в церковь и была приведена к его гробу, куда так стремилась, долго она лежала простертой и с плачем совершала молитву. И все видели исцеление от святого Вячеслава, ибо она прозрела и со здоровыми руками возвратилась в свой дом.

Память святого Вячеслава и святой Людмилы в Киевской Руси чтили уже при святом князе Владимире.

Святому благоверному Вячеславу Чешскому молятся о защите державы от внешних врагов, об охранении воинов, которые защищают Родину, ее границу, находятся на боевых учениях или в местах военных конфликтов.

 

По благословению

митрополита Херсонского и Таврического Иоанна

Опубликована: 28.07.2017