Дни памяти:

15 / 28 июля
5 / 18 сентября
9 / 22 октября

Тропарь, глас 8

Весь был еси, отче, в до́льнем житии своем правило веры и образ кротости, Троицкия пу́стыни начальниче и основателю, жития монашескаго на гора́х У́гольских возродителю, в молитвах, бдении и в трудех монашеских для братии зерца́ло подражания, в беда́х и гонениях терпеливый сноси́телю и всем приходящим к тебе помощь и утешение. Не престай моля́ся о всех чтущих твою память, Иове, преподобне отче наш, Карпатския страны похвало́.

Кондак, глас 3

Преподобне отче Иове преславне, ты весь пламенем а́ки свеча горел еси пред Богом, в неусы́пном бдении предстоя́ моля́ся о мире, и ныне ликуеши в чертозе Небеснем, поминай нас, чад твоих, притекающих и вопиющих тебе: радуйся, Иове, преподобне отче наш.

Кондак 1

Избранный подвижниче Карпатский и истинный пастырю Церкве Хрис­товы, твердый сто́лпе православныя веры, блаженне отче наш Иове, почитаем тя любовию и похвальная восписуем ти; яко в земном житии твоем ве́рен пребывал еси Христу, в гонениях, тесноте́ и ско́рбех благодаривый Бога, не преста́й моля́ся о нас, поющих ти: Радуйся, преподобне отче наш Иове, земли́ Карпатския похвало́ и молитвенниче о нас предивный.

                                                                       Икос 1

Ангельскаго образа и постническаго жития от о́троческаго возраста со старшим братом возжелал еси, и сие кре́стным целова́нием показал еси, Господеви послужити желая, да приобрящеши богатство неиждива́емое. Сего ради благоговейно взываем ти:

Радуйся, родителей благочестивых чадо богоизбра́нное.

Радуйся, измла́да ангельскими нра́вы украше́нный.

Радуйся, чистое житие от юности возлюбивый.

Радуйся, в богомыслии отрочество твое проводи́вый.

Радуйся, от лет юных сердце твое к подвижничеству склонивый.

Радуйся, изде́тска к молитве и послушанию прилежа́вый.

Радуйся, еще во отрочестве к иноческому житию устреми́выйся.

Радуйся, волю свою воли Божией покори́вый.

Радуйся, преподобне отче наш Иове, земли́ Карпатския похвало́ и молитвенниче о нас предивный.

Кондак 2

Видя Церковь Православную гонимую и раздира́емую, яко ризу Христову, от врагов ерети́ческих и свире́пствующих, с домашними твоими скрывати в доме вашем истиннаго пастыря Церкве Христовы, иеромонаха Амфилохия, не убоялся еси, отче Иове, с благодарностию взывая Богу: Аллилуия.

Икос 2

Разум богопросвеще́нный от о́троческих лет имея и о спасении души́ своея помышляя, сердце твое впери́л еси в Небесная и стал еси на стезю́ многотруднаго и скорбнаго монашескаго жительства. Мы же, дивя́щеся толи́кому твоему стремлению в го́рняя, вопием ти сицева́я:

Радуйся, на Промысл Божий все упование возложи́вый.

Радуйся, святой воле Его всего себе покори́вый.

Радуйся, яко заступления Хрис­това взыскал еси.

Радуйся, от юности навы́кший богоугождению.

Радуйся, увеселе́ния мирская возненавидевый.

Радуйся, све́рстником твоим пример благонра́вия подава́вый.

Радуйся, усердный к Богу и Матери Божией молитвенниче.

Радуйся, яко чистотою душевною и телесною к Богу возвысился еси.

Радуйся, преподобне отче наш Иове, земли́ Карпатския похвало́ и молитвенниче о нас предивный.

Кондак 3

Силою Вышняго, дарованною тебе, преподобне, преукра́шен был еси долготерпением, и возжелал еси от юности твоея Господеви послужити; сего ради в православную Сербию направился еси, во е́же во святых обителех Богу воспевати: Аллилуия.

Икос 3

Имуще богоприя́тное желание подвизатися во едином из древних монастырей Сербских, путь дальний и многотрудный предприя́л еси, но препо́ну в деле сем испытал еси и вспять насильственно возвратитися понужде́н был еси. Темже, ублажающе изволе́ние твое, вопием ти си́це:

Радуйся, равноа́нгельскаго подвига возжелавый.

Радуйся, яко сего ради достигнути православныя Сербии восхотел еси.

Радуйся, в жертву благоприя́тную всего себе Богу принесы́й.

Радуйся, образе нищеты духовныя.

Радуйся, житию и подвигом древних отец поревнова́вый.

Радуйся, нача́тки мыслей и чувств душевных Богу посвяти́вый.

Радуйся, Закон Бога на скрижа́лех се́рдца твоего имевый.

Радуйся, иго Хрис­тово, благо́е и ле́гкое, на ра́мо твое восприя́ти вожделе́вый.

Радуйся, преподобне отче наш Иове, земли́ Карпатския похвало́ и молитвенниче о нас предивный.

Кондак 4

Буря испытаний не поколеба́ упования твоего на премудрый Промысл Божий, егда предприя́л еси многотрудное путешествие в удел Божией Матери — Святую Гору Афон, во е́же в горении духа воспевати Богу: Аллилуия.

Икос 4

Слыша о великих подвигах веры и благочестия богомудрых отцев и подвижников Святыя Горы Афонския, потща́лся еси вда́тися их водительству, но волею Божиею возвращен был еси в землю Карпатскую. Мы же, восхваляюще стремление твое, во еже угодити Господеви, приносим ти хвалебную песнь:

Радуйся, тленная мира сего ни во чтоже вмени́вый.

Радуйся, душу твою в го́рняя обители устреми́вый.

Радуйся, истиннаго монашескаго де́лания ревнителю.

Радуйся, вну́тренняго человека в себе на всяк день обновля́яй.

Радуйся, яко сего ради многи скорби и труды подъял еси.

Радуйся, яко вся ради Возлюбившаго тя претерпел еси.

Радуйся, подвигов угодников Божиих подражателю.

Радуйся, чистоты сердечныя изрядный хранителю.

Радуйся, преподобне отче наш Иове, земли́ Карпатския похвало́ и молитвенниче о нас предивный.

Кондак 5

Боготканную одежду в святом пострижении в Троицкой пу́стыни прияв, Иове всехвальне, горячую молитву излия́л еси к Богу, да укрепит тя в монашеском де́лании, со всеми и́ночествующими воспевая: Аллилуия.

Икос 5

Видяще иноцы Свято-Троицкия Городи́ловския обители твое достойное житие, радовахуся, такова́го имея подвижника и молитвенника о всем мире, Господа благодаряще; темже и мы тебе вопием си́це:

Радуйся, всем сердцем Бога возлюби́вый.

Радуйся, всею душею Ему послужи́вый.

Радуйся, постничество чудное яви́вый.

Радуйся, невозмуща́емое безмолвие стяжавый.

Радуйся, древним пустынножи́телем до́бре подражавый.

Радуйся, яко непрестанным бдением безпло́тным уподо́бивыйся.

Радуйся, яко свет добрых дел твоих немерца́емо сияет.

Радуйся, святаго смирения преиспо́лненный.

Радуйся, преподобне отче наш Иове, земли́ Карпатския похвало́ и молитвенниче о нас предивный.

Кондак 6

Про́поведию веры православныя бысть житие твое, достохва́льне Иове, смирением, постом, наипа́че же непрестанною молитвою Богу угождал еси, благодарственно поя ангельскую песнь: Аллилуия.

Икос 6

Возсиял еси Божиею благодатию, преподобне отче, за всецелое отречение воли своея, темже и прослави тя Господь дара́ми Святаго Духа, и́миже во славу Господню потрудился еси. Таковому о тебе промышлению Божию радующеся, зовем ти:

Радуйся, Небесному покровителю своему, Иову Многострадальному, подражавый.

Радуйся, якоже и он, Бога в сердце своем вы́ну носи́вый.

Радуйся, православнаго народа усердный заступниче.

Радуйся, к Богу и Богородице непрестанный о нас молитвенниче.

Радуйся, щедротами Святаго Духа боголепно украше́нный.

Радуйся, всем спастися и в разум истины приити́ желавый.

Радуйся, подражателю преподобных в совершенном терпении.

Радуйся, подвигов иноческих ре́вностный совершителю.

Радуйся, преподобне отче наш Иове, земли́ Карпатския похвало́ и молитвенниче о нас предивный.

Кондак 7

Ве́лие сокровище любви стяжал еси к ближним, преподобне отче Иове, егда приходящии к тебе люди ежедневно на молитву, утешение духовное и пропитание телесное прие́млюще, с благодарностию возвраща́хуся во своя си, поя Богу: Аллилуия.

Икос 7

Новаго тя Иоанна Кронштадтскаго зрим, угодниче Христов: якоже бо той явися великий хода́тай за народ православный, си́це и тя яви Господь в земли́ Карпатстей изря́днаго молитвенника и чудотворца, да укрепя́тся сердца́ людей в Православии. Темже, прославляя дивнаго во святых Своих Бога, взываем ти си́це:

Радуйся, в монашеском житии усердно подвизавыйся.

Радуйся, на ниве Христовой изрядно потрудивыйся.

Радуйся, единаго на потребу всегда искавый.

Радуйся, очи ума и се́рдца своего на высоту Небесную впери́вый.

Радуйся, отче чадолюбивый, о плене́нных моливыйся.

Радуйся, о ближних твоих прилежно пеки́йся.

Радуйся, винограда Христова де́лателю.

Радуйся, и за ны пред Богом усердный хода́таю.

Радуйся, преподобне отче наш Иове, земли́ Карпатския похвало́ и молитвенниче о нас предивный.

Кондак 8

Егда из заточения в свое отечество возвратился еси, блаженне, обитель твоя с радостию ве́лиею прият тя, и вся братия единогласно избра́ тя в настоятеля себе и духовнаго руководителя, во е́же еди́ными усты и еди́ным сердцем Святей Троице Богу воспевати: Алли­луия.

Икос 8

Всего себе Хрис­ту и братии Троицкия пу́стыни предал еси, блаженне Иове, являя им образ кротости, смирения и целомудрия; благочестивии же людие, видяще в тебе добраго пастыря и учителя, с радостию притекаху к тебе и ве́лие утешение и осла́бу в ско́рбех своих, твоих ради молитв к Богу, приима́ху. Сего ради, восхваляюще любовь твою ко Господу и ближним, вопием ти си́це:

Радуйся, огнем Божественныя любве ве́тхаго человека в себе умертвивый.

Радуйся, во плоти а́ки безплотен на земли́ пожи́вый.

Радуйся, человече Небесный и Ангеле земны́й.

Радуйся, сосуде, благодати Божией испо́лненный.

Радуйся, мудрый к Богу путеводи́телю.

Радуйся, заповедей Господних верный исполнителю.

Радуйся, благодатный источниче исцелений.

Радуйся, ре́ки воды́ живы́я источа́яй.

Радуйся, преподобне отче наш Иове, земли́ Карпатския похвало́ и молитвенниче о нас предивный.

Кондак 9

Новыя испытания и скорби в житии твоем претерпел еси, всечестны́й отче, егда святая обитель твоя гони́ма бя́ше и закрываема, и братия разсева́ема бе; видяще сие, со скорбию возносил еси песнь Богу: Аллилуия.

Икос 9

Ники́их человеческих похвал не довле́ет святому житию твое­му, преподобне отче Иове. Кто бо может достойно восхвалити тя за скорби, гонения, заточе́ния и скита́ния твоя, яже претерпел еси Гос­пода ради в научение и спасение ближних, да достойно в вере Хрис­товой укрепя́тся? Сего ради, благодарни суще благоде́ющему тобою Богу, вопием ти си́це:

Радуйся, непостижимыя судьбы́ Божия предви́девый.

Радуйся, благу́ю волю Божию верным открыва́вый.

Радуйся, непреме́нно исполняти ю побужда́вый.

Радуйся, благодатным учителем для братии бы́вый.

Радуйся, молитвенных бдений неусыпный ревнителю.

Радуйся, вну́тренняго безмолвия и тишины ума хранителю.

Радуйся, яко своими подвигами древним преподобным отцем уподо́бивыйся.

Радуйся, своим смирением, терпением и кротостию вся искушения победивый.

Радуйся, преподобне отче наш Иове, земли́ Карпатския похвало́ и молитвенниче о нас предивный.

Кондак 10

Спасительный подвиг земнаго жития твоего совершая, возжелал еси, блаженне, избрати себе тихую при́стань — храм святаго великомученика Димитрия Солу́нскаго, на месте подвигов древних отцев, в селении Малая У́голька, во е́же примером их подвизатися и чистым сердцем воспевати вы́ну Богу: Аллилуия.

Икос 10

Стены́ ка́менныя кре́пльше бе любовь твоя к Богу и ближнему своему: до последних бо дний жития твоего, в течении лет многих, ежедневно совершал еси Божественную Литургию, превозмогая немощь телесную. Приими же, угодниче Хрис­тов, от наших любящих тя сердец пения сицева́я:

Радуйся, яко имя Божие тобою до последняго издыха́ния призыва́шеся.

Радуйся, до конца в послушании Церкви пожи́вый.

Радуйся, яко верным людем добре послужи́вый.

Радуйся, за служение сие венец нетленный от Господа получивый.

Радуйся, блаженство вечное со святыми унасле́довавый.

Радуйся, со Ангелы Небесными Престолу Божию предстоя́й.

Радуйся, о нас, грешных, непрестанно молитву пред Ним вознося́й.

Радуйся, о всех верных, притекающих к тебе, пред Богом предста́тельствуяй.

Радуйся, преподобне отче наш Иове, земли́ Карпатския похвало́ и молитвенниче о нас предивный.

Кондак 11

Пение всеумиленное приносим Всемилостивому Богу за Его неизреченныя бла́га, яко дарова нам тебе, благодатнаго а́вву и духовника богомудраго: по благословению бо твоему, великое множество благочестивых муже́й сан пресви́терский прия́ша, во е́же у святаго Престола воспевати песнь Богови: Аллилуия.

Икос 11

Светоприе́мна светильника яви тя Господь Бог, преподобне Иове, яко не угасл еси, а преселился еси от жизни временныя в Царствие Небесное в день памяти святаго равноапостольнаго князя Владимира, да с ним светом неме́ркнущим сия́еши и радость го́рнюю разделяеши. Темже, радующеся твоему Небесному предстательству о нас, воспеваем ти таковая:

Радуйся, угодниче Божий предивный.

Радуйся, яко праведною кончиною скончался еси.

Радуйся, яко и по смерти на Небеси живе́ши.

Радуйся, усердный слуго, сотворивый волю Господа своего.

Радуйся, терпением правды ради в Царствие Небесное водвори́­выйся.

Радуйся, го́рния славы приобщи́выйся.

Радуйся, наследниче жизни вечныя.

Радуйся, яко блаженство вечное со святыми унаследовал еси.

Радуйся, преподобне отче наш Иове, земли́ Карпатския похвало́ и молитвенниче о нас предивный.

Кондак 12

Благодать и милость излия́ся от тебе, преподобне отче Иове, в день обре́тения честны́х мощей твоих, и ве́лиим благоуханием напо́лнишася хо́лмы и го́ры обители У́гольския. Мы же, испо́лнени радости о сем, дивному во святых Своих Господу из глубины́ души́ вопием: Аллилуия.

Икос 12

Поюще Бога, дивнаго во святых Своих, просла́вльшаго тя в ли́ке преподобных, ублажаем болезни и труды твоя, яже во славу Божию поне́сл еси, восхваляем скорби и подвиги твоя, яже за Христа претерпел еси, почитаем пастырскую кротость и смирение твое и воспеваем тя похвалами сицевы́ми:

Радуйся, служителю Хрис­тов и избранниче Божий.

Радуйся, пастырю добрый, смиренный и кроткий.

Радуйся, к лику преподобных сопричте́нный.

Радуйся, твоим прославлением радости духовныя нас исполня́яй.

Радуйся, наставниче предивный, духовныя чада богомудро наставля́вый.

Радуйся, яко отны́не имя твое со святыми прославляется.

Радуйся, пресветлый лик Господа видети сподобивыйся.

Радуйся, яко во све́тлостех святых Его ныне пребываеши.

Радуйся, преподобне отче наш Иове, земли́ Карпатския похвало́ и молитвенниче о нас предивный.

Кондак 13

О преславный и предивный угодниче Хрис­тов, преподобне и богоносне отче наш Иове! Приими́ ныне малое сие моление наше, с любовию тебе приносимое, и теплым предстательством твоим испроси нам у Хрис­та Бога избавление от всех бед и напа́стей, и наследники Царствия Небеснаго быти сотвори, да с тобою немо́лчно воспеваем Богу: Аллилуия.

(Этот кондак читается трижды, затем икос 1 и кондак 1)

Молитва

О преподобне и богоносне отче наш Иове, изрядный угодниче Хрис­тов и великий Карпатския земли́ молитвенниче и чудотворче, святыя обители Городи́ловския во славу Живоночальныя Троицы первый основателю и устрои́телю! Во дни земнаго жития твоего многия на путь правый наставивый и в Царствие Небесное му́дре руководивый, скорбныя уте́шивый, падающим пода́вый руку по́мощи и ко всем добр, милостив и сострадателен отец бы́вый. Ты ныне, в Небесней пребыва́я светлости, нетлением же святых мощей твоих обитель У́гольскую, в нейже и прославился еси, возроди́вый, умно́жи любовь твою в нас, немощных, в море житейстем разли́чне бе́дствующих и искушаемых духом зло́бы и страстьми́ своими, воюющими на дух наш. Сего ради смиренно молим тя, Ангеле земны́й и Небесный человече, святый отче: буди всем нам помощник скорый во всякой скорби и обстоянии, наипа́че же в час кончины нашея явися нам заступник благосе́рдый, да не пре́дани будем на мыта́рствах воздушных власти злобнаго мироде́ржца, но да сподобимся безпреткнове́ннаго восхода в Царствие Небесное. Ей, отче, молитвенниче страны нашея и всех к тебе с умилением и любовию взывающих, не посрами́ упования нашего, но при́зри на смиренныя моления наша и предстательствуй за нас пред Престолом Живоначальныя Троицы, Ейже верно послужил еси в земном житии твоем, да сподобимся и мы, ку́пно с тобою и со всеми святыми, в селениих райских славити Единаго в Троице Бога, Отца и Сына и Святаго Духа, во веки веков. Аминь.  

Житие

Архимандрит Иов (в миру — Иван Кундря) родился в Закарпатье 18 мая 1902 г. в с. Иза в многодетной семье Георгия Кундри и Анны Мадяр. В родном селе Иван окончил 8 классов народной школы, а в 1920  г. — хозяйственные курсы. В 1924–1925 гг. он служил в чехословацкой армии в Михайловцах (Словакия).

В 1920-х гг. в Свято-Пантелеимоновском монастыре на Афоне подвизалось значительное количество закарпатцев. Именно туда и решил отправиться после военной службы Иван Кундря. Но в принятии в монастырь ему отказали. Главной причиной этого стала политика греческих властей, направленная на эллинизацию Афона. 10 сентября 1926 г. правительство Греции приняло закон, согласно которому все монахи, независимо от их национальности, считались греческими подданными. По этому закону в афонские монастыри запрещалось принимать лиц без греческого гражданства, что давало возможность отказывать в оформлении виз и паспортов.

В это время в с. Иза действовал Свято-Николаевский мужской монастырь, где Иван окончил в 1928 г. пастырско-богословские курсы, после чего он с несколькими друзьями решили построить монастырь у себя на родине — недалеко от с. Иза — в Городилове. В 1930 г. Иван Кундря, Василий Орос, иеромонах Пантелеимон (Кундря) и другие взамен своих земельных участков в Изе выкупили небольшой участок в Городилове. Первым настоятелем созданного скита в честь Святой Троицы стал архимандрит Алексий (Кабалюк) (канонизированный УПЦ в 2001 г.), после него эту миссию исполнял архимандрит Амфилохий (Кеминь). 22 декабря 1938 г. архимандрит Алексий (Кабалюк) постриг Ивана Кундрю в монахи с именем Иов.

В 1939 г. отец Иов решил эмигрировать с Закарпатья. В 1940 г. он осуществил свою идею, но на советской границе был арестован и осужден как шпион на 25 лет лагерей. Его переводили из лагеря в лагерь, некоторое время он находился в Воркуте, потом на Колыме и в Норильске.

В 1942 г. отца Иова как гражданина Чехословацкой республики, вместо лагерей, забрали на фронт в корпус Людовика Свободы. На войне он служил в артиллерии. В 1945 г. отец Иов вернулся в родную обитель. В письме от 14 ноября 1945 г. к епископу Мукачево-Ужгородскому Нестору (Сидоруку) архимандрит Алексий (Кабалюк) писал: «Прошу рукоположить в иеродиаконы монаха Иова (Кундрю), который является моим заместителем в ските Городилово». Епископ исполнил просьбу архимандрита 16 ноября 1945 г. 10 декабря 1945 г. братия Городиловского скита просила епископа рукоположить отца Иова уже в сан иеромонаха. Рукоположение состоялось 7 апреля 1946 г. На монастырском собрании братия избрала его настоятелем.

Во время руководства отца Иова обитель стала расширяться и богатеть. Монахи построили трапезную, братский корпус, кухню. За заслуги перед Церковью в 1947 г. настоятель обители был возведен в сан игумена.

В 1950 г. архиепископ Львовский, Тернопольский и Мукачево-Ужгородский Макарий (Оксиюк) обязывает старца быть духовником не только для Городиловского скита, но и для Мукачевского монастыря, который незадолго перед этим вернули православным. В 1951 г. новый епископ Мукачево­Ужгородский Илларион (Кочергин) освобождает отца Иова с этой должности и поручает ему обслуживать Свято­Ильинскую церковь села Велятино Хустского района.

Во время управления епископа Варлаама (Борисевича) в Мукачевско-Ужгородской епархии начинается планомерное наступление на права монастырей и скитов. Отец Иов выступил против этой политики, даже подписался под коллективным письмом-жалобой к Патриарху Алексию I на епископа Варлаама (Борисевича). После этого случая епархиальное начальство сместило его с должности настоятеля, а скит был закрыт.

В 1958–1959 гг. отец Иов находился в Свято-Николаевском монастыре в с. Иза-Карпутлаш Хустского района, затем в Спасо-Преображенском монастыре с. Теребля Тячевского района, где некоторое время исполнял послушание настоятеля. Но вскоре и эти монастыри были закрыты. В 1960–1962 гг. он был настоятелем храма в с. Угля Тячевского района, затем — в с. Монастырец Хустского района. С 1962 г. и до своей кончины (28 июля 1985 года) нес послушание настоятеля храма святого Димитрия Солунского в с. Малая Уголька Тячевского района, где некогда был древний монастырь.

Старец был бескорыстным и глубоко смиренным человеком, это видно из многих документов его собственного архива, которые старательно хранятся в храме с. Малая Уголька. В одном из заявлений на имя архиепископа Григория (Закаляка) от 22 июля 1966 г. читаем: «Узнал, что Вы хотите возвести меня в архимандрита, прошу оставить меня в сане игумена, потому что считаю себя недостойным такого великого сана».

За пять лет до своей смерти, 25 февраля 1980 г., отец Иов составил завещание, в котором писал: «Я, нижеподписавшийся архимандрит Иов, 20 лет прожил в Малой Угольке при храме святого Димитрия, моя жизнь подходит к концу, скоро мне исполнится 80 лет. Неизвестен день моей смерти. Много священников завещают похоронить их в монастыре или в родных селах, а я запрещаю куда-нибудь увозить мое грешное тело. Завещаю отпеть монашеским чином и похоронить возле креста на середине кладбища».

Отец Иов за свои заслуги перед Богом получил прекрасный дар — прозорливостью и молитвой исцелять больных. О чудесах, совершенных старцем, до сих пор живет память в народе.

28 июля 1985 г. архимандрит Иов мирно почил о Господе. В день своей смерти, в воскресенье, он отслужил Литургию, произнес длинную речь и выполнил все необходимые требы для верующих. В тот же день, около 10 часов вечера, ему стало плохо, и с молитвой на устах он закончил свой земной путь. Похороны состоялись 31 июля.

Старец не оставил людей сиротами, безвозвратно покинув их. И после своей блаженной кончины из жизни вечной он продолжает исцелять людей от недугов души и тела, помогает в самых тяжелых обстоятельствах тем, кто обращается к нему с верой и молитвой.

Обретение мощей архимандрита Иова состоялось 22 октября 2007 года.

18 сентября 2008 года в селе Малая Уголька Тячевского района Закарпатья состоялось прославление в числе местночтимых святых преподобного Иова Угольского.

По благословению

митрополита Херсонского и Таврического Иоанна