Православный календарь
Рекомендуем посетить
Музыковский Покровский мужской монастырь Херсонской епархии
УПЦ

НОВАЯ ИНФОРМАЦИЯ

Расписание богослужений в Свято-Духовском кафедральном соборе на  ЯНВАРЬ 

 

 

 

 

 

Акафист преподобному ДАВИДУ ГАРЕДЖИЙСКОМУ

  

  

                                          День памяти:                                           

четверг после Вознесения

 

Тропарь, глас 8

Слез твоих тече́ньми пусты́ни безпло́дное возде́лал еси, и иже из глубины́ воздыха́ньми во сто трудов уплодоноси́л еси, и был еси светильник вселенней, сия́я чудесы́, Давиде, отче наш,  моли Христа Бога спастися душа́м нашим.

 

Кондак, глас 8

От сири́йских исто́чников возше́л еси, звездо́ пресветлая, и пусты́ню Гареджи́йскую сия́нием Духа озарил еси: я́ко прише́ствием своим и́ноческий рай соделал еси, произрасти́в в пусты́не слове́сный вертогра́д; сего ради не оставля́й храни́ти его, Давиде возлю́бленный.

 

Кондак 1

Избра́нный учениче́ и блаженный подражателю наставника твоего богоноснаго Иоанна, оста́вивый всякое попечение житейское и Христу после́довавый, преподобне отче Давиде, возсия́вый Иве́рии, яко звезда богосветлая, восхваляем тя любовию в песнех духовных, святаго заступника нашего. Ты же, яко имея дерзновение ко Господу, молитвами твоими от всяких нас бед свободи́, да зовем ти: Радуйся, преподобне отче Давиде, преславный чудотворче.

                                                             

                                                                      Икос 1                                                                                  

Ангелом любезную чистоту от юности твоея возлюбив, отче Давиде, с преподобным Иоанном и ины́ми ученики его пе́рвее к добродетелей подвижнику Симеону Дивного́рцу пришел еси, наставления и благословения прося́; последи́ же в землю Иверскую пришедши, на горе́ Зедазе́ни житие по́стническое с наставником твоим и прочими отцы проводил еси. Егда же преподобный Иоанн посла́ ученики своя по всей Иве́рии, насаждения ради благочестия в земли́ сей, ты, отче, пришел еси во град Тбилиси и, в уединении на Святей горе пребывая, в преподобии и доброде́телех подвизался еси. Сего ради, равноа́нгельное житие твое зряще, зовем:

Радуйся, во пло́ти аки безпло́тен пожи́вый.                           

Радуйся, подвиги твоими на высоту духовную возше́дый.

Радуйся, слезами моли́твенными сердце твое уплодоноси́вый.

Радуйся, чтением писаний Божественных душу твою напита́вый.

Радуйся, постом душетле́нныя страсти в себе умертви́вый. 

Радуйся, усердною молитвою вся искушения диавольския отрази́вый.

Радуйся, преподобне отче Давиде, преславный чудотворче.

                                                           

                                                                      Кондак 2                                                                                        

Видяще нечестивии огнепокло́нницы святое житие твое, преподобне отче, и завистию снеда́еми, восхотеша погубити тя, оклевета́вше в блудоде́янии. Ты же, все упование свое на Бога возложи́в, пришедши на суд, коснулся еси жезло́м чрева блудни́цы, вопроша́я: "Чадо, рцы, аз ли отец твой?" Отвеща́ше же глас из утро́бы: "Не ты, а кузнец". И а́бие разреши́ся утро́ба блудни́цы, и роди́ камень. Видящии же чудо сие, уверовавше во Христа, прославиша Бога, дивнаго во святых Своих, вопиюще Ему: Аллилуия.

                                              

                                                                       Икос 2                                                                            

Разум богопросвеще́н имея, суету́ мирских страсте́й отри́нул еси, богомудре Давиде, о спасении же души́ то́чию ревновал еси, Царствия Божия и правды его взыску́я и приходящих к тебе наставляя и утешая. Сего ради зовем ти:

Радуйся, безмолвия любителю.

Радуйся, ищущим пути спаси́тельнаго указателю.

Радуйся, псалмопе́нии немо́лчными Бога сла́вивый.

Радуйся, коленопреклоне́ния многая совершавый.

Радуйся, по́стниче, бы́лием в пусты́ни пита́выйся.

Радуйся, со́бранную братию твою духовною сладостию изобильно насы́тивый.

Радуйся, преподобне отче Давиде, преславный чудотворче.

 

Кондак 3

Силою Божиею укрепляемый, отче преподобне, в пусты́ни Гареджи́йской обитель создал еси, своими руками пещеры высека́я, Господа же молил еси, да благословит дела́ рук твоих во славу имени Его и на спасение ближних твоих, ихже и примером твоим научал еси неле́ностно возносити хвалебную песнь Богу: Аллилуия.

 

Икос 3

Имеяй сердце сокруше́нно и помысл чист, преуспевал еси, преподобне, в по́двизех твоих, восходя́ от силы в силу; сего ради обрел еси мзду воздаяния трудов твоих на Небесех, имея дерзновение пред Христом Богом молитися за ны, вопиющия ти таковая:

Радуйся, земна́я вся презре́вый.

Радуйся, Небесная то́чию возлюбивый.                                   

Радуйся, спасению ближних послуживый.                               

Радуйся, и́ноческаго ли́ка добрый вождь бы́вый.                               

Радуйся, у́зкими враты́ в Царство Небесное вше́дый.

Радуйся, венец неувяда́емый от Господа восприя́вый.

Радуйся, преподобне отче Давиде, преславный чудотворче.

 

Кондак 4

Бурю внутрь помышлений имея, преподобне отче, егда Святаго Града Иерусалима достигл еси, недостойным же во о́ный вни́ти себе вменя́я, издале́ча облобыза́л еси святыни его и, взем камень с места того́, яко безценный дар во обитель твою принесл еси, воспевая Господеви: Аллилуия.

 

Икос 4

Слышавше ученицы́ твоя, преподобне, спасительная наставления и мудрая поучения, радующеся, во след тебе теко́ша и, тобою руководи́ми, к Небеси устреми́шася, благодарно тебе поюще:

Радуйся, ко спасению удобный путь ясно показавый.

Радуйся, заповеди Божия в сердце твоем сохранивый.

Радуйся, и после́дующих тебе хранению о́ных научивый.     

Радуйся, многих ко Христу обрати́вый и наставивый.

Радуйся, житием твоим пусты́ню Гареджи́йскую освятивый.

Радуйся, поучении твоими землю Иверскую просветивый.

Радуйся, преподобне отче Давиде, преславный чудотворче.

                                    

                                 Кондак 5                                  

Боготе́чною звездою явился еси, преподобне отче Давиде, в земли́ Иверстей, небо церковное украшая, и всех блуждающих по морю стра́стнаго жития сего, данною тебе от Солнца Правды, Христа, благодатию озаря́я, мрак печалей и мглу недуг и скорбей прогоняя, наставляеши бо всех к тебе верою притекающих на путь спасения, поющих: Аллилуия.

 

Икос 5

Видел еси, преподобне, яко в мире сем всяческая суть суета́, тле́нию причастна; сего ради в пусты́ню вселился еси и вседу́шно Богу благоугодити потща́лся еси. Темже за таковое усердие твое услыши нас, глаголющих ти си́це:

Радуйся, и́го Христово благо́е и ле́гкое возлюбивый.

Радуйся, крест скорбей и лишений пустынных терпеливо носи́вый.

Радуйся, розго́ Лозы́ Истинныя, мног плод принесшая . 

Радуйся, благи́й ра́бе и верный де́лателю винограда Христова.  

Радуйся, яко Престолу Царя Славы предстои́ши.                   

Радуйся, яко Царю Христу о нас молитвы возно́сиши.

Радуйся, преподобне отче Давиде, преславный чудотворче.

 

Кондак 6

Проповедницы подвигов твоих в пусты́ни Гареджи́йской явишася ловцы́ звере́й ди́виих, смотрением Божиим обре́тшии хра́мину твою, отче преподобне: видяще же тя во пло́ти Ангела, зна́мение благодатнаго озарения на лице́ своем нося́ща, испо́лнишася трепета и радости и, припадши к стопа́м твоим, во умилении се́рдца возопиша Зижди́телю Богу: Аллилуия.

 

Икос 6

Возсиял еси, яко богосветлое светило, в пусты́ни Гареджи́йской, преподобне отче, мнози бо, видяще  равноа́нгельное житие твое, прихождаху к тебе послушати глаголы живота вечнаго, хвалебно зовуще ти:

Радуйся, Христов немо́лчный проповедниче.

Радуйся, апостольских преданий ревностный хранителю.

Радуйся, многих на путь спасения наставивый.                      

Радуйся, тала́нт, от Бога ти данный, на пользу ни́вы Господни обрати́вый.

Радуйся, великий угодниче Божий, еще на земли́ свет Небесный созерца́вый.                                                                                 

Радуйся, от Господа благодатную силу чудотворе́ния прие́мый.

Радуйся, преподобне отче Давиде, преславный чудотворче.

 

Кондак 7

Едино хоте́ние имел еси, преподобне, во еже угодити Господеви; сего ради оставил еси отечество твое и поте́кл еси с учителем твоим, богоносным Иоанном, в удел Пресвятыя Богородицы, землю Иверскую, спасения ради многих. Темже и обитель твоя, отче, пристанище бысть благооти́шное для всякаго человека, утомле́ннаго в мори житейском. Ты же, яко бодрый ко́рмчий, всех наставлял еси удаля́тися мира и суеты́ его, сердцем же и усты́ немо́лчно пети Богу: Аллилуия.

 

Икос 7

Новым подвигом духовным вда́лся еси, всеблаженне, в пустынях уединения пребывая в молитвах, посте и трудах непрестанных, ихже ви́дя Всеви́дец Господь, собра́ к тебе и́ноков пустыннолюби́вых, иже хотя́ху жити с тобою и назида́тися от тебе во спасение. И тако устро́ися обитель, яко крин, в пусты́ни процветший, в нейже и до днесь прославляется имя твое, отче преславне, достодо́лжными похвалами:

Радуйся, преподобне, святостию и чистотою светло украше́нный.

Радуйся, богоносне, дара́ми Божественными свыше одаре́нный.

Радуйся, пусты́ню непрохо́дную в вертогра́д духовный претвори́вый.

Радуйся, обитель твою по преданию святых и богоносных отец устро́ивый.

Радуйся, соверше́ннаго о Христе отца твоего духовнаго  подража́телю.

Радуйся, со́браннаго тобою ста́да овец слове́сных добрый пастырю.

Радуйся, преподобне отче Давиде, преславный чудотворче.

 

Кондак 8

Стра́нная и преславная чудеса являются верным от благодатнаго ка́мене, егоже ты, отче, из Святаго Града Иерусалима прине́сл еси, и от источника воды́, егоже ты в пусты́ни для братии у Господа испросил еси. Мы же, видяще сия, вопием Богу, подающему милости Своя всем уповающим на Него: Аллилуия.

       

            Икос 8          

Весь обле́клся еси во вся оружия Божия, яко воин Христов, отче Давиде, препоя́сав чре́сла твоя истиною, обо́лкшеся в броню́ правды, и обу́вше но́зе во угото́вание благовествова́ния мира, восприя́л же еси щит веры, и шлем спасения, и меч духовный, иже есть глагол Божий, имже возмо́гл еси вся наве́ты лукаваго победити. Помози́ убо и нам, преблаженне, твоими молитвами проти́витися искушениям вражиим, да зовем ти:

Радуйся, смирением твоим гордыню поправый.

Радуйся, кро́тостию твоею пламень ярости угасивый.

Радуйся, крила́ми богомыслия се́ти вражия сокруши́вый.

Радуйся, подвигом твоим вертогра́д Христов в пусты́ни насадивый.

Радуйся, чудотворения да́ром обогаще́нный.

Радуйся, силою Божественною преиспо́лненный.

Радуйся, преподобне отче Давиде, преславный чудотворче.

 

Кондак 9

Все естество́ Ангельское удиви́ся дивному твоему во пло́ти жительству, богоносне отче Давиде, подвигом бо добрым подвиза́вся, течение твое добре совершил еси; тем и венцем славы венчался еси от Господа и, с ли́ки святых всели́вся, воспеваеши присно ангельскую песнь: Аллилуия.

 

Икос 9

Вити́йство человеческое не может изрещи́ величие чудес твоих, угодниче Божий, и́миже грешныя к покаянию приводил еси, подвиза́ющихся же в добродетели укреплял еси, всем путь спасительный ко Христу указу́я, по нему́же и сам неукло́нно шествовал еси, подвиза́я взывати тебе си́це:

Радуйся, яко подо́бно безплотным пожил еси.

Радуйся, яко Ангельских ликостоя́ний сподобился еси.

Радуйся, полка́ и́ноческаго воеводо иску́сный.

Радуйся, пустынножи́телей руководителю предобрый.

Радуйся, врагов спасения нашего посрамля́яй.                       

Радуйся, вся ко́зни и наве́ты их разруша́яй.

Радуйся, преподобне отче Давиде, преславный чудотворче.

 

Кондак 10

Спасти хотя ду́ши ученик твоих, отечески назида́л еси их, богомудре Давиде, словом и примером жития твоего, и с любовию увещава́л еси их преуспевати во благочестии и чистоте и бо́дрствовати в молитвах, немо́лчно воспевая Богу песнь хвалы и благодарения: Аллилуия.

 

Икос 10

Стена заступления суть молитвы твоя, чудотворче святый, всем с верою к тебе притекающим во всякой скорби: ибо ради доброде́тельнаго жития твоего даде́ся ти от Бога благодать болящих исцеляти, бе́дствующих заступати и в напа́стех помогати, яко славити всем вели́чия Божия, в тебе явле́нная, и звати тебе си́це:

Радуйся, чтущим тя скорый предстателю и заступниче.

Радуйся, страждущим уте́шителю и помощниче.                  

Радуйся, заблу́ждших наставниче.                                           

Радуйся, неду́гующих безме́здный врачу́.                               

Радуйся, унывающим вразумление.                                      

Радуйся, отча́явшихся, ободрение.

Радуйся, преподобне отче Давиде, преславный чудотворче.

 

Кондак 11

Пение немо́лчное даже додне́сь совершается во обители, в нейже подвизался еси, отче преподобне, мнози бо, в ну́ждах сущии, ве́дят тя скораго помощника и молитвенника благоприя́тна; темже вся земля Иверская благодарне вопиет просла́вльшему тя Богу: Аллилуия.

 

Икос 11

Светоза́рное светило явился еси в земли́ Иверстей, богомудре отче Давиде, духовным сиянием подвигов и чудес твоих всех озаря́я. Темже и наша сердца́, омраче́нныя грехми́, просвети, наставниче наш, и к свету покаяния возведи, да зовем:

Радуйся, звездо́, мрак уныния и скорби разгоняющая.

Радуйся, заре́, верных ду́ши и сердца́ просвещающая.

Радуйся, и́ноков обители твоея присное дарование.

Радуйся, земли́ Иверския благодатное сокровище.

Радуйся, во временном житии твоем Господеви достойно послуживый.

Радуйся, от обители земны́я во обитель Небесную водворивыйся.

Радуйся, преподобне отче Давиде, преславный чудотворче.

 

Кондак 12

Благодать Божественную испроси нам, преподобне отче Давиде, почитающим любовию святую память твою и усердно к тебе притека́ющим, исцели наша неду́ги душевныя и телесныя и помози́ нам предста́тельством твоим спасение вечное получити, да вку́пе с тобою воспои́м Богу, дивному во святых Своих: Аллилуия.

 

Икос 12

Поюще твое богоугодное житие, преблаженне отче, величаем безчи́сленная чудеса и исцеления твоя, чтим святую память твою и, на неусы́пныя молитвы твоя уповающе, взываем ти си́це:

Радуйся, Ангелов чу́дный собеседниче.

Радуйся, пророков прозорли́вый равностоя́телю.

Радуйся, апостолов единонра́вный после́дователю.

Радуйся, мучеников добропобе́дных подражателю.

Радуйся, пустынножи́телей славо и похвало́.

Радуйся, Церкви Иверския духовное украшение.

Радуйся, преподобне отче Давиде, преславный чудотворче.

 

Кондак 13

О великий угодниче Божий и чудотворче, преподобне отче Давиде! Приими́ сие от любве́ нашея приносимое тебе хваление, и твоим хода́тайством избави нас от всяких бед и зол, от внезапныя смерти и будущия муки, да сподобимся ку́пно с тобою во веки пети: Аллилуия.


(Этот кондак читается трижды, затем икос 1 и кондак 1)

 

МОЛИТВА

О священная главо, преподобне отче Давиде! Припа́даем к тебе с верою и любовию и просим тя, Небеснаго заступника нашего: яви ве́лие милосердие твое нам, смиренным и грешным, и проле́й те́плыя молитвы твоя о нас ко Господу; исхода́тайствуй нам здравие душевное и телесное, земли́ плодоно́сие, возду́ха благорастворе́ние, мирное и безмяте́жное житие; сохрани от всякаго зла всех моля́щихся тебе, осени́ их Небесным твоим благословением и вся прошения их во благо исполни. Ей, отче, не пре́зри молитв наших, со умилением тебе возноси́мых, но буди о нас теплый предстатель ко Господу, да славословим великия щедроты и милости Отца и Сына и Святаго Духа, в Троице поклоняемаго Бога, и твое отеческое заступление, во веки веков. Аминь.

 

ЖИТИЕ

Преподобный Давид Гареджийский пришел по повелению Божией Матери в Грузию из Сирии в середине VI века вместе с преподобным Иоанном Зедазнийским в числе его 12 учеников.

В первое время святые отцы поселились на горе Зедазени, недалеко от Мцхеты. Через 3 года преподобный Иоанн разослал своих сподвижников в разные концы Грузии. Преподобный Давид со своим учеником Лукианом поселился в окрестностях Тбилиси на горе Мтацминда («Святая гора»).

Каждый четверг преподобный спускался в город и наставлял жителей в основах христианской веры. Многие жители стали возвращаться в лоно христианской Церкви. Жрецам-огнепоклонникам это не нравилось, и они подкупили одну падшую девицу, чтобы она оклеветала преподобного и назвала его виновником ее греха.

Будучи вызван жителями на суд, преподобный подошел к этой девице и, коснувшись посохом ее чрева, спросил: «Я ли твой отец?» Из утробы раздался голос: «Нет», - и был назван истинный виновник ее падения. И после этого на глазах удивленного народа она родила камень.

В память о таком дивном небесном заступничестве преподобный испросил у Господа на той горе целебный источник, к которому до сих пор прибегают грузинки в своих женских немощах.

После этого преподобный Давид вместе с Лукианом покинули окрестности Тбилиси и удалились на юго-восток в пустынную местность Гареджи. Здесь подвижники ископали себе в горе келии и поселились в них. Позже около них стали селиться и другие пустынножители и образовалась знаменитая Давидо-Гареджийская лавра.

Незадолго до своей кончины преподобный Давид отправился для поклонения на Святую Землю. И вот, взойдя на гору, с которой уже открывался вид на Святой Град, преподобный сказал своим спутникам, что он не достоин своими ногами топтать те места, где ступала нога Спасителя.

Он попросил помолиться за него у Гроба Господня, а сам с молитвой взял с земли три камня, положил их в котомку и повернул обратно. В это время иерусалимскому Патриарху явился Ангел, который сказал, что возлюбленный Божий Давид забрал всю благодать Гроба Господня, и велел снарядить скорохода, который забрал бы у преподобного два камня.

Третий же камень преподобный принес в свою лавру, и он сохранился до настоящего времени. Сейчас он хранится в сокровищнице нового Троицкого кафедрального собора в Тбилиси.

Когда старцу был открыт час его кончины, он собрал всех насельников Гареджи и простился с ними. Скончался преподобный Давид, причастившись Святых Даров, 7 мая 604 года, в четверг по Вознесении. Поэтому переходящая память его и совершается в этот день (груз. Мамадавитоба), а 7/20 мая совершается память всех 13-ти отцов-сирийцев. Он был погребен в Преображенской церкви Давидо-Гареджийской лавры. Там же позднее упокоился и преподобный Лукиан.

На протяжении веков их могилы особо почитались и были местом паломничества. В Грузии нет традиции обретения мощей; в 2000 году гробницу преподобного Давида Гареджийского открывали, убедились, что мощи на месте, омыли их, взяли малую часть и оставили всё в неприкосновенности. Преподобный Давид мирно почивает под спудом возле алтаря древнего Преображенского храма своего монастыря.

Преподобному Давиду Гареджийскому часто прибегаот с молитвой при проблемах деторождения и об исцелении женских недугов.

 

По благословению

митрополита Херсонского и Таврического Иоанна

 

Опубликована: 18.10.2024