Православный календарь
Рекомендуем посетить
Музыковский Покровский мужской монастырь Херсонской епархии
УПЦ

НОВАЯ ИНФОРМАЦИЯ

Расписание богослужений в Свято-Духовском кафедральном соборе на ДЕКАБРЬ

 

НОЧНЫЕ ЛИТУРГИИ В ДЕКАБРЕ:

в ночь с 10 на 11 (заупокойная) (с пятницы на субботу)

с 21 на 22 (благодарственная) (с вторника на среду)

с 31 на 1 (новогодняя) (с пятницы на субботу)

НАЧАЛО БОГОСЛУЖЕНИЯ В 23:00

 

 

Акафист страстотерпцу ЭДУАРДУ королю Английскому

 

День памяти:

31 марта (н. ст.)

 

Тропарь, глас 4

Святаго Эдуарда, добродетельми древле просиявшаго и невинно пострадавшаго, благоговейно память совершающе и честным мощем его покланяющеся, в веселии возопиим: воистину дивен еси, Боже, во святых Твоих.

 

Кондак, глас 4

Яко благоверный правитель и светлый мученик просиял еси в земли Английстей, от врагов Церкви и державы претерпев раны, и ныне на Небесех предстоя Спасу нашему, сотворяеши множество чудес и молишися о чтущих тя, во еже спасти души наша.

 

Кондак 1

Избраннаго правителя земли Английския, добродетельми просиявшаго и чудесы многими Богом прославленнаго, боголюбиваго Эдуарда песньми хвалебными воспеваем ныне; ты же, яко имеяй велие дерзновение ко Господу, ходатайствуй о нас, грешных, молящихся тебе и вопиющих: Радуйся, Эдуарде, страстотерпче преславный.

 

Икос 1

Ангельски поживши на земли, венец мученический, еще юн сый, приял еси, страстотерпче, и, царство земное оставив, Царствие Небесное наследовал еси. Сего ради, на Небеси со святыми в славе вечней пребывая, приими от нас похвалы сия:

Радуйся, от корене благочестиваго произрастший.

Радуйся, яко лоза многоплодная но́ваго винограда Христова в стране твоей насажденный.

Радуйся, от младенчества в вере христианстей воспитанный.

Радуйся, от юности семя слова Божия восприявый.

Радуйся, славным сродником своим во благочестии подражавый.

Радуйся, добродетельное житие возлюбивый.

Радуйся, Эдуарде, страстотерпче преславный.

 

Кондак 2

Видя Господь кроткий нрав твой и чистоту души твоея, Эдуарде, промышление Свое о тебе яви, да добродетельми просияеши и людем образ благочестия собою явиши. Ты же, яко добрый и верный раб Христов, от Того данный тебе талант приумножил еси и сего ради в радость Господа твоего вшел еси с пением: Аллилуиа.

 

Икос 2

Разумом богопросвещенным свыше одаренный, на страсти греховныя паче всего ополчался еси, Эдуарде всечестне, и, смиренномудрием, яко бронею, одеявся, честь и славу Христу Богу воздавал еси. Сего ради тако тя ублажаем:

Радуйся, за людей православных дерзновенный ходатаю.

Радуйся, сирых и обездоленных утешителю.

Радуйся, иноческих обителей милостивый покровителю.

Радуйся, благочестия насадителю.

Радуйся, злочестия искоренителю.

Радуйся, сопротив ратей вражиих храбрый воителю.

Радуйся, Эдуарде, страстотерпче преславный.

 

Кондак 3

Силою Вышняго укрепляемый, боголюбиве Эдуарде, во благочестии возрастал еси и краткое течение жития твоего добре совершил еси; ныне же, в Горних обителех пребывая, Царю Небесному предстоиши и с лики праведных поеши: Аллилуиа.

 

Икос 3

Имея страх Божий в сердце твоем, Эдуарде достославне, суд и правду людем твоим творил еси, достойным правителем себе показуя. Людие же, воспевая добродетели твоя, величаху тя тако:

Радуйся, яко путем добродетельным достойно шествовал еси.

Радуйся, яко Христовою любовию украсился еси.

Радуйся, яко на нищия и убогия призираеши.

Радуйся, яко болящия и немощныя посещаеши.

Радуйся, яко скорбящия и недужныя утешаеши.

Радуйся, яко алчущия и жаждущия насыщаеши.

Радуйся, Эдуарде, страстотерпче преславный.

 

Кондак 4

Бурю вражды воздвигоша врази противу тебе, блаженне Эдуарде, ты же, Агнцу, на заклание ведомому, подобяся, не противоборствовал еси злодеям, убивающим тя, но в руце Божии душу твою предал еси, вопия: Аллилуиа.

 

Икос 4

Слышавше вернии людие о неправедном убиении твоем, егоже врази злочестивии на тя умыслиша, печали исполнишася, о безвременней кончине твоей болезнующе. Мы же, почитающе мученическую кончину твою, глаголем сице:

Радуйся, умерщвление неправедное претерпевый.

Радуйся, чашу неупиваему радости от руки Спасовы приявый.

Радуйся, невинно закланному Авелю уподобивыйся.

Радуйся, ныне на Небесех зрением пресветлаго лица Божия наслаждаяйся.

Радуйся, яко мученическим венцем украшен, в Небесном Царствии сияеши.

Радуйся, яко со Ангелы и праведными ликуя, люди твоя от Небес назираеши.

Радуйся, Эдуарде, страстотерпче преславный.

 

Кондак 5

Боготечною звездою явился еси в мире, Эдуарде, истину Православия во стране Английстей утверждая и вся люди во благочестии наставляя; темже призри на нас с высоты Небесныя и помолися за ны ко Господу, поющия Ему: Аллилуиа.

 

Икос 5

Видевше праведное твое житие, Эдуарде, славляху тя людие яко своего милостиваго правителя, образ истиннаго смирения и добронравия им показующаго. Приими же и от нас, верою и любовию тя чтущих, хваления сия:

Радуйся, яко домоправитель верен в стране своей явился еси.

Радуйся, яко грехолюбивый мир оставль безвременне, Небеснаго Отечества достигл еси.

Радуйся, в радость Господа твоего вшедый и к Тому дерзновение стяжавый.

Радуйся, венец нетленный от руки Вседержителевы приявый.

Радуйся, благодати Божия вместилище.

Радуйся, христианских добродетелей многоценное сокровище.

Радуйся, Эдуарде, страстотерпче преславный.

 

Кондак 6

Проповедницы праведности твоея, Эдуарде, суть нищии и убозии, имже ты милостиво благотворил еси, на всякаго человека призирая и никогоже не отревая; темже вси людие земли Английския прославляху о тебе Всещедраго и Всемилостиваго Бога, вопиюще: Аллилуиа.

 

Икос 6

Возсия благонравное житие твое, блаженне Эдуарде, яко светило лучезарное, весь мир христианский лучами чудес твоих просвещающее. Мы же, ведяще, яко ты точиши исцеления и молитвы верных приемлеши, о чтущих память твою усердно моляся, благодарно величаем тя:

Радуйся, кровьми мученическими ризы своя убеливый.

Радуйся, благоугождением Богу наследие в Царствии Его улучивый.

Радуйся, венцем страдальческим рукою Божиею венчанный.

Радуйся, паче багряницы и виссона добродетельми украшенный.

Радуйся, яко о укрепляющем тя Господе вся превозмогл еси.

Радуйся, яко во Царствии Небеснем со избранными веселишися.

Радуйся, Эдуарде, страстотерпче преславный.

 

Кондак 7

Хотя явити новый источник благодати Своея, Всемилостивый Господь дарова нетление и силу цельбоносную мощем твоим, яко да видяще чудеса, от тех бываемая, людие благочестивии Господа восхваляют, поя Ему: Аллилуиа.

 

Икос 7

Новаго избранника Божия видим тя, Эдуарде, токами кровей твоих Церковь Христову орошающаго: ты бо всем в молитвах к тебе притекающим болезни исцеляеши и прошения их во благо исполняеши. Сего ради, радостотворную память твою совершающе, зовем ти:

Радуйся, яко страстей рова погибельнаго избегл еси.

Радуйся, яко образом кротости и незлобия явился еси.

Радуйся, праведниче, от зависти горькия неправедно убиенный.

Радуйся, небожителю, во обителех райских во славе водворенный.

Радуйся, яко мощи своя в залог твоего попечения о любящих тя оставил еси.

Радуйся, яко всем благоговейно к тебе притекающим исцеления и дары духовныя низпосылаеши.

Радуйся, Эдуарде, страстотерпче преславный.

 

Кондак 8

Странное и дивное чудо бе, егда сокровище многоценное, под землею от поругания сокровенное, на конец времен обретается: се бо мощи твоя, страстотерпче Эдуарде, яко источник чудес и исцелений являются всем славящим Бога, дивнаго во святых Своих, и поющим Ему: Аллилуиа.

 

Икос 8

Весь Богу послужил еси, блаженне Эдуарде, и душу твою приуготовал еси к жизни вечней многими трудами и терпением; сего ради прослави тя Милостивый Господь яко угодника Своего. Мы же, кротости и смирению твоему подражая, умиленно поем ти:

Радуйся, яко достойным преемником богоугодных дел отца своего был еси.

Радуйся, яко благочестие в стране Английстей утверждал еси.

Радуйся, праведное житие возлюбивый.

Радуйся, Церковь от ересей и нестроений ограждавый.

Радуйся, иноческия обители от разграбления и поругания защищавый.

Радуйся, в молитвах о благоденствии народа твоего выну пребывавый.

Радуйся, Эдуарде, страстотерпче преславный.

 

Кондак 9

Все естество Ангельское восхождением души твоея в Небесныя обители возрадовашеся; мы же, удивляющеся твоему незлобию и смирению и памятуя о чудесех твоих, действием Святаго Духа являемым, воспеваем Богу: Аллилуиа.

 

Икос 9

Витии многовещаннии не возмогут по достоянию восхвалити честная страдания твоя, яже претерпел еси, страстотерпче святый Эдуарде; мы же, благодарение Христу Богу тепле приносяще, толикаго молитвенника нам даровавшему и милость Свою нам тобою присно являющему, похвалами ублажаем тя сими:

Радуйся, убиение неповинное от злых человек претерпевый.

Радуйся, в воздаяние страданиям твоим жизнь вечную восприявый.

Радуйся, честь достойную от Господа приемый.

Радуйся, дерзновение велие к Нему стяжавый.

Радуйся, очи сердечныя наша отверзаяй.

Радуйся, премудрое о нас смотрение Божие узрети нам помогаяй.

Радуйся, Эдуарде, страстотерпче преславный.

 

Кондак 10

Спасение вечное унаследовавши, богоблаженне Эдуарде, Божию Престолу выну предстоиши, идеже об отечествии земнем непрестанно молишися Богу и вопиеши Ему: Аллилуиа.

 

Икос 10

Стена необоримая и заступление Божественное от всех скорбей и напастей тобою нам дадеся, страстотерпче; сего ради укрепи нас молитвами твоими во благоугождении Господеви выну пребывати, вопиющих тебе таковая:

Радуйся, теплый наш молитвенниче.

Радуйся, скорый наш заступниче.

Радуйся, скорбящих отрадо и утешение.

Радуйся, колеблющихся в вере твердое ограждение.

Радуйся, яко с мученики во Царствии Небеснем водворяешися.

Радуйся, яко со всеми праведными тамо прославляешися.

Радуйся, Эдуарде, страстотерпче преславный.

 

Кондак 11

Пение благодарственное приносим Царю царствующих и Господу господствующих Христу Богу нашему, прославившему в Церкви Своей благовернаго страстотерпца Эдуарда, иже непрестанно молится за ны, научая пети всех: Аллилуиа.

 

Икос 11

Света невечерняго наслаждаяйся, страстотерпче святый, первое чудо светом показал еси: се бо храмину, идеже злочестивии многострадальное тело твое сокрыша, свет Небесный осия, и очи жены слепорожденныя абие отверзошася, такожде и близ места погребения твого изволением Божиим источник воды цельбоносныя открыся. Сего ради ублажаем тя, поюще:

Радуйся, вся козни адовы победивый.

Радуйся, злоумышления злочестивых посрамивый.

Радуйся, яко воинствовав на враги, на страсти же паче воюя, победитель во обою явился еси.

Радуйся, яко, смирением побуждаем, славу Богови воздавал еси.

Радуйся, в Небесное Царствие воззванный.

Радуйся, в вечней славе со святыми пребываяй.

Радуйся, Эдуарде, страстотерпче преславный.

 

Кондак 12

Благодать любви и сострадания испроси нам у Всещедраго Бога, блаженне Эдуарде, да возлюбим друг друга и в единомыслии веру православную исповедуем, воспевая Владыце Христу: Аллилуиа.

 

Икос 12

Поюще добродетели твоя, угодниче Божий, память твою святую совершаем, и чудеса, от честных мощей твоих бываемая, воспоминающе, заступления и помощи у тебе просим, зовуще:

Радуйся, веры православныя лампадо неугасимая.

Радуйся, безсмертия заре присносияющая.

Радуйся, благочестивых великая славо.

Радуйся, скорбных сердец утешение.

Радуйся, Господеви благоугождати нас научаяй.

Радуйся, заступлением твоим нас не оставляяй.

Радуйся, Эдуарде, страстотерпче преславный.

 

Кондак 13

О преславный угодниче Христов, страстотерпче Эдуарде! Приими милостивно от нас благодарение сие о всех, яже Господь воздаде нам тобою, и моли Христа Бога простити нам вся согрешения наша и наследники жизни вечныя соделати, да во Царствии Его вовеки поем: Аллилуиа.

(Этот кондак читается трижды, затем икос 1 и кондак 1)

 

Молитва

О святый угодниче Божий, страстотерпче Эдуарде! Подвигом добрым подвизався на земли, восприял еси на Небесех венец правды, егоже уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтим святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.

 

ЖИТИЕ

Святой Эдуард был старшим сыном английского короля Эдгара, правившего с 957 года. Эдгар, подобно своему знаменитому прадеду – королю Альфреду Великому – оставил по себе память как о монархе, верой и правдой служившем Богу и своему народу. При нём Англия достигла не только прочного положения среди других европейских держав, но узнала дни настоящего благоденствия. Англию того периода европейские хронисты единодушно признают страной, где в настоящем расцвете пребывала культура, питавшаяся христианством.

Мать Эдуарда умерла рано, и король-отец женился на Эльфреде, знатной вдове, которая родила Эдгару ещё одного сына – Этельреда. Сводный брат Эдуарда был моложе него на пять лет. По законам страны полноправным наследником престола являлся старший сын короля, каковым был Эдуард. Однако у его мачехи созрел поистине дьявольский план, согласно которому королём Англии в будущем любой ценой должен был стать её родной сын Этельред.

Важно сказать, что при короле Эдгаре началась церковная реформа, направленная на укрепление монашества. Реформа эта предполагала внедрение в английских монастырях устава преподобного Венедикта Нурсийского – известного православного устроителя монашеской общинной жизни, принесшего на Запад традиции восточного православного монашества, с которыми он сам был хорошо знаком. Именно его имя дало впоследствии название одному из крупнейших монашеских орденов на Западе – бенедиктинцам. Духовным вождём этих реформ в Англии и их главным проводником в жизнь был святой Дунстан, архиепископ Кентерберийский, бывший прежде настоятелем знаменитого далеко за пределами средневековой Британии монастыря Гластонберри. Авторитет святого Дунстана был чрезвычайно высок в народе. Именно им была составлена и совершена церемония коронации Эдгара, который назначил святителя Дунстана своим ближайшим советником.

Король Эдгар, прозванный Миролюбивым, счастливо правил Англией восемнадцать лет и отошёл ко Господу в 975 году. После его кончины на английский трон взошёл его старший сын Эдуард, которому было тогда не более 12-ти лет, однако этот король-мальчик сразу же показал себя достойным продолжателем дела своего отца. Благотворная церковная реформа, во главе которой по-прежнему был святой Дунстан, продолжилась в полной мере и при новом короле.

Однако не все в Англии взирали на церковные перемены, и в особенности на их поддержку юным королём Эдуардом, с чистым сердцем и без тёмных мыслей. Многие из числа знатных и богатых вельмож относились к Церкви как к источнику нечестного обогащения и разного рода политических возможностей. Они составили своеобразную партию противников реформ, каковую формально возглавлял Элвер, граф Мерсийский, но душой которой была мачеха Эдуарда, вдовствующая королева Эльфреда. На стороне короля Эдуарда и святителя Дунстана были архиепископ Йоркский Освальд, а также влиятельный в королевстве лорд Брихтнот.

Ненависть к Эдуарду была, вероятно, столь велика у его противников, что они решили поторопить свой чаемый успех. Люди эти старались действовать более во тьме, нежели при свете, и этим можно объяснить доверчивость короля-отрока, который с лёгким сердцем принял приглашение своей мачехи навестить её в замке Корф, что в Дорсетшире, где Эльфреда проживала вместе со своим сыном Этельредом. 18 марта 979 года Эдуард прибыл к месту своей гибели.

Он въехал во двор замка верхом на коне, и ему навстречу с жестами приветствия двинулись люди Эльфреды. Внезапно они схватили своего короля за руки, и один из слуг ударил Эдуарда кинжалом в грудь. Удар, по-видимому, был так силён, что юный король упал из седла наземь. Одна нога его запуталась в стремени, и перепуганная лошадь бросилась из ворот замка в сторону леса, волоча по земле тело смертельно раненного Эдуарда. Когда приближённые короля остановили, наконец, лошадь, они увидели, что юный король Эдуард был мёртв.

Распоряжением Эльфреды тело его спешно и без должных почестей было погребено при малой церкви Уорхема, в нескольких милях от замка Корф. Новым королём Англии в кратчайшие сроки был провозглашен 11-летний Этельред.

Никто в Англии не сомневался в том, что король Эдуард был убит по приказу всем известных людей. Но голос верного друга убитого короля – святого Дунстана был заглушён, а вся Англия, увы, промолчала. Никто не был привлечён к суду за содеянное предательское убийство. Единственное, что мог сделать святой Дунстан для своего погибшего короля, он исполнил уже в 981 году, добившись перенесения честных его останков в монастырь Шрусбери, основанный некогда прапрадедом Эдуарда королём Англии Альфредом Великим. Минуло два года со дня убийства, но такой огромной процессии, которая сопровождала новое погребение Эдуарда, Англия ещё не видела.

Однако Суд Господень не таков, как суды человеческие. Преданный своими слугами на земле, король-отрок Эдуард приобрёл своей любовью к Церкви Божией и собственной кровью благоволение в очах Господних. Чудеса на его могиле, как повествуют предания, начались в первую же ночь после его злодейского убийства. Старая слепая женщина, в чьей убогой лачуге ожидало погребения тело Эдуарда, внезапно обрела зрение. Вскоре неподалёку от первой могилы короля-мученика забил из-под земли цельбоносный источник, к которому начались первые паломничества.

Когда тело Эдуарда перенесено было в Шрусбери, началось его всенародное почитание – столь обширное, что двадцать лет спустя, в 1001 году, король Этельред приказал изготовить для честных мощей своего сводного брата новую драгоценную раку. Паломники прибывали для поклонения страстотерпцу даже с континента. А ещё через семь лет Альфегий, новый Кентерберийский архиепископ и будущий священномученик, в 1008 году официально причислил Эдуарда к лику святых. Монастырь, где упокоились его святые мощи, стал со временем известен как аббатство святого Эдуарда, и просуществовал вплоть до начала Реформации в Англии (XVI век). Среди многих христианских народов святой почитался в течение нескольких столетий.

Во время реформации аббатство святого Эдуарда было разрушено. Мощи короля Эдуарда были сокрыты и долгое время считались утерянными. Но в 1931 году их обнаружил археолог-любитель Уилсон Клэридж. Тщательная экспертиза подтвердила, что это в самом деле святые останки короля-мученика. Убедившись в том, что в римо-католической и англиканской церквях древнее христианское учение и практика почитания святых в значительной мере утрачены, Уилсон-Клэридж решил передать свою драгоценную находку Православной Церкви. Из-за разногласий с братом, желавшим передать останки святого Англиканской церкви, это намерение осуществилось только в 1984 году, когда мощи были переданы РПЦЗ, которая поместила их в храме святого мученика Эдуарда при кладбище Бруквуд близ Гилдфорда, графство Суррей.

 

По благословению

митрополита Херсонского и Таврического Иоанна

 

 

Опубликована: 08.10.2019