Акафист святому ОЛАФУ НОРВЕЖСКОМУ
День памяти:
29 июля / 11 августа
Тропарь, глас 4
Божественною благодатию просветився, княже Олафе, веру христианскую в земли́ Норвежстей утвердил еси и племена ея рукою державною воедино собрал еси, за Христа и народ свой пострадал еси даже до смерти. Сего ради Бог тя, святый Олафе, многими чудесы прослави, Егоже моли державе твоей в вере истинней сохранитися и сыново́м твоим в благочестии во веки пребыти.
Кондак, глас 3
Страна Норвегия хвалится обагрением крови твоея честны́я, Церковь Христова торжествует, приемше нетленныя мощи твоя, людие же норвежстии, яже ты ко Христу привел еси, тебе благодарно вопиют: Радуйся, венцено́сный Олафе, Норвегии вечный покровителю, надеждо и похвало.
Кондак 1
Возбранный чудотворче и изрядный угодниче Христов, многоцелебных чудес источниче, неисчерпаемыя благодати хода́таю, теплый молитвенниче о земли Норвежстей, святый Олафе, яко имеяй дерзновение ко Христу Богу нашему, от всяких нас бед свободи зовущих: Радуйся, Олафе, вечный королю Норвегии и великий чудотворче.
Икос 1
Со Ангелы и всеми святыми предстоиши ныне Христу, святе Олафе, моляся с любовию о чтущих память твою; темже, поминающе, яко от юности Христа возлюбив, к Небесному Царствию прилепился еси, безплотных воинств подражав житию, ублажаем тя, вопиюще:
Радуйся, благочестиваго жития поборниче.
Радуйся, Христовых заповедей наследниче.
Радуйся, добродетелей Олафа Трю́ггвасона подражателю.
Радуйся, смелости и благочестия его преемниче.
Радуйся, к Небесем дружины своея христолюбивый вождю́.
Радуйся, в житии всех норвегов друже и ревнителей благочестия собеседниче.
Радуйся, апостолов лика богосветлаго сопричастниче.
Радуйся, веры Христовы непобедимый исповедниче.
Радуйся, мучениче, сликовству́яй ныне сонму мучеников добропобедному.
Радуйся, христианскаго упования и любве дивный проповедниче.
Радуйся, церковнаго устроения ревнителю.
Радуйся, верных чад Церкве и угодников Божиих сонаследниче.
Радуйся, Олафе, вечный королю Норвегии и великий чудотворче.
Кондак 2
Видевше телесную силу и ле́поту лица твоего, норвежстии людие радовахуся и славиша Бога, взирающе на тя; мы же, поминающе светлейшия паче солнца добродетели твоя, блаженне Олафе, просла́вльшему тя Господу поим: Аллилуия.
Икос 2
Разумел еси, богомудре Олафе, яко преходит образ мира сего, едино же есть на потребу человеком, еже благоугодити Господеви; сего ради норвегов привлекая к спасительному единомыслию, в языческих заблуждениях их обличал еси. За таковое твое о душа́х их попечение взываем тебе си́це:
Радуйся, таи́нниче Пресвятыя Троицы.
Радуйся, проповедниче неисче́тных чудес Божиих.
Радуйся, апостольских преданий блюстителю.
Радуйся, идолопоклонников победителю.
Радуйся, пламеню идолы предававый.
Радуйся, воине, Христовы враги устрашавый.
Радуйся, свеще́ богопознания, в Норвегии Богом возжженная.
Радуйся, звездо, путь ко спасению тамо показу́ющая.
Радуйся, мечу́ остре́йший, посека́яй злочестие.
Радуйся непотопляемый кораблю Православия.
Радуйся, единения отечества ревнителю.
Радуйся, душепагубных раздоров искоренителю.
Радуйся, Олафе, вечный королю Норвегии и великий чудотворче.
Кондак 3
Силою благодати Божия еще во временней жизни приял еси власть, святе Олафе, недуги исцеляти и бесы изгоняти; по смерти же твоей наипаче прослави тя Всемогущий Бог многими чудотворениями, да вси, взирая на сие, усердно притекают ко исцелению тобою от недугов телесных, а паче душевных, Богу же вопиют: Аллилуия.
Икос 3
Имея ум и сердце, Духом Святым озаренныя, ты по внушению Его поревновал еси подвизатися в Норвегии за имя Христово, даже до крове. В видении чудном Олафа Трю́ггвасона зре́ти сподобился еси и, извещением от Бога просвещаем, отчизне своей добре послужил еси. Сего ради хвалим тя, богомудре Олафе, си́це:
Радуйся, щите, воздвигнутый в Норвежстей земли́ на охранение благочестия.
Радуйся, копие́, подъятое на прободение нечестия.
Радуйся, столпе веры православныя.
Радуйся, стено и утверждение Христовы Церкви.
Радуйся, верных людей удобрение.
Радуйся, неверных князей страх и посрамление.
Радуйся, равноапостоле, ко просвещению народа норвежскаго Премудрым Промыслом предъизбра́нный.
Радуйся яко тобою имя Господне во всех пределах страны твоея прославляется.
Радуйся премудрый просветителю народа норвежскаго.
Радуйся преславный сосуде Божественныя благодати, державе твоей дарова́нный.
Радуйся, яко дружину свою во Христе умудрил еси.
Радуйся, яко вся норвежския люди твоими словесы́ ко истинней вере привел еси.
Радуйся, Олафе, вечный королю Норвегии и великий чудотворче.
Кондак 4
Бури искушений воздвигоша на тя врази твои, блаженне Олафе, сего ради горечь изгнания познал еси; Великому же князю Ярославу Мудрому в Новгороде добре послужив, препобедил еси вся сомнения своя, силою благодати Христовы, и ныне, к тихому пристанищу притек, с лики Ангелов и Архангелов Богу поеши: Аллилуия.
Икос 4
Слышаша норвежстии князи о твоем возвращении, вознегодова́ша зело́, и множество от них собраша грозныя полки́. Ты же, яко твердый адамант Христовой веры, не изменил еси любви своей к Норвегии. Сего ради норвежстии людие и Святая Церковь блажат тя приветствиями си́ми:
Радуйся, образ отверже́ния себе нам показавый.
Радуйся, ношению креста в последовании Христу нас научивый.
Радуйся, плоть со страстъми́ и похотьми́ ея поправый.
Радуйся, житием твоим суету́ мира обличивый.
Радуйся, всякое пристрастие земное от себе отгнавый.
Радуйся, разум свой в послушание веры пленивый.
Радуйся, волею своею благо́е и́го заповедей Христовых подъявый.
Радуйся, сердце свое от всякия страсти душевредныя чисто сохранивый.
Радуйся, воли Божией всесовершенне себе предавый.
Радуйся, Норвегии чрез все житие свое послуживый.
Радуйся, совершением заповедей любовь Божию стяжавый.
Радуйся, любовь людей своих благоугождением Богу улучи́вый.
Радуйся, Олафе, вечный королю Норвегии и великий чудотворче.
Кондак 5
Боготечною звездою прешел еси в мире, блаженне Олафе, блиста́ющ славою и добродетелию; темже ныне сияеши на Небесех славою вечною с лики праведник, с нимиже вы́ну воспеваеши Христу: Аллилуия.
Икос 5
Видевше тя, блаженне Олафе, николи́же во бранех побеждаема, всегда же побеждающа, невернии князи единаго имене твоего устрашахуся. Мы же, поминающе исполненное веры мужество твое, ублажаем тя, глаголюще:
Радуйся, доблестный в защиту веры и Церкве вои́телю.
Радуйся, земли́ своея мужественный покровителю.
Радуйся, наветов вражиих мудрый разорителю.
Радуйся, домов христиан сильный оградителю.
Радуйся, воинств идолопоклонников славный победителю.
Радуйся, всея земли́ Норвежския православный охранителю.
Радуйся, злых корней язычества разрушителю.
Радуйся, законов правды богоукрепляемый утвердителю.
Радуйся, отечества твоего от раздоров свободителю.
Радуйся, ненавидевших мира слуг умирителю.
Радуйся, буйства князей укротителю.
Радуйся, во всех сих бранех христолюбиваго воинства своего мудрый предводителю.
Радуйся, Олафе, вечный королю Норвегии и великий чудотворче.
Кондак 6
Проповедника Христовой веры и силы ея явил еси себе, блаженне Олафе, последи́ преславных побед твоих; темже и стяжал еси сугубый венец равноапостольнаго короля Норвегии от Царя Христа, Емуже предстоиши ныне, вопия: Аллилуия.
Икос 6
Провозсиял еси, блаженне Олафе, паче воинскаго мужества чудесы твоими, ихже стяжал еси, взирая на Начальника веры и Совершителя Иисуса, и крест просвещения народа норвежскаго на ра́мо свое приял еси; темже, восхваляюще тя, усердно вопием:
Радуйся, в подвизех служения Богу до конца претерпевый.
Радуйся, терпению Христову верно подражавый.
Радуйся, силу заповеди Христовы яже о любви ко врагом премудре уразумевый.
Радуйся, предавшим тя людем любовь истинную показавый.
Радуйся, во искушении от народа своего хитрость лукаваго прозревый.
Радуйся, мирным отбытием своим из земли́ своея злобу врага поправый.
Радуйся, во всем житии своем ухищрения сатаны проразумевый.
Радуйся, злое благим, по апостолу, вы́ну препобеждавый.
Радуйся, в годину скорби в Новгороде благочестиво пожи́вый.
Радуйся, сего ради любовь народа страны тоя́ себе снискавый.
Радуйся, Божия посещения, болезни и лишения со упованием терпевый.
Радуйся, сего ради в видении светлый венец служения Норвегии от Господа стяжавый.
Радуйся, Олафе, вечный королю Норвегии и великий чудотворче.
Кондак 7
Хотящу от мира сего преселитися, возвратился еси в отчизну свою, святе Олафе, и тамо последнюю битву за имя Христово совершил еси, и в ней живот свой за Норвегию положил еси. Господь же, верныя своя вознося́й, благоволи́ сохранити тело твое нетленно и чудотворения источающее всем с верою к тебе притекающим, Богу же поющим: Аллилуия.
Икос 7
Новаго заступника и дивнаго чудотворца ве́дуще, людие града Константинополя и иных стран в память твою создаша святыя храмы, да вси страждущии помощь в них улуча́ют. Мы же та́кожде надежду на тя иму́ще, взываем тебе си́це:
Радуйся, всем скорбящим приятное попечение.
Радуйся, скорый от всякия болезни врачу.
Радуйся, злых помыслов прогонителю.
Радуйся, яко тобою от многих бе́сове отгнашася.
Радуйся, яко твоими молитвами слепыя прозреша.
Радуйся, яко твоим ходатайством болящии исцелева́ют.
Радуйся, быстрое нищих услышание.
Радуйся, воздви́жение скорое скорбных.
Радуйся, плавающих посреде пучин добрый кормчий.
Радуйся треволнения морская уставляющий.
Радуйся превождение сущих в ви́хрех.
Радуйся, согре́яние сущих во мра́зех.
Радуйся, Олафе, вечный королю Норвегии и великий чудотворче.
Кондак 8
Странно и страшно неверным князем было слышати, каковы́ дивныя дела от святых мощей твоих совершаются, недуги врачуются, страсти исцеляются. Мы же, тверду надежду на тя иму́ще, Богу, о тебе та́ко благодеющему, с верою взываем: Аллилуия.
Икос 8
Всеми добродетельми исполненный, за нихже и славою Божиею почтенный, внимай, святый мучениче, молитвам верных, чтущих святую память твою, от нихже слышиши сицева́я:
Радуйся, от лести властителя премудре уклонивыйся.
Радуйся, лукавство его я́ве обличивый.
Радуйся, злобы неверных князей не устрашивыйся.
Радуйся, велениям их богохульным не покоривыйся.
Радуйся, твари паче Создавшаго не послуживый.
Радуйся, твердым проповедником веры Христовы пред людьми себе явивый.
Радуйся, от язычества новый защитник Норвегии явле́нный.
Радуйся, лжеслове́сие врагов Православия словом здравым препобедивый.
Радуйся, языческим богам не поклонивыйся.
Радуйся, веру во Христа во искушениях явивый.
Радуйся, с сугубою славою, по изгнании своем, в землю свою возвративыйся.
Радуйся, та́мо мученическую кончину приявый.
Радуйся, Олафе, вечный королю Норвегии и великий чудотворче.
Кондак 9
Всего себе повину́в Богови, яко раб благи́й и верный послужил еси Ему, блаженне Олафе, паче друго́в твоих для земли́ твоея потрудився; темже и внити сподобился еси в радость Господа своего, Емуже предстоиши ныне со Ангелы, поя: Аллилуия.
Икос 9
Вити́йствующий язык не возмогл бы восхвалити дела твоя, преславне Олафе, яже совершил еси, полагая за Норвегию душу свою; смиренно убо поминающе сицева́я подвиги твоя, умиленную песнь приносим ти, глаголюще:
Радуйся, человеколюбия христианскаго прии́скренний ревнителю.
Радуйся, Моисеевы и Павловы любве к людем подражателю.
Радуйся, заповедей Христовых яже о любви верный исполнителю.
Радуйся, и всех нас в любви ко врагом дивный наставниче.
Радуйся, примером своим паче слова примиритель людей явивыйся.
Радуйся, о благе народа норвежскаго усердно в житии своем пеки́йся.
Радуйся, общаго мира во днех своих устроителю.
Радуйся, народа своего в Православие собирателю.
Радуйся, безпомощных присный защитителю.
Радуйся, нищих и алчущих питателю.
Радуйся, заповедь Христову яже о любви ко врагом исполнивый.
Радуйся, и согрешившим проти́ву тебе людем любовь истинную показавый.
Радуйся, Олафе, вечный королю Норвегии и великий чудотворче.
Кондак 10
Спасти хотя душу свою, ве́дый же, яко не имущему любве к Богу ники́ими же подвигами и доброде́тельми улучи́ти спасение возможно есть, стяжал еси венец добродетелей, яже есть любовь к Богу и ближним своим, Емуже предстоя ныне, радостно вопиеши: Аллилуия.
Икос 10
Царя Небеснаго возлюбив от всего сердца твоего, и от всея души́ твоея, и всею мыслию твоею, богомудре Олафе, последи́ многоразличных искушений и усердия твоего в служении Норвегии, принесл еси себе самаго в жертву, благоугодну Господеви; темже, ублажающе тя, вопием ти:
Радуйся, в житии своем всеми богоугодными де́лы Господеви послуживый.
Радуйся, обетами вечнаго служения народу святое житие свое увенчавый.
Радуйся, многия храмы Божия устроивый.
Радуйся, обители святыя созидавый.
Радуйся, подвиги от юности своея ради Бога возлюбивый.
Радуйся, ангельский образ прияти желавый.
Радуйся, в житии своем всего себе Норвегии посвятивый.
Радуйся, всесовершенне себе Богу предавый.
Радуйся, чистоту сердца своего сохранивый.
Радуйся, нестяжания высоту показавый.
Радуйся, послушанием служение свое Единому Богу утвердивый.
Радуйся, мудраго и благаго короля славу снискавый.
Радуйся, Олафе, вечный королю Норвегии и великий чудотворче.
Кондак 11
Пение погребальное слезами растворяшеся у гроба твоего, блаженне Олафе: людие твои плакахуся о тебе, солнце земли́ Норвежския, в полуденной битве при Стикластадире зашедшему, и рыдания своя прерываху умиленною песнию: Аллилуия.
Икос 11
Свет славы Небесныя осия́ тя вскоре, святый Олафе, утешая плачущия люди твоя; темже видяще при гробе твоем зна́мения и чудеса, сы́нове норвежстии достойне призываху тя, яко в молитвах предстателя. Мы же, поминающе скорое заступление твое, вопием ти:
Радуйся, угодниче Божий, по погребении твоем прославление от Бога получивый.
Радуйся, нетление тела своего явивый.
Радуйся, от гроба твоего многообразныя чудотворения являяй.
Радуйся, трижды из земли́ молитвою твоею его изводя́й.
Радуйся исцеления многоразличныя всем подаваяй.
Радуйся, слепым зрение молитвою твоею возвращаяй.
Радуйся, хромым, припа́дающим ко гробу твоему, хождение да́руяй.
Радуйся, разслабленных неможение врачуяй.
Радуйся, одержимым от бесов свобождение подаваяй.
Радуйся, в погу́бльших разум разумение возставляяй.
Радуйся, Олафе, вечный королю Норвегии и великий чудотворче.
Кондак 12
Благодать познавше, живущую в нетленных мощех твоих, людие норвежстии с любовию прихождаху к ним и, радостно их лобызающе, славляху о тебе Бога, прославляющаго святыя Своя, со умилением вопиюще Ему: Аллилуия.
Икос 12
Поюще добродетели и чудеса твоя, радостию провождаху людие норвежстии святое тело твое, егда по желанию се́рдца епископа Гримкеля святыя мощи твоя обретошася и на новое место поко́ища в славном храме святаго Климента полагахуся. И мы ныне, радующеся о Небесней славе твоей, вопием ти:
Радуйся, норвежский Иосифе, на новое место упокоения преселивыйся.
Радуйся, всех концев земли́ Норвежския покровителю.
Радуйся, отчизны своея благонадежное утверждение.
Радуйся, во бранех Небесный ея защитителю.
Радуйся, севернаго края неоцененное украшение.
Радуйся, тезоименитым тебе храмам славо и утверждение.
Радуйся, народу норвежскому здравие и спасение молитвами твоими подаваяй.
Радуйся, всех упование на тя возложивших богомудрый учителю.
Радуйся, ви́кингам, яко ви́кинг, примером жизни своея полезное наставление преподаваяй.
Радуйся, простым людем, яко в мире потрудивыйся, к добродетелем руководителю.
Радуйся, нетлением своим надежду воскресения подаваяй.
Радуйся, всем нам в напастех и скорбех поборниче, хранителю и свободителю.
Радуйся, Олафе, вечный королю Норвегии и великий чудотворче.
Кондак 13
О святый, великий королю Олафе! От благоговейных сердец приносимую ти, аще и недостойную, хвалебную песнь сию приими , яко усердную жертву сердец наших, любящих тя и ублажающих святую память твою. Охраняй всех нас молитвами твоими, огради ходатайством твоим страну твою Норвегию и вся страны́ христианския, да тихое и безмолвное житие поживше в нынешнем ве́це, блаженство вечное насле́дим и купно с тобою и всеми святыми вы́ну сподобимся воспевати Богу: Аллилуия.
(Этот кондак читается трижды, затем икос 1 и кондак 1)
Молитва
О преславный чудотворче, святый королю и мучениче Олафе, Норвежския земли́ просветителю, заступниче и хранителю, всех же христиан благонадежный пред Господем предстателю и молитвенниче. Тебе припадаем и молимся: даждь нам быти причастниками любве твоея к Богу и отчизне своей, еюже при жизни святая душа твоя преисполнена бысть. Озари нас истиною, просвети ум и сердце наше светом Божественнаго учения, научи нас тебе подражати верно. Бога и ближняго нашего любити и заповеди Господни совершати непогрешительно, да будем и мы чада твоя не по имени то́кмо, но всем житием нашим. Молися, святый Норвежский королю, о Святей Православней Церкви и отечестве твоем земном, присно тя любовию чтущем. При́зри благоутробно на землю Норвежскую и людей ея, милости и помощи твоея ищущих. Буди всем нам в болезнех целитель, в скорбех утешитель, в печалех посетитель, в бедах и нуждах помощник, в час же смертный милостивый покровитель и защититель, да молитвами твоими сподобимся и мы, грешнии, спасение вечное получити, Царствие Небесное унаследовати, со Ангелы и Архангелы и всеми святыми одесную Правосуднаго Судии стати и Святую Троицу вы́ну с тобою славити, воспевая: благословенно Царство Отца и Сына и Святаго Духа, ныне и присно и во веки веков. Аминь.
ЖИТИЕ
Святой Олаф родился в 995 году. Во время одного из морских походов юный Олаф остановился на зимовку в Нормандии у своего друга короля Ричарда Доброго, где имел возможность поближе познакомиться с христианской верой. Там, в городе Руане 18-летний Олаф сознательно принял Крещение и, вернувшись на родину стал усердно распространять христианство. Он приглашал для проповеди миссионеров из Нормандии и Англии и сам проповедовал Христа. При нем в объединенном королевстве Норвегии было введено христианское законодательство.
За несколько лет Олафу удалось объединить большую часть Норвегии, прекратить беспорядки и разбои, повсеместно насадить христианскую веру.
С проповедью Христа он объехал почти всю Норвегию, устраивая в селениях народные сходы – тинги – на которых призывал людей принять христианство. Заботясь о том, чтобы семена веры не только сеялись, но и давали рост, Олаф направлял в объезженные им области священников и строил храмы.
Олаф был очень благочестивым человеком, и это проявлялось в повседневной жизни. Так, сохранились трогательные свидетельства о том, как святой Олаф пел псалмы, едучи на коне, вставал рано утром и первым делом шел на церковную службу.
Своих людей Олаф тоже ценил, и перед битвой выстаивал многие часы, молясь за себя и воинов. А в бой его дружина шла с кличем: «Вперед, вперед, люди Христа, люди Креста, люди конунга!»
Однажды к святой княгине Ирине, жене Ярослава Мудрого, пришла одна знатная вдова с просьбой помочь в лечении сына. Ирина посоветовала обратиться к норвежскому конунгу, который тогда гостил на Руси: «Он здесь лучший лекарь — и попроси его коснуться рукой того, что болит у твоего сына, а если он откажется, то скажи, что я его об этом прошу». Когда вдова пришла к норвежцу, он, обладая очень смиренным нравом, поначалу не согласился ей помочь, говоря: «Я не лекарь, а тебе надо обратиться именно к лекарю». Но потом конунг уступил, подошел к больному мальчику, осмотрел его и дал кусочек размоченного хлеба, разложенного крестообразно на ладони. Мальчик проглотил хлеб и тут же стал чувствовать себя лучше, а потом совсем выздоровел. А тот, кто его исцелил, навсегда остался в памяти народа как Олаф Святой, которого еще издревле называют «вечным королем Норвегии».
Олаф строго запретил старые языческие обычаи в Норвегии, включая кровную месть и разбои. При этом конунг стремился действовать мирно, уговорами, и только по исчерпании этих средств применял военную силу.
Даже когда святому Олафу и приходилось решать дело силой, он не только не испытывал ненависти к врагам, но даже заботился об их спасении. Накануне своей последней битвы, в которой Олаф погиб, он отдал много серебра одному из подчиненных и сказал: «Эти деньги ты должен сохранить и потом разделить. Часть из них пусть пойдет церквям, часть — священникам, часть — беднякам, а часть на молитвы за души тех, кто погибнет, сражаясь против нас».
Поражение и гибель святого Олафа в его последней битве чудесным образом стали его великой победой. Ведь так часто и бывает у христиан: проигрывая по мирским меркам, они оказываются победителями в Господе.
Святость Олафа проявилась сразу после его смерти (29 июля 1030 года): убивший Олафа воин по имени Торир быстро исцелился от боевой раны, как только прикоснулся к окровавленному телу конунга. Как говорит историк, «Торир был первым из знатных людей в войске врагов конунга, кто признал святость конунга».
Прославление же Олафа в лике святых состоялось уже через год после его смерти. В Скандинавии, Прибалтике, в Константинополе появились храмы во имя святого Олафа, а сам святой король Норвегии прославился многими исцелениями и чудесами.
Мощи святого Олафа покоятся в Нидаросском соборе в Тронхейме.
На иконах святой Олаф нередко изображается с топором, которым, по преданию, он сокрушал деревянных языческих идолов.
По благословению
митрополита Херсонского и Таврического Иоанна