Православный календарь
Рекомендуем посетить
Музыковский Покровский мужской монастырь Херсонской епархии
УПЦ

НОВАЯ ИНФОРМАЦИЯ

Расписание богослужений в Свято-Духовском кафедральном соборе на сентябрь

Ночные литургии в Свято-Духовском кафедральном соборе в октябре -  с 4 на 5 (со среды на четверг) и с 18 на 19 (со среды на четверг)

Молитва о мире в Украине

Томос о даровании Украинской Православной Церкви самостоятельности в управлении

Обращение Патриарха к министру юстиции по вопросу независимости УПЦ

Официальные документы Украинской Православной Церкви относительно ситуации в нашей стране

С 8 по 16 октября в Свято-Духовском кафедральном соборе Херсона будет находиться ковчег с мощами святого Иоанна Крестителя. Встреча мощей 8 октября в 9.00. Молебен - ежедневно в 9.30. Акафист - ежедневно в 17.30

Божественные Литургии в тюремных храмах г. Херсона

Акафист священномученику КЛИМЕНТУ РИМСКОМУ

 

Дни памяти:

 

8 декабря (н.ст.) – мученическая кончина

12 февраля (н.ст.) – обретение мощей

 

 

Тропарь, глас 4

Иже от Бога чудодействы преславно удивляя вселенныя концы мира, священный страдальче, паче естества морю составы водам содеваеши разделение в честней памяти твоей всегда притекающим усердно в Богозданную ти церковь чудесным твоим мощем, и по всенародном хождении море во едино течение чудодетельне твориши, Клименте предивный, моли Христа Бога спастися душам нашим.

 

Кондак, глас 2

Божественнаго винограда священноодеянна всем лоза явися, каплющи сладость премудрости, молитвами твоими, всечестне, да тебе исткану, яко багряницу, песнь мысленную принесем, Клименте святе, спаси рабы твоя.

 

Кондак 1

Избраннаго от иерархов западныя страны христианския, достославнаго священномученика Климента приидите, вернии, песньми восхвалим, прославляя предивную его веру и любовь ко Христу. Потщимся подражати угоднику Божию и нелицемерно воззовем ему: Радуйся, всеблаженне Клименте, священномучениче богоносне.

 

Икос 1

Уготовляя тя, яко сосуд избранный, Всевышний Господь положи, священномучениче Клименте, многи скорби от младых дний: честная матерь твоя Матфидия, сохраняя святость супружества и бегая нечистоты злаго человека, отыде в Греческую страну со двема чады, оставльши тя, юнейшаго, на попечение отца твоего Фавста. Ублажая твоих родителей и воспоминая безматернее житие, глаголем ти:

Радуйся, лозо божественнаго винограда.

Радуйся, яко финикс процвел еси благоплодный.

Радуйся, маслино плодородная.

Радуйся, храме Божественнаго Духа.

Радуйся, на гору божественных добродетелей возшедый.

Радуйся, чаше мудрости, источающая душам нашим спасение.

Радуйся, божественными ученьми ко Христу многия приведый.

Радуйся, благовестниче веры Христовой.

Радуйся, всеблаженне Клименте, священномучениче богоносне.

 

Кондак 2

Плывущей матери твоей дни некия по морю, воста буря зельна и волнение велие: и принесену бывшу кораблю волнами и ветром в неведомую страну, погибе корабль в полунощи и вся истопи, матерь же твоя Матфидия, от ветренныя волны приметаема, на камень возвержена бысть и обрете спасение у брега Асийския страны. Прославляя Всемилостиваго Бога, сохраньшаго ти матерь, святе, на утешение, взываем Ему: Аллилуиа.

 

Икос 2

Неведающь ничесоже о случившихся бедах Матфидии и чад, супруг ея, уготовль корабль и взем мало имения, пойде сам на взыскание подружии своей и любезных чад: тя же, юнейшаго, остави в дому учащася книгам. Ублажая сиротство твое, священномучениче Христов, глаголем ти:

Радуйся, светодательное солнце Запада.

Радуйся, огнь воздержания, попаливый страстей стремление.

Радуйся, яко смирна и ливан благоухаеши во дворех Господних.

Радуйся, столпе благочестия.

Радуйся, избранный сосуде благодати Христовой.

Радуйся, Божественным Духом водимый.

Радуйся, заре, светло блистающая миру христианскому.

Радуйся, мудрости исполненный, душам нашим спасение указующий.

Радуйся, всеблаженне Клименте, священномучениче богоносне.

 

Кондак 3

Пришед в совершенный возраст и вся философская учения добре уведев, видя, яко несть отца ни матери, ты печален бяше, угодниче Божий, и утешитися не хотяше. Приключися же ти беседовати с неким мужем благоразумным, иже рече, яко Божий Сын прииде на землю, проповедуя всем живот вечный и всем послушающим Его обещавая неизреченная блага в будущем веце. То слышав, распалился еси ты желанием велиим известне о Христе уведети, да разумно поеши Богу: Аллилуиа.

 

Икос 3

Остави убо дом свой, святителю Божий, умыслил еси идти во Иудею, в нейже благочестие Христово расширяшеся. Бывшу же в море волнению и занесену бывшу ветром в Александрию, обрел еси тамо святаго Апостола Варнаву, имже наставлен, притекл еси в Кесарию Стратонийскую и обрел еси тамо святаго Апостола Петра: и крещен быв от него, последовал еси ему с прочими ученики, в нихже бяху и два брата твоя. Сего ради зовем ти:

Радуйся, отрясый языческое безбожие.

Радуйся, божественными добродетельми душу свою исполнивый.

Радуйся, верный учениче верховнаго Апостола Петра.

Радуйся, яко от него навыкл еси божественному знанию.

Радуйся, просвещенный ученьми великаго Апостола.

Радуйся, возсиявый на камени сем всехвальнем.

Радуйся, явивый плоды учений Христовых.

Радуйся, просветивый твоими богомудрыми устами многия.

Радуйся, всеблаженне Клименте, священномучениче богоносне.

 

Кондак 4

Преплавая море, Апостол Петр вопрошаше тя, святе Клименте, о роде твоем, и послушая повести твоя, умиляшеся любви твоей к родителем. Бысть же, по Божию строению, приста корабль к некоему острову; изшедшу же святому Апостолу на брег во град, обрете некую старицу, милостыню просящу, и, уразумев Духом, яко матерь есть учеником его, приведе ю к тебе: ты же, уведев родившую тя, прослезися, пад на ноги ея, лобызая и плача. Торжествуя сию твою радость велию, со умилением глаголем Богу: Аллилуиа.

 

Икос 4

Обрет матерь свою честную, добрый пастырю Христов и последователю Его, ты умолил еси святаго Апостола Петра, да крестит ю: и зело рано изшед к морю, в прикровенном месте крести Апостол Матфидию во имя Отца и Сына и Святаго Духа; и отослав ю пред себе со чады в витальницу, сам иным путем идяше. Восхваляя любовь твою сыновнюю, зовем:

Радуйся, потщивыйся просветити матерь твою именем Христа.

Радуйся, божественнаго сада отрасле.

Радуйся, розго красная, износящая грозды догматов.

Радуйся, заповедей Христовых исполнителю.

Радуйся, просветителю верных зарею благочестия.

Радуйся, каплющий вино спасительнаго божественнаго познания.

Радуйся, языческаго безбожия уклонивыйся.

Радуйся, приявый венец мучения за Триединаго Бога.

Радуйся, всеблаженне Клименте, священномучениче богоносне.

 

Кондак 5

Видев святое крещение матере твоея Матфидии, некий муж честен, приветствова любезно верховнаго Апостола Петра, рече к нему: «Хощу убо мало побеседовати с тобою». Петр рече: «Глаголи, господине!» Беседующим же има на многое время и прящуся о Бозе, позна Апостол, яко Фавст есть, и приведе ко Матфидии и чадам ея. Тогда бысть радость неизглаголанная всем и плач мног от радости. Сего ради благодаряще Бога, сохраняюща благочестивыя родители и чада, зовем: Аллилуиа.

 

Икос 5

По нечаянном обретении подружии со чады, честный Фавст прослезися, благодаря Бога, и помале беседоваше с тобою, богоносне священномучениче, припаде ко Апостолу, крещения прося, уверова бо несумненно во Единаго Бога. Мы же, радуяся, яко ты Апостола рукама и отца своего привел еси ко Христу, умиленно глаголем:

Радуйся, во апостольстем учении упражнявыйся.

Радуйся, преемниче апостольскаго престола.

Радуйся, новый Петре, сияяй апостольскими даровании.

Радуйся, священных учений описателю.

Радуйся, вторый Моисее, законы божественныя всем изложивый. 

Радуйся, Христовыми ученьми многия просветивый.

Радуйся, яко законоположника и учителя тя имамы.

Радуйся, о спасении душ неленостно трудивыйся.

Радуйся, всеблаженне Клименте, священномучениче богоносне.

 

Кондак 6

Уведев Христа распята и прияв святое крещение, родители твоя, блаженне, возвратистася в Рим и живяста зело благочестно, многи милостыни творяще. Ты же неразлучен пребыл еси ученик Петров и всех его путей и благовестия Христова проповедник явился еси: и того ради постави тя епископа прежде своего распятия от Нерона. Сего ради Всемогущему Богу, устрояющему таковая, глаголем: Аллилуиа.

 

Икос 6

Скончавшуся святому Апостолу Петру и по нем епископу Лину и Клиту, священномучениче, был еси кормчий Римския Церкве, правя добре кораблем Церкве Христовой посреде волнения и бури, в няже бе тогда от мучителей возмущаема. Того ради восхваляем тя, угодниче Божий, сице:

Радуйся, великий постниче.

Радуйся, страсти греховныя умертвивый.

Радуйся, мученическим праведным венцем украшенный.

Радуйся, потом трудов твоих угасивый пещь прелести.

Радуйся, яко молитвами твоими бесы прогнаны быша.

Радуйся, яко от твоея раки струи исцелений источаются.

Радуйся, яко твоими молитвами Господь прозрение слепым дарует.

Радуйся, мучеников похвало.

Радуйся, всеблаженне Клименте, священномучениче богоносне.

 

Кондак 7

Пасый Христово стадо со многими труды и терпением, окружаемь сый отвсюду, яко львы рыкающими и волки хищными, лютыми гонителями, ищущими поглотити тя и потребити веру Христову, ты блаженне, попечение творил еси непрестанно со многим тщанием о спасении душ человеческих и многия неверныя люди ко Христу обратил еси. Прославляя твоя труды и болезни, глаголем содействующу ти Богу: Аллилуиа.

 

Икос 7

Трудящуся ти на ниве Христове, ненавистнии врази наустиша некия от народа востати враждою на тя, преемниче Апостолов, и оклеветати тя, яко уничижающа боги языческия. Ублажая тя, яко претерпевшаго беды и гонения за Церковь Христову, с любовию глаголем ти:

Радуйся, путь спасительный верным указуяй.

Радуйся, даровании духовными сияяй.

Радуйся, созидателю храмов во славу Святыя Троицы.

Радуйся, у Престола Вседержителя предстояй.

Радуйся, учением, труды, чудесы и добродетельным житием Церковь Христову умноживый.

Радуйся, страдальче за имя Христово.

Радуйся, плоды добрыя сотворивый.

Радуйся, описателю деяний святых мученик, избиваемых за Христа.

Радуйся, всеблаженне Клименте, священномучениче богоносне.

 

Кондак 8

Не терпя молвы и мятежа людскаго, повеле епарх градский привести тя к себе и нача глаголати: «Из корене благородна изшел еси, но прельстился еси и неведомо коего Бога чтиши новаго, некоего, глаголемаго Христа, противнаго богом нашим». Ты же, достославне Клименте, отвещал еси ему: «Единаго истиннаго Бога Отца ведаю и Ему с  Единосущным Сыном и Святым Духом покланяюся и пою: Аллилуиа».

 

Икос 8

Множайшая тебе о Бозе Вседержителе глаголющу, не обрете в тебе епарх вины и посла известие к царю Траяну, возвещающи о тебе, исповедниче Христов, яко воста на тя народ богов ради своих и не престает вопияти: обаче вернаго свидетельства не обретается. Сего ради зовем ти:

Радуйся, за веру Христову живота не пощадивый.

Радуйся, умягчивый сердце грознаго епарха.

Радуйся, обличителю идольскаго нечестия.

Радуйся, посрамителю клеветников.

Радуйся, не убоявыйся грознаго суда римскаго царя.

Радуйся, повергнувый на осуждение противника Христова.

Радуйся, венца мученическаго от Господа удостоивыйся.

Радуйся, храмов Божиих созидателю и благоукрасителю. 

Радуйся, всеблаженне Клименте, священномучениче богоносне.

 

Кондак 9

Слышав царь Траян о тебе, яко о благовестнике неведомаго ему Бога, написа епарху: «Или да богом идольским жертву принесет, или в заточение на место пусто близ Херсониса послан будет». Сие уведев, епарх моляше тя, да не избираеши самовольнаго изгнания, но да пожреши богом и свободен будеши. Ты же, святе Клименте, отвещавал еси епарху, яко изгнания того не боишися и на всяком месте будеши благовестити о Христе и пети Ему: Аллилуиа.

 

Икос 9

Словеса твоя, богоносне Клименте, умилиша епарха и плакаше той, глаголя ти сице: «Бог, Емуже ты всем сердцем служиши, поможет ти во изгнании, на неже осужден еси». Восхваляя тя, яко Петра, каменя веры, с веселием глаголем:

Радуйся, непокоривыйся богопротивному велению цареву.

Радуйся, за Христа изгнание приявый.

Радуйся, предпочтый заточение претерпети, неже без Христова света на свободе жити.

Радуйся, мученичество за Христа с радостию приявый.

Радуйся, за веру Апостольскую изгнанниче.

Радуйся, врагов Христовы Церкве победителю.

Радуйся, имя Христово на скрижалех сердца своего начертавый.

Радуйся, сопутствуем на заточение многими от благоверных.

Радуйся, всеблаженне Клименте, священномучениче богоносне.

 

Кондак 10

Достигшу ти, святе, места, идеже на заточение осужден был еси, Инкерман ныне нарицаемаго, обрел еси тамо паче двух тысящ христиан, осужденных на тесание камения в горах оных: и ты с ними к тому приставлен был еси. Тако явился еси заточенным утешение благодатное, да и мы, сие уведев, в печалех будем благонадежны, и да поем Богу чистым сердцем: Аллилуиа.

 

Икос 10

Видевше христиане Инкерманстии новаго сожителя и ведяще тя иерарха, угодника Божия, вси единодушно со слезами и воздыхании приступиша к тебе, глаголюще: «Помолися о нас, святителю, да достойны явимся обетования Христова». Ты же рекл еси им: «Несмь достоин таковыя Владыки моего благодати, яко сподобихся быти причастник венца вашего»; и труждался еси с ними, утешая и утверждая их полезными словесы. Сего ради глаголем ти, угодниче Божий:

Радуйся, учителю христианскаго смирения.

Радуйся, благочестием твоим пример верным бывый.

Радуйся, богомудрыми твоими усты сердца многая услаждавый.

Радуйся, утешителю в заточении сущих.

Радуйся, чудесно на утоление жажды заключенным воду открывый.

Радуйся, многих обращенных ко Христу в водах тех крестивый.

Радуйся, живыя воды новый источник собою явивый.

Радуйся, всю страну Инкерманскую святою верою просветивый.

Радуйся, всеблаженне Клименте, священномучениче богоносне.

 

Кондак 11

Уведев Траян кесарь, яко и в Инкермане множество людей тобою во Христа увероваша, посла некоего игемона в ту страну, иже пришед многих христиан изби: тебе же, угодника Божия преславнаго, повеле посадити в ладию и везти на средину моря, и тамо, привязав котву к вые твоей, воврещи во глубину и утопити, да не обрящут христиане тела твоего. Ты же, сей венец мученичества кротко приемля, умиленною душею воспел еси Богу: Аллилуиа.

 

Икос 11

Бывшу утоплению твоему, священномучениче Клименте, стояху вернии на брезе, рыдающе плачем велиим; посем ученицы твои Корнелий и Фив глаголаста народу: «Помолимся единодушно, да явит нам Господь честное тело мученика Своего». Молящуся же народу,  уступи море недра своя и показа тело твое: хотящим же верным честне мученическое тело оттуда взяти, бысть откровение учеником, да оставят тамо тело твое пребывати, яко на всякое лето имать тако море отступати, дающе путь хотящим приходити на поклонение. Того ради ублажаем тя сице:

Радуйся, Христову веру в сердце пламенне носивый.

Радуйся, идолы поправый.

Радуйся, единый за многия пострадавый.

Радуйся, Триединому Богу даже до смерти верность сохранивый.

Радуйся, оплаканный велиим рыданием людей благочестивых.

Радуйся, прославленный Богом.

Радуйся, яко тобою несказанная чудеса совершаются.

Радуйся, мира христианскаго славо и украшение.

Радуйся, всеблаженне Клименте, священномучениче богоносне.

 

Кондак 12

Царствующу Никифору, царю греческому, приспевшей памяти твоей, святителю отче Клименте, не отступи море, якоже во вся прешедшая лета: и бяше тако до пятидесяти лет и вящше. Егда же поставлен бысть в Херсонисе епископ Георгий блаженный, той печален бысть вельми о сем, яко море не отступает от мощей толикаго угодника Божия, иже аки под спудом водами покровенны суть. Сего ради воззва святитель люди к молитве, да усердно поют Богу: Аллилуиа.

 

Икос 12

Во дни блаженнаго Георгия, иже в Херсонисе епископствовал бе, приидоста в той град два учителя словенская - святии Кирилл и Мефодий: с ними купно собра святитель вся благоверныя люди, и идоша со псалмы и песньми на край моря, хотяще получити тело твое, священномучениче; обаче не разступися море. Зашедшу же солнцу, вседоша в корабль, и в полунощи свет возсия от моря, и явися первее глава, потом же вси мощи твоя, угодниче Божий. Радуяся обретению мощей твоих, восхваляем тя, чудотворче святый, тако:

Радуйся, яко тобою хромии шествуют.

Радуйся, яко тобою всяким недугом болящии здрави бывают.

Радуйся, сирых и вдовиц питателю.

Радуйся, страждущих покровителю.

Радуйся, исцеления верным подаваяй.

Радуйся, от врагов невидимо покрываяй.

Радуйся, на небеси наш молитвенниче.

Радуйся, перед Богом наш заступниче.

Радуйся, всеблаженне Клименте, священномучениче богоносне.

 

Кондак 13

О всехвальне угодниче Божий, священномучениче Клименте, приими хвалы сии от нас, (живущих в стране твоего заточения), ублажающих память твою (и молящихся в обители имене твоего), и умоли Всевышняго Господа Бога умножити веру в нас, да всегда прославляем Его, дивнаго в мученицех Своих, псаломскими песньми: Аллилуиа.

 

(Этот кондак читается трижды, затем икос 1 и кондак 1)

 

Молитва

О всечестный учениче верховнаго Апостола Петра, новый Петре веры Христовой, вторый Моисее, священномучениче Клименте, просвещенный учением великаго Апостола, венчанный венцем мученичества! Испроси нам молитвами твоими благодать Святаго Духа сохраняти веру Христову и церковныя спасительныя обычаи. Умоли, угодниче Божий, Милосердаго Творца, да излиется на нас благодать Святаго Духа, просвещающая наши души, да попалит Господь Бог страстей наших огнепальная стремления, да сохранит нас от всякия злобы, да спасет от напастей, бед и скорбей, и да пребудем верными христианами до конца жизни нашея, сохраняя в сердцах наших памятование печалей, болезней и трудов твоих, во славу Бога Отца и Сына и Святаго Духа. Аминь.

 

ЖИТИЕ

Святой Климент происходил из знатной римской семьи. Вскоре после рождения Климента (30-е годы по Р. Х.), его мать и два брата отправились по морю из Рима в Афины, попали в кораблекрушение, выжили, но потеряли друг друга. Мать Климента, оплакивая потерю детей, осталась на одном из островов Восточного Средиземноморья; малолетние же братья оказались в Иудее и были там усыновлены. Через некоторое время отец Климента отправился разыскивать пропавших членов семьи, решив не возвращаться в Рим, пока не отыщет их. Климент же взрослел в Риме, изучая науки и скорбя о пропавших сродниках. Ни языческая религия, ни философия не могли дать ему удовлетворительного ответа на вопрос о том, что происходит с людьми после смерти. Когда Клименту исполнилось 24 года, он услышал о пришествии Христа в мир и решил узнать подробнее о его учении, для чего отправился на восток. В Александрии он слушал проповеди Апостола Варнавы, а в Иудее нашел святого Апостола Петра, принял от него крещение и присоединился к его ученикам (среди которых оказались и пропавшие братья Климента, им не узнанные). Затем, по усмотрению Божию, во время путешествия Апостола Петра были встречены мать, а потом и отец Климента; при участии Апостола семья воссоединилась, родители приняли крещение. Климент стал одним из ближайших сподвижников Петра и был рукоположен им в епископы, а около 91 года, после смерти епископа Анаклета, возглавил Римскую Церковь. Мудро управляя Церковью во времена волнений и усобиц в Риме, Климент прославился многочисленными обращениями ко Христу, благодеяниями и исцелениями.

В период очередной волны гонений на христианство, Климент был поставлен перед выбором: принести жертву языческим богам или быть отправленным в изгнание на каторжные работы. Прибыв в каменоломни возле крупного античного города Херсонес Таврический (нынешний Севастополь), отождествляемые обычно с Инкерманскими каменоломнями, Климент нашел там большое число ранее осужденных христиан. Работая среди них, Климент утешал их и наставлял. Близ места работы не было воды, вследствие чего каторжане терпели значительные неудобства; вследствие молитвы святого Господь открыл водный источник. Слух о чуде распространился по всему Таврическому полуострову и многие туземные обитатели приходили креститься. Климент всякий день крестил до 500 язычников, и число христиан так увеличилось, что для них потребовалось устроить до 75 новых церквей; языческие идолы были разбиты, а капища — разрушены.

В Херсонес для наведения порядка императором Траяном был направлен специальный посланник, который приказал привязать Климента к якорю и утопить в море, дабы последователи не нашли его тела. Однако по молитвам учеников Климента и остального народа, море отступило от берега на три стадия (около 500 м), и люди нашли тело мученика. Впоследствии, на протяжении семи веков (вплоть до царствования византийского императора Никифора I) море каждый год отступало на несколько дней, давая возможность приходить желающим поклониться святителю. При этом совершались многие чудеса по молитве святого, которого прославил Господь. В начале 800-х годов море перестало отступать, однако около 861 года мощи святого Климента были обретены святыми Кириллом и Мефодием при участии херсонесского епископа Георгия блаженного и священников из константинопольского собора святой Софии. Мощи были внесены в Херсонесский храм и по молитвам святого Климента много совершалось чудес.

Святой равноапостольный Кирилл лично перевез мощи в Рим и передал папе Адриану II, где им было устроено небывалое чествование (конец 867 — начало 868 года). Папа Адриан II утвердил богослужение на славянском языке и переведенные книги приказал положить в римских церквях. Мефодий был рукоположен в епископский сан. В честь обретения мощей святой Кирилл написал на греческом языке краткую повесть, похвальное слово и гимн. Первые два произведения дошли до нас в славянском переводе, который имеет надписание «Слово на перенесение мощем преславнаго Климента, историческую имущи беседу». Мощи святого Климента были перенесены в римскую базилику святого Климента, где они пребывают и поныне. Здесь же был похоронен святой Кирилл, скончавшийся в феврале 869 года.

Глава святого Климента была оставлена в Херсонесе, где покоилась в резной шеститонной мраморной гробнице, сделанной византийскими мастерами из проконесского мрамора. После завоевания города русским князем Владимиром Великим в 988 или 989 году, глава святого Климента (вместе с мраморным саркофагом) по его приказу была перенесена в Киев, где почивала в Десятинной церкви — первом каменном храме Киевской Руси.

Святой Климент пользовался широким почитанием на Руси. Ему посвящены значительные храмы в Москве, Торжке и иных местах.

О глубоком почитании на Руси святого Климента свидетельствует «Слово на обновление Десятинной церкви» (XI век). В нем святой Климент определяется как первый небесный заступник русской земли, мощи которого некоторое время были, наряду с Ольгиным Крестом, единственной и главной отечественной святыней. Ныне часть главы св. Климента хранится в Дальних Пещерах Киево-Печерской Лавры.

Частица мощей от честной главы священномученика Климента была передана из Киева в Инкерманский Свято-Климентовский монастырь после возобновления его работы в 1991 году. Рака со святыми мощами установлена в боковом нефе Свято-Климентовского храма.

 

По благословению

митрополита Херсонского и Таврического Иоанна

Опубликована: 03.07.2017