Православный календарь
Рекомендуем посетить
Музыковский Покровский мужской монастырь Херсонской епархии
УПЦ

НОВАЯ ИНФОРМАЦИЯ

Расписание богослужений в Свято-Духовском кафедральном соборе на сентябрь

Ночные литургии в Свято-Духовском кафедральном соборе в октябре -  с 4 на 5 (со среды на четверг) и с 18 на 19 (со среды на четверг)

Молитва о мире в Украине

Томос о даровании Украинской Православной Церкви самостоятельности в управлении

Обращение Патриарха к министру юстиции по вопросу независимости УПЦ

Официальные документы Украинской Православной Церкви относительно ситуации в нашей стране

С 8 по 16 октября в Свято-Духовском кафедральном соборе Херсона будет находиться ковчег с мощами святого Иоанна Крестителя. Встреча мощей 8 октября в 9.00. Молебен - ежедневно в 9.30. Акафист - ежедневно в 17.30

Божественные Литургии в тюремных храмах г. Херсона

Акафист священномученику ИРАКЛИДИЮ КИПРСКОМУ

 

День памяти:

30 сентября (н. ст.)

 

Тропарь, глас 3

Вели́ка обре́те тя Тамасси́йский град пропове́дателя и пастыренача́льника, Це́ркве Христо́вы учителя, идольскую бо лесть низложи́в, истины свет пропове́дал еси язы́ком. Те́мже, священнонача́льниче Иракли́дие, Христу Богу моли́ся дарова́тися нам ве́лией милости.

 

Кондак, глас 2

Иракли́дие, обители твоея сокрóвищнице и Кипра всего воевóдо, приими́ чад смирéнных молéбный глас и даждь молитв совершение, к ближним удобопреклóнный слух, ко Христу благоугождéние, совести чистоту, поставляя пред Гóсподем их, яко престол честны́й, и молитвы вселéние.

 

Кондак 1

Возбрáннаго крепкостоя́теля и Апостолом равноче́стнаго адамáнта, весь Кипр обышéдшаго и богомýдро Христову Евангелию научившаго, яко любящаго отца и Тамасси́йския обители предстáтеля воспои́м и да воззовéм к нему: радуйся, отче священномýчениче Иракли́дие.

 

Икос 1

Áнгельскаго твоего жития вся чудеса пе́ти тщýся, тем и слово ми, преподобне, даждь, яко да от души́ пе́сньми достойно тя возмогу́ почти́ти, божественнаго застýпника моего, глаго́ля:

Радуйся, верных святое упование.

Радуйся, теплое ко Христу моление.

Радуйся, печальных сладчайшая отрáдо.

Радуйся, душ сокрушéнных божественное врачевание.

Радуйся, всем призывающим тя истинное прибежище.

Радуйся, всех в напастех пребывающих предваряющая помоще.

Радуйся, в нуждах отечески согревáяй.

Радуйся, не́мощи любовию покрывáяй.

Радуйся, страстных язв исцелителю.

Радуйся, ко свету обóжения влеки́й.

Радуйся, дýши ко Христу управля́яй.

Радуйся, от прелести вражия изводя́й.

Радуйся, отче священномучениче Иракли́дие.

 

Кондак 2

Видя Жизнода́вец, яко ты возжадáл еси познати едину истину, святе, Варнаву и Марка áбие посылает ти, с ни́миже тя, Иракли́дие, чтуще, благоче́стно зовем: Аллилуиа.

 

Икос 2

Хотящим святым Апостолом идти́ к горе́ Хионистре, сим сошествовал еси, путь им указýя, и божественными быв уловлéн глаголы сих, вспять не возвратился еси. Тем же тебе вопиéм таковáя:

Радуйся, житейская брашна возненави́девый.

Радуйся, житие во Христе возлюби́вый.

Радуйся, апостольскими ученьми возвеселéнный.

Радуйся, к совершенству тéми упрáвленный.

Радуйся, воплощения Слова благовестие радостно восприя́вый.

Радуйся, высотó, к небесным тáинственно превознесéнная.

Радуйся, и́дольское злочестие отрясы́й.

Радуйся, игу Христову подклони́выйся.

Радуйся, житию святых подражати тщáвыйся.

Радуйся, закону богодухновéнному поуча́выйся.

Радуйся, Марка ревности подража́вый.

Радуйся, Варнавы кротости поревновáвый.

Радуйся, отче священномучениче Иракли́дие.

 

Кондак 3

Силою свыше облеки́йся, возжадáл еси Крещения Божественнаго, богомýдре; грядый в Солéю, в потóце крещéн бысть во имя Отца и Сына и Духа Святаго, и весь обновлен, радуяся, возопи́: Аллилуиа.

 

Икос 3

В пещере пребывая Тамáсстей с Варнавою и Марком в пóдвизе, яко светило, преподобне, блистал еси, лучи благодати испущáя, и согревáя любовию теплою вопию́щия ти:

Радуйся, све́щниче разуме́ния заренóсный.

Радуйся, плáменю, дýши грéяй.

Радуйся, подвигом, яко солнце, сия́вый.

Радуйся, облистáние Божия Духа прия́вый.

Радуйся, яко Христу, ничесóже имýщему, во след после́довавый.

Радуйся, яко веселя́ся, пожил еси áки нищ.

Радуйся, яко в пещере Тамáсстей вселился еси.

Радуйся, яко человекоуби́йце врагу посмеялся еси.

Радуйся, слезами душу омы́вый.

Радуйся, мольбами ум препитáвый.

Радуйся, предвкуси́вый радования небеснаго.

Радуйся, тли свобожде́нный земныя.

Радуйся, отче священномучениче Иракли́дие.

 

Кондак 4

Ревностию Евангельскою в сердце воспламене́нный, с божественными Апостолы Христовыми вкýпе блистательным и богодухнове́нным глáсом, отче Иракли́дие, мудро всех поучал еси пе́ти Безнача́льней и Пресвятей Троице: Аллилуиа.

 

Икос 4

Слышан и ви́ден бысть, отче, яко нравы богоуго́дныя сохраня́яй, те́мже Христа самови́дцы возложением на тя рук во епископа града Тамасси́йскаго тя соверши́ша, верных же сонм радостию ве́лиею тебе возопи́:

Радуйся, пáстырю Тамасси́йский и стрáже.

Радуйся, две́ре словесных овец.

Радуйся, Спасовых ученик подобноревни́телю.

Радуйся, благодатию тем равночéстне.

Радуйся, Богонаречéнный Христов иера́рше.

Радуйся, áки кáмение драгоценное почтенный Апостолы и людьми.

Радуйся, словом и дея́нием возблистáвый.

Радуйся, прелесть разсéявый вражию.

Радуйся, во образ Христа себе соверши́вый.

Радуйся, народа вождю богодухновéнный.

Радуйся, в нéмже Избавителя познавáем.

Радуйся, и́мже ко Господу очи возвóдим.

Радуйся, отче священномучениче Иракли́дие.

 

Кондак 5

Боготéчное безбожия море преплы́л еси Христа лодиею, отче Ираклидие, и глагóлов твоих трубою ко стезé спасения премудро настáвил еси люди, зовущия: Аллилуиа.

 

Икос 5

Видевше тя, богомýдре, всякую область отчизны твоея светом евангельским просвещающа и проповедующа Христово божественное и священное имя, людие словесем твоим веровавше, Иракли́дие, вопия́ху ти:

Радуйся, пределы отечествия своего освяти́вый.

Радуйся, веру Христову безбоязненно пропове́давый.

Радуйся, безбожия горькое море усладивый.

Радуйся, идольское высокомерие разоривый.

Радуйся, священное Евáнгелие Христово проповедавый.

Радуйся, закону духовному языки научи́вый.

Радуйся, яко Кипр, благовéстием Христовым орошáл еси.

Радуйся, яко во всю землю отóка вещание твоé изы́де.

Радуйся, Спасово пришествие уясни́вый .

Радуйся, вражие возношение низверги́й .

Радуйся, рыбы словесныя улови́вый.

Радуйся, богóм языческим посмеявыйся.

Радуйся, отче священномучениче Иракли́дие.

 

Кондак 6

Рог на демоны возвысил еси преславно: словом Господним, духóв нечистых связав, блаженне, свобождал еси вся лю́те тéми держи́мыя; людие же, тобою уцеломýдрени бывше, Христу Избáвителю вопия́ху: Аллилуиа.

 

Икос 6

Возсия́вшу Воскресения свету живоносному в души́ твоей, отче, слезотóчных молитв теплотою возстави уме́ршия, Иракли́дие преподобне и богонóсе. Темже ти́и радостию вопия́ху:

Радуйся, смерти уз избавля́яй.

Радуйся, закле́пы ея́ сокрушáяй.

Радуйся, света Христова испóлненный.

Радуйся, от ада многия свободи́вый.

Радуйся, блистание небесное, всю землю осиявáяй.

Радуйся, верным славу Воскресения указýяй.

Радуйся, Божиею благодатию укрепле́нный.

Радуйся, прилежно добродетели совершивый.

Радуйся, ски́ние, Духа Святаго испóлненная.

Радуйся, кле́те благодати одушевле́нная.

Радуйся, дýши от мертвых возставля́яй.

Радуйся, множество чудес соверша́яй.

Радуйся, отче священномучениче Иракли́дие.

 

Кондак 7

Мнáсону единодушно, Иракли́дие, соводвори́лся еси в по́двизе крайнем, вкýпе же уязвля́юща себе постом разумно, мудровáние плоти поработил еси, Христу непрестанно поя́: Аллилуиа.

 

Икос 7

Мáнием всяким душевное око твое бысть пригвожде́но Христу всежелáнно, и кóеждо твое, отче, деяние тáинственно источа́ше Божие благоухáние верою к тебе притекающим и те́пле вопиющим ти таковáя:

Радуйся, душу ко Христу упрáвивый.

Радуйся, ум свой в Нем утверди́вый.

Радуйся, ко Господу плáменне прилепи́выйся.

Радуйся, Сего Источником крепости своея́ положивый.

Радуйся, всем сердцем Христа возлюбивый.

Радуйся, И́мже Духа Святаго узре́вый.

Радуйся, единому Богу прилежно послужи́вый.

Радуйся, вся внутренняя к Нему упрáвивый.

Радуйся, дождю́, ду́ши наша орошáяй.

Радуйся, лучу́, ум наш просвещáяй.

Радуйся, Божественныя благодати причастниче.

Радуйся, верным щедрый ея́ раздаятелю.

Радуйся, отче священномучениче Иракли́дие.

 

Кондак 8

Странное разуме́нию сотворил еси чудо: умершей сестре твоей возгласи́в, я́же во гробе лежáще, она же гласом ти отвещá, áки бы жи́ва сýщи. Те́мже и прежде неверовавшии сие зря, возопи́ша Богу: Аллилуиа.

 

Икос 8

Очи отве́рзл еси слепому прикосновением, святителю Иракли́дие, зе́ницы же того душе́вныя откры́, во е́же зрети́ Христа, истиннаго Бога; сего ради к тебе взываше, стена́я и вопия́ та́ко:

Радуйся, зрение слепым подава́яй.

Радуйся, болящим здравие возвращаяй.

Радуйся, вéжди прикосновением отверзáяй.

Радуйся, вéдети невидимая творя́й.

Радуйся, све́те, к невечернему свету Христову путеводя́й.

Радуйся, тьму лукаваго молитвою отгоня́яй.

Радуйся, яко очи сердечная просвещаеши.

Радуйся, яко безумие вражие помрачáеши.

Радуйся, явля́яй вéдение богодухновенное.

Радуйся, блистание веры испущáяй.

Радуйся, Христовым сиянием очищáяй.

Радуйся, велиáра молитвою попаля́яй.

Радуйся, отче священномучениче Иракли́дие.

 

Кондак 9

Всякую степéнь добродетелей богосия́нно прошед, отче Иракли́дие, яко скрижаль бо прие́м в сердце свое смирение, егóже указá Христос святи́тельства хотящим стезéю тещи́, взывáющим: Аллилуиа.

 

Икос 9

Глаголы твоя божественныя утешения рóсу стяжáхом, богоугóдне отче: Господу моляще́ся бо, рекл еси, нижé погибнем когдá. Те́мже, тебе, Иракли́дие, чада твоя, те́пле взываем:

Радуйся, истóчниче животвóрных советов.

Радуйся, потóче божественных словес.

Радуйся, утешéния рóсо неоскýдная.

Радуйся, совершенства горó превосхо́днейшая.

Радуйся, стремни́но реки́ боготе́чныя.

Радуйся, водó сладчайшая божественных учений.

Радуйся, яко безстрастия воду тóчиши.

Радуйся, яко к ревности спасительней воодушевля́еши.

Радуйся, труждáющияся укрепля́яй.

Радуйся, пáдающия возставля́яй.

Радуйся, и́мже в вере утверждаемся.

Радуйся, и́мже печали прехóдим.

Радуйся, отче священномучениче Иракли́дие.

 

Кондак 10

Устá отрыгáющаго хулы́ тяжкия, отче Иракли́дие, суровым веле́нием своим, áбие затворил еси; плачущаго же пóзде исцели́, милость явил еси вопию́щему: Аллилуиа.

 

Икос 10

Образ Креста Честнáго, я́коже Моисей, жезлом начертáв в вода́х, отче, и моля́ся теплотою души́, потока неудéржное стремление укроти́ и люди ко Крещению сим вразумил еси, вопию́щих си́це:

Радуйся, рéчную быстрину устáвивый.

Радуйся, воду в сушу претворивый.

Радуйся, я́коже Моисей показáвый дивная.

Радуйся, жезлóм струи́ отсекáяй.

Радуйся, мнóзи ко Крещению чудно упрáвивый.

Радуйся, к познанию Божественных путь разумно указáвый.

Радуйся, яко чудес благодать прия́л еси.

Радуйся, яко всякую лесть в бегство обратил еси.

Радуйся, лия́ния исцелений одожди́вый.

Радуйся, духовных дарований раздаятелю.

Радуйся, к Богу многия привлеки́й.

Радуйся, дýши по Нем усовершивый.

Радуйся, отче священномучениче Иракли́дие.

 

Кондак 11

Высоту святости до конца пости́гнувый, мученически к небесéм призвáн был еси, и, хотящу ти отыти́ от земли, верне́йшаго ученика твоего Мнáсона постáви во епископа, рýки возлóжь на него, вопию́щаго: Аллилуиа.

 

Икос 11

Несýще ученицы с печалию святыя мощи твоя, по го́рестнем разлучении с тобою, отче Иракли́дие, благочестно в пещере твоей в Тамáссе положи́ша их, стенáюще жáлостне и вопию́ще:

Радуйся, к Сиону вышнему угонзáяй.

Радуйся, от земли́ к нетлению восходя́й.

Радуйся, хранению Божиих заповедей научи́вый.

Радуйся, к подражанию образ нам остáвивый.

Радуйся, святейшее течение непреклонно соверши́вый.

Радуйся, высоте совершенства твéрдо прибли́жывыйся.

Радуйся, со Ангелы ныне божественную песнь воспевáяй.

Радуйся, Апостолом ныне равнопрестóльне соседя́й.

Радуйся, пред Богом наш спорýчниче.

Радуйся, моление наше спасительное.

Радуйся, истиннаго животá причащáяйся.

Радуйся и не забýди чада твоя.

Радуйся, отче священномучениче Иракли́дие.

 

Кондак 12

Веселя́щися обитель твоя, Иракли́дие святе, песни ти, поющи, приносит: небесным бо сокровищем, божéственнейшими и честными мощами твоими богатя́щися, взывает о тебе со умилением многим: Аллилуиа.

 

Икос 12

Пое́м ти с любовию, богомýдре отче Иракли́дие, песнь благодарственную: обитель бо твою отнюдь не оставляеши, отче, никогдáже, и ныне храни́ши те́пле вопию́щия ти:

Радуйся, обители Тамасси́йския слáво.

Радуйся, жизни единонрáвныя укрепление.

Радуйся, подвизающихся крéпосте и си́ло.

Радуйся, зде водворяющихся твердыне.

Радуйся, яко святыя обители твоея покров и основание еси.

Радуйся, яко тоя́ отец любвеоби́льный еси.

Радуйся, яко чада твоя неусыпно храни́ши.

Радуйся, яко о них неустанно предстáтельствуеши.

Радуйся, напастей бóдреннейший избавителю.

Радуйся, врагов скорый отгнáтелю.

Радуйся, заступление всех превысокое.

Радуйся, радование верных сладчайшее.

Радуйся, отче священномучениче Иракли́дие.

 

Кондак 13

О богонóсне отче Иракли́дие, Ки́прскаго отóка слáво, обители же Тамасси́йския заступление, ныне убогая приими́ приношения и от бед изба́витися нам Господа умоли, благодарне вопию́щих: Аллилуиа.

 

(Этот кондак читается трижды, затем икос 1 и кондак 1)

 

Молитва

О пречестнáя и священная главó и благодати Духа Святаго исполненная, Спáсово со Отцем обитáлище, великий архиерéю, теплый наш заступниче, священномýчениче Иракли́дие! Предстоя́ у Престола всех Царя и наслаждаяся света Единосущныя Троицы, херувимски со Ангелы возглашая песнь трисвятую, великое же и неизслéдованное дерзновение имея ко Всемилостивому Владыце, моли спастися паствы Христовы людем, благостояние святых Церквей утверди, архиереи благолепием святительства украси, монашествующия к подвигом добраго течения укрепи́, Кипрский отóк и вся грáды и страны́ добре сохрани, и веру святую непорочну соблюсти умоли, мир весь предстательством твоим умири́, от глáда и пáгубы избави ны, и от нападения иноплеменных сохрани, старыя уте́ши, юныя настави, безумныя умудри́, вдовицы помилуй, сироты заступи, младенцы возрасти, немощствýющия исцели, и везде те́пле призывающия тя, и с верою притекающия к тебе, и усердно припáдающия и молящияся тебе от всяких напастей и бед ходáтайством твоим свободи́. Моли о нас Всещедраго и Человеколюби́ваго Христа Бога нашего, да и в день страшнаго Пришествия Его от шýияго стояния избавит нас, и радости святых причастники сотворит со всеми святыми во веки веков. Аминь.

 

Ж И Т И Е

Путешествуя с проповедью по Кипру, святые Апостолы Марк и Варнава поднялсь к вершинам Троодосских гор. На пути им встретилась опоясанная скалами лощина, что тогда именовалась Лампадией, а ныне — Галатой. Их сердечно, радушно встретил языческий жрец Иероклис, предложив стол и кров.

Путь Апостолов лежал к западу, через гряду, к древнему городу Пафос. Они попросили проводника к снежной горе Хионистре, — жрец послал с ними своего сына. Этот сын, юноша именем Ираклидий, не прошел еще и трети пути, как был просвещен светом Евангелия, оглашен и крещен святым Апостолом Варнавой в горной речушке Солион, там, где ныне раскинулся монастырь преподобного Иоанна Лампадиста.

Во епископа Тамассийского Апостолы Варнава и Марк рукоположили Ираклидия в 49 году, во время второго апостолького путешествия на Кипр, а впоследствии он и сам прошел свой родной остров из конца в конец, рукополагая епископов в городах (среди которых — святители Эпафос Пафосский и Тихик Неапольский), совершая множество чудес, исцеляя бесноватых и слепых, воскрешая мертвых. Древний Тамассос, издревле славный медными рудниками, освящал теперь Кипр светом Евангелия.

Близ Тамассоса, в пещере, святой любил молиться. Здесь нашел его Мнасон, который еще прежде был крещен святым Апостолом Иоанном Богословом в Иерусалиме, а возвратившись на Кипр, услышал о проповеди Апостолов Варнавы и Марка и поспешил к их наследнику и ученику. С этих пор Мнасон стал ближайшим помощником и другом святого Ираклидия. Вместе со святыми Родоном и Феодором они много потрудились, распространяя христианство на Кипре.

Достигнув шестидесяти лет, Ираклидий рукоположил святого Мнасона во епископа Тамассийского и почил о Господе. Его тело погребли в пещере, свидетельнице его молитвенных подвигов (близ деревеньки Политико). Около 400 года здесь воздвигли базилику и обитель.

На месте подвигов святого в наше время находится женская обитель. Здесь, в алтаре соборного храма, как величайшая святыня, хранится ныне его глава, которая выносится на поклонение по воскресным дням.

Ко святому Ираклидию прибегают с молитвой при различных недугах, особенно страдающие болезнями позвоночника.

 

По благословению

митрополита Херсонского и Таврического Иоанна

Опубликована: 28.07.2017