Православный календарь
Рекомендуем посетить
Музыковский Покровский мужской монастырь Херсонской епархии
УПЦ

НОВАЯ ИНФОРМАЦИЯ

Расписание богослужений в Свято-Духовском кафедральном соборе Херсона на сентябрь

Ночные литургии в Свято-Духовском кафедральном соборе:

в сентябре - с 28 на 29; в октябре - с 10 на 11 и с 24 на 25

Акафист святым ЦАРСТВЕННЫМ СТРАСТОТЕРПЦАМ

 

День памяти:

 

17 июля (н.ст.)

 

 

Тропарь, глас 4

Днесь, благовернии людие, светло почтим  седмерицу честную царственных страстотерпец, Христову едину домашнюю церковь: Николая и Александру, Алексия, Ольгу, Татиану, Марию и Анастасию. Тии бо, уз и страданий многоразличных не убоявшеся, от богоборных смерть и поругание телес прияша и дерзновение ко Господу в молитве улучиша. Сего ради к ним с любовию возопиим: о святии страстотерпцы, гласу покаяния и стенанию народа нашего вонмите, землю нашу в любви к Православию утвердите, от междоусобныя брани сохраните, мир мирови у Бога испросите и душам нашым велию милость.

 

Кондак, глас 8

Избраннии Царем царствующих и Господем господствующих от рода царей, благовернии мученицы, муки душевныя и смерть телесную за Христа приимшии и венцы небесными увенчавшиися, к вам, яко покровителем нашим милостивым, с любовию благодарне вопием: радуйтеся, царственнии страстотерпцы, пред Богом о нас усерднии молитвенницы.

 

Кондак 1

Избраннии царственнии страстотерпцы седмочисленнии, Христу Богу, яко агнцы непорочнии, в жертву принесшиися, земли нашея хранителие и молитвенницы, яко стяжавшии от Царя царствующих и Господа господствующих благодать молитися за ны, от всяких нас бед и напастей свободите, да благодарственно восхваляем вас: Радуйтеся, царственнии страстотерпцы, Руси Святыя похвало и украшение.

 

Икос 1

Ангели Божии, хранителие душ и телес ваших, наставляху и укрепляху вас, святии, не токмо во страданиих, но присно утверждаху во истиннем пути, да будет житие ваше праведным ко увенчанию мученическому; темже прославляем вас сице:

Радуйтеся, страх Божий в сердце, яко основание, положившии.

Радуйтеся, премудрость Божию издетска возлюбившии.

Радуйтеся, не яко наемницы, но сыны Божии, Господу угодившии.

Радуйтеся, яко и звания друзей Божиих удостоившиися.

Радуйтеся, христианскаго благочестия твердое правило.

Радуйтеся, Православныя веры крепкое исповедание.

Радуйтеся, царствующаго рода утверждение.

Радуйтеся, страждущаго народа нашего утешение.

Радуйтеся, царственнии страстотерпцы, земли нашея хранителие и молитвенницы.

 

Кондак 2

Видящи Пресвятая Дева скорбь, стенание и плач народа нашего, егда смутная времена насташа, умилосердися и яви милость Свою чрез икону, именуемую Феодоровская, во избрании законнаго от Бога Михаила царя, да будет икона та покров и защита ему и всему новоизбранному царскому роду и во утверждение державы его. Сего ради мы благодарственно вопием Богу: Аллилуиа.

 

Икос 2

Разумеша людие, яко Господь избранием на царство новаго рода от благочестиваго корене утиши нестроения, смуты, мятежи в земли нашей и мир и благостояние Церкви Своей дарова. Мы же к вам, царственнии страстотерпцы, яко рождием от ветви сея благословенныя, со умилением вопием:

Радуйтеся, венец и похвало рода царскаго и священнаго.

Радуйтеся, корене благочестиваго преславныя отрасли.

Радуйтеся, патриарха Филарета и великия старицы инокини Марфы святое наследие.

Радуйтеся, благочестия двоицы сея преславное исполнение.

Радуйтеся, священнаго праотца вашего любовь и ревность о православном отечестве наследовавшии.

Радуйтеся, преподобныя праматере смирение и упование на помощь Божию восприемшии.

Радуйтеся, прадеднаго благословения Божия Матере удостоившиися.

Радуйтеся, благословение сие, яко залог, даже до смерти мученическия соблюдшии.

Радуйтеся, царственнии страстотерпцы, земли нашея хранителие и молитвенницы.

 

Кондак 3

Сила Божия и Промышление Всевышняго явися в рождении твоем, царственный страстотерпче Николае, великому бо чудотворцу Мир Ликийскому уподобився, новый заступник нам показался еси, многия же скорби и болезни, яко праведный Иов, в житии претерпев, ныне с лики мученическими наслаждаешися райскаго блаженства, воспевая Богу: Аллилуиа.

 

Икос 3

Имея сугубыя заступники и покровители, Иова праведнаго и Николая святителя, в рождении твоем, державный страстотерпче, добродетели тех в сердце стяжал еси. Мы же, благодаряще Бога и дивящеся Его всесильному Промышлению о тебе, благоговейно воспеваем сице:

Радуйся, в молитвах святителя Мир Ликийских присно призываяй.

Радуйся, того помощию державу твою праведно окормляяй.

Радуйся, сердечным попечением о людех тому уподобивыйся.

Радуйся, милосердие во всех делех, якоже оный, явивый.

Радуйся, истину и верность во всем житии твоем, яко Иов, сохранивый.

Радуйся, кротость и незлобие того в сердце твоем стяжавый.

Радуйся, в тяжких бедах, якоже многострадальный праведник, устнама пред Богом ничимже согрешивый.

Радуйся, вся приключшаяся тебе благодарно со смирением терпевый.

Радуйтеся, царственнии страстотерпцы, земли нашея хранителие и молитвенницы.

 

Кондак 4

Бурю смущения, воздвизаемую от человек злочестивых, твой державный родитель рукою крепкою укроти и царство цело и нерушимо тебе в наследие даде. Обаче завистию диаволею держава твоя в вящшее искушение ввержена бысть и тя, угодниче Божий, отверже. Ты же, святче, провидя сие попущение Божие за грехи людския, усердно Богу воспевал еси: Аллилуиа.

 

Икос 4

Слыша наставления державных родителей твоих и праведнаго Иоанна Кронштадтскаго, како подобает православному государю быти, положил еси в сердце, царственный страстотерпче Николае, Православие, державу и народ во единстве блюсти. Сего ради мы воспеваем тебе тако:

Радуйся, благочестивых родителей отрадо и утешение.

Радуйся, мудрых наставлений исполнение.

Радуйся, издетска вере и благочестию наученный.

Радуйся, в любви к Богу и Церкви укорененный.

Радуйся, в верности ко отечеству и народу своему воспитанный.

Радуйся, душу свою за него положити готовый.

Радуйся, царский венец от Бога с благоговением восприемый.

Радуйся, дара Духа Святаго на царское служение в помазании миром удостоенный.

Радуйтеся, царственнии страстотерпцы, земли нашея хранителие и молитвенницы.

 

Кондак 5

Богосветлая звезда во мраце скорбей благоверней супружнице твоей явился еси, царственный страстотерпче Николае, указуя и возглавляя путь ея, якоже повеле Господь. Мы же, прославляюще ваш благословенный святый брачный союз во Христе, хвалу Богу воздаем, поюще: Аллилуиа.

 

Икос 5

Видя царственный страстотерпец, яко зарю солнечную, яко Ангела светла, юницу Александру, избра ю себе в благоверную супружницу, православную царицу и матерь народа своего. Мы же, ведуще усердное служение ея, воспеваем сице:

Радуйся, именитаго рода благочестивое прозябение.

Радуйся, от лютерския веры к Православию образе спасительнаго прехождения.

Радуйся, всем сердцем молитву возлюбившая.

Радуйся, о службе Божией сердечно ревновавшая.

Радуйся, словом Божиим и писанием святых отец себе назидавшая.

Радуйся, посты церковныя благоговейно соблюдавшая.

Радуйся, православное благочестие достойне восприемшая.

Радуйся, истинныя жизни во Христе приобщившаяся.

Радуйтеся, царственнии страстотерпцы, земли нашея хранителие и молитвенницы.

 

Кондак 6

Проповедницы чистоты святаго брака во образ единства Христа и Церкве явилися есте, благовернии Николае и Александро, вы бо, благодать сего великаго таинства достойно восприемше, даже до мученическия кончины Христу и друг другу верность сохранили есте, присно воспевающе Богу: Аллилуиа.

 

Икос 6

Возсия яко прекрасная светила благоверная царственная чета Николай и Александра, истинная домашняя церковь, супрузи, связуемии союзом любве о Господе. Мы же, прославляюще образ их супружескаго целомудрия и добронравнаго жития в мире сем развращением и грешнем, со благоговением воспеваем сице:

Радуйтеся, всем сердцем Бога взыскавшии.

Радуйтеся, в путех Господних непорочно ходившии.

Радуйтеся, чето честная, свыше избранная.

Радуйтеся, двоице святая, славою и честию от Бога увенчанная.

Радуйтеся, целомудрие супружеское многочадием прославившии.

Радуйтеся, чада своя, яко новосаждения масличная, окрест трапезы Небесныя собравшии.

Радуйтеся, в супружестве сущих благочестно жити научающии.

Радуйтеся, мир Христов оным милостивно низпосылающии.

Радуйтеся, царственнии страстотерпцы, земли нашея хранителие и молитвенницы.

 

Кондак 7

Хотяще свой дом благочестно устроити, заповеди Господни и брак честен добре соблюли есте, благовернии супрузи Николае и Александро. Темже, многочадием свою домашнюю церковь украсивше и дщери своя, яко мудрыя евангельския девы, воспитавше, в невесты Христу уготовали есте, с нимиже ныне вкупе воспеваете Богу: Аллилуиа.

 

Икос 7

Новую милость яви Господь народу православному: добронравныя и целомудренныя дщери благочестивыя царственныя четы: Ольгу, Татиану, Марию и Анастасию. Тыя бо, женам мироносицам подражающия и елей милосердия в душах хранящия, болящим и страждущим усердно послужиша и мученическую смерть за Христа прияша. Сего ради прославляем их сице:

Радуйтеся, дщери царевы, обетовании Божиих сподобльшияся.

Радуйтеся, заповедь Божию о почитании родителей соблюдшия.

Радуйтеся, царскаго достоинства не посрамившия.

Радуйтеся, стихиями мира сего не порабощенныя.

Радуйтеся, людем, сущим в бедах и скорбех, помогающия.

Радуйтеся, за врагов своих усердно молящияся.

Радуйтеся, агницы непорочныя, в жертву Богу себе принесшия.

Радуйтеся, невесты Христовы, в чертозех Жениха Небеснаго пребывающия.

Радуйтеся, царственнии страстотерпцы, земли нашея хранителие и молитвенницы.

 

Кондак 8

Странно и чудно бысть рождение твое, святый царевичу Алексие, плод бо благославен молитв Саровскаго чудотворца и чаемый царственный наследник родителей быв, слава, надежда и упование явился еси всем концем земли нашея. Сего ради людие с радостию благодарственно воспеша Богу: Аллилуиа.

 

Икос 8

К вышним душею детскою, яко Ангел, устремляяся, святый царевичу Алексие, родители, сестры, сродники и ближняя искренне возлюбил еси и, яко агнец незлобивый, руками злочестивых убиен, новый отрок страстотерпец явился еси. Сего ради восхваляем тя сице:

Радуйся, отроча, от утробы матерния Богом предъизбранное.

Радуйся, чадо, усердными родительскими молитвами к чудотворцу Саровскому дарованное.

Радуйся, царевичу добролюбезный и кроткий, милосердие в сердце стяжавый.

Радуйся, страдальче, многия скорби и недуги измлада безропотно терпевый.

Радуйся, наследниче царскаго престола, от беззаконных убиенный.

Радуйся, наследником Царствия Небеснаго от Бога явленный.

Радуйся, агнче непорочный, яко праведный Авель, умерщвленный.

Радуйся, страстотерпче, к лику святых отроков, яко Димитрий царевич, причтенный.

Радуйтеся, царственнии страстотерпцы, земли нашея хранителие и молитвенницы.

 

Кондак 9

Всяк благочестивый удивляется о тебе, царю Николае, како ты во времена, егда в земли нашей истина умалися и подавляшеся неправдою, пребыл еси сын верный Святыя Церкве, защитник и хранитель православныя веры, таже исповедник и мученик Христов. Сего ради Церковь Святая, ликующи, Богу вопиет: Аллилуиа.

 

Икос 9

Ветии зловещаннии тщашася оболгати тя лжою и лестию и истребити память о тебе, царственный помазанниче Божий Николае, кровавым тя нарицающе, обаче погибе память тех с шумом. К тебе же, воистину кровь свою за Христа пролиявшему, православный народ с покаянием вопиет:

Радуйся, прославления праведников и угодников Божиих добрый рачителю.

Радуйся, Кронштадтскаго пастыря и Саровскаго чудотворца усердный почитателю.

Радуйся, православных храмов боголюбивый созидателю.

Радуйся, иноческих обителей и монашества благочестивый покровителю.

Радуйся, Святыя Земли и Горы Афонския щедрый благотворителю.

Радуйся, духовных вертоградов мудрый попечителю.

Радуйся, возрождения соборнаго начала Церкве устроителю.

Радуйся, восстановления Патриаршаго престола ревнителю.

Радуйтеся, царственнии страстотерпцы, земли нашея хранителие и молитвенницы.

 

Кондак 10

Спасти и сохранити хотя православное царство твое цело и нерушимо, святый благоверный царю Николае, и видя ослепление народа твоего, отрекшагося от Царя Небеснаго, такожде и земнаго, в душевных муках оставил еси престол земный. Темже, уповая на милость Господа и себе в руце Божии предав, непоколебим в вере и благочестии пребыл еси, воспевая: Аллилуиа.

 

Икос 10

Стена и ограждение был еси всем православным людем, святый благоверный царю Николае, избавляя их от нашествия иноплеменников и братоубийственныя брани, и мир же, елико возможно, тщался еси имети со всеми. Мы же, ведуще сие, благодарно тебе воспеваем:

Радуйся, пророчески призвавый народы мечи на орала перековати.

Радуйся, евангельски сподобивыйся блаженства миротворцев стяжати.

Радуйся, стран словенских надежный защитителю.

Радуйся, народов страны твоея сугубый попечителю.

Радуйся, державы твоея мудрый правителю.

Радуйся, во бранех искусный и доблий воителю.

Радуйся, дерзостных дел служителей беззакония тайнаго губителю.

Радуйся, восставших на Бога и на тя, яко помазанника Его, посрамителю.

Радуйтеся, царственнии страстотерпцы, земли нашея хранителие и молитвенницы.

 

Кондак 11

Пения всякаго достойна память ваша, святии царственнии страстотерпцы, вы бо, образ исповедничества и ревности по Бозе верным людем показавше, заповедаете не мстити злодеющим, яко любы токмо победит зло, паче же прощати гонящим и молитву творити за них, благодарственно поюще Богу: Аллилуиа.

 

Икос 11

Светоносный светильник седмочисленный вемы вас, святии царственнии мученицы, царским бо путем шествующе, в жертву благоугодную Агнцу Божию уготовасте себе и невинно смерть приясте. Темже просвещение нам даруйте, озаряюще омраченная сердца наша, и верным путем шествовати научите, прославляющим вас сице:

Радуйтеся, агнцы непорочнии, Христу Пастырю последовавшии.

Радуйтеся, образ исповедничества верным людем показавшии.

Радуйтеся, от юности совесть чисту соблюдшии.

Радуйтеся, жизни конец достойно восприемшии.

Радуйтеся, седмочисленнии страстотерпцы, во единем дусе Богу представшии.

Радуйтеся, кровию мученическою Церковь Христову украсившии.

Радуйтеся, новомученицы, от безбожных пострадавшии.

Радуйтеся, лик страстотерпцев  добле восполнившии.

Радуйтеся, царственнии страстотерпцы, земли нашея хранителие и молитвенницы.

 

Кондак 12

Благодать изрядну Бог дарова Церкви нашей, прославив на Небеси святыя царственныя страстотерпцы. Сего ради и мы на земли прославляем вас, яко истинных хранителей и покровителей страны нашея, и Богу вопием: Аллилуиа.

 

Икос 12

Поюще Промышление Божие, подвигшее сердца людей православных прославити вас, царственнии страстотерпцы, на земли евангельски пожившия, и за Христа от безбожных пострадавшия, и чудесы по смерти прославльшияся, дерзаем воспевати сице:

Радуйтеся, яко прославлению вашему многия люди возрадовашася.

Радуйтеся, яко чудесы вашими сердца верных укрепишася.

Радуйтеся, народ наш к покаянию призывающии.

Радуйтеся, отеческия заветы исполняти нас наставляющии.

Радуйтеся, молитвами вашими от междоусобия нас избавляющии.

Радуйтеся, в мире и любви со всеми жити нам помогающии.

Радуйтеся, яко образы ваши мироточением прославляются.

Радуйтеся, яко в честь вашу храмы созидаются.

Радуйтеся, царственнии страстотерпцы, земли нашея хранителие и молитвенницы.

 

Кондак 13

О единодушная великоименитая седмерице, царственнии страстотерпцы, многия скорби, поругания, страдания душевная и смерть телесную за Христа приемшии и венцы Небесными от Него увенчаннии! Приимите ныне от нас похвальное прославление и сердечное покаяние и милостивным вашим ходатайством умолите Царя Славы мир Церкви нашей даровати, страну в Православии, благочестии и единстве сохранити, нам же ожесточения сердечнаго и ослепления избавитися, да сыновне Богу вопием: Аллилуиа.

(Этот кондак читается трижды, затем икос 1 и кондак 1).

 

Молитва

О святая седмерице, царственнии страстотерпцы, Николае, Александро, Алексие, Марие, Ольго, Татиано и Анастасие! Вы, союзом любве Христовы связуеми, дом ваш, яко малую церковь, благочестно устроили есте и смирением себе посреде земнаго величия украсили есте. В годину же братоубийственныя брани и гонений безбожных, все упование на Бога возложивше, образ терпения и страдания явили есте и, молящеся о мучителех, клевету, узы и изгнание, глумление, насмеяние и оболгание, убиение и телес поругание мужественне претерпели есте. Сего ради от земнаго царствия к Небесному прешли есте и теплии ходатаи о нас явилися есте. О святии угодницы Божии! Молитеся о нас Богу, да Церковь в единомыслии и твердей вере соблюдет, страну нашу миром и благоденствием оградит и от междоусобныя брани и разделения избавит, власть предержащую умудрит, воинство мужеством украсит, народ от разорения сохранит, супруги христианския в верности и любви укрепит, чада в благочестии и послушании возрастит, и вся ны купно с вами сподобит воспевати пречестное и великолепое имя Живоначальныя Троицы ,Отца и Сына и Святаго Духа ныне и присно и во веки веков. Аминь.

 

ЖИТИЕ

Император Николай II родился 6 мая 1868 года. Супругой Николая Александровича стала принцесса Алиса Гессенская, внучка английской королевы Виктории. Родилась принцесса Алиса — будущая императрица Александра Феодоровна — 25 мая 1872 года в Дармштадте. Венчание Николая Александровича и Александры Феодоровны совершилось 14 ноября 1894 года. В царской семье родились четыре дочери: Ольга (3 ноября 1895 года), Татьяна (29 мая 1897 года), Мария (14 июня 1899 года), Анастасия (5 июня 1901 года). 30 июля 1904 года у Царской четы родился долгожданный сын, наследник престола цесаревич Алексий.

Николай II относился к несению обязанностей монарха как к своему священному долгу.

Император уделял большое внимание нуждам Православной Церкви, щедро жертвовал на постройку новых храмов, в том числе и за пределами страны. За годы его царствования число приходских церквей увеличилось более чем на 10 тысяч, было открыто более 250 новых монастырей. Император лично участвовал в закладке новых храмов и в других церковных торжествах.

В царствование императора Николая II церковная иерархия получила возможность подготовить созыв Поместного Собора, дотоле два века не созывавшегося. Личное благочестие императора проявилось в канонизации святых. В годы его царствования к лику святых были причислены святитель Феодосий Черниговский (1896 год), преподобный Серафим Саровский (1903 год), святая княгиня Анна Кашинская (восстановление почитания в 1909 году), святитель Иоасаф Белгородский (1911 год), святитель Ермоген Московский (1913 год), святитель Питирим Тамбовский (1914 год), святитель Иоанн Тобольский (1916 год). Император вынужден был проявить особую настойчивость, добиваясь канонизации преподобного Серафима Саровского, святителей Иоасафа Белгородского и Иоанна Тобольского. Николай II высоко чтил святого праведного отца Иоанна Кронштадтского. После его блаженной кончины царь повелел совершать всенародное молитвенное поминовение почившего в день его преставления.

Императорская чета отличалась глубокой религиозностью. Императрица не любила светского общения, балов. Религиозным духом было проникнуто воспитание детей императорской фамилии. Все ее члены жили в соответствии с традициями православного благочестия. Обязательные посещения богослужений в воскресные и праздничные дни, говенье во время постов были неотъемлемой частью их быта. Личная религиозность императора и его супруги была не простым следованием традициям.

Царская чета посещает храмы и монастыри во время своих многочисленных поездок, поклоняется чудотворным иконам и мощам святых, совершает паломничества, как это было в 1903 году во время прославления преподобного Серафима Саровского. Краткие богослужения в придворных храмах не удовлетворяли императора и императрицу. Специально для них совершаются службы в Царскосельском Феодоровском соборе, построенном в древнерусском стиле. Императрица Александра молилась здесь перед аналоем с раскрытыми богослужебными книгами, внимательно следя за службой.

Императрица с начала Первой мировой войны посвятила себя раненым. Пройдя курсы сестер милосердия вместе со старшими дочерьми — великими княжнами Ольгой и Татьяной, — она по несколько часов в день ухаживала за ранеными в Царскосельском лазарете.

2 марта 1917 года представители Государственной Думы и высшего военного командования вынудили Николая II отречься от престола. Император, приняв, как ему казалось, единственно правильное решение, тем не менее переживал тяжелые душевные мучения.

В жизни императора Николая II было два неравных по продолжительности и духовной значимости периода — время его царствования и время пребывания в заключении. Он часто уподоблял свою жизнь испытаниям страдальца Иова, в день церковной памяти которого родился. Приняв свой крест так же, как библейский праведник, он перенес все ниспосланные ему испытания твердо, кротко и без тени ропота. Именно это долготерпение с особенной ясностью открывается в последних днях его жизни.

Большинство свидетелей последнего периода жизни царственных мучеников говорят об узниках тобольского губернаторского и екатеринбургского Ипатьевского домов как о людях, страдавших и, несмотря на все издевательства и оскорбления, ведших благочестивую жизнь. В царской семье, оказавшейся в заточении, мы видим людей, искренне стремившихся воплотить в своей жизни заповеди Евангелия.

Императорская семья проводила много времени в душеполезном чтении, прежде всего Священного Писания, и в неопустительном посещении богослужений. Доброта и душевное спокойствие не оставляли в это тяжелое время императрицу. В письмах Александры Феодоровны раскрывается вся глубина ее религиозных чувств — сколько в них силы духа, скорби о судьбе страны, веры и надежды на помощь Божию! И к кому бы она ни писала, она находила слова поддержки и утешения. Эти письма — настоящие свидетельства христианской веры.

Вместе с родителями все унижения и страдания с кротостью и смирением переносили царские дети.

В ночь с 3 на 4 июля 1918 года в Екатеринбурге совершилось злодейское убийство царской семьи. Вместе с императорской семьей были убиты их слуги, последовавшие за своими господами в ссылку: доктор Е. С. Боткин, комнатная девушка Императрицы А. С. Демидова, придворный повар И. М. Харитонов и лакей А. Е. Трупп.

 

По благословению

митрополита Херсонского и Таврического Иоанна

 

Опубликована: 06.08.2018