Православный календарь
Рекомендуем посетить
Музыковский Покровский мужской монастырь Херсонской епархии
УПЦ

НОВАЯ ИНФОРМАЦИЯ

Расписание богослужений в Свято-Духовском кафедральном соборе на сентябрь

Ночные литургии в Свято-Духовском кафедральном соборе в октябре -  с 4 на 5 (со среды на четверг) и с 18 на 19 (со среды на четверг)

Молитва о мире в Украине

Томос о даровании Украинской Православной Церкви самостоятельности в управлении

Обращение Патриарха к министру юстиции по вопросу независимости УПЦ

Официальные документы Украинской Православной Церкви относительно ситуации в нашей стране

С 8 по 16 октября в Свято-Духовском кафедральном соборе Херсона будет находиться ковчег с мощами святого Иоанна Крестителя. Встреча мощей 8 октября в 9.00. Молебен - ежедневно в 9.30. Акафист - ежедневно в 17.30

Божественные Литургии в тюремных храмах г. Херсона

Акафист святому Апостолу и Евангелисту МАРКУ

 

День памяти:

8 мая (н.ст.)

 

 

Тропарь, глас 3

Апостоле святый и Евангелисте Марко, моли Милостиваго Бога, да прегрешений оставление подаст душам нашим.

 

Кондак, глас 2

С высоты приим благодать Духа, риторская плетения разрушил еси, Апостоле, и, языки вся уловив, Марко всеславне, твоему Владыце привел еси, Божественное проповедав Евангелие.

 

Кондак 1

Избраннаго Евангелиста и богогласных словес благовестника, всехвальнаго Марка воспоим, вернии, мрежею проповеди своея многия души человеческия во спасение уловившаго и ко Христу, Спасу нашему, приведшаго. Ты же, святый Апостоле, яко имеяй дерзновение ко Господу, молися Ему выну за ны, грешныя, да зовем ти: радуйся, Апостоле и Евангелисте Марко, мира концы учением Христовым просветивый.

 

Икос 1

Ангелов Творец и Владыка, Христос Бог, спасти хотя мир и светом истины вся просветити, избра тя, Марко всехвальне, на делание спасения человеков. Темже и мы, светом учения твоего озаряеми, сердцем и усты вопием ти таковая:

Радуйся, иго Христово, благое и легкое, на рамо свое восприемый.

Радуйся, воплощшемуся Богу Слову верно послуживый.

Радуйся, Господа Иисуса всем сердцем возлюбивый.

Радуйся, в проповедании истины ревность велию явивый.

Радуйся, немолчный благовестниче Евангельскаго учения.

Радуйся, дивный наставниче ищущих спасения.

Радуйся, Апостоле и Евангелисте Марко, мира концы учением Христовым просветивый.

 

Кондак 2

Видяще труды Апостолов Петра, Павла и Варнавы, сродника твоего, сим поревновати потщался еси, Марко блаженне; сего ради спутешественник и сподвижник славных учеников Христовых показался еси, купно с ними поя: Аллилуиа.

 

Икос 2

Разум Небесный тебе свыше дадеся, Марко богомудре, темже изсохшия и оляденевшия души учением Христовым оживил еси, подвизая всех пети тебе сице:

Радуйся, первоверховных Апостолов Петра и Павла славный учениче.

Радуйся, Апостолу Варнаве по плоти сродниче.

Радуйся, яко делатель усердный на ниве Христовой показался еси.

Радуйся, яко плод сторицею Господеви твоему принесл еси.

Радуйся, языки многия ко истине приведый.

Радуйся, имя Христово во вселенней прославивый.

Радуйся, Апостоле и Евангелисте Марко, мира концы учением Христовым просветивый.

 

Кондак 3

Силою свыше укрепленный, Марко Апостоле, благоразумием твоим всякую вражию прелесть низложил еси, род же человеческий верою Христовою просветил еси; темже молим тя: омраченныя грехми души наша просвети, да чистым сердцем вопием Богу: Аллилуиа.

 

Икос 3

Имея едино попечение, Марко всеблаженне, еже проповедати всем словеса жизни вечныя, многия страны протекл еси, свет Христов благовествуя и тьму неверия отгоняя. Сего ради зовем ти:

Радуйся, неустанно трудивыйся во благовестии Христове.

Радуйся, напоивший землю струями Божественных вещаний.

Радуйся, земли Египетския светом Христовым озаривый.

Радуйся, Кипр учением Евангельским огласивый.

Радуйся, Антиохию струями Божественных вещаний напоивый.

Радуйся, в Риме Священное Евангелие написавый.

Радуйся, Апостоле и Евангелисте Марко, мира концы учением Христовым просветивый.

 

Кондак 4

Бури многих бед и скорбей от идолослужителей претерпел еси, святый Апостоле Марко, спасение во Христе благовествуя и многобожия тьму отгоняя. Сего ради чтуще болезни и труды твоя, Богу, тобою нас спасающему, вопием: Аллилуиа.

 

Икос 4

Слышавше, богомудре Марко, многия люди словеса премудрости, исходящия из уст твоих, познаша тобою Бога истиннаго, крещающеся во имя Отца и Сына и Святаго Духа. Темже хвалебно тебе зовем:

Радуйся, вселенныя светильниче.

Радуйся, богодохновенный веры проповедниче.

Радуйся, идольския лести разорителю.

Радуйся, истиннаго богопочитания насадителю.

Радуйся, ищущим спасения путь ко Христу показавый.

Радуйся, изнемогающих от зноя страстей живоносными струями словес Христовых оросивый.

Радуйся, Апостоле и Евангелисте Марко, мира концы учением Христовым просветивый.

 

Кондак 5

Боготечная звезда, светлостьми добродетелей сияющая, явился еси, всехвальне Марко, Верховнаго бо Апостола ученик быв, с ним Христа, Сына Божия, проповедал еси, поя: Аллилуиа.

 

Икос 5

Видевше люди, во тьме идолослужения погибающия, стопы твоя во страну Египетскую направил еси, богопроповедниче святый, да тамо многия светом Христовым просветиши и Царствия Небеснаго наследники соделаеши. Сего ради и мы, словесем благовестия твоего внимающе, ублажаем тя тако:

Радуйся, яко тобою Египет от прелести свободися.

Радуйся, яко Александрия, светом веры Христовы просвещаема, тобою хвалится.

Радуйся, трубо Христова благогласная, ко пристанищу спасения вся приводящая.

Радуйся, светильниче благосветлый, тьму неразумия верою прогоняющий.

Радуйся, искусный ловителю душ человеческих.

Радуйся, сеятелю добраго семене, сторицею плод приносящаго.

Радуйся, Апостоле и Евангелисте Марко, мира концы учением Христовым просветивый.

 

Кондак 6

Проповедник богоглаголивый явился еси, Апостоле преславне Марко, во Египте и иных странах Евангелие Христово возвещая людем, иже и научишася тобою пети Триипостасному Богу: Аллилуиа.

 

Икос 6

Возсиял еси, всехвальне Марко, яко светильник светозарный, в странах многих и, яко боготечное светило, обтекл еси восток и запад, возвещая людем спасительную веру Христову. Сего ради вопием ти:

Радуйся, насадителю истиннаго богопочитания.

Радуйся, проповедниче Евангелия правды.

Радуйся, Духа Святаго сосуде вседрагий.

Радуйся, неустрашимый исповедниче Христов.

Радуйся, идолов сокрушителю.

Радуйся, велиих чудес совершителю.

Радуйся, Апостоле и Евангелисте Марко, мира концы учением Христовым просветивый.

 

Кондак 7

Хотя вся концы вселенныя учением Христовым просветити, много потрудился еси, Апостоле, и, шествуя из града во град, из веси в весь, благовествовал еси Евангелие истины жаждущим спасения, научая пети всех: Аллилуиа.

 

Икос 7

Дивное попечение о людех страны Египетския явил еси, святый Апостоле, егда проповедию твоею страну сию огласив, Церковь тамо основал еси и чин Божественныя Литургии составил еси. Сего ради просвещеннии тобою людие благодарно воспеваху ти таковая:

Радуйся, учения Христова славный благовестниче.

Радуйся, истинныя любве к Богу наставниче.

Радуйся, языческия тьмы светозарный прогонителю.

Радуйся, слова Божия истинный служителю.

Радуйся, немолчный велений Господних провозвестниче.

Радуйся, богомудрия верный наставниче.

Радуйся, Апостоле и Евангелисте Марко, мира концы учением Христовым просветивый.

 

Кондак 8

Странствие земное совершая, много потрудился еси со иными Апостолы, блаженне Марко, неведущих просвещая, Церкви устрояя, души и телеса врачуя и научая пети Христу: Аллилуиа.

 

Икос 8

Весь духом горя о славе Божией и Духом Святым умудренный, написал еси десницею своею Господне Евангелие, Марко богомудре. Темже словесами писаний Твоих просвещаеми, благодарно вопием ти сице:

Радуйся, силу Божию, в немощи человечестей совершаемую, в писании твоем показавый.

Радуйся, истинную веру всем возвестивый.

Радуйся, словеса Евангелия Христова нам оставивый.

Радуйся, ко истинному свету вся ны наставивый.

Радуйся, дивный Христова всемогущества проповедниче.

Радуйся, о всем мире теплый пред Богом ходатаю.

Радуйся, Апостоле и Евангелисте Марко, мира концы учением Христовым просветивый.

 

Кондак 9

Вся ко Христу приводя, многия души управил еси в Царствие Небесное, егоже и нас сподобити Господа умоли, Марко прехвальне, да купно с тобою и всеми святыми вопием Ему во веки: Аллилуиа.

 

Икос 9

Витийство человеческое не довлеет достойно восхвалити подвиги и чудеса твоя, святый Апостоле, обаче приими благоутробно сия малыя похвалы, с верою и любовию тебе приносимыя:

Радуйся, от востока до запада хвалимый и славимый.

Радуйся, землю Египетскую кончиною твоею освятивый.

Радуйся, плод трудов твоих, множество святых, от недр ея Христу принесый.

Радуйся, яко пустыни ея множеством подвижников прославишася.

Радуйся, Церкве Христовы украшение.

Радуйся, верных чад ея радосте и утешение.

Радуйся, Апостоле и Евангелисте Марко, мира концы учением Христовым просветивый.

 

Кондак 10

Спасение людей устрояя, святый Апостоле Марко, блаженныя кончины жития твоего достигл еси: служителие бо идольстии видяще, яко мнози тобою во Христа увероваша и крестишася - ярости исполнишася и влачаше тя по граду, истязующе и биюще тя; ты же во страдании сем душу твою в руце Бога Жива предал еси, поя: Аллилуиа.

 

Икос 10

Царя Небеснаго, Господа Иисуса, непрестанно проповедал еси, богоглаголиве Марко, к вере истинней всех приводя; сего ради многия скорби и страдания претерпевая, кончину жития твоего мученически скончал еси. Мы же, дивяся укрепляющей тя силе Божией, зовем:

Радуйся, славный Христов Апостоле.

Радуйся, Александрии первомучениче.

Радуйся, о спасении душ человеческих прилежавый.

Радуйся, истину Божию устами своими даже до смерти благовествовавый.

Радуйся, образ жития во Христе всем верным собою явивый.

Радуйся, талант, данный тебе, умноживый и в радость Господа твоего вшедый.

Радуйся, Апостоле и Евангелисте Марко, мира концы учением Христовым просветивый.

 

Кондак 11

Пение всеумиленное приносим тебе, блаженне Марко, воспоминающе апостольския труды и подвиги твоя. Темже молим тя: от всяких ересей и расколов соблюди нас, молитвенным предстательством твоим ко Господу, да в вере истинней до конца пребудем, вопиюще Богу: Аллилуиа.

 

Икос 11

Светоподательна светильника, просвещающа души наша светом Христова Евангелия, зрим тя, Апостоле Христов Марко, и, твоими блистании озаряеми, зовем ти таковая:

Радуйся, добрый словеснаго стада Христова пастырю.

Радуйся, Церкве Христовы устроителю.

Радуйся, яко мощи твоя от востока и до запада имя Господне восхвалиша.

Радуйся, яко шествием мощей твоих море освятися.

Радуйся, о всем мире теплый пред Богом ходатаю.

Радуйся, о спасении нашем изрядный попечителю.

Радуйся, Апостоле и Евангелисте Марко, мира концы учением Христовым просветивый.

 

Кондак 12

Благодать во устнах твоих излияся, Марко Апостоле, и был еси пастырь Христовы Церкве, уча словесныя овцы веровати в Троицу Единосущную, воспевая Ей: Аллилуиа.

 

Икос 12

Поюще многотрудныя подвиги твоя, всехвальне Апостоле Марко, ублажаем мученическую кончину твою, чтим святую память твою и в похвалу сицевая тебе зовем:

Радуйся, Христова учения славный благовестниче.

Радуйся, языческия тьмы светозарный прогонителю.

Радуйся, Христовой мудрости всех научаяй.

Радуйся, узы греховныя многих человек разрешаяй.

Радуйся, провозвестниче Божественных велений.

Радуйся, источниче неисчерпаемыя благодати исцелений.

Радуйся, Апостоле и Евангелисте Марко, мира концы учением Христовым просветивый.

 

Кондак 13

О всехвальный благовестниче, Апостоле и Евангелисте Марко! Приими малое сие моление наше, в похвалу тебе приносимое, и умоли Господа нашего Иисуса Христа избавити нас муки вечныя и сподобити радости святых, да поем Ему во веки: Аллилуиа.

 

(Этот кондак читается трижды, затем икос 1 и кондак 1).

 

Mолитва

О преславный Апостоле Христов Марко, душу за Христа предавый и кровию твоею пажить Его удобривый! Услыши чад твоих молитвы и воздыхания, сердцем сокрушенным ныне приносимыя. Се бо беззаконьми омрачихомся, и того ради бедами, якоже тучами, обложихомся, елея же добраго жития обнищахом зело, и не возможем противитися волком хищным, иже расхищати наследие Божие дерзостно тщатся. О, сильный! Понеси немощи наша, не отлучайся духом от нас, да не разлучимся в конец от любве Божия, но крепким заступлением твоим нас защити, да помилует Господь всех нас молитв твоих ради, да истребит же рукописание безмерных грехов наших и да сподобит со всеми святыми блаженнаго Царствия и брака Агнца Своего, Емуже честь, и слава, и благодарение, и поклонение во веки веков. Аминь.

 

ЖИТИЕ

Святой Апостол и Евангелист Марк, называемый также Иоанн-Марк, Апостол от 70-ти, племянник Апостола Варнавы, родился в Иерусалиме. Дом его матери Марии примыкал к Гефсиманскому саду. Как говорит церковное предание, в ночь Крестных страданий Христа он следовал за Ним, завернувшись в плащ, и убежал от схвативших его воинов. После Вознесения Господня дом матери святого Марка стал местом молитвенных собраний христиан и пристанищем для некоторых из апостолов (Деян. 12, 12).

Святой Марк был ближайшим сподвижником Аапостолов Петра, Павла и Варнавы. Вместе с Апостолами Павлом и Варнавой святой Марк был в Селевкии, оттуда отправился на остров Кипр и прошел его весь с востока на запад. В городе Пафе святой Марк был свидетелем того, как Апостол Павел поразил слепотой волхва Елима (Деян. 13, 6 - 12).

После трудов с Апостолом Павлом святой Марк вернулся в Иерусалим, а затем вместе с Апостолом Петром побывал в Риме, откуда по его повелению отправился в Египет, где основал Церковь.

Во время второго благовестнического путешествия Апостола Павла святой Марк встретился с ним в Антиохии. Оттуда он отправился на проповедь с Апостолом Варнавой на Кипр, а затем опять ушел в Египет, где вместе с Апостолом Петром основал много Церквей, в том числе в Вавилоне. Из этого города Апостол Петр направил послание малоазийским христианам, в котором с любовью отзывался о святом Марке, своем духовном сыне (1 Пет. 5, 13).

Когда Апостол Павел находился в узах в Риме, Апостол Марк был в Ефесе, где кафедру занимал святитель Тимофей. Вместе с ним Апостол Марк прибыл в Рим. Там он и написал святое Евангелие (ок. 62 – 63 г.г.).

Из Рима святой Марк снова удалился в Египет и в Александрии положил начало христианскому училищу, из которого впоследствии вышли такие знаменитые отцы и учители Церкви, как Климент Александрийский, святитель Дионисий, святитель Григорий Чудотворец и другие. Ревнуя о устроении церковного Богослужения, святой Апостол Марк составил чин Литургии для Александрийских христиан.

Затем святой Марк с проповедью Евангелия посетил внутренние области Африки, был в Ливии, Нектополе.

Во время этих путешествий святой Марк получил повеление от Духа Святого вновь идти в Александрию для проповеди и противодействия язычникам. Там он поселился в доме сапожника Анании, которому исцелил больную руку. Сапожник с радостью принял святого Апостола, с верой внимал его повествованиям о Христе и принял Крещение. Вслед за Ананией крестились многие жители той части города, где он жил. Это возбудило ненависть язычников, и они собирались убить святого Марка. Узнав об этом, святой Апостол поставил Ананию епископом, а трех христиан: Малка, Савина и Кердина - пресвитерами.

Язычники напали на святого Марка, когда Апостол совершал Богослужение. Его избили, волокли по улицам города и бросили в темницу. Там святой Марк удостоился видения Господа Иисуса Христа, Который укрепил его перед страданиями. На следующий день разъяренная толпа снова повлекла святого Апостола по улицам города на судилище, но по дороге святой Марк скончался со словами: «В руки Твои, Господи, предаю дух мой».

Язычники хотели сжечь тело святого Апостола. Но когда развели костер, все померкло, раздался гром и произошло землетрясение. Язычники в страхе разбежались, а христиане взяли тело святого Апостола и погребли его в каменной гробнице. Это было 4 апреля 63 года.

В 310 году над мощами святого Аапостола Марка была построена церковь. В 820 году, когда в Египте установилась власть арабов-магометан и Христианскую Церковь теснили иноверные, мощи святого перенесли в Венецию и поставили в храме его имени, где они хранятся по сей день.

В древней иконографической традиции, усвоившей святым Евангелистам символы, заимствованные из видения святого Иоанна Богослова (Откр. 4, 7), святой Евангелист Марк изображается со львом - в ознаменование могущества и царственного достоинства Христа (Откр. 5, 5). Святой Марк писал свое Евангелие для христиан из язычников, поэтому он останавливается преимущественно на речах и делах Спасителя, в которых особенно проявляется Его Божественное всемогущество. Многие особенности его повествования можно объяснить близостью его к Апостолу Петру. Все древние писатели свидетельствуют, что Евангелие от Марка является краткой записью проповеди и рассказов первоверховного Апостола. Одной из центральных Богословских тем в Евангелии святого Марка является тема силы Божией, совершающейся в немощи человеческой, ибо Господь делает возможным то, что у людей невозможно. При действии Христа (Мк. 16, 20) и Духа Святого (13, 11) ученики его идут по всему миру и проповедуют Евангелие всей твари (13, 10; 16, 15).

 

По благословению

митрополита Херсонского и Таврического Иоанна

Опубликована: 21.06.2017