НОВАЯ ИНФОРМАЦИЯ
Расписание богослужений в Свято-Духовском кафедральном соборе на ЯНВАРЬ
В Херсонской епархии издан акафист
ПРЕПОДОБНОМУ ЕРАЗМУ ПЕЧЕРСКОМУ
Акафист праведному воину флотоводцу ФЕОДОРУ (Ушакову) 
Дни памяти:
5 августа (н. ст.) - прославление
15 октября (н. ст.) - преставление
Тропарь, глас 4
Святый воине флотоводче Феодоре, / житием праведным Богу воистину угодил еси, / подвигом ратным отечеству добре послужил еси / и Царствие Небесное наследовал еси; / темже, яко новому победоносцу, благодарственно тебе вопием: / радуйся, архистратиже непобедимый Феодоре, / земли Таврическия и града Херсона покровителю.
Кондак, глас 2
Святый победоносный воине флотоводче Феодоре, / агарянское нашествие от предел Таврических отгнал еси, / православных множество от убиения избавил еси, / церкви Божия светло украсил еси, / ныне прилежно Господеви молися, / сохраняя отечество наше от глада, / болезни, меча и междоусобныя брани, / мир мирови даровати / и душам нашим велию милость.
Ангелы и боголюбивыя люди днесь Христу Богу благодарение и славословие приносят, яви бо тя, праведне воине Феодоре, яко славнаго покровителя и защитителя роду нашему. Мы же, видяще тя предстоящаго у Престола Божия и милости нам у Него просящаго, со умилением сердечным воспеваем:
Радуйся, рода благочестиваго рождение.
Радуйся, земли Ярославския многоплодное прозябение.
Радуйся, яко посреди празднования памяти двух воинов-великомучеников Феодора Стратилата и Феодора Тирона преславно родивыйся.
Радуйся, яко от младенчества до самыя кончины твоея подражателем подвигов их явивыйся.
Радуйся, в законе Господни непрестанно поучавыйся.
Радуйся, молитвами преподобнаго Феодора Санаксарскаго в духовней брани побеждати научивыйся.
Радуйся, дух мирен в душе своей стяжавый.
Радуйся, силою Креста Господня вся враги побеждавый.
Радуйся, любовь Христову в сердце своем носивый.
Радуйся, сладкою тою любовию душу свою усладивый.
Радуйся, Ангела Хранителя твоего непрестанно возвеселявый.
Радуйся, родителей и наставников твоих кротостию и усердием удивлявый.
Радуйся, праведный флотоводче Феодоре, славный архистратиже края Херсонскаго.
Кондак 2
Видя Господь чистоту сердца твоего, преизобильно дарова тебе, Феодоре преславне, благодать Свою, да тою укрепляемый, житие твое поживеши во благочестии, прославляя Творца своего песнию: Аллилуиа.
Разум Божественный просвети и укрепи тя, праведне и достохвальне Феодоре, егда учение книжное со усердием познавал еси и велие прилежание к сему имел еси. Егда же чином воинским почтен быв, клятву пред Всемогущим Богом, святым Евангелием Его и Крестом принесл еси: верно и нелицемерно отечеству служити. Сего ради приими от нас похвалы сия:
Радуйся, паче всего в мире сем Господа возлюбивый.
Радуйся, от лет младых чистоту жития сохранивый.
Радуйся, к книжной премудрости усердие от юности имевый.
Радуйся, праздность и суету мира сего презревый.
Радуйся, закон Господний прилежно изучивый.
Радуйся, целомудрия сокровище драгое сохранивый.
Радуйся, в страсе Божием добре наставление получивый.
Радуйся, в житии твоем добродетели высокия возрастивый.
Радуйся, душу свою всецело ко Господу устремивый.
Радуйся, другом твоим примером прилежания бывый.
Радуйся, христианскаго благочестия неустанный блюстителю.
Радуйся, милости и помощи нуждающимся подателю.
Радуйся, праведный флотоводче Феодоре, славный архистратиже края Херсонскаго.
Силою Божиею укрепляем, все житие твое в праведности проводил еси, славне воине Феодоре, и, не щадя живота своего, землю нашу от супостат защищал еси, Творцу же своему в ратных делех твоих вспомоществующу ти, воспевал еси благодарно: Аллилуиа.
Имея в сердце своем веру твердую во Христа Иисуса и силою тоя вооруживыйся, на морях Балтийстем и Азовстем служение твое ратное проходил еси. Помози и нам во всем подражати тебе, угодниче Божий Феодоре, да не погибнем в пучине беззаконий наших, обаче радостно да зовем тебе:
Радуйся, Евангелия Христова добрый хранителю.
Радуйся, заповедей Иисусовых усердный исполнителю.
Радуйся, Богу житием твоим совершенно угодивый.
Радуйся, страсти в душе своей победивый.
Радуйся, Духа Святаго жилище, преукрашенное чистотою.
Радуйся, Божия благодати приятелище, сияющее добродетелей красотою.
Радуйся, Царствия Горняго ревностный искателю.
Радуйся, роду христианскому благ Небесных ходатаю.
Радуйся, Духом Святым насыщенный и просвещенный.
Радуйся, соблазнами мира сего суетнаго не прельщенный.
Радуйся, измлада Господа своего всею душею возлюбивый.
Радуйся, в заповедех Божиих неуклонно ходивый.
Радуйся, праведный флотоводче Феодоре, славный архистратиже края Херсонскаго.
Бури бед и искушений не устрашился еси, святе Феодоре, егда прибывши в богоспасаемый град Херсон, службу свою совершал еси; Господь же укрепляше тя, да трудами твоими край Херсонский прославиши, воспевая: Аллилуиа.
Слышаще и видяще вси людие града Херсона, яко моровым поветрием град их одержим бысть, на Единаго Господа все упование возложиша. Ты же, праведне Феодоре, свыше Господем вразумленный, вверенныя тебе воины от тяжкия болезни оградил еси. Темже и мы усердно к тебе прибегающе, смиренно молим: управи нас предстательством твоим к тихому и мирному житию и сподоби наслаждатися нетленныя радости святых, вопиющих тебе:
Радуйся, ближним своим благодетелю милостивый.
Радуйся, за дивное милосердие твое Господем хранимый.
Радуйся, изнемогающих внезапное укрепление.
Радуйся, унывающим благодатное ободрение.
Радуйся, ближняго своего яко себе возлюбивый.
Радуйся, меньшей братии твоей, яко Христу, послуживый.
Радуйся, скорбящих благий утешителю.
Радуйся, благ вечных нам от Господа подателю.
Радуйся, ризу душевную чистотою убеливый.
Радуйся, ратными подвигами твоими всех удививый.
Радуйся, милостию и состраданием душу свою наполнивый.
Радуйся, служащих с тобою на путь благочестия направлявый.
Радуйся, праведный флотоводче Феодоре, славный архистратиже края Херсонскаго.
Боготочный источник дарований духовных явился еси, боголюбиве Феодоре, и за великия подвиги твоя чинами воинскими почтен был еси. Обаче вемы, яко ты более жаждал еси мзды Господа своего, нежели почести человеков, к Немуже благодарно взывал еси: Аллилуиа.
Икос 5
Видев, яко в защищении людей православных не довлеет надеятися на силы человеческия, все упование твое возложил еси на Господа, Феодоре, в молитве помощи у Него и мудрости прося. Сего ради, мысленно созерцая тя горе и ныне за ны молящагося, возсылаем ти пение сие:
Радуйся, в терпении мнозем паче иных преуспевый.
Радуйся, заповеди Господни в сердце своем верно хранивый.
Радуйся, прилежно во славу Божию подвизавыйся.
Радуйся, во благо людей православных славно потрудивыйся.
Радуйся, к Богу и ближним великия любови горение.
Радуйся, Церкви Христовы благодатное удобрение.
Радуйся, плоть свою духови всецело покоривый.
Радуйся, плоды духовныя миру преизобильно явивый.
Радуйся, обетований Иисусовых достойный наследниче.
Радуйся, со Ангелы и святыми предивный собеседниче.
Радуйся, гнев на ближняго своего до конца в себе умертвивый.
Радуйся, уста своя от клеветы и неправды заградивый.
Радуйся, праведный флотоводче Феодоре, славный архистратиже края Херсонскаго.
Проповедник веры Христовы и благочестия христианскаго не словом точию, но и делом явился еси, богомудре Феодоре, яко отец благий бывый вверенным ти людем, образ им жития по заповедем Христовым подавая. Молися убо, да и мы, в житейстем море сущии, к тихому пристанищу, Господу нашему, притецем, во умилении зовуще: Аллилуиа.
Возсия в тебе обильно благодать Божия, праведне Феодоре, егда за усердное служение твое вверено ти бысть управление флотом Черноморским. Таковому о тебе Божию промышлению радующеся, зовем:
Радуйся, добродетельми своими Небесныя дары получивый.
Радуйся, воспоминанием страданий Христовых скорби своя усладивый.
Радуйся, терпением своим многим святым угодником уподобивыйся.
Радуйся, пред Ангелы пресветлыми не посрамивыйся.
Радуйся, всего себе в волю Божию безропотно предавый.
Радуйся, болезньми своими здравие души своей стяжавый.
Радуйся, за други своя душу полагавый.
Радуйся, со всеми в мире пребывати желавый.
Радуйся, добрыми делами Бога прославляяй.
Радуйся, землю нашу от врагов охраняяй.
Радуйся, дивный образ любви Отца Небеснаго в себе явивый.
Радуйся, братолюбием христианским дольний мир удививый.
Радуйся, праведный флотоводче Феодоре, славный архистратиже края Херсонскаго.
Кондак 7
Хотяй Человеколюбец Господь защитити страну нашу от ига агарянскаго, вдохнови тя, славне Феодоре, на великия подвиги, коими турецкий флот низложен бысть и людем православным мирное жительство даровася. Даждь убо и нам благое утешение в мирном житии от Господа прияти, Емуже ангельскую песнь приносим: Аллилуиа.
Новыя таланты приумножил еси, святый воине Феодоре, егда несомненным упованием на помощь Божию вся враги побеждал еси. Темже и нас молитвами твоими в Горния обители приведи, восхваляющих тя:
Радуйся, высотою подвигов твоих Ангелы удививый.
Радуйся, крепостию произволения твоего демоны посрамивый.
Радуйся, мужество велие во всех творимых бранех показавый.
Радуйся, умения своего флотоводческаго не сокрывый.
Радуйся, во славу Божию и благо народа сие употребивый.
Радуйся венец победы достойно восприявый.
Радуйся, христианскаго рода велие и славное возвышение.
Радуйся, горняго мира пресветлое радование и украшение.
Радуйся, за враги твоя с любовию моливыйся.
Радуйся, прощати всех у Христа научивыйся.
Радуйся, образ вернаго служения Господеви показавый.
Радуйся, дивное отвержение себе, спасения ради ближних, проявивый.
Радуйся, праведный флотоводче Феодоре, славный архистратиже края Херсонскаго.
Странное и преславное чудо совершися, егда ты, достоблаженне Феодоре, велию святыню - мощи угодника Божия Спиридона Тримифунтскаго, на острове Корфу пребывающия, от зловредных супостат свободил еси и в день Святыя Пасхи, со славою многою, на раменах своих перенесение их совершил еси. Темже молися за ны, да избавлени будем от враг видимых и невидимых и да возгорится в сердцах наших огнь любве ко Владыце Христу, поющих Ему: Аллилуиа.
Икос 8
Всего себе воли Божией предав, служение ратное совершал еси, праведне Феодоре. Мы же, зряще сия, со умилением поем ти:
Радуйся, Христа Бога, яко Хлеба Жизни, взалкавый.
Радуйся, Тем душу свою неизменно питавый.
Радуйся, Пречистыя Крови Его, яко истиннаго пития, приобщавыйся.
Радуйся, ко преславным праведником приложивыйся.
Радуйся, за усердие твое от Богоматери мзду восприявый.
Радуйся, Сына Ея на земли житием своим прославлявый.
Радуйся, Царя царей, Христа Господа, служителю.
Радуйся, чистых сердцем смиренный и мудрый учителю.
Радуйся, чин воинский, яко велий дар Божий, приявый.
Радуйся, повиноватися воле Господней всех научавый.
Радуйся, страны нашея неустрашимый защитниче.
Радуйся, Православия ревностный проповедниче.
Радуйся, праведный флотоводче Феодоре, славный архистратиже края Херсонскаго.
Вси людие гречестии, свободу от злокозненных враг от тебе получившия, достославне Феодоре, благодарни тебе за сие быша, отцем своим тя величая. Ты же, за вся сия Бога благодарил еси, яко дарова ти силу и мужество, да послужиши не токмо своему, но и иным народам православным, да вси поют едиными усты и единым сердцем: Аллилуиа.
Витийство человеческое не довлеет, святе Феодоре, к восхвалению всех предивных трудов и побед твоих и мужества, с коим переносил еси вся скорби и лишения, клевету и зависть, от врагов твоих исходящия. Темже, величающе вся подвиги, терпение и труды твоя, прославляем тя сице:
Радуйся, душу свою кротко Господеви вручивый.
Радуйся, искренних своих христианскому терпению научивый.
Радуйся, радости духовныя боголюбивым душам подателю.
Радуйся, новый наш пред Богом молитвенниче и предстателю.
Радуйся, яко твоими молитвами Господь оставляет нам прегрешения.
Радуйся, помогающий нам претерпевати скорби и поношения.
Радуйся, не своея славы, но Божия непрестанно искавый.
Радуйся, венец праведника от Царя Небеснаго восприявый.
Радуйся, миротворцев и правдолюбцев любвеобильный наставниче.
Радуйся, Божия правды предивный проповедниче.
Радуйся, живота своего за ближния своя николиже щадивый.
Радуйся, душу свою за други своя полагавый.
Радуйся, праведный флотоводче Феодоре, славный архистратиже края Херсонскаго.
Кондак 10
Спастися хотящим пример благий житие твое бысть, праведне Феодоре, имже вся ны научаеши искати единаго на потребу, еже есть богоугождение. Помози убо и нам в сем тебе подражати, вдохни в нас мужество душевное, украси нас добродетельми Небесными, да с тобою возможем сонаследники Царствия Небеснаго быти и воспевати Создателю нашему: Аллилуиа.
Стеною ограждения в Церкви Православней явился еси, славне Феодоре, защищаеши бо люди верныя от враг видимых и невидимых; не сокрыт же бысть и светильник добродетелей твоих, да светом, от него исходящим, прославляеши Отца Небеснаго. Мы же, чтущии память твою, со умилением взирая на образ твой святый, с радостию зовем:
Радуйся, лжи и коварства нелицемерный обличителю.
Радуйся, веры православныя неустанный насадителю.
Радуйся, житием своим Ангелы возвеселивый.
Радуйся, праведностию твоею духи тьмы посрамивый.
Радуйся, бедствующим добрый предстателю.
Радуйся, за обидимых и унижаемых присный ходатаю.
Радуйся, кротость Христову в сердце свое восприявый.
Радуйся, смирению Его притекающия к тебе научавый.
Радуйся, заблуждших наставниче и скорбящих утешителю.
Радуйся, просящих помощи твоея скорый тоя подателю.
Радуйся, яко и по преставлении твоем милости творити не преставаеши.
Радуйся, яко молящимся у гроба твоего скорую помощь подаваеши.
Радуйся, праведный флотоводче Феодоре, славный архистратиже края Херсонскаго.
Кондак 11
Пение всеумиленное Триединому Богу принесл еси, блаженне Феодоре, в Санаксарстей обители, идеже от ратных подвигов почивая, в молитве пламенней душею своею ко Господу всецело устремился еси. Темже сподоби тя Господь причаститися Святых Своих Таин пред славною кончиною твоею, в празднование Покрова Пресвятыя Богородицы. Ныне же, предстоя у Престола Царя Славы, молися, да и мы души своя Нетленному Жениху Христу чистыми принесем со ангельским пением: Аллилуиа.
Икос 11
Светозарное светило, на небе церковнем возсиявшее, зрим тя, праведне воине Феодоре, зане и ныне светиши нам знамении и чудесы, от святых мощей твоих истекающими. Темже, благодарственная Богу приносяще о тебе пения, взываем ти сице:
Радуйся, во Иисусе Сладчайшем единое утешение обретавый.
Радуйся, к бедствующим на помощь стопы своя ускорявый.
Радуйся, окамененнаго нечувствия из сердец наших прогонителю.
Радуйся, во отчаянии сущим благия надежды подателю.
Радуйся, яко тобою вернии истиною Христовою просвещаются.
Радуйся, яко тобою покаявшияся от постыдныя смерти избавляются.
Радуйся, чудесныя исцеления от святых мощей твоих обильно источаяй.
Радуйся, николиже во отчаяние впадати нас научаяй.
Радуйся, праведною кончиною своею праведность жития твоего запечатлевый.
Радуйся, в райских обителех Творца и Спасителя с радостию узревый.
Радуйся, яко тобою и доныне вернии от врагов избавляются.
Радуйся, яко тобою град Херсон торжествует и прославляется.
Радуйся, праведный флотоводче Феодоре, славный архистратиже края Херсонскаго.
Благодати и милости испроси нам у Христа, Создателя и Владыки нашего, преславне Феодоре, много бо может молитва праведника пред лицем Его. Мы же душами своими умиляемся, яко яви нам Господь во утешение святыя мощи твоя, вопиющим Ему: Аллилуиа.
Поюще неисчетныя подвиги предивнаго жития твоего, великий воине и флотоводче Феодоре, хвалим и ублажаем тя яко Небеснаго многомощнаго покровителя богоспасаемаго града нашего. Ты же данною ти свыше благодатию подавай нам полезная ко спасению душ наших, да присно тя величаем:
Радуйся, святче Божий, свято и праведно жизнь земную совершивый.
Радуйся, во благоухании святыни сном блаженным опочивый.
Радуйся, великий флотоводче, Богом на укрепление нам дарованный.
Радуйся, венцем безсмертныя жизни от Господа увенчанный.
Радуйся, пресветлое лице Создателя выну созерцаяй.
Радуйся, Пресвятей Троице песнь немолчно возглашаяй.
Радуйся, Господа ходатайством твоим умилостивляяй.
Радуйся, град Херсон покровительством твоим защищаяй.
Радуйся, яко имя твое со святыми прославляется.
Радуйся, яко молитвами твоими град Херсон утверждается.
Радуйся, Престолу Царя Небеснаго во славе предстоящий.
Радуйся, о граде, тебе вверенном, Господу молитвы возносящий.
Радуйся, праведный флотоводче Феодоре, славный архистратиже края Херсонскаго.
О преславный воине и мужественный флотоводче Феодоре, приими от нас сие малое похвальное пение, еже пред иконою твоею ныне воспеваем, и молитвами твоими испроси нам у Христа Бога избавитися от бед, скорбей и напастей, наипаче же от внезапныя смерти и вечныя муки, буди нам путевождь во блаженныя обители Небесныя, да тамо с тобою воспоем Богу: Аллилуиа.
(Этот кондак читается трижды, затем икос 1 и кондак 1)
Молитва
О преславный и достохвальный воине флотоводче Феодоре, Небесный защитниче и покровителю града нашего! Се ныне, память твою почитающе и православно тя величающе, смиренно молим тя: вознеси ко Господу Богу теплыя молитвы твоя о нас и испроси у Него оставление всех согрешений наших, коими ежечасно преогорчеваем Его. Умоли Господа даровати нам ко отечеству нашему любовь нелицемерную, мир и благоденствие Церкви нашей Православней, всем же нам телесное здравие и душевное спасение, христианскую кончину живота нашего и добрый ответ на Страшнем Суде Его. Ей, святче Божий, не посрами упования нашего, еже на тя по Бозе и Богородице возлагаем, но буди нам помощник и покровитель во спасение, да твоими молитвами получивше благодать и милость от Господа, прославим человеколюбие Отца и Сына и Святаго Духа и твое святое заступление, ныне и присно и во веки веков. Аминь.
ЖИТИЕ
Вся жизнь непобедимого адмирала русского флота, от младенчества до дня кончины, прошла под благотворным влиянием его родного дяди, преподобного Феодора Санаксарского, который также родился и вырос в сельце Бурнаково, откуда и ушел в юности служить в столичную гвардию. Но затем, стремясь душою единому Богу работать, бежал из столицы в пустынные двинские леса, где укреплялся в подвиге поста и молитвы. Затем был сыскан, доставлен к императрице, которая, вняв Промыслу Божиему о молодом подвижнике, благоволила оставить его в Александро-Невском монастыре, где он принял монашеский постриг в 1748 году. Это исключительное для дворянского семейства Ушаковых событие, вкупе с последующими известиями о его монашеском служении Богу, было постоянным предметом бесед среди родственников и служило им назидательным примером.
В возрасте шестнадцати лет Феодор был зачислен в Морской кадетский корпус, который располагался в Санкт-Петербурге, на углу набережной Большой Невы и 12-й линии Васильевского острова. Но дяди своего в Александро-Невском монастыре уже не застал - монах Феодор был в Санаксаре, на берегу Мокши, в Тамбовской губернии.
Будущий адмирал, отличаясь хорошей учебой и доброй нравственностью, прилежно постигал преподаваемые ему науки, особую склонность проявляя к арифметике, навигации и истории. Через пять лет он успешно, среди лучших, окончил Морской корпус и, получив офицерский чин, был приведен к присяге, которой ни в чем не изменил за всю свою жизнь.
После выпуска из Морского корпуса Феодора Ушакова направили на флот Балтийского моря. Северные моря редко бывают спокойными, и для молодого офицера это была хорошая морская школа. Первые годы службы на флоте прошли в интенсивной учебе под руководством опытных моряков. Благодаря своему усердию, пытливости ума, ревностному отношению к делу и высоким душевным качествам, молодой мичман Феодор Ушаков успешно прошел эту первую школу морской практики и был переведен на юг, в Азовскую флотилию.
В 1775 году было принято решение о создании на Черном море регулярного линейного флота. В 1778 году, в тридцати верстах выше устья Днепра, недалеко от урочища Глубокая Пристань было устроено адмиралтейство, основаны порт и город Херсон, куда в этом же году и прибыл капитан второго ранга Феодор Ушаков.
Тем временем в городе началась эпидемия чумы. В Херсоне был установлен карантин. Тогда считали, что чума распространяется по воздуху. Для отгнания морового поветрия на улицах разводили костры, окуривали жилища, но эпидемия усиливалась. Несмотря на сложную военную обстановку, требовавшую продолжения строительства кораблей, был дан приказ полностью прекратить работы и все силы направить на борьбу с чумой.
Все команды были выведены в степь. Не хватало лекарей, их обязанности принимали на себя командиры. Капитан Феодор Ушаков стал твердо устанавливать особый карантинный режим. Всю свою команду он разделил на артели. У каждой имелась своя палатка из камыша, по сторонам которой были установлены козлы для проветривания белья. На значительном удалении располагалась больничная палатка. Если в артели появлялся заболевший, его немедленно отправляли в отдельную палатку, а старую вместе со всеми вещами сжигали. Остальные артельщики переводились на карантин. Общение одной артели с другой было строго запрещено. Ушаков сам неустанно за всем этим следил. В результате, в его команде чума исчезла на четыре месяца раньше, чем в других. В самое тяжелое по напряженности время эпидемии он никого не посылал в госпиталь, переполненный больными, и спас от смерти многих, пользуя их при команде. Здесь проявились не только его исключительные способности решать трудные и неожиданные задачи, но, главным образом, великая любовь к ближним своим, любовь милующая, сострадательная, подсказывавшая ему наиболее верные решения.
За умелые действия и проявленные при этом старания Феодор Ушаков был произведен в капитаны первого ранга и награжден своим первым орденом святого Владимира четвертой степени.
В августе 1785 года на 66-пушечном линейном корабле «Святой Павел» Феодор Ушаков прибыл из Херсона в Севастополь, где планировалось строительство большой крепости, порта и военного селения.
Вскоре, получив чин контр-адмирала, он был назначен в начале 1790 года командующим Черноморским флотом.
В 1798-99 годах адмирал Феодор Ушаков участвовал в освобождении острова Корфу и других Ионических островов от французов. 19 февраля 1799 года была взята крепость Корфу. Это был день великого торжества адмирала Феодора Ушакова, торжества его военного таланта и твердой воли, поддержанных храбростью и искусством его подчиненных, их доверием к своему победоносному предводителю и его уверенностью в их непоколебимое мужество.
На другой день после сдачи крепости, когда главнокомандующему привезены были на корабль «Святой Павел» французские флаги, ключи и знамя гарнизона, он сошел на берег, «торжественно встреченный народом, не знавшим границ своей радости и восторга, и отправился в церковь для принесения Господу Богу благодарственного молебствия... А 27 марта, в первый день Святой Пасхи, адмирал назначил большое торжество, пригласивши духовенство сделать вынос мощей угодника Божия Спиридона Тримифунтского. Народ собрался со всех деревень и с ближних островов. Гробницу поддерживали сам адмирал, его офицеры и первые чиновные архонты острова; святые мощи обнесены были вокруг крепостных строений, и в это время отовсюду производилась ружейная и пушечная пальба... Всю ночь народ ликовал».
За победу при Корфу Феодор Ушаков был возведён в адмиралы.
Воздав благодарение Богу, Феодор Феодорович продолжил выполнение возложенных на него задач. Требовалось образовать на освобожденных островах новую государственность, и адмирал Ушаков, не поступаясь своими христианскими убеждениями, сумел создать на Ионических островах такую форму правления, которая обеспечила всему народу «мир, тишину и спокойствие». «Люди всех сословий и наций, - обращался он к жителям островов, - чтите властное предназначение человечности. Да прекратятся раздоры, да умолкнет дух вендетты, да воцарится мир, добрый порядок и общее согласие!..»
На исходе 1799 года адмирал Феодор Ушаков получил приказ о возвращении вверенной ему эскадры в Севастополь.
В 1804 году Феодор Феодорович составил подробнейшую записку о своем служении, в которой подытоживал свою деятельность: «Благодарение Богу, при всех означенных боях с неприятелем и во всю бытность онаго флота под моим начальством на море, сохранением Всевысочайшей Благости ни одно судно из онаго не потеряно и пленными ни один человек из наших служителей неприятелю не достался».
Обострялись болезни, усиливались душевные скорби. Но не забывал адмирал заботиться о ближних своих: в его дом в Петербурге часто приходили за помощью. Одних он снабжал деньгами, одеждой, за других, особо нуждающихся, ходатайствовал перед более имущими господами. Например, переписываясь с известным благотворителем графом Н. П. Шереметевым, построившим в Москве в память своей умершей жены Странноприимный дом, Феодор Феодорович не однажды обращался к нему с просьбами подобного характера: «Зная доброе расположение Ваше к спасительным делам и благодеянию, посылаю к Вашему Сиятельству двух странниц, пришедших из отдаленного края просить позволения о построении храма Божьего и устроении жилищ в пользу увечных и больных. По их бедности я содержу их в своем доме и одел их». Кроме того, он взял на себя покровительство и заботу об осиротевших племянниках.
19 декабря 1806 года он подал прошение об отставке: «Душевные чувства и скорбь моя, истощившие крепость сил, здоровья, Богу известны - да будет воля Его святая. Все случившееся со мною приемлю с глубочайшим благоговением...» Эти слова, венчающие ратный подвиг и славное многотрудное его служение, свидетельствуют, что непобедимый адмирал исполнен был смирения и покорности воле Божией, и благодарения Богу за все, - это были чувства истинно христианские.
Отойдя от служебных дел, он некоторое время жил в Санкт-Петербурге, продолжая покровительствовать племянникам, и готовился к переезду на постоянное и уже последнее место своей земной жизни. Душа адмирала, от младенчества взыскавшая Господа, просила покоя, уединения, молитвы. Он принял решение, исполненное глубокого смысла: он избрал для жительства тихую деревню Алексеевку, в Темниковском уезде, вблизи Санаксарского Рождество-Богородичного монастыря, где в годы его ратных подвигов молился о нем его родной дядя - преподобный Феодор. Несомненно, что молитвенное их общение никогда не прерывалось. Потому и устремилась сюда, к святой обители душа адмирала, что здесь подвизался о Господе и упокоился самый духовно близкий ему человек на земле. Монах и моряк - они оба были воинами Христовыми, оба делали одно дело: ревностно служили Господу - на том поприще, на которое Он их призвал.
Сохранилось свидетельство тогдашнего настоятеля монастыря иеромонаха Нафанаила о завершающем периоде земной жизни Феодора Феодоровича: «Адмирал Ушаков, сосед и знаменитый благотворитель Санаксарской обители, по прибытии своем из Санкт-Петербурга, вел жизнь уединенную в собственном своем доме, в деревне Алексеевке, расстоянием от монастыря через лес версты три, который по воскресным и праздничным дням приезжал для богомолья в монастырь к службам Божиим во всякое время. В Великий пост жил в монастыре, в кельи, для своего пощения и приготовления к Святым Тайнам по целой седмице и всякую продолжительную службу с братией в церкви выстаивал неопустительно и слушал благоговейно; по временам жертвовал от усердия своего обители значительные благотворения; так же бедным и нищим творил всегдашние милостивые подаяния и вспоможения».
Началась Отечественная война 1812 года. На борьбу с французами поднялся весь народ. Вместе с темниковским соборным протоиереем Асинкритом Ивановым Феодор Ушаков устроил госпиталь для раненых, дав деньги на его содержание. Две тысячи рублей им было внесено на формирование 1-го Тамбовского пехотного полка. Все, что имел, отдавал он «на воспомоществование ближним, страждущим от разорения злобствующего врага...»
Остаток дней своих, по словам того же иеромонаха Нафанаила, адмирал провел «крайне воздержанно и окончил жизнь свою как следует истинному христианину и верному сыну Святой Церкви 1817 года октября 2-го дня и погребен по желанию его в монастыре подле сродника его из дворян, первоначальника обители сия иеромонаха Феодора по фамилии Ушакова же».
Отпевал Феодора Феодоровича в Спасо-Преображенской церкви города Темникова протоиерей Асинкрит Иванов, который за день до кончины праведника, в праздник Покрова Пресвятой Владычицы нашей Богородицы, принимал его последнюю исповедь и причащал Святых Таин; когда гроб с телом усопшего адмирала при большом стечении народа, был вынесен на руках из города, его хотели положить на подводу, но народ продолжал нести его до самой Санаксарской обители. Там встретила благоверного боярина Феодора монастырская братия. Феодор Феодорович был погребен у стены соборного храма, рядом с родным ему преподобным Старцем, чтобы быть им отныне вместе навеки.
Когда наступили времена безбожных гонений на Церковь, Санаксарский монастырь, где упокоился Феодор Феодорович, был закрыт. Часовня, выстроенная над могилой адмирала, была до основания разрушена, честные его останки в 1930-е годы были осквернены безбожниками.
В 1944 году, возник вопрос о месте погребения адмирала Ушакова. Была создана государственная комиссия, которая произвела раскопки на территории Санаксарского монастыря и вскрытие могилы адмирала Ушакова у стены соборного храма. Честные останки Феодора Феодоровича оказались нетленны, что было отмечено в соответствующем документе комиссии.
С этого времени могила Феодора Ушакова и, как следствие, весь Санаксарский монастырь находились под присмотром государственной власти, что предотвратило разрушение чтимой праведником обители.
В 1991 году Санаксарский монастырь был возвращен Церкви. 23 июля 2001 года состоялось прославление праведного Феодора в лике святых. К его святым мощам приходят многочисленные паломники: духовенство, монашествующие, благочестивые миряне, среди которых часто можно видеть воинов-моряков, - приходят поклониться святому флотоводцу Феодору Ушакову, явившему собою великий пример воинской доблести, милосердия и христианского благочестия.
По благословению
митрополита Херсонского и Таврического Иоанна