З благословення Блаженнішого Митрополита Київського і всієї України Онуфрія в усіх храмах і монастирях Української Православної Церкви під час Божественної літургії на сугубій єктенії виголошуватимуться особливі прохання і молитва за припинення бойових дій та відновлення миру в Україні.
ПРОХАННЯ НА СУГУБІЙ ЄКТЕНІЇ
Еще молимся, о еже мир и тишину вселити в землю нашу Украи́нскую и избавити нас от всякаго врага и супостата. Сердцем сокрушенным взываем Тебе, Господи, Источниче любви и милосердия, Великодаровитый Защитниче наш, скоро услыши и милостивно помилуй.
Призри, Владыко Человеколюбче, милостивным Твоим оком на народ наш, в скорби сущий, и сохрани: в терпении отчаявшихся, не по своей ну́жде домы и селения своя оставившия. Благослови, Господи, людей, с любовию и состраданием принимающих их и самарянинову милосердную руку помощи им подающих. Молимся Тебе, Спасителю наш, скоро услыши и, яко Благосерд, помилуй.
МОЛИТВА
Владыко Вседержителю, Господи Иисусе Христе Боже наш, призри милостивно с высоты человеколюбия Твоего на вопль и стенание народа украи́нскаго, в скорби сущаго.
Вемы, Господи, яко грехми и беззаконии нашими прогневаша Твою благость, но умилосердися и помилуй нас; не отврати лица Твоего от нас, в смятении и печали сущих. Даруй нам всесильную благодать Твою: власти умудри, воинство мужеством укрепи, споспешствуй им во всем благопотребном, лишенныя крова введи в домы, плененныя избави, недугующия исцели, отчаянныя утеши, на поле брани жизнь свою положивших милости Твоея сподоби, и вся люди Твоя сохрани от врага и супостата.
Молимся Тебе, Боже наш, да будут уши Твои внемлюще гласу моления нашего, не отврати лица Твоего от воздыханий наших и не остави Отечество наше Православное. Подаждь, Господи, вожделенный мир и спасение всем на Тя уповающим и призывающим имя Твое, молитвами Преблагословенныя Матери Твоея и Владычицы нашея Богородицы, святаго крестителя и просветителя нашего великаго и равноапостольнаго князя Владимира и всех святых земли нашея.
Ты бо еси крепость и утверждение, помощь и победа верно на Тя уповающих, и Тебе славу воссылаем со Безначальным Твоим Отцем и с Пресвятым Духом, ныне и присно и во веки веков. Аминь.