Дни памяти (н. ст.):
25 мая,
25 сентября,
31 декабря
Мирскаго мятежа бегая, все желание обратил еси к Богу, да в видения восход обрящеши горе, отнюдуже не уклонився в лукавствия сердца, но очистив душу и тело, приял еси благодать точити цельбы верным и неверным, притекающим к тебе, праведный Симеоне; темже, по данному ти дару, испроси у Христа Бога исцеление нам, болящим душевными страстьми, и моли спасти души наша.
Мира суетнаго отверглся еси, да блага вечныя жизни наследиши, возлюбив незлобие и чистоту души и тела; снискал еси, еже возлюбил, свидетельствуют бо о сем гроб и нетление мощей твоих и благодать чудотворения наипаче: точиши бо цельбы всем притекающим к тебе и непросвещенным, Симеоне блаженне, чудотворче предивный.
Избранному и дивному новому Сибирския страны чудотворцу всерадостно ныне приносим ти, святе Симеоне, хвалебная пения; ты же, яко имеяй дерзновение ко Христу Богу, от всяких нас бед свободи, да зовем ти: Радуйся, Симеоне, чудотворче предивный.
Радуйся, яко свято и богоугодно на земли пожил еси.
Радуйся, яко подвигом добрым зде подвизався, течение свое праведно скончал еси.
Радуйся, яко ныне преселился еси в покоища Небесная.
Радуйся, яко в обителех премирных, яже уготова Бог любящим Его, на нескончаемыя веки водворяешися.
Радуйся, яко Царь царствующих прият тя в Небесное Царствие.
Радуйся, яко присно со Ангелы в Небеси обитаеши.
Радуйся, яко с пророки и апостолы вселяешися.
Радуйся, яко с постники и преподобными торжествовати сподобился еси.
Радуйся, яко предстоиши ныне со всеми святыми Престолу Божию.
Радуйся, яко Пресвятую Троицу несредственне зрети сподобляешися.
Радуйся, яко неизреченную славу Господню явственне созерцаеши.
Радуйся, яко тоя причастника быти удостои тя Господь.
Радуйся, Симеоне, чудотворче предивный.
Видя вдовицу зело плачущую, якоже бо тогда умилосердився, и изнемогшу телом и бывшу близ конечнаго издыхания и очима нимало зрети могущу, явився, исцелил еси, сице и о мне умилосердися, угодниче Божий, и от многих грехопадений немощствующее тело мое исцели и душу мою ко спасению настави, да в радости воззову к Богу песнь: Аллилуиа.
Радуйся, великий праведниче Божий, в чудесех просиявый.
Радуйся, целебниче недугов всем призывающим тя с верою.
Радуйся, яко и прежде прошения помощию предваряеши.
Радуйся, яко и недоумевающих о прославлении нетленных мощей твоих чудесы твоими вразумил еси.
Радуйся, яко разслабленных укрепил еси.
Радуйся, яко слепым прозрение даровал еси.
Радуйся, хромым хождение устрояяй.
Радуйся, от беснующихся бесов отгнателю.
Радуйся, скорбных утешителю.
Радуйся, нищих и убогих покровителю.
Радуйся, православных утверждение.
Радуйся, ересей посрамление.
Радуйся, Симеоне, чудотворче предивный.
Сила Вышняго утверди тя в житии твоем святом, и ты подвизался еси о спасении души твоея, трудами бо и воздержанием увядил еси плотския страсти и в непрестанных молитвах твоих всегда взывал еси к Богу: Аллилуиа.
Радуйся, яко вся, елика просиши от Бога, дарует ти Господь.
Радуйся, яко молитвы твои о нас, якоже кадило благовонное, от Бога приемлются.
Радуйся, яко возжада душа твоя к Богу крепкому.
Радуйся, Христа Единаго возлюбивый.
Радуйся, яко невозвратным желанием последовал еси Ему.
Радуйся, добродетельное житие всегда имевый.
Радуйся, возненавидевый страсти мира сего.
Радуйся, маловременнаго утешения на земли не искавый.
Радуйся, смиренномудрием украсивыйся.
Радуйся, твердый адаманте и столпе непоколебимый прилоги вражиими.
Радуйся, яко нетлением тело твое прослави Господь.
Радуйся, яко от гроба твоего и персть приемлющии исцеляются.
Радуйся, Симеоне, чудотворче предивный.
Буря недоумения смущает мя, како возмогу достойно воспети чудеса твоя, блаженне Симеоне, кто бо многих чудотворений твоих дары по достоинству изрещи может? Обаче и аз дивно в тебе прославляющемуся Богу вопити дерзаю: Аллилуиа.
Слышавше, блаженне и предивне Симеоне, о величии чудес твоих, яко молитвами твоими сущих в бедах и скорбех предваряеши, скоро от них избавляя, вопием тебе таковая:
Радуйся, избавление наше от печалей и скорбей.
Радуйся, яко твоим предстательством даруется духовная благодать всем с теплою верою к тебе притекающим.
Радуйся, яко твоими молитвами козни нечистых духов побеждены.
Радуйся, яко и неведущим и неслышавшим о прославлении твоем исцеление подаеши.
Радуйся, яко целебныя дары всюду точиши.
Радуйся, яко страну Сибирскую присно присещаеши.
Радуйся, скорый обидимых заступниче.
Радуйся, сущим в лютых обстояниих пособниче и предстателю.
Радуйся, малодушныя утешаяй.
Радуйся, недужным крепкое исправление.
Радуйся, плененным скорое свобождение.
Радуйся, грешным ко спасению наставление.
Радуйся, Симеоне, чудотворче предивный.
Пресветлая звезда явился еси, праведный Симеоне: сущих бо во тьме умныя очи озаряя светом Евангелия Христова и избавляя заблуждших от сетей змиевых и от всех коварств его, научил еси я благодарственно и всерадостно с лики святых ко Христу Богу вопити: Аллилуиа.
Видевши в житии твоем, блаженне, духовных подвигов твоих высокая исправления, всякий разум удивляющая, прославляем давшаго ти таковую благодать Бога, тебе же хвалебными гласы сице вопием:
Радуйся, яко юрод быв Христа ради, высоту смиренномудрия стяжал еси.
Радуйся, яко странник и пришлец на земли обрелся еси.
Радуйся, яко ныне гражданином Небесным быти на нескончаемыя веки сподобился еси.
Радуйся, яко незлобивый агнец в терпении твоем был еси.
Радуйся, яко кротостию ко озлобляющим тя землю живых наследовал еси.
Радуйся, чистыми душу и тело твое сохранивый, и ныне чистым сердцем зряй Бога.
Радуйся, яко мудрою мыслию утвердивый душу твою во спасение.
Радуйся, яко с невозвратною надеждою благ вечных преставился еси к Богу.
Радуйся, яко деснаго стояния со избранными удостоился еси.
Радуйся, яко не скрыл еси таланта, ввереннаго ти Богом.
Радуйся, благий рабе и верный, вшедый в радость Господа своего.
Радуйся, яко ныне утешаешися, якоже древний оный евангельский Лазарь, на лоне Авраамли.
Радуйся, Симеоне, чудотворче предивный.
Проповедника богоноснаго Павла вещание и глаголы исполняя, Симеоне святе, юродственное Христа ради на земли пожил еси житие и, болезни многия претерпевая, всегда благодарственныя Богу возсылал еси хвалы, сице глаголя Ему: Аллилуиа.
Возсиял еси велие просвещение светлостию чудес твоих, праведный Симеоне, от святаго гроба твоего непрестанно истекающих, и тем далече отгнал еси тьму ересей и расколов от окрестных мест, идеже в правоверии и благочестии подвизался еси и в нетлении телеси почиеши; мы же, чудящеся сим, взываем ти сице:
Радуйся, яко явился еси во стране Сибирстей крепкий защитник Православия противу развратников и хульников Христовы Церкве.
Радуйся, яко и ныне борющимся с ними усердный пособник обретаешися.
Радуйся, противников Святыя Церкве посрамителю.
Радуйся, злых волков от стада Христова отгнателю.
Радуйся, облекийся во оружие света.
Радуйся, лукавствующих обличителю.
Радуйся, православных тихое пристанище.
Радуйся, путешествующих благое поспешение.
Радуйся, яко и от многия скудости твоея разумевал еси на нища и убога.
Радуйся, яко милостив быв при жизни, благотвориши всем требующим и по смерти.
Радуйся, яко избрал еси добрая, еже Бога ради труждатися.
Радуйся, яко на тебе исполнися слово подвижническое: болезненно, еже труждатися, но блаженно восприятие.
Радуйся, Симеоне, чудотворче предивный.
Хотящу некоему человеку от многих врачев исцелитися от очныя болезни, и егда ничтоже успе, прибегшу к тебе, врачу безмездному, ты очи его, наполнены кровию и зрети немогущая, перстию внезапу исцелил еси; он же возрадовався, благодаряше тя и, Бога прославляя, рече: Аллилуиа.
Дивна тя показа нам Творец и Господь всех чудотворца: егда бо нетлением прослави тело твое, тогда и земля не скры гроб твой и яви всем нам, яко многоценное сокровище; темже и мы, чудящеся, вопием сице:
Радуйся, цвете нетленный, в стране Сибирстей прекрасно процветый.
Радуйся, доблий подвижниче благочестия, во граде Верхотурстем возсиявый.
Радуйся, яко являешися аки древо животное, от негоже недугующии получают исцеление.
Радуйся, яко предстательством твоим пред Богом, аки ветвь благосеннолиственная, покрываеши нас.
Радуйся, яко добре вкоренился еси в вертограде Христовы Церкве.
Радуйся, яко обильныя плоды добродетелей принесл еси Богу.
Радуйся, яко пиеши ныне воду животную от неисчерпаемаго источника безсмертия.
Радуйся, заблуждших наставниче.
Радуйся, яко кающимся в согрешениих испрошаеши от Бога прощение.
Радуйся, и всех благих нам от Него ходатаю.
Радуйся, яко светлую одежду чистоты и целомудрия добре сохранив, вшел еси в чертог Небесный.
Радуйся, яко чистая душа твоя к лику евангельских мудрых дев сопричтеся и купно с ними ангельски водворяется в небесном чертозе Жениха Христа.
Радуйся, Симеоне, чудотворче предивный.
Странное на земли житие пожив и удалився суетнаго мира, добродетельми к Богу приближился еси; сего ради высокий Бог, видя твое смирение, возвеличи тя Своею благодатию, Егоже восхваляюще, поем Ему купно с тобою ангельскую песнь: Аллилуиа.
Радуйся, человече Божий досточудный.
Радуйся, зерцало добродетелей преизящных.
Радуйся, пременивый тленная настоящая на будущая вечная.
Радуйся, уподобивыйся Иову терпением.
Радуйся, селение честное Святыя Троицы.
Радуйся, святче Божий, со всеми святыми прославляемый.
Радуйся, ковчеже от потопа греховнаго призывающих тя спасающий.
Радуйся, яко услаждал еси сердце твое веселием будущих благ.
Радуйся, воздержанием плоть твою изнуривый.
Радуйся, яко святостию жития твоего милость Божию обрел еси.
Радуйся, яко непрестанными молитвами о нас Бога умилостивляеши.
Радуйся, яко благим надеждам твоим исполнение приял еси.
Радуйся, Симеоне, чудотворче предивный.
Все множество человеческое удивися еже на земли во плоти твоему терпению и незлобию, непорочна и праведна тя зряще, и ныне милостивым твоим предстательством в скорбех нас не оставляюща; темже и мы, радующеся, к Богу поем песнь: Аллилуиа.
Витии многовещанныя изнемогоша по достоинству поведати многое твое терпение и теплую ко Христу любовь. Аз же, многогрешный, како возмогу изглаголати равноангельное твое житие и преславная чудеса? Но обаче дерзаю, надеяся на твое беззлобие, вопити тебе сице:
Радуйся, яко Ангелом подобяся, выну пущал еси на Небо очи твоего сердца.
Радуйся, яко доблими твоими подвиги спасение и венец нетленный от Христа Бога приял еси.
Радуйся, яко на всяк день и на всяку нощь славословил еси Творца всяческих.
Радуйся, яко победил еси диавола смирением своим.
Радуйся, яко нищ телом и духом был еси на земли, сего ради уготова ти Господь Царство Небесное.
Радуйся, кротости ради твоея наследивый землю обетования.
Радуйся, яко и иных, зрящих твою святость, научил еси праведно жити.
Радуйся, яко душевныя страсти исцеляеши.
Радуйся, яко телесныя болезни врачуеши.
Радуйся, яко и многовременныя недуги от человек отгоняеши.
Радуйся, яко сущим близ конечнаго издыхания здравие даруеши.
Радуйся, яко и от смертоносных язв свобождаеши.
Радуйся, Симеоне, чудотворче предивный.
Спасение восхотев дати Господь людем Своим, светлаго светильника всем нам даде тебе, точаща благодать цельбы всем притекающим к раце мощей твоих; и мы, получивше милость от безмезднаго тя врача, благодарными гласы восхваляюще Бога, поем песнь: Аллилуиа.
Стена еси ты и покров всем притекающим к тебе, праведный Симеоне, ибо Господь прослави тя, украсив нетлением и чудесы, и приглашати тебе научи:
Радуйся, столпе непоколебимый Православия.
Радуйся, сокровище неоскудно многих исцелений.
Радуйся, подателю просящим у тебе яже на пользу.
Радуйся, уцеломудривый живущия студно.
Радуйся, наказателю помраченных умом.
Радуйся, учителю смиренномудрия и терпения.
Радуйся, яко в сониях являяся, научаеши доброму житию.
Радуйся, звездо, чудесно возсиявшая в Сибирстей стране.
Радуйся, яко лучами чудотворений твоих просвещаеши и далечайшия страны.
Радуйся, яко некогда незнаемь, ныне же со славою познаваешися от всех ищущих тя.
Радуйся, яко рыбарем быв, соделался еси ловцем человеков.
Радуйся, яко ходатайством твоим к Богу мук вечных свобождаеши нас.
Радуйся, Симеоне, чудотворче предивный.
Пение умиленное приношу ти, недостойный, и вопию со слезами: ходатайствуй за мя присно к Богу, душею и телом, от страстей воюющих на мя, люте недугующаго, и подаждь ми молитвами твоими исцеление и грехов избавление, от сердца тебе сия приносящему, да и аз в радости воспою прославляющему тя Богу песнь: Аллилуиа.
Светоприемную свещу зрим тя, богомудре Симеоне: невещественным бо любве огнем возжеглся еси и наставляеши к божественному деянию вся, образом жития твоего, яко зарею, просвещая чувства наша; темже и достоин еси званием почитатися сим:
Радуйся, луче пресветлая, от Солнца Христа возсиявшая.
Радуйся, светило благочестия немерцающее.
Радуйся, яко свет премудрости Божия просвети душу твою.
Радуйся, яко вечнаго сего света лучей чрез тебе и мы сподобляемся.
Радуйся, безмездный врачу.
Радуйся, яко источаеши обильныя струи исцелений.
Радуйся, благонадежный о нас предстателю и молитвенниче пред Престолом Господним.
Радуйся, спасительное пристанище всем притекающим к тебе.
Радуйся, яко сущим в пучине скорбей добр обретаешися кормчий.
Радуйся, теплый заступниче сущим во обстояниих лютых.
Радуйся, благоухание духовное источаяй от многоцелебных твоих мощей.
Радуйся, елеем радования исцеляяй скорби душевныя верою молящихся тебе.
Радуйся, Симеоне, чудотворче предивный.
Благодать превелию даде тебе Господь недужных болезни врачевати, демоны прогоняти и страсти целити; темже не забуди и нас, усердно призывающих тя во время тесных обстояний и тяжких напастей, и молитвами твоими от оных избави, да благодарно вопием к Богу: Аллилуиа.
Поюще твоя чудеса, праведный Симеоне, верою несомненною притекаем к многоцелебным и святым мощем твоим и, припадая к ним, с любовию и страхом лобызаем оныя. Ты же, о святче Божий, яко благоутробный, принеси моление ко Владыце, да сподобит нас деснаго стояния на Суде Своем, вопиющих к тебе сицевая:
Радуйся, великий Христов угодниче.
Радуйся, молитвенниче усердный о воспевающих тя.
Радуйся, Божий избранниче, благодатию Духа Святаго приосененный.
Радуйся, праведниче, возвеселивыйся о Господе.
Радуйся, яко мзда твоя многа на Небесех.
Радуйся, предстателю наш скорый и теплый.
Радуйся, ходатаю неусыпный о нас пред Богом.
Радуйся, иго благое и бремя легкое понесый.
Радуйся, за труды твоя и подвиги на земли, вечное упокоение обретый на Небеси.
Радуйся, яко временных и вечных благ от Бога нам присно просиши.
Радуйся, о кающихся споручниче пред Богом.
Радуйся, кадило благовонное, облагоухающее чтущих тя.
Радуйся, Симеоне, чудотворче предивный.
О пречудный и милостивый, новый чудотворче, праведный Симеоне! Приими ныне малое сие моление наше и принеси е ко Христу Богу нашему, да сохранит нас от враг видимых и невидимых, от нашествия иноплеменник, от недуга и глада, от всякия скорби и внезапныя смерти и будущаго вечнаго мучения избавит, молитвами твоими, всех вопиющих к Нему: Аллилуиа.
О святый и праведный Симеоне, чистою душею твоею в небесных обителех в лике святых водворяяйся, зде же телом твоим нетленно почиваяй! По данней ти благодати от Господа молитися о нас, милостивно призри на нас, многогрешных, аще и недостойне, обаче с верою и упованием притекающих ко святым и цельбоносным мощем твоим, и испроси нам от Бога прощение согрешений наших, в няже впадаем множицею во вся дни жития нашего. И якоже прежде овым убо от очныя зельныя болезни нимало зрети могущим, исцеление очес, овым же, близ смерти бывшим, от лютых недугов врачевание и иным иная многая преславная благодеяния даровал еси, сице избави и нас от недугов душевных и телесных и от всякия скорби и печали и вся благая к настоящему житию нашему и к вечному спасению благопотребная нам от Господа испроси, да тако твоим предстательством и молитвами стяжавше вся нам полезная, аще и недостойнии, благодарне восхваляя тя, прославим Бога, дивнаго во святых Своих, Отца и Сына и Святаго Духа, ныне и присно и во веки веков. Аминь.
Праведный Симеон Верхотурский родился в начале XVII века в семье благочестивых дворян. Повинуясь Божественному водительству, он оставил почести и земное богатство и удалился за Урал.
Это был, по людским меркам, странный человек. Он так и не завел собственного дома, собственного угла не имел, где приклонить главу. Летом его кормила природа, изобильная грибами и ягодами. Часами он сидел над рекой и удил рыбу, но ловил столько, сколько нужно было для пропитания на один день.
Суровыми уральскими зимами ходил он по деревням, нанимаясь шить полушубки. По тогдашнему обычаю, портной жил в избе заказчика, пока не кончит работу. Так и он жил среди временных своих хозяев, ел с ними за одним столом и мастерил для них теплую одежду. Но дела он своего никогда не доделывал: то рукав не вошьет, то воротник не пришьет, то петли не обошьет. До зари, когда еще все спали, покидал он хозяйский дом. Увидев недоконченную работу, хозяева принимались в сердцах ругать непутевого портняжку. Только потом спохватывались: работа сделана большая, доделка нужна пустяковая, а денег-то мастер не взял ни копейки. Выходит, трудился лишь за пустые крестьянские щи и кусок хлеба. Ни платы, ни благодарности не хотел он за свой труд.
Посиживая на речном берегу с удочкой, незаметно и ненавязчиво уподоблялся Симеон евангельским рыбакам-апостолам, великим "ловцам человеков". Он свел знакомство с местными племенами - вогуличами, бывшими еще полуязычниками-полухристианами. Да и русские крестьяне, переселенные сюда из центральной России, часто оказывались невежественными в святой вере. А он любил поговорить о духовном. Его слова были просты, но трогали сердце и западали в душу. Так тихо сеял он среди своих земляков семена христианского благочестия.
Много молился святой Симеон об укреплении в вере новопросвещенных жителей Сибири. Свою молитву подвижник соединял с подвигом коленопреклонного стояния на камне в дремучей тайге.
Странник и пришелец в этом мире, ничего не имевший и не желавший земных имуществ, он скитался по окрестностям Верхотурья, любуясь природными красотами Урала и возносясь душою к Всевышнему Творцу мироздания.
Скончался праведный Симеон в 1642 году в возрасте тридцати пяти лет.
Приветливее других к страннику были крестьяне сельца Меркушино. Среди них и окончилось его земное житие. Никто не знал, какая светлая и могучая душа в тот день вошла в Царство Небесное. Мало ли на свете странных людей? Его похоронили на церковном погосте у храма Архистратига Михаила - и вскоре позабыли.
Но земля не смогла удержать в себе тело праведника. Через пятьдесят лет после его кончины, в 1692 году, меркушинцы были потрясены неслыханным чудом: прорвав кладбищенскую почву, из глубины земли на свет поднялся гроб с нетленными мощами. Угодник зримо явился избранному им краю, неся с собою благодатную помощь и чудеса исцелений.
Вскоре от явившихся мощей стали совершаться многочисленные исцеления. Помазав глаза землей с его могилы, прозрел слепой. Отслужив по нему панихиду, встал на ноги паралитик. Слава о новоявленном чудотворце разнеслась по краю. Меркушинские старожилы с трудом припоминали: кто же был и как проводил житие этот незамеченный миром человек Божий?
Митрополит Сибирский Игнатий (Римский-Корсаков, 1692-1700) послал людей для освидетельствования фактов. Один из них, иеродиакон Никифор Амвросиев, в пути молился Богу и незаметно погрузился в легкую дремоту. Вдруг он увидел перед собой человека в белой одежде, среднего возраста, волосы его были русого цвета. Добрым взглядом он смотрел на Никифора и на вопрос последнего: «Кто ты?» - явившийся ответил: «Я - Симеон Меркушинский», - и стал невидимым.
Митрополит Игнатий, убедившись в нетлении мощей святого Симеона, воскликнул: «Свидетельствую и я, что воистину это мощи праведного и добродетельного человека: во всем подобны они мощам древних святых. Сей праведник подобен святителю Алексию, или же Сергию Радонежскому, ибо он сподобился от Бога нетления, подобно сим светильникам веры православной».
Понимая, как драгоценны для Церкви подробности жития святого человека Божия, митрополит начал усердно расспрашивать о нем сельчан.
Один дряхлый уже старик-меркушинец в своей молодости водил знакомство с праведником. Этот старец и рассказал то немногое, что мы сейчас знаем о праведном Симеоне. Но и он не вспомнил, как звали чудесного странника.
Безымянность новоявленного святого смущала митрополита Игнатия. Но вот на пути из Меркушино в Верхотурье митрополит в видении узрел множество народа, возглашающего: "Симеоном зовут его! Симеоном зови его!"
Одновременно меркушинский священник Иоанн, недоумевавший: как же поминать праведника в панихидах? - услышал во сне таинственный голос: "Почто недоумеваешь? Поминай его Симеоном". Так открылось миру имя чудотворца - праведный Симеон Верхотурский. 12/25 сентября 1704 года, по благословению митрополита Тобольского Филофея, было совершено перенесение святых мощей праведного Симеона Верхотурского из храма в честь Архистратига Михаила в Верхотурский монастырь во имя святителя Николая. В этот день Церковь празднует вторую память святого праведного Симеона Верхотурского (первая - 18/31 декабря).
Двести шестнадцать лет покоились мощи святого праведного Симеона Верхотурского, чудотворца уральского, в храмах Николаевского мужского монастыря, принося всемирную славу обители и всему граду Верхотурью. Со всех концов шли паломники и богомольцы к мощам праведника.
На Урале народ Божий именем своего Небесного покровителя силился противостоять революционному безумию. Перед революцией здесь было основано братство праведного Симеона Верхотурского, стремившееся воспитать молодежь в святой вере, оградить ее от лукавых мятежных соблазнов.
Но тщетно. И вместе с родным народом принял святой Симеон поругание от богоборцев-большевиков. Рака праведника была вскрыта кощунствующими руками, его честные мощи названы "экспонатом атеистического музея".
Однако, Бог поругаем не бывает. И милостью Божией вернулись к уральцам чудотворные мощи праведного Симеона. Это знаменательное событие состоялось во время празднования 1000-летия Крещения Руси, в 1988 году. Сразу не представлялось возможным выставить эту святыню для всеобщего поклонения. Только после возвращения Екатеринбургской епархии храма во имя Всемилостивого Спаса города Екатеринбурга, проведения там самого первоначального ремонта и освящения храма, в мае 1989 года, святые мощи Крестным ходом были торжественно перенесены в храм и тем самым явлены народу Божию.
Семь десятилетий томились мы под атеистическим гнетом. В нескольких поколениях вытоптали святую веру воинствующие безбожники. Казалось бы, как могла устоять душа народа? Но - истинное чудо: в 1994 году все жители Верхотурья вышли встречать своего Небесного покровителя, чествовать возвращающуюся в Свято-Никольскую обитель раку праведного Симеона. Среди ночи город осветился тысячами горящих свечей, сиянием веры православных сердец.
Великое торжество Православия совершается здесь каждый год 25-го сентября, 31-го декабря и 25-го мая. В декабре - причисление к лику святых Верхотурского Праведника, в сентябре - первое перенесение его святых мощей в Верхотурский монастырь. А майское празднование, по благословению Святейшего Патриарха Алексия, стало совершаться совсем недавно, и установлено оно в честь второго обретения святых мощей праведного Симеона, Верхотурского чудотворца.
И ныне по молитвам святого Симеона Верхотурского Господь являет благодатную помощь, утешение, укрепление, вразумление, врачевание душ и телес и избавление от лукавых и нечистых духов. Бедствующие путники по молитвам святого получают избавление от смерти. Особенно часто обращаются с молитвами к Верхотурскому чудотворцу при глазных болезнях и всевозможных параличах. Уже в наши дни он уврачевал прибегнувшую к его молитвам женщину от заражения крови.
Из дивных явлений праведного Симеона мы узнали не только его имя, но и облик: вечно молодой и удивительно добрый, излучающий радость человеколюбия и Боголюбия. На иконах святой Симеон изображен держащим в руке свиток с надписью: "Молю вас, братия, внемлите себе, имейте страх Божий и чистоту душевную и телесную".
митрополита Херсонского и Таврического Иоанна