День памяти:
4 / 17 декабря
Тропарь, глас 8
Варвару святую почтим: вражия бо сети сокруши́ и, яко птица, избавися от них помощию и оружием Креста, всечестна́я.
Кондак, глас 4
В Троице благочестно пева́емому, последовавши Богу, страстоте́рпице, идольская притупи́ла еси чти́лища; посреде же подвига страда́льчествующи, Варваро, мучителей прещения не устрашилася еси, мужему́дренная, велегласно поющи присно: Троицу чту, Едино Божество.
Кондак 1
Избра́нной невесте Христовой, Варваре всеславней и достоблаженней, немощны́х усте́н недостойное пение днесь приносим и, похвалы воспевающе, си́це зовем: Радуйся, Варваро, невесто Христова прекрасная.
Икос 1
Ангельскими усты́ песнь ти по достоянию имать быти воспета, мы же, грешнии, како похвалу ти составити дерзне́м, обаче, любовию подвиза́емии, воспеваем ти:
Радуйся, мученице всехвальная.
Радуйся, страстоте́рпице святая.
Радуйся, Ангельских ликостоя́ний сопричастнице.
Радуйся, Безплотных Сил сомоли́твеннице.
Радуйся, всего мира всеславная похвало.
Радуйся, Церкве Православныя всечу́дное украшение.
Радуйся, молитвами твоими от всякия зло́бы нас сохраняющая.
Радуйся, предстательством твоим нам спасение уготовляющая.
Радуйся, Варваро, невесто Христова прекрасная.
Кондак 2
Ве́дети тща́щися, всеблаженная, мудрость человеческую, постигла еси чрез учение Всебожественную Премудрость Ипоста́сную, мир от небытия́ приве́дшую и всю вселенную премудре устро́ившую, и воспела еси: Аллилуия.
Икос 2
Разума Божественнаго взыску́ющи, отринула еси безумную мглу идолослужения, и истиннаго Света Божественнаго достигши, и́стову обрела еси премудрость, еяже светом просвети вся к тебе прибегающия и пение сицево́е принося́щия:
Радуйся, светом Истины осия́нная.
Радуйся, огнем Божественным всеразже́нная.
Радуйся, доброде́тельми светлоукраше́нная.
Радуйся, венцем мученическим увязе́нная.
Радуйся, демонския зло́бы посрамление.
Радуйся, немощны́х де́рзостей врага нашего попрание.
Радуйся, свеще́, молитвою пламенеющая.
Радуйся, нам путь спасения озаряющая.
Радуйся, Варваро, невесто Христова прекрасная.
Кондак 3
Силою Божественною воистину облаче́на была еси, Варваро вседо́блественнейшая, якоже броне́ю светозарною, и сего ради сопроти́в стати возмогла еси ко́знем диавольским, яко оружие всекрепкое песнь победную имущи: Аллилуия.
Икос 3
Имущи щит веры непреобори́м, всякия угасила еси стре́лы вражия, искушения же и соблазны преоборо́ла еси, со апостолом восклицающи: вся могу о укрепляющем мя Иисусе! Темже укрепи нас, многонемощны́х, и от искушений лукавых свободи всех, воспевающих ти си́це:
Радуйся, суету́ тле́нную мира сего отри́нувшая.
Радуйся, страсте́й пламень кровьми́ му́ченическими угаси́вшая.
Радуйся, крест страдания за Христа на ра́мена своя восприявшая.
Радуйся, хулу и поношение мужественне Господа ради претерпевшая.
Радуйся, Страсте́й Христовых преславная сонасле́днице.
Радуйся, Воскресения Его соприча́стнице.
Радуйся, от страсте́й лукавых мира сего заступающая.
Радуйся, всех нас, чтущих тя, от бед и скорбе́й покрывающая.
Радуйся, Варваро, невесто Христова прекрасная.
Кондак 4
Бури ярости отца твоего не убоялася еси, страстоте́рпице всечу́дная, и ути́шила еси бурю нечестия страда́ньми твоими; темже и всякую напа́сть и скорбь ути́ши людей христоимени́тых, подвиги твоя прославляющих и дивному во святых своих Богу песнь принося́щих: Аллилуия.
Икос 4
Слышащи внутрь се́рдца своего, Варваро блаженная, призвание Господне, на подвиг испове́дничества тя призыва́яй, радостно последовала еси Подвигополо́жнику твоему; темже похвалами велича́ешися си́ми:
Радуйся, добродетельми светлоукраше́нная.
Радуйся, венцем му́ченическим увязе́нная.
Радуйся, звездо пресветлая неба церковнаго.
Радуйся, цвете всеславный вертогра́да Небеснаго.
Радуйся, гро́зде всесладкий лозы́ благопло́дныя.
Радуйся, учени́це возлюбленная Премудрости Божественныя.
Радуйся, яко о тебе Церковь ликовству́ет.
Радуйся, яко пение тебе людие православнии приносят.
Радуйся, Варваро, невесто Христова прекрасная.
Кондак 5
Божиим велением последующи, отвергла еси безбожное веление беззако́ннующаго мучителя, и то́ками крове́й твоих угасила еси пламень нечестия; темже и ныне молитвами твоими угаси разже́нныя стре́лы вражия, яже нам присно досажда́ют, да, зол избе́гше, благодарственно зовем: Аллилуия.
Икос 5
Видети возжеле́ла еси добро́ту красне́йшаго паче сыно́в человеческих Господа, отри́нула еси всю суету́ мирску́ю и, возше́дши на колесницу страданий, достигла еси Го́рняго Царствия; темже приими от нас похвалы сия:
Радуйся, Божиих дарований преиспо́лненная.
Радуйся, благодатию Господнею приосене́нная.
Радуйся, великомученице благословенная.
Радуйся, страстоте́рпице неле́стная.
Радуйся, плоть духу покорившая.
Радуйся, демонския дерзости прему́дренне поправшая.
Радуйся, в ризу страсте́й твоих всеславно облече́нная.
Радуйся, терпением, яко венцем, дивно украше́нная.
Радуйся, Варваро, невесто Христова прекрасная.
Кондак 6
Проповедует Церковь Православная славу твоего подвига, и Подвигополо́жник Господь с Небесе тя венцем му́ченическим венчает, и Ангели терпение твое славят, и человецы песнь о тебе Богу и Творцу приносят: Аллилуия.
Икос 6
Возсия свет Божественный и всесветлый во узи́лищи всемра́чнем твоем, егда прии́де к тебе Спас и Господь всех яко возлю́бленный Жених твой, и раны твоя исцели́. Темже молитвами твоими раны душ и телес наших уврачу́й, Варваро всеславная, да, от бед изба́вльшеся, во умилении зовем:
Радуйся, молитвою твоею нас сохраняющая.
Радуйся, от искушений и соблазнов ограждающая.
Радуйся, скорби наша в радость претворяющая.
Радуйся, терпению и упованию на Господа научающая.
Радуйся, православную веру утверждающая.
Радуйся, зловерие вселукавое отгоняющая.
Радуйся, от бед и напа́стей нас покрывающая.
Радуйся, на спасения стези́ верных наставляющая.
Радуйся, Варваро, невесто Христова прекрасная.
Кондак 7
Хотение страдания Христа ради яко огнь всебожественный распали́ сердце твое, Варваро достоблаженная, и явилася еси яко светильник всеславный, горя́й и светя́й нам, во мра́це жития сего сущим; темже просвети нас светом Божиим, да сподобимся с тобою и со всеми святыми Господу воспевати: Аллилуия.
Икос 7
Дивнаго во святых своих Бога прославляюще, воспеваем подвиги и страдания твоя, Варваро вседо́блественнейшая, имиже стяжала еси милость Божию и достигла еси Царствия Небеснаго; темже похвалу сицеву́ю ти принесем:
Радуйся, свеще́, благочестием сияющая.
Радуйся, кадильнице, доброде́тельми благоухающая.
Радуйся, греховныя стремления подвиги своими поправшая.
Радуйся, на высоту добродетелей возшедшая.
Радуйся, всякое искушение и соблазн мучителей преоборо́вшая.
Радуйся, вся советы лукаваго молитвами твоими разорившая.
Радуйся, от стезе́й неправедных верныя отвращающая.
Радуйся, праведностию своею нас ко спасению призывающая.
Радуйся, Варваро, невесто Христова прекрасная.
Кондак 8
Странница и прише́лица явилася еси на земли́, великомученице блаженная, к Небесному отечествию устреми́вши вся помышления своя; темже, зде пребывающаго града отве́ргшися, и отверже́ние приявши от ближних своих, обителей славных явилася еси причастница в дому́ Отца своего, идеже непрестанно песнь возносится: Аллилуия.
Икос 8
Весь мир во уме́ты вмени́вши, вся отринула еси, да Господа Единаго приобрящеши; темже, подвиги твоя поминающе, великомученице досточудная, со умилением воспеваем похвалы сицевы́я:
Радуйся, Христа ради вся отри́нувшая.
Радуйся, всю себе в жертву непорочную преда́вшая.
Радуйся, всякия земныя добро́ты ради Господа лиши́вшаяся.
Радуйся, Единаго в сыне́х человеческих Красне́йшаго зре́ти восхотевшая.
Радуйся, добро́ту телесную и бла́га тле́нная поправшая.
Радуйся, одеждею нетления душу свою обле́кшая.
Радуйся, премудрому купцу́ уподобившаяся.
Радуйся, яко би́сер безценный Христа обре́тшая.
Радуйся, Варваро, невесто Христова прекрасная.
Кондак 9
Всякия злочести́выя ко́зни не́мощны о тебе явишася, Варваро богоблаженная, сего ради воспла́каша демонския полки́, за́вистию растерза́емии, егда узре́ша тя, на Небеса к Жениху своему Всеблагословенному восходя́щую и песнь всерадостную воспевающую: Аллилуия.
Икос 9
Вети́йствуяй всу́е и гордостию словеса плету́щий язык не возможет похвалу воспети ти по достоянию, Варваро богомудрая и всеблаженная; мы же любовию разже́ннаго се́рдца песнь приносим, глаголюще:
Радуйся, терпением своим Ангелов удивившая.
Радуйся, демонския немощны́я дерзости преславно поправшая.
Радуйся, яко в немощне́м твоем телеси́ сила Божия явися.
Радуйся, яко светом подвигов твоих вся земля освятися.
Радуйся, светом Небесным осене́нная.
Радуйся, того сиянием ду́ши наша просвещающая.
Радуйся, утешение нам присно низпосылающая.
Радуйся, благодатныя да́ры от Господа подающая.
Радуйся, Варваро, невесто Христова прекрасная.
Кондак 10
Спасения ради нашего Крестныя Страдания претерпевый, Подвигопло́жник наш Господь сподоби тя, великомученице всеблаженная, Страсти Своея сопричастницею быти. Ты же, прося́щи у Него по́мощи и укрепления во страданиих, взывала еси в молитве: Аллилуия.
Икос 10
Стена́ искушений обстои́т нас, бед же и скорбе́й всяческих и напа́стей нашествие ополча́ется; ты же, страстоно́сице святая, молитвами твоими всякое злоухищре́ние вражие дале́че отжени от нас, память твою си́це воспевающих:
Радуйся, молитвою твоею нас укрепляющая.
Радуйся, предстательством твоим от бед нас избавляющая.
Радуйся, любовию своею всех нас обыма́ющая.
Радуйся, никого́же скорбящим оставляющая.
Радуйся, телесем нашим здравие подающая.
Радуйся, душа́м нашим спасение исхода́тайствующая.
Радуйся, огнем благодати сердца́ верных воспламеняющая.
Радуйся, пламень зло́бы а́дския тайноде́йственно угашающая.
Радуйся, Варваро, невесто Христова прекрасная.
Кондак 11
Пения наша похвальная и гласы молебныя приими, богоблаженная Варваро, и предстательством твоим невредимы от всякия напа́сти соблюди, и молитвами твоими и нас сподоби Царствие Небесное улучи́ти, да с тобою песнь всерадостную поем: Аллилуия.
Икос 11
Светлостию подвига твоего, Варваро богоблаженная, Церковь Православная украшаемая, веселится и радуется о Бозе Спасе своем, и тя яко невесту Христову избра́нную и молитвенницу усердную ублажающи, взывает:
Радуйся, Светом невечерним озаренная.
Радуйся, славою Божиею просвещенная.
Радуйся, муки и скорби ни во чтоже вменившая.
Радуйся, у́зами темни́чными у́зы зло́бы сокрушившая.
Радуйся, на колесницу мучений возшедшая.
Радуйся, страда́ньми Царствия Небеснаго достигшая.
Радуйся, одея́ния души́ кровьми́ своими убелившая.
Радуйся, на брак Агнчий прерадостно возшедшая.
Радуйся, Варваро, невесто Христова прекрасная.
Кондак 12
Благодать от Бога приимши, во еже хранити и соблюдати от внезапныя болезни и наглыя смерти всякаго человека, молитвами твоими сохрани от всякаго зла всех подвиги твоя воспевающих и Богу, дивному во святых своих, о тебе похвалы воспису́ющих: Аллилуия.
Икос 12
Поюще подвиг твой, страстоно́сице святая, величаем страдания твоя и возвещаем, яже ко Христу любве крепость неодоли́мую, песни же и пения духовная от любве ти днесь сплета́ем:
Радуйся, преславное верных величание.
Радуйся, православных крепкое упование.
Радуйся, чудес источниче неистощимый.
Радуйся, сосуде, благодати преиспо́лненный.
Радуйся, сосуде Божественныя любве.
Радуйся, причастнице евангельскаго блаженства.
Радуйся, непрестанно о всех молитвы принося́щая.
Радуйся, о память твою совершающих присно хода́тайствующая.
Радуйся, Варваро, невесто Христова прекрасная.
Кондак 13
О многострадальная и всехвальная святая великомученице Варваро! Нынешнее наше моление прие́мши, от всяких болезней душевных и телесных и враг видимых и невидимых нас избави и от вечнаго мучения твоим богоприятным хода́тайством сохрани, да с тобою во веки поем Богу: Аллилуия.
(Этот кондак читается трижды, затем икос 1 и кондак 1)
МОЛИТВА
О святая славная и всехвальная великомученице Христова Варваро! Со́брании днесь (в храме твоем Божественном) люди, (и раце мощей твоих покланя́ющиися и любовию целующии), страдания же твоя му́ченическая, и в них Сама́го Страстополо́жника Христа, давшаго тебе не то́чию еже в Него веровати, но и еже по Нем страдати, похвалами ублажающе, молим тя, известная желания нашего хода́таице: моли с нами и о нас умоляемаго от Своего благоутробия Бога, да милостивно услышит нас, прося́щих Его благостыню, и не отставит от нас вся ко спасению и житию ну́ждная прошения, и дарует христианскую кончину животу нашему безболезненну, непостыдну, мирну, Божественных Таин причастну, и всем, на всяком месте, во всякой скорби и обстоянии требующим Его человеколюбия и помощи, великую Свою подаст милость, да благодатию Божиею и твоим теплым предстательством, душею и телом всегда здрави пребывающе, славим дивнаго во святых Своих Бога Израилева, не удаляющаго помощи Своея от нас всегда, ныне и присно и во веки веков. Аминь.
Ж И Т И Е
Святая великомученица Варвара родилась в г. Илиополе (нынешней Сирии) при императоре Максимине (305—311 гг.) в знатной языческой семье. Отец Варвары Диоскор, рано лишившись своей супруги, был страстно привязан к своей единственной дочери. Чтобы уберечь красивую девушку от посторонних взоров и вместе с тем лишить ее общения с христианами, он построил для дочери специальный замок, откуда она выходила только с разрешения отца. Созерцая с высоты башни красоту Божиего мира, Варвара часто испытывала желание узнать его истинного Творца. Когда приставленные к ней воспитательницы говорили, что мир создан богами, которых почитает ее отец, то она мысленно говорила: «Боги, которых почитает мой отец, сделаны руками человеческими. Как эти боги могли создать такое пресветлое небо и такую красоту земную? Един должен быть такой Бог, Которого создала не рука человеческая, но Сам Он, имеющий собственное бытие». Так святая Варвара училась от творений видимого мира познавать Творца, и на ней сбывались слова пророка: «Поучихся во всех делех Твоих, в творении руку Твоею поучахся» (Пс. 142, 5).
Со временем к Диоскору все чаще стали приходить богатые и знатные женихи, прося руки его дочери. Отец, давно мечтавший о замужестве Варвары, решил завести с ней разговор о браке, но, к своему огорчению, услышал от нее решительный отказ исполнить его волю. Диоскор решил, что со временем настроение дочери изменится и у нее появится склонность к замужеству. Для этого он разрешил ей выходить из башни, надеясь, что в общении с подругами она увидит другое отношение к замужеству.
Однажды, когда Диоскор находился в длительном путешествии, Варвара познакомилась с местными христианками, которые рассказали ей о Триедином Боге, о неизреченном Божестве Иисуса Христа, о Его воплощении от Пречистой Девы и о Его вольном страдании и Воскресении. Случилось так, что в то время в Илиополе проездом из Александрии находился священник, принявший вид купца. Узнав о нем, Варвара пригласила пресвитера к себе и просила совершить над ней Таинство Крещения. Священник изложил ей основы святой веры и затем крестил во имя Отца и Сына и Святого Духа. Просвещенная благодатью Крещения, Варвара еще с большей любовью обратилась к Богу. Она обещала посвятить Ему всю свою жизнь.
За время отсутствия Диоскора при его доме велось строительство каменной башни, где рабочие по приказанию хозяина намеревались соорудить два окна с южной стороны. Но Варвара, зайдя однажды посмотреть строительство, упросила их сделать третье окно — во образ Троичного Света. Когда же вернулся отец, то он потребовал у дочери отчета о сделанном, «Три лучше чем два, — говорила Варвара, — ибо у неприступного, неизреченного Света, Троичного, Три Окна (Ипостаси или Лица)». Услышав от Варвары христианские вероучительные наставления, Диоскор пришел в ярость. Он бросился на нее с обнаженным мечом, но Варвара успела выбежать из дома. Она укрылась в горной расселине, которая чудным образом расступилась перед ней.
К вечеру Диоскор по указанию одного пастуха все же нашел Варвару и с побоями притащил мученицу в дом. Наутро он отвел Варвару к городскому правителю и сказал: «Я отрекаюсь от нее, потому что она отвергает богов моих, и если не обратится к ним снова, то не будет мне дочерью. Мучай ее, как будет угодно твоей воле». Долго уговаривал градоначальник Варвару не отступать от древних отеческих законов и не противиться воле отца. Но святая мудрою речью обличала заблуждения идолопоклонников и исповедала Иисуса Христа Богом. Тогда ее начали сильно бить воловьими жилами, и после этого растирать глубокие раны жесткой власяницей.
В конце дня Варвару отвели в темницу. Ночью, когда ее ум был занят молитвой, ей явился Господь и сказал: «Дерзай, невеста Моя, и не бойся, ибо Я с тобою. Я взираю на подвиг твой и облегчаю твои болезни. Претерпи до конца, чтобы вскоре насладиться вечными благами в Царстве Моем». На следующий день все были удивлены, увидев Варвару, — на ее теле не осталось никаких следов недавних истязаний. Видя такое чудо, одна христианка, по имени Иулиания, открыто исповедала свою веру и объявила желание пострадать за Христа. Обеих мучениц начали водить обнаженными по городу, а затем повесили на дереве и долго пытали. Их тела терзали крючьями, жгли свечами, били по голове молотком. От таких пыток невозможно было остаться человеку живым, если бы мучениц не укрепляла сила Божия. Оставаясь верными Христу, по приказанию правителя, мученицы были обезглавлены. Святую Варвару казнил сам Диоскор. Но безжалостного отца вскоре поразила молния, превратив его тело в пепел.
Мощи святой великомученицы Варвары в VI веке были перенесены в Константинополь, а в XII веке дочь византийского императора Алексея Комнина (1081—1118 гг.), княжна Варвара, вступая в брак с князем Михаилом Изяславичем, привезла их с собой в Киев, где они находятся и теперь — в соборе святого князя Владимира.
Святой великомученице Варваре молятся о сохранении от внезапной смерти без покаяния и Святого Причащения.
По благословению
митрополита Херсонского и Таврического Иоанна