Акафист святителю ИОАСАФУ БЕЛГОРОДСКОМУ

 

Дни памяти:

17 сентября (н. ст.)

23 декабря (н. ст.)

 

Тропарь, глас 3

Святителю, Христу Богу возлюбленне, правило веры и образ милосердия людем был еси, бдением же, постом и молитвою, яко светильник пресветлый, просиял еси и прославлен от Бога явился еси; телом убо в нетлении почивая, духом же Престолу Божию предстоя, чудеса преславно источаеши, моли Христа Бога, да утвердит нас в Православии и благочестии и спасет души наша.

 

Кондак, глас 8

Многоразличныя подвиги жития твоего кто исповесть? Многообразныя милости Божия, тобою явленныя, кто исчислит? Дерзновение же твое у Пречистыя Богородицы и Всещедраго Бога добре ведуще, во умилении сердечнем зовем ти: не лиши и нас твоея помощи и заступления, святителю Христов и чудотворче Иоасафе.

 

Кондак 1

Избранных воинов мужества наследниче и Христова стада пастырю предобрый, светильниче веры, на свещнице Белограда возсиявый, нищих питателю и о людех ко Христу Богу молитвенниче, похвальная восписуем ти раби Господа твоего от сердец наших, к любви твоей вопиюще: Радуйся, святителю Христов Иоасафе, чудотворче предивный.

 

Икос 1

Ангел Божий послан бысть от Богородицы прообразовательное действие совершити и отрока тя суща мантиею святительскою покрыти, Иоасафе. Сие родитель твой зрети в видении сподобився, слышаше и глас Царицы Небесныя, глаголющ ти: «Довлеет Ми молитва твоя». Таковому сладостному гласу внемлюще, и мы, грешнии, любовию вопием ти:

Радуйся, от матере твоея в день Рождества Пречистыя рожденный.

Радуйся, покровом Богородицы от рождения твоего покровенный.

Радуйся, сосуде, от детства твоего Богом избранный.

Радуйся, под сению обители Троицы Святыя Господеви воспитанный.

Радуйся, родителей благочестивых возлюбленный сыне.

Радуйся, паче присных твоих возлюбивый пустыню.

Радуйся, во Киеве граде разумом научение книжное стяжавый.

Радуйся, чистое сердце твое Господеви отдавый.

Радуйся, дом родителей твоих Господа ради оставивый.

Радуйся, тайно в Межигорскую обитель стопы твоя направивый.

Радуйся, юный молитвенниче пещеры тесныя.

Радуйся, презревый земная, возлюбивый небесная.

Радуйся, святителю Христов Иоасафе, чудотворче предивный.

 

Кондак 2

Видя образ мира сего преходящ и славу человеческую якоже дым исчезающу, от юности монашеское житие возлюбил еси и, отроча сый, молитве и службе Божией зело прилежал еси, Иоасафе, ангельскую песнь присно воспевая Господеви: Аллилуиа.

 

Икос 2

Разум твой, научением книжным в Богоявленском братстве просвещаемый, богомыслию предал еси, Иоасафе, сокровища премудрости не себе собирая, паче же сими в Бога богатея, молитвою же и пощением во служение Христу себе уготовляя. Темже и во юности твоей сицевых ублажений достоин явился еси:

Радуйся, образе чистоты и целомудрия.

Радуйся, рачителю благий смиренномудрия.

Радуйся, отринувый, якоже сор, мира сего душетленныя сладости.

Радуйся, омывый душу твою слезами чистыми младости.

Радуйся, девство твое нерастленно Господеви сохранивый.

Радуйся, прельщения возраста юнаго победивый.

Радуйся, весно, лучами благодати осиянная.

Радуйся, утро, добродетельми облагоуханное.

Радуйся, яко Христу путем узким последовал еси.

Радуйся, яко горняго отечествия достигнути возжелел еси.

Радуйся, на рало Господне руце твои возложивый.

Радуйся, лица твоего николиже вспять обративый.

Радуйся, святителю Христов Иоасафе, чудотворче предивный.

 

Кондак 3

Силы духа твоего во едино намерение совокупивый, во еже Христу житие твое безраздельне предати, ангельский образ во юности ранней восприял еси, Иоасафе, и со старцы вкупе воспел еси Триединому Богу: Аллилуиа.

 

Икос 3

Имея оружие непобедимое – Крест, на сердце твоем верою начертанный, противу страстей и грехов смертных, возстающих на ны, крепко ополчился еси, и, Господу победы на тыя враги даровавшу, сложил еси песнь честным добродетелем, ейже внимающе, и мы благодарными усты сице ти воспеваем:

Радуйся, смирения образе, имже гордыня низлагается.

Радуйся, благосердия правило, имже всяческая злоба побеждается.

Радуйся, целомудрия носителю и нечистых помыслов отражение.

Радуйся, любве крепкия рачителю и ненависти истребление.

Радуйся, поста оружием от плена страстей свободивыйся.

Радуйся, кротости силою от гнева неправеднаго оградивыйся.

Радуйся, страже благочестия, от сна греховнаго душу твою охраняяй.

Радуйся, добродетелей содружеством от смертныя тли тую избавляяй.

Радуйся, угодниче Божий, сими добродетельми в памяти христиан преукрашенный.

Радуйся, светильниче веры, от Солнца Правды во Царствии Небеснем возжженный.

Радуйся, источниче, в жизнь вечную текий.

Радуйся, на диавола крепце возмогий.

Радуйся, святителю Христов Иоасафе, чудотворче предивный.

 

Кондак 4

Бурю искушений и нападений вражиих бодрственным житием твоим утишая, от архиерея Божия на степень священства возведен был еси, и со всяким смиренномудрием на рамена твоя бремя служения церковнаго во честнем Киеве подъял еси, ко святыням града сего присно припадая, идеже и доднесь иноцы и православнии людие вопиют Богу: Аллилуиа.

 

Икос 4

Слышаху ближнии и дальнии о трудех твоих неустанных, Иоасафе, како первее во граде Лубнах обитель, тобою благоукрашаемая, благословляше тебе, игумена своего, по сих же Лавра Сергиева тобою обновися, елико строением домовным, тако и жития иноческаго исправлением. Того ради глас народный восхваляше тя сими:

Радуйся, храмов святых искусный устроителю.

Радуйся, честных обителей усердный украсителю.

Радуйся, ревнителю благолепия церковнаго.

Радуйся, паче сих рачителю делания духовнаго.

Радуйся, в сердце твоем образ Христа носивый.

Радуйся, Спасителя твоего до конца возлюбивый.

Радуйся, проповедниче, егоже послушаше в сладость царица.

Радуйся, истины глашатаю, не взираяй на лица.

Радуйся, богомыслию деяние приложивый.

Радуйся, терпению житием твоим вся научивый.

Радуйся, яко в поте лица твоего Бога ради трудился еси.

Радуйся, яко в подвизе добре дух твой усовершил еси.

Радуйся, святителю Христов Иоасафе, чудотворче предивный.

 

Кондак 5

Боготечней звезде послушания, аки Вифлеемстей, мысленно последовав, обрел еси Христа, во храмине души твоея явльшася, отче преподобне, и Тому волю твою подклонил еси. Темже и Господь, в борении твоем тя укрепляя, в видении повелевает Афанасию, святителю Мгарскому, на главу твою руце возложити и тем грядущая твоя возвестити, да со дерзновением вопиеши Царю Небесному: Аллилуиа.

 

Икос 5

Видевше тя людие Белоградстии наставника добра Божественных учений, на престоле святительстем явльшася и отеческих преданий хранителя верна себе показующа, судию же нелицеприятна и пастыря неусыпна бывающа, радовахуся зело и единодушне восхваляху тя, глаголюще:

Радуйся, учителю истиннаго богопознания.

Радуйся, гонителю волшебства и гадания.

Радуйся, обличителю злочестиваго неверия.

Радуйся, искоренителю раскола и суеверия.

Радуйся, вельможу невоздержнаго святому посту научивый.

Радуйся, уставы отеческия во обителех крепко водворивый.

Радуйся, православныя истины насадителю.

Радуйся, училищ благочестия покровителю.

Радуйся, имже латинстии обычаи изгоняются.

Радуйся, имже семена правды Христовы посеяваются.

Радуйся, ищущим научения отве́рстая врата.

Радуйся, славы Божия немолчная уста.

Радуйся, святителю Христов Иоасафе, чудотворче предивный.

 

Кондак 6

Проповедник сый Православия догматов, заповеди Господни не усты токмо, но и всем житием твоим изъяснил еси, Иоасафе. Тако бо просветися свет твой пред человеки, яко, видевше добрая дела твоя, вси прославляху Отца Небеснаго, Емуже всякое дыхание поет хвалу: Аллилуиа.

 

Икос 6

Возсиявшу Солнцу Правды горе пред очима твоима, нощь греха на земли низу не страшна бысть тебе, Иоасафе святителю, от Господа якоже на корабли кормчий поставленный и рукою крепкою кормило его приемый. Темже достойно славим тя и не умолчим, вопиюще:

Радуйся, пастырю, не себе угождаяй.

Радуйся, стадо Христово от волков хищных верно ограждаяй.

Радуйся, жезлом правды нечестие сокрушивый.

Радуйся, небрегущия о святыни от Церкве Божия отлучивый.

Радуйся, оградо крепкая неправедно обидимым.

Радуйся, защищение твердое правды ради ненавидимым.

Радуйся, чтеца смиреннаго от княжеских слуг защитивый.

Радуйся, презрители уставов церковных низложивый.

Радуйся, надменных праведный обличителю.

Радуйся, непокорных строгий смирителю.

Радуйся, меча духовнаго в ножны не вложивый.

Радуйся, венец правды от Господа получивый.

Радуйся, святителю Христов Иоасафе, чудотворче предивный.

 

Кондак 7

Хотя быти пастырь истинен, иже своя овцы глашает по имени, многочастне веси и грады паствы твоея обходил еси не нуждею, но по Бозе, ниже неправедными прибытки, но усердно, образ стаду подая во трудех твоих, и шествиих, и болезнех, непрестанно поучая и обличая, и вся человеки призывая служити Богу и пети Тому: Аллилуиа.

 

Икос 7

Новаго неба и новыя земли по обетованию Христову чая и сих ради внутренняго человека на всяк день обновляя, постом плоть твою от работы истления свободил еси, Иоасафе премудре, и молитвою криле духу твоему возрастил еси, имже и нас, грешных, духовне воздвизаеши, во еже славити тя и воспевати:

Радуйся, во трудех и болезнех обретый небесныя радости.

Радуйся, в пощениих и бдениих вкусивый духовныя сладости.

Радуйся, во страданиих твоих плоть смиривый.

Радуйся, образ терпения людем явивый.

Радуйся, сосуде немощный, силы духовныя хранилище.

Радуйся, стамно скудельная, благодати вместилище.

Радуйся, кадило благовонных Богу курений.

Радуйся, храмино святых песнопений.

Радуйся, таин Божиих дивный строителю.

Радуйся, чад Церкве благодатный учителю.

Радуйся, яко тебе Ангели незримо сослужа́ху.

Радуйся, яко от тебе демони далече отступаху.

Радуйся, святителю Христов Иоасафе, чудотворче предивный.

 

Кондак 8

Странник в мире сем быв, горняя мудрствовал еси, а не земная, Иоасафе преподобне, и, поминая последняя твоя, молился еси Христу Богу, глаголя: "В час смерти моея приими дух раба Твоего, во странствии суща, да со всеми святыми воспою Ти: Аллилуиа".

 

Икос 8

Всем сердцем твоим и святою любовию твоею меньшей братии послужил еси, святителю Иоасафе, алчущих питая, домы сирых и убогих согревая, своима рукама дрова вдовицам уготовляя, милостыни же твоя творя в тайне. Но Господу изволившу, явишася мирови благая дела твоя, яже славяще, взываем ти сице:

Радуйся, древо благодатное, от егоже плодов питаются алчущии.

Радуйся, источниче утешений, от негоже напаяются жаждущии.

Радуйся, яко шуйца твоя не веде, яже творяше десница.

Радуйся, яко трапеза твоя бысть утешение сущим в темницах.

Радуйся, пищею твоею воеводу опальнаго питавый.

Радуйся, яко воспретити сие тебе не возможе правитель лукавый.

Радуйся, разбойники, нападшия на тя, словом твоим устыдивый.

Радуйся, единаго от них к покаянию конечному обративый.

Радуйся, матерей, млеком питающих, благое защищение.

Радуйся, о отрочатех малых мудрое попечение.

Радуйся, яко милость и суд во едино совокупил еси.

Радуйся, яко любовию твоею народную любовь себе стяжал еси.

Радуйся, святителю Христов Иоасафе, чудотворче предивный.

 

Кондак 9

Всякую тайну души человеческия прозреваше духовное око твое; темже открыся тебе и грех иерея онаго, леты убо согбеннаго, клятвою же Ангела Божия на земли сей связаннаго, егоже к покаянию привед и Богу примирив, по Литургии Божественней от греховнаго плена и уз привременнаго жития избавил еси, поя Всемилостивому Спасу: Аллилуиа.

 

Икос 9

Витий многовещанных паче, глас народный немолчно славит тя, Иоасафе блаженне. Темже и ныне приими похвалы сия от всех нас, во умилении сердец к тебе зовущих:

Радуйся, яко молитвы твоя всенощныя благодать Божию на землю низвождаху.

Радуйся, яко дние твои многотруднии благо Церкви и людем приношаху.

Радуйся, о овцах словесных стада твоего пастырское попечение присно являяй.

Радуйся, чин церковный благолепно исправляяй.

Радуйся, брани и свары прещением твоим укротивый.

Радуйся, мирному житию пресвитеры и диаконы научивый.

Радуйся, яко в тебе новый сосуд благодати открыся.

Радуйся, яко тобою Пещанский образ Богоматери явися.

Радуйся, таин сердечных явное возвещение.

ра́дуйся, грядущих дивное прозрение.

Радуйся, завета евангельскаго верный хранителю.

Радуйся, заповедей церковных нелицемерный блюстителю.

Радуйся, святителю Христов Иоасафе, чудотворче предивный.

 

Кондак 10

Спасти от расхищения овцы твоя хотя, волки лютыя жезлом святительским далече отгнал еси от ограды церковныя, словом же истины, якоже мечем обоюдоострым, нападения оных отразил еси, Иоасафе, победную песнь воспевая Господеви: Аллилуиа.

 

Икос 10

Стеною крепкою оградил еси люди твоя, блаженне, на основании веры сию положив, от камений же надежды и любве тую воздвигнув и памятию подвигов твоих на веки укрепив. Сих ради песнь слагаем тебе, взывающе:

Радуйся, обычаев злых гонителю, добрых же защитителю.

Радуйся, области твоея премудрый управителю.

Радуйся, страны нашея оружие духовное.

Радуйся, зерцало светлое правды церковныя.

Радуйся, человекоугодия ради никогоже пощадивый.

Радуйся, мздоприимство яве обличивый.

Радуйся, страха ради человеча двери правды николиже затворивый.

Радуйся, единому страху Божию сердце твое покоривый.

Радуйся, пламенем гнева Господня враги веры опаляяй.

Радуйся, ярость гнева неправеднаго кротостию утишаяй.

Радуйся, воеводо Христов неустрашимый.

Радуйся, пастырю, вся любяй и от всех любимый.

Радуйся, святителю Христов Иоасафе, чудотворче предивный.

 

Кондак 11

Пение хвалебное приносим ти от смиренных сердец наших, Иоасафе блаженне. Сие убо любовию твоею прияти не отвратися, аще и сладчайшия гласы Ангелов ныне слышиши, на небеси Богу поющих: Аллилуиа.

 

Икос 11

Светозарному небеси уготовав дух твой и скорый конец жития земнаго проразумев, к погребению же телесе твоего храмину уготовити повелев, посетил еси отеческий град и родители твоя, по заповеди Божией тем честь воздавая и любовию сыновнею души их в вере и уповании усовершая, имиже и нас просвети, Иоасафе блаженне, зовущих:

Радуйся, старость родителей посещением твоим озаривый.

Радуйся, села отеческая пред кончиною твоею благословивый.

Радуйся, яко недузи дух твой, якоже злато, очищаху.

Радуйся, яко добродетели твоя, якоже камение драгое, сияху.

Радуйся, кораблю, напастьми бурь житейских неодоленный.

Радуйся, славно свершивший путь, от Христа повеленный.

Радуйся, яко тебе пристань благоутешная пресветлое небо явися.

Радуйся, яко тебе дверь Царствия Христова открыся.

Радуйся, яко вселился еси духом твоим в горняя селения.

Радуйся, яко и на земли оставил еси нетленен залог воскресения.

Радуйся, звездо, на тверди духовней сияющая.

Радуйся, молитво о нас к Богу неумолкающая.

Радуйся, святителю Христов Иоасафе, чудотворче предивный.

 

Кондак 12

Благодати неистощимыя знамение непререкаемое яви нам Христос в нетлении мощей твоих, Иоасафе премудре, пред нимиже людие вернии молящеся, от видимых к невидимым духовне восходити научаются, Бога же, дивнаго во святых Своих, славити и ангельски Ему воспевати: Аллилуиа.

 

Икос 12

Поюще праведное житие твое, Иоасафе блаженне, славяще труды твоя и восхождения от славы в славу, зрим и исповедуем, яко кончина твоя рождение бысть в жизнь приснотекущую, еяже струями благодатными и нас, земных, окропляеши и от болезней душевных и телесных, Господу изволяющу, свобождаеши, недугующим и прискорбным многочастне в видении являяся и утешение принося, наипаче же молящимся пред гробницею твоею невидимо внемлеши и видимо помощь подаеши. Темже, благодарственно воспевающе тя, глаголем:

Радуйся, радости приобщивыйся, в печали же сущих не забывый.

Радуйся, ухо твое ко юдоли скорбей преклонивый.

Радуйся, якоже Илия Фесвитянин, огнем ревности по Бозе горяй.

Радуйся, стопами Чудотворца Мир Ликийских в хижины бедных входяй.

Радуйся, отчаянным нечаянное вспоможение.

Радуйся, разслабленным благодатное укрепление.

Радуйся, яко твоими молитвами хромии хождаху.

Радуйся, яко тобою слепии зрение получаху.

Радуйся, от многообразных недугов исцеляяй.

Радуйся, воины православныя на брани охраняяй.

Радуйся, земли нашея защитниче верный.

Радуйся, Православия поборниче нелицемерный.

Радуйся, святителю Христов Иоасафе, чудотворче предивный.

 

Кондак 13

О преславный пастырю Белоградский, святителю Иоасафе! Приими малое сие хваление наше и моли Христа Бога, да избавит землю нашу и вся страны христианския от смертоноснаго неверия язвы, от всякия вражды и нестроения, от враг видимых и невидимих, Церковь же Святую да возрастит и укрепит, и вся верныя ко Христу, всемирному Пастырю, приведет, поющия Ему: Аллилуиа.

(Этот кондак читается трижды, затем икос 1 и кондак 1)

 

Молитва

О святителю Христов Иоасафе, чудотворче Белоградский! Веруем, грешнии и недостойнии, яко очи Господни на праведных и уши Его на молитву их, и того ради к молитвам твоим прибегаем и ходатайства твоего за нас просим, по глаголу апостольскому уповающе, яко любы твоя николиже отпадает. Во гресех и болезнех наших льну курящемуся и трости сокрушенней уподобихомся, и, аще живем, милостию Бога живем и за молитвы праведник Его. Приклони убо и ты, отче праведне, сердце твое к молению нашему, и предстательством твоим даждь роду христианскому от Господа мир и благословенне; Православие укрепи, нападения же лукавнующих и беззаконных на Церковь Божию отжени. Умоли Отца Небеснаго избавитися нам от нашествия вражескаго, от междоусобий же и смятений народных, от губительных поветрий и смертоносныя язвы, от глада, огня, потопа и иных бед и обстояний. Испроси у Христа Бога душам нашим крепость и телесем нашим потребное здравие, болезнем же исцеление, хромым хождение, слепым прозрение, разслабленным утверждение, печальным утешение и от всех скорбей избавление. Отпадшыя же лозы Христовы ветви паки с тою соедини, еяже и сам причастник быти сподобился еси, да тако прославится тобою пречестное и великолепое имя Бога нашего, Отца и Сына и Святаго Духа, ныне и присно и во веки веков. Аминь.

 

Ж И Т И Е

Святитель Иоасаф, епископ Белгородский родился 8 сентября 1705 года, в праздник Рождества Пресвятой Богородицы, в г. Прилуки Полтавской губернии в семье Андрея Дмитриевича и Марии Даниловны Горленко. В Крещении назван Иоакимом. Однажды его отец увидел на небе Пресвятую Божию Матерь, а у ног Ее склоненного в молитве Иоакима и услышал голос: «Довлеет Ми молитва твоя». В то же мгновение Ангел накрыл ребенка мантией епископа. Отец был потрясен, но забыл увиденное и вспомнил о нем только после кончины сына.

Семейство Горленко отличалось особой религиозностью, нищелюбием и благотворительностью. Так, например, Димитрий Горленко (дед св. Иоасафа) построил в Свято-Троицкой Пустынно-Густинской обители две церкви — во имя свв. апостолов Петра и Павла и свт. Николая. Воспитываясь в такой семье, молодой отрок Иоаким с ранних лет отличался большой религиозной настроенностью.

В 1712 году семилетнего Иоакима отдали в Киевскую Духовную Академию. Посещения Киево-Печерской Лавры пробудили в мальчике желание стать иноком. Семь лет будущий святитель испытывал себя и, утвердившись, попросил у родителей благословения на постриг. Отец строго отказал и, чтобы наблюдать за сыном, приставил к нему слугу. В 1725 году тайно от родителей Иоаким принял рясофор с именем Иларион в Киевском Межигорском монастыре. Отец и мать смирились и послали ему свое благословение.

21 ноября 1727 года, после окончания Духовной Академии, инок Иларион принял постриг в мантию с именем Иоасаф в Киево-Братском монастыре. А через год он был хиротонисан архиепископом Киевским Варлаамом (Вонатовичем) в сан иеродиакона и оставлен преподавателем в Киевской Духовной Академии. После смерти Преосвященного Варлаама Киевской кафедрой управлял архиепископ Рафаил (Заборовский). Необычайные способности молодого подвижника привлекли его внимание, и он поручил ему должность экзаменатора при Киевской архиепископии. В ноябре 1734 года иеродиакон Иоасаф был посвящен в сан иеромонаха и переведен из Братского монастыря в Киево-Софийский архиерейский дом. В том же году его назначили членом Киевской духовной консистории. Деятельность святого Иоасафа в консистории явилась для него хорошей школой: он узнал нужды священнослужителей, деловые качества сочетал с подвигом молитвы и поста и быстро восходил по лествице духовного совершенствования. Об этом свидетельствует его творение «Брань седми честных добродетелей с седми грехами смертными», а также слова, с которыми он обратился к своей сестре перед кончиной (у святителя было слабое здоровье): «Сестрица, суровые подвиги в начале не дают мне веку дожить!»

24 июня 1737 года иеромонах Иоасаф был назначен настоятелем Свято-Преображенского Мгарского монастыря в г. Лубны, с возведением в сан игумена. Он отдал все силы для благоустройства обители — в прошлом оплота Православия в борьбе с унией. В одном из храмов монастыря покоились мощи святителя Афанасия, патриарха Константинопольского, Лубенского чудотворца, который в свидетельство о своем покровительстве несколько раз являлся новому игумену.

В 1744 году митрополит Рафаил возвел игумена Иоасафа в сан архимандрита. В конце того же года его вызвали в Москву и по распоряжению Святейшего Синода назначили наместником Свято-Троицкой Сергиевой Лавры.

В обители преподобного Сергия святитель самоотверженно исполнял послушания Церкви (требовалось много сил для восстановления монастыря после пожара).

2 июня 1748 года в Петропавловском соборе Петербурга архимандрит Иоасаф был хиротонисан во епископа Белгородского. На архиерейской кафедре святитель Иоасаф строго следил за соблюдением благочестия, нравственностью паствы, за правильностью совершения Богослужения и состоянием храмов, ежегодно объезжал епархию.

Однажды он увидел во сне, что в притворе какой-то церкви на груде мусора находится икона Пречистой Божией Матери и услышал голос: «Образ Мой предназначен быть источником благодати, а его выбросили в мусор!» Икону Пресвятой Богородицы, именуемую Песчанской, которую святитель нашел в Вознесенской церкви в предместье города Изюма — Замостье, он приказал поставить в храме и долго молился перед ней.

Как-то на собрании духовенства святитель заметил очень старого священника (130-ти лет) и из беседы с ним узнал, что причина томительного долголетия — нераскаянный грех: местный помещик опоздал к Литургии и заставил священника совершить ее вторично, что святыми канонами запрещено. После первого же возгласа священник услышал: «Не дерзай, проклят будешь!» В исступлении несчастный сказал: «Сам ты проклят!» — и продолжил Литургию. Святитель ужаснулся и сказал: «Ты проклял Ангела Хранителя святого места, которые всегда находятся в тех местах, где стоят церкви, и это причина твоего долголетия». Святитель взял походную церковь и отправился с покаявшимся священником в поле, на место бывшей церкви, благословил его отслужить Литургию и во время ее совершения усердно молился, преклонив колени. По окончании Литургии священник прочитал после отпуста молитву праведного Симеона Богоприимца. Затем святитель благословил его и сказал: «Прощаю и разрешаю тя от всех твоих грехов». Примиренный с Богом и совестью, старец припал к подножию престола и скончался.

Однажды в комнате одного священника святитель почувствовал неизъяснимый трепет. На полке между цветочными горшками он нашел в бумажке Святые запасные Дары. Коленопреклоненно всю ночь он молился перед святыней, а утром лишил недостойного пастыря сана.

Святитель Иоасаф тщательно скрывал свою внутреннюю жизнь. Он стяжал благодатный молитвенный дар слез и при каждом бое часов читал молитву: «Буди благословен день и час, в оньже Господь наш Иисус Христос мене ради родися, распятие претерпе и смертию пострада». Письма к матери свидетельствуют о нежности сердца архипастыря, перед строгостью которого трепетала вся епархия. Он покупал и сам колол дрова для бедных вдов и сирот. Тайно оказывал денежную помощь: в ночь на Рождество из-за болезни келейника сам разнес ее и, неузнанный, был избит своим привратником, которого простил, одарил, но заставил молчать. Постоянно кормил бедняков, посылал пищу заключенным в тюрьмах.

Все дела милосердия владыка Иоасаф старался творить так, «чтобы левая рука не знала, что делает правая» (Мф. 6,3). Но Господь иногда открывал людям их тайного благодетеля. Однажды келейник по поручению Владыки, купив на базаре дрова, приказал извозчику отвезти их во двор бедной семьи, но не говорить, от кого они присланы. Хозяйка дома, вдова с тремя малолетними детьми, хотела было узнать у извозчика, кто прислал дрова, но, подняв глаза вверх, увидела в воздухе «в сиянии» святителя Иоасафа.

Святой Иоасаф — строгий подвижник, проведший в течении 30 лет свой дух через искус трудных подвигов иноческого делания и непрестанно ведший свой разум по пути заповедей Господних, удостоился получить от Господа дар духовного видения и прозрения. Так, однажды пред Троицыным днем, крестьяне хутора Угрюма прибыли к святителю Иоасафу просить благословения и молитв о ниспослании дождя, потому что стояла сильная засуха и червь подтачивал хлеб. Выслушав их просьбу, святитель обратился к стоявшему тут же своему кучеру и приказал ему к завтрашнему дню приготовить сани для поездки в указанное место. Услышав такое приказание, отданное в знойный день летом, когда стояла необычайная засуха, крестьяне недоумевая переглядывались между собой. Заметив это недоумение, святитель еще раз твердо и определенно повторил свое приказание, подчеркнув, что к завтрашнему дню должны быть приготовлены именно сани. К утру выпал обильный снег, от таяния которого образовавшаяся влага поддержала урожай, согнав с полей червя.

Незадолго до своей кончины святитель Иоасаф, с благословения Святейшего Синода, отправился в Киевскую епархию и в родной город Прилуки, для свидания с родителями. Прощаясь со своей Белгородской паствой, он сказал, что они уже более не увидят его живым, просил у всех прощения и в свою очередь сам всем простил и благословил. В июле 1754 года святитель в последний раз посетил родительский дом. Выйдя из экипажа, поклонился отцу в ноги. Узнав, что храм, строившийся родственниками, не завершен, он заставил брата поспешить и достроить придел. Распорядился, чтобы просфоры выпекали только из белой муки.

Посетив свое родное гнездо, святой Иоасаф в середине сентября 1754 года отправился обратно в богоспасаемый град Белгород. Но по предсказанию святителя, Белгород ему не суждено было больше увидеть живым. Остановившись в селе Грайворон, где была его архиерейская вотчина, он тяжело заболел. Проведя более двух месяцев на одре болезни, святитель приготовил себя к отшествию в вечную жизнь елеосвящением, исповедью и причастием Святых Тайн Господних и 10 декабря 1754 года в 5-м часу пополудни, тихо предал дух свой Богу, прожив 49 лет, 3 месяца и 2 дня.

В час блаженной кончины святого Иоасафа игумен Хотмыжского монастыря Исаия во время послеобеденного отдыха видел следующее знаменательное сновидение. Виделось игумену, будто он находился у архипастыря Иоасафа в Белгороде, причем святитель, стоя у окна, указывал ему на восток и на ярко восходившее солнце, сиявшее ослепительным светом, и сказал: «Как сие солнце ясно, так светло я предстал в сей час престолу Божию». Пробудившись от сна, игумен заметил час видения и без промедления отправил послушника в Грайворон узнать о здоровье святителя. Вскоре послушник доставил ему весть о том, что архипастырь Иоасаф отошел в блаженную вечность в момент явления его игумену.

Тихо в Бозе скончавшегося святого Иоасафа облекли в голубой парчовый саккос, в омофор розовой парчи и в подризник из красной материи. На голову его была возложена митра (зеленого бархата) с жемчужным украшением. 15 декабря, после заупокойной литургии в домашней церкви грайворонского архиерейского дома, тело почившего владыки было отправлено в г. Белгород для погребения. Два с половиной месяца после блаженной кончины святого Иоасафа честное тело его во гробе стояло открыто в Свято-Троицком соборе, не предаваясь тлению и не теряя обычного цвета и вида. В этом нетлении многие из верующих в Триединого Бога видели знамение благодати Божией, почивающей на святителе. Тело почившего архипастыря оставалось непогребенным по 28 февраля 1755 года, потому что назначенный Святейшим Синодом для совершения погребения честного тела святого Иоасафа Переяславский и Борисопольский преосвященный Иоанн (Козлович) был задержан разлитием рек.

Почивший святитель в одну ночь явился во сне наместнику кафедрального собора Матфею Млодзинскому, секретарю духовной консистории Ивану Данилевскому и прибывшему из Полтавы родному брату своему Андрею Андреевичу Горленко и высказал свое сожаление о том, что владыка Иоанн медлит с его погребением. Лишь 28 февраля 1755 года в сослужении многочисленного сонма пастырей Церкви Божией, гроб с телом архипастыря-подвижника Иоасафа был поставлен в склепе (в юго-западной части Белгородского Свято-Троицкого собора), который был сооружен по повелению почившего святителя.

Спустя 2 года по погребении святого Иоасафа некоторые из духовных чинов кафедрального собора, зная святую жизнь архипастыря, тайно пошли в его усыпальницу и открыли гроб. При этом не только тело святителя было нетленным во всех своих составах, но и к самим одеждам его, покрову и самому гробу не коснулось даже малейшее тление, хотя и чувствовалась достаточная сырость в воздухе при открытии склепа. Слух об этом вскоре распространился повсюду, и стал привлекать ко гробу святителя многих недужных, которые по совершении панихид о преставившемся святителе допускаемы были к нетленным мощам его, и по вере своей получали исцеления.

По ходатайству епископа Курского Питирима через 156 лет после кончины святителя Иоасафа, он был причислен к лику святых.

Открытие его мощей было совершено 4 (17) сентября 1911 года.

В 1920 году произошло надругательство над святыней: мощи святого Иоасафа были извлечены из гробницы, отправлены в Москву и выставлены в музее Наркомздрава. Затем их перевезли в Ленинград и поместили в экспозицию Музея истории религии и атеизма.

17 сентября 1991 года мощи святителя Иоасафа после более чем семидесятилетнего отсутствия вновь были возвращены в Белгородский Преображенский собор, где и находятся в настоящее время.

 

По благословению

митрополита Херсонского и Таврического Иоанна